اختلاف الهدرة في الدزاير مبين شكون الصح و شكون الغالط

zomoroda

:: عضو منتسِب ::
إنضم
17 ديسمبر 2011
المشاركات
15
نقاط التفاعل
0
النقاط
2
السلام عليكم يا ناس الخير
علاه حنا الجزائريين نضحكو على هدرت بعضانا مثلا العاصمي يقول التريق والوسط يقول :الطريق و كاين لي فخم الحروف و كاين لي خفف بصح هذا معينيش أنو العاصمي نطقو صحيح لأن لا يوجد قاعدة نستندو عليها و إذا رجعنا اللغة العربية نلقاو العاصي غالط في شي كلمات
أنا خيرت العاصمي لأني ككل الجزائرين نتخذو العاصمي هو مثال كلش الأناقة التحضر....
أنا ماني قاصده والو من الموضوع و نحب قع الجزائريين بصح حبيت نعرف علاه ؟
مبيد المنتدى اسموا واش راك تهدر
شكرا لانتباهكم*
 

أهلا بيك زمردة
أنا نحير شوي برك في التأنيث والتذكير
ألي يخاطبو الراجل بالمؤمنث
والطفلة بالمذكر
هنا تقدري تقولي غلطة و لالا ؟؟؟
بصح عادي تعجدبني هدرتهم وخاصة جماعة عنابة ههههه
هاني رشيتهم هكذا باش مايزعفوش ههه
 
هذا من التخلف نتاعنا ، الناس طلعت للقمر وحنا نتبعو في بعضانا هدا يهدر كذا ولاخر كذا والفايدة مكانش الحصول كاينة ناس ماشاء الله عليهم معندهم حاجة في هادي العقلية بارك الله فيك اختي​
 
هههههههه
شكرا ليك
والله انتي هنا راكي تهدري على الجهوية
ويا خي كل واحد وكل جيهة وكيفاش يهدرو المهم نفهمو بعضانا وخلاص
مكاش حاجة علاه كاين اختلاف وخلاص
 
سلام علييكم حنونة

والله انا مانضحك على حتى هدرة وكامل يعجبوني مي انا نحير برك في هاذوك لي كيما قال الاخ سفيان المراة يكلموها بصيغة الرجال والعكس صحيح
وانا تاني الهدرة لي تعجبني بزاف ونحبها هي هدرة عنابة نحسها حلوة فالنطق
تقبلي مروري المتواضع
 
السلام عليكم
لا يا اختي عادي جدا مع انني لا اكدب بعض اللهجات لا احبها لكن ما نزعقش عليهم خلاص اما اللهجة تاعي ما نحشمش بيها خلاص مع اني قعدت في العاصمة 4 سنين و ما نكدبش و بكل صراحة هاد الطبع تاع التمسخير على اللهجات قليل بزاف بزاف في الولايات االخرى و ما تزعفوش مني يا عاصميين هاد الطبع عندكم انتم
 
كل لهجات الجزائرية حلوة من الشمال الى الجنوب و من الشرق الى الغرب...و المتخلف لمازال فيه طبع التمسخير على اللهجات هو من الجاهلية و اصلا ماش متحضر شخصيا لانه بكل بساطة الناس راهى تكتشف فى كواكب اخرى و احنا..............ربى يهدى عقول ناس لمازالت فى الجاهلية مازال موصلهاش الاسلام
 
ذرك ولات كل اللهجات مفهومة
لتطور وسائل التواصل الإجتماعي بين المجتمع
 
نتخذو العاصمي هو مثال كلش الأناقة التحضر...

مليح مليح ذاك التحضر لي رانا نشوفو فيه

افار الهدرة انا فالمدرسة ملي نشفى وانا نقرا "الطريق" ماشي "التريق"
اختي كل ماتتوجهي مالشمال للجنوب تلقاي اللسان عربي اصيل
والعربية لغة القرآن بويسك راني نشوف بزاف ناس دوروها فرونسي

وتحيا لهجة الوسط
هدرتنا عروبية نورمال
ماهي تاع تقلاش
ماهي عوجة
ماهي مرخية
ماوالو
كي تسمعها صح راك تسمع في واحد يهدر



صحيتووووو
 

أهلا بيك زمردة
أنا نحير شوي برك في التأنيث والتذكير
ألي يخاطبو الراجل بالمؤمنث
والطفلة بالمذكر
هنا تقدري تقولي غلطة و لالا ؟؟؟
بصح عادي تعجدبني هدرتهم وخاصة جماعة عنابة ههههه
هاني رشيتهم هكذا باش مايزعفوش ههه

تعجبكي هدرتنا هههه
والله مالا حنا نموتو على الشاوية وبالخصوص ناس باتنة
والحق الحق كي نجي لعندكمم نبقا نعس في هدرتكم
ياسر تعجبني خاطر مسرحة
والباتنية يحيرو في هدرتي ههههههههههههههههههههههههه
 
تعجبكي هدرتنا هههه
والله مالا حنا نموتو على الشاوية وبالخصوص ناس باتنة
والحق الحق كي نجي لعندكمم نبقا نعس في هدرتكم
ياسر تعجبني خاطر مسرحة
والباتنية يحيرو في هدرتي ههههههههههههههههههههههههه


هههههههههههههههه
أيا مليح تبادل إعجاب ههههههه
حنا الباتنية هدرتنا مفهومة وعادي ومسرحة كيما قلتي
مام تاع سطيف على إختلاف شوي في بعض الكلمات ....
 
كاين دراسة لسانية تقول بلي الدارجة نتاع ولايتي المسيلة والبرج أقرب إلى الفصحى بحكم احتكاكهم بالقبائل العربية بنو هلال وبنو سليم وأن النغمة الموسيقية لدى الولايتين أفصح. وهذا ما جعل اللغة الأم عندهما (القبائلية) تكون أفصح أيضا إذ لم يقوموا بتطويع لغتهم إلى العربية بل كانوا يستعملون اللغتين معا كل على حدى.
وأناتعجبني بزاف لهجات بلادي
 


قد تكون اللهجة متبدلة و مختلفة

قد تكون طريقة التفكير و التحضر متبدلة

بصح الحاجة المهمة انو تجمعنا ديك النجمة و الهلال


 
أهلا بيك زمردة
أنا نحير شوي برك في التأنيث والتذكير
ألي يخاطبو الراجل بالمؤمنث
والطفلة بالمذكر
هنا تقدري تقولي غلطة و لالا ؟؟؟
بصح عادي تعجدبني هدرتهم وخاصة جماعة عنابة ههههه

هاني رشيتهم هكذا باش مايزعفوش ههه



احم احم و الله حشمتينا
و الله راك غير انت لي تعجبك هدرتنا
كاين اعضاء هنا كي كتبت موضوع مافهموش هدرتي:cra_zy:
كبما انا تعجبني الشاوية خصوصا باتنة
وحج النهار جات وحدة لعنابة سقساتني على حفافة مليحة
وريتلها البلاصة و زلقت قلتلها و الله عجبتني هدرتك
قالتلي راني شاوية من باتنة
 
سلام علييكم حنونة



والله انا مانضحك على حتى هدرة وكامل يعجبوني مي انا نحير برك في هاذوك لي كيما قال الاخ سفيان المراة يكلموها بصيغة الرجال والعكس صحيح
وانا تاني الهدرة لي تعجبني بزاف ونحبها هي هدرة عنابة نحسها حلوة فالنطق

تقبلي مروري المتواضع



حتى انتي تعجبك هدرتنا ممممم مرسي اختي:sheer:
 
شخصيا ما عندي حتى مشكل مع اي لهجة و ربي عز و جل يقول خلقناكم شعوبا و قبائل لتعارفوا يعني بما فيها اختلاف الالسنة و البشرة و و و . .. . اجد الامر عادي اما الذي يحب الانتقاد او مشابه ذلك فهو لعقدة ما او رمبا سخرية . . .
w vive l'algerie bkol nassha
 
هكذا التفرقة

درك تلقى الجزايريين يضحكو على بعضاهم

وكي يروح الجزايري عند لعرب يضحكو على هدرتو

ولعرب بين بعضاهم يضحكو على بعضاهم وهيا ماشية



هذي طبيعة بني آدم تبانلي
 
احم احم و الله حشمتينا

و الله راك غير انت لي تعجبك هدرتنا
كاين اعضاء هنا كي كتبت موضوع مافهموش هدرتي:cra_zy:
كبما انا تعجبني الشاوية خصوصا باتنة
وحج النهار جات وحدة لعنابة سقساتني على حفافة مليحة
وريتلها البلاصة و زلقت قلتلها و الله عجبتني هدرتك

قالتلي راني شاوية من باتنة


ههههههههه
انا كانو يقراو معايا خرين عنانبة تعجبني هدرتهم والله
يعجبني الها ألي يكملو به الهدرة تاعهم هههه
هدرتنا باهية معدولة وخفيفة ممفهومة :shay:
 
ههههههههه

انا كانو يقراو معايا خرين عنانبة تعجبني هدرتهم والله
يعجبني الها ألي يكملو به الهدرة تاعهم هههه

هدرتنا باهية معدولة وخفيفة ممفهومة :shay:



وش من ها
اعطيتي اكزومبل
 
وش من ها
اعطيتي اكزومبل


ههههههه
تصلح في الهدرة ماشي فلكتيبة

مثلا كي تقولو واش فيها
مانعرف كيفاه تنطقو الها ههههه
كلي تقولو واش فاها هههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top