اقراو من آخر جملة إلى أول جملة (بالمقلوب) d:

أم راضية ~_

:: عضو بارز ::
أحباب اللمة
إنضم
4 جوان 2011
المشاركات
3,063
نقاط التفاعل
3,058
النقاط
191
و السلام عليكم ورحمة الله تعالى وبركاته
نخليكم في رعاية الله وحفظه
سأعود إن كنت في الوجود.
إلى اللقاء إن كان للعمر بقاء.
او دوكا قولولي نتوما تاني تسألو هكدا اسئلة ؟؟
اللي موالف هكدا معليش ما نحشموهش يحط برك تقييم و يضرب النح :shiny:
و اللي كيما انا يتقلق من هاد (السوآلات) يعطينا رد شباب :sheer:
{السوآلات جمع خاص بيا كرهت من تكرار كلمة الاسئلة } :showoff:

*ياااااا ربي من هاد العباد والمشكل ما يحشموش و يسقسوك نووووورمال

*نروحو دوكا للأسئلة التقرعيجية كيما تعرفو رانا محطمين الرقم القياسي في التقرعيج يعني اكيد اكيد رح تسمعو اسئلة من النوع شحال بعت الطونوبيل تاعك ؟ شحال دفعو لهاديك العروسة ؟ وقتاش خالك جا من فرنسا ؟ واش جاب معاه ؟

*كاين تاني نوع آخر تاع الاسئلة هو )شوية بزااف( بايخ و ما زال ماعرفتش الغرض منو و هو مثلا يسقسو الناس اللي تقرا: واش راك حافظ , راكي تريفيزي؟؟ بيناتنا وين راهي الفايدة كي تسأل هكدا سؤال؟؟؟ في رايي كاين زوج احتمالات يا باش تحسد يا باش تعمر الفراغات اللي عندك بويسك ماكانش سوجي تحكي فيه مع كل احتراماتي اللي موالف يهدر بهاد الاسئلة

*و كاين تاني زعمة تكون قاعد في بلاصة وحدك تقرا في كتاب ولا تكتب ولا تاكل يجي ليك واحد راهو يشوف فيك واش راك ادير بصح زكاااارة في الوزارة و لضرورة الصيغة الاستفهامية يسقسيك وااااش راك ادير ؟؟ و نتا بكل غباااء و روح جايحة تقولو واش راك ادير .

*نبداو بالأسئلة الي ما عندها حتى معنى و أجوبتها سخييييفة و تعيي أكثر منها كيما مثلا كي يطبطب واحد في الباب الي يكون رح يحل يقول شكون ؟؟ كيشغول اللي راهو ورا الباب رح يقول الاسم ياك يجاوبو انا هههههههه

و راهو يحكي على الأسئلة تاعنا اللي أكيد كااااامل جازت عليكم و راهي جايزة من جيهتكم.

انا اليوم رح نقولكم هادا $ آخر موضوع ليا $ حتى بعد الباك ان شاء الله
والفتو تشوفو في بداية الموضوع : *هادا أول موضوع ليا *

إن شاء الله تكونو ملاح بخير و على خييير
السلام وعليكم
 
آخر تعديل بواسطة المشرف:
أهلا بيك يلديز
يعطيك الصحة على الموضوع الباهي
انا ثاني نغلب من هذ العقلية
والحمد لله ياربي ألي ماعنديش العقلية تاع نسقسي الناس ونحوس نفهم
الحمد لله ياربي
تجيني عيب نقول لواحد وين كنت، ولا واش راح ادير، ولا وينهو خوك ولا حاجة هكذا
الناس ماتحشمش
ونحير فلي زعما يجيو من باب الخير باش يقرعج
يقلك والله فلان ناس ملاح عندي بزاف ماشفتوش وين راهو ؟؟؟؟
أمشي تلعب على روحك قرعج ديراكت خليك من التنيفيق ...
ولا واش مانحملش ألي يقلي وين راك رايح ؟؟؟ افففففففف
يعطيك الصحة على الموضوع الباهي
+ تقييم
 
شكرا لقبول الموضوع
وشكرا على التقييم (ماوصلني والو )اييه حنا عندنا كي زعمة تسقسي خاوتي وين راك رايح يقولها برا ولا راني جاي :scared:
شوف داك الجوااب :cra_zy: انا شحااااااال نتقلق
وشفت التنوفيق تاعهم ياخي ياخي :schmoll:
صحيت على الرد
:re_gards:
 
شكرا لقبول الموضوع
وشكرا على التقييم (ماوصلني والو )اييه حنا عندنا كي زعمة تسقسي خاوتي وين راك رايح يقولها برا ولا راني جاي :scared:
شوف داك الجوااب :cra_zy: انا شحااااااال نتقلق
وشفت التنوفيق تاعهم ياخي ياخي :schmoll:
صحيت على الرد :re_gards:


ههههههههههههههه
والله التقييم نسيتو
استناي دقيقة يوصل
 
وعليكم السلام ورحمة الله
أهلا بيك يلديز الغالية
أولاً نتمنالك عودة ميمونة وإن شاء الله ترجعيلنا بمعدل ملييييييييييح وناجحة بإذن الله
ربي يوفقك
ثانيًا موضوعك مليح ياااسر. صح، هاذي عادة فينا تقريبا كامل الجزائريين
ومن الأسئلة البايخة لي تضحكني كي توصلي لبلاصة ويقولولك جيتي؟ :cra_zy: :eek:_o: وقتها ما نعرف وش نجاوب، نولي نقول لا، مازلت في الطريق :shiny:
+
هاكي أحلى تقييم
ربي يوفقك ويبارك فيك وفي والديك

 
وعليكم السلام ورحمة الله
أهلا بيك يلديز الغالية
أولاً نتمنالك عودة ميمونة وإن شاء الله ترجعيلنا بمعدل ملييييييييييح وناجحة بإذن الله
ربي يوفقك
ثانيًا موضوعك مليح ياااسر. صح، هاذي عادة فينا تقريبا كامل الجزائريين
ومن الأسئلة البايخة لي تضحكني كي توصلي لبلاصة ويقولولك جيتي؟ :cra_zy: :eek:_o: وقتها ما نعرف وش نجاوب، نولي نقول لا، مازلت في الطريق :shiny:
+
هاكي أحلى تقييم
ربي يوفقك ويبارك فيك وفي والديك




إن شاء الله :rolleyes: إن شاء الله :rolleyes:
شفتي شفتي انا ديرهالي ماما كلما تقولهالي نقولها لالا مزال تولي تضحك وتقولي واش نقول تخرجي فيا ههههههه
صحيتي على كل شي و على التقييم و ربي يخليك ليا إن شاء الله
 
رايحة نتوحشك يا سوسة
علابالك موحال واحد في الدنيا مايسقسيش لاشته تلقايه مرة على مرة يحب يطلع كيما انا هههه
 
رايحة نتوحشك يا سوسة
علابالك موحال واحد في الدنيا مايسقسيش لاشته تلقايه مرة على مرة يحب يطلع كيما انا هههه



أسكتي برك مام أنا:tears: والله الدموع راهم حابسين في عينيا :shay:
هههههههه إيه فيروس منتشر لازم يظهر من وقت لآخر ههههه
merci liiik
 
مساء النـــــــور
هبلتيني يا اختي كي قريت من آخر جملة عفسة هايلة ، يااااااه وشحال انا قرعاجة ههههههههههه
ايه عندك الحق شفتي تاني واحد يشوفك جيتي ويقولك جيتي؟
ديفوا نجاوب بمالا واش؟ ولا نجاوب بلا مزال ما جيت هههههه
يعطيك الصحة على الموضوع
وربي يوفقك ان شاء الله في الباكالوريا
 
أسكتي برك مام أنا:tears: والله الدموع راهم حابسين في عينيا :shay:
هههههههه إيه فيروس منتشر لازم يظهر من وقت لآخر ههههه
merci liiik
ماتبكيش يا زينة كي اليوم ان شاء الله ترجعي ونشايخو كثر من لول
 
ههههه ايه صح هاد الاسئله رانا كل يوم نسمعوهم هما انورمال لكن حنا والفناهم ولا كي تكون رافد كتاب وتقرا ويقسوك راك تقرا لا راني نلعب :shiny: ولا يعيطولك فلفيكس ويسقسوك راك فدار :scared:
انا اظن انها اسئله توكيديه ههههههه
شكرااااا على المووضووع جميل جدااا وربي يوفقك ان شاااااااااء الله
 
السّلام عليكم ورحمة الله
حبيت برك نقولك ربي يوفقك
ما بقالكش وقت ياسر، العد العكسي بدا .. ربي يكون معاك ويثبتك ويوفقك.
في انتظار نتيجة ملييييييييييحة منك
بالتوفيق
:re_gards:

 
السلاآم عليكم ورحمة الله
والله أسئلة تطلع لاطونسيون تع الصح هههههه
شوفي خصوصا لما يطبطبو عليك ولا تقولهم شكون يقولك أنا ههههههههههههه أنا مرات نتمهبل عليهم نقعد نقول شكون نتاآ ههه
المهم وكاين تاع التيليفون يعيطولك امبعدا يقولك شكون معاآيا شحال تنارفيني هاذي
وأما التقرعيج فهاآذي في كل الجزائريين وأنا نكـــــره التقرعيج تع الصح..خصوصا لما الواحد ما تعرفيهش مليح ويقعد يسأل ..تخيلي مرة كاآنو عندنا الضياف فالله غالب كان عندي شغل نروح عند صحبتي نجيب واحد الصوالح نحتاجهم ..تخيلي يا عباد ربي ناس أول مرة نشوفهم يقولولك وين راكي راآيحة ..أنا سكتت قعدت نقول دروك نحكي قصة حياتي علاجال هادو هههههه لما شافتني ماما تنارفيت قاتلهم أو عندهاآ شغالات تقضيهم وتجي
ربي يعاآفينا من هاد الشيء ياااارب
وشووكرن على الموضوع الباآهي وربي يوفقك وينجحك يااارب ويسهل عليك
قلوبنا معاكم والله
وتقييم دوك نديرو وان شاء الله ما ننساهش هههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top