اقراو من آخر جملة إلى أول جملة (بالمقلوب) d:

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
و السلام عليكم ورحمة الله تعالى وبركاته
نخليكم في رعاية الله وحفظه
سأعود إن كنت في الوجود.
إلى اللقاء إن كان للعمر بقاء.
او دوكا قولولي نتوما تاني تسألو هكدا اسئلة ؟؟
اللي موالف هكدا معليش ما نحشموهش يحط برك تقييم و يضرب النح :shiny:
و اللي كيما انا يتقلق من هاد (السوآلات) يعطينا رد شباب :sheer:
{السوآلات جمع خاص بيا كرهت من تكرار كلمة الاسئلة } :showoff:

*ياااااا ربي من هاد العباد والمشكل ما يحشموش و يسقسوك نووووورمال

*نروحو دوكا للأسئلة التقرعيجية كيما تعرفو رانا محطمين الرقم القياسي في التقرعيج يعني اكيد اكيد رح تسمعو اسئلة من النوع شحال بعت الطونوبيل تاعك ؟ شحال دفعو لهاديك العروسة ؟ وقتاش خالك جا من فرنسا ؟ واش جاب معاه ؟

*كاين تاني نوع آخر تاع الاسئلة هو )شوية بزااف( بايخ و ما زال ماعرفتش الغرض منو و هو مثلا يسقسو الناس اللي تقرا: واش راك حافظ , راكي تريفيزي؟؟ بيناتنا وين راهي الفايدة كي تسأل هكدا سؤال؟؟؟ في رايي كاين زوج احتمالات يا باش تحسد يا باش تعمر الفراغات اللي عندك بويسك ماكانش سوجي تحكي فيه مع كل احتراماتي اللي موالف يهدر بهاد الاسئلة

*و كاين تاني زعمة تكون قاعد في بلاصة وحدك تقرا في كتاب ولا تكتب ولا تاكل يجي ليك واحد راهو يشوف فيك واش راك ادير بصح زكاااارة في الوزارة و لضرورة الصيغة الاستفهامية يسقسيك وااااش راك ادير ؟؟ و نتا بكل غباااء و روح جايحة تقولو واش راك ادير .

*نبداو بالأسئلة الي ما عندها حتى معنى و أجوبتها سخييييفة و تعيي أكثر منها كيما مثلا كي يطبطب واحد في الباب الي يكون رح يحل يقول شكون ؟؟ كيشغول اللي راهو ورا الباب رح يقول الاسم ياك يجاوبو انا هههههههه

و راهو يحكي على الأسئلة تاعنا اللي أكيد كااااامل جازت عليكم و راهي جايزة من جيهتكم.

انا اليوم رح نقولكم هادا $ آخر موضوع ليا $ حتى بعد الباك ان شاء الله
والفتو تشوفو في بداية الموضوع : *هادا أول موضوع ليا *

إن شاء الله تكونو ملاح بخير و على خييير
السلام وعليكم
 
آخر تعديل بواسطة المشرف:

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
أهلا بيك يلديز
يعطيك الصحة على الموضوع الباهي
انا ثاني نغلب من هذ العقلية
والحمد لله ياربي ألي ماعنديش العقلية تاع نسقسي الناس ونحوس نفهم
الحمد لله ياربي
تجيني عيب نقول لواحد وين كنت، ولا واش راح ادير، ولا وينهو خوك ولا حاجة هكذا
الناس ماتحشمش
ونحير فلي زعما يجيو من باب الخير باش يقرعج
يقلك والله فلان ناس ملاح عندي بزاف ماشفتوش وين راهو ؟؟؟؟
أمشي تلعب على روحك قرعج ديراكت خليك من التنيفيق ...
ولا واش مانحملش ألي يقلي وين راك رايح ؟؟؟ افففففففف
يعطيك الصحة على الموضوع الباهي
+ تقييم
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
شكرا لقبول الموضوع
وشكرا على التقييم (ماوصلني والو )اييه حنا عندنا كي زعمة تسقسي خاوتي وين راك رايح يقولها برا ولا راني جاي :scared:
شوف داك الجوااب :cra_zy: انا شحااااااال نتقلق
وشفت التنوفيق تاعهم ياخي ياخي :schmoll:
صحيت على الرد
:re_gards:
 

ماكانش

:: عضو شرفي ::
إنضم
15 جوان 2010
المشاركات
7,696
النقاط
351
شكرا لقبول الموضوع
وشكرا على التقييم (ماوصلني والو )اييه حنا عندنا كي زعمة تسقسي خاوتي وين راك رايح يقولها برا ولا راني جاي :scared:
شوف داك الجوااب :cra_zy: انا شحااااااال نتقلق
وشفت التنوفيق تاعهم ياخي ياخي :schmoll:
صحيت على الرد :re_gards:

ههههههههههههههه
والله التقييم نسيتو
استناي دقيقة يوصل
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
وعليكم السلام ورحمة الله
أهلا بيك يلديز الغالية
أولاً نتمنالك عودة ميمونة وإن شاء الله ترجعيلنا بمعدل ملييييييييييح وناجحة بإذن الله
ربي يوفقك
ثانيًا موضوعك مليح ياااسر. صح، هاذي عادة فينا تقريبا كامل الجزائريين
ومن الأسئلة البايخة لي تضحكني كي توصلي لبلاصة ويقولولك جيتي؟ :cra_zy: :eek:_o: وقتها ما نعرف وش نجاوب، نولي نقول لا، مازلت في الطريق :shiny:
+
هاكي أحلى تقييم
ربي يوفقك ويبارك فيك وفي والديك

 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
وعليكم السلام ورحمة الله
أهلا بيك يلديز الغالية
أولاً نتمنالك عودة ميمونة وإن شاء الله ترجعيلنا بمعدل ملييييييييييح وناجحة بإذن الله
ربي يوفقك
ثانيًا موضوعك مليح ياااسر. صح، هاذي عادة فينا تقريبا كامل الجزائريين
ومن الأسئلة البايخة لي تضحكني كي توصلي لبلاصة ويقولولك جيتي؟ :cra_zy: :eek:_o: وقتها ما نعرف وش نجاوب، نولي نقول لا، مازلت في الطريق :shiny:
+
هاكي أحلى تقييم
ربي يوفقك ويبارك فيك وفي والديك



إن شاء الله :rolleyes: إن شاء الله :rolleyes:
شفتي شفتي انا ديرهالي ماما كلما تقولهالي نقولها لالا مزال تولي تضحك وتقولي واش نقول تخرجي فيا ههههههه
صحيتي على كل شي و على التقييم و ربي يخليك ليا إن شاء الله
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
رايحة نتوحشك يا سوسة
علابالك موحال واحد في الدنيا مايسقسيش لاشته تلقايه مرة على مرة يحب يطلع كيما انا هههه
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
رايحة نتوحشك يا سوسة
علابالك موحال واحد في الدنيا مايسقسيش لاشته تلقايه مرة على مرة يحب يطلع كيما انا هههه


أسكتي برك مام أنا:tears: والله الدموع راهم حابسين في عينيا :shay:
هههههههه إيه فيروس منتشر لازم يظهر من وقت لآخر ههههه
merci liiik
 

*ليديا*

:: عضو مُتميز ::
إنضم
24 جانفي 2009
المشاركات
1,418
النقاط
77
مساء النـــــــور
هبلتيني يا اختي كي قريت من آخر جملة عفسة هايلة ، يااااااه وشحال انا قرعاجة ههههههههههه
ايه عندك الحق شفتي تاني واحد يشوفك جيتي ويقولك جيتي؟
ديفوا نجاوب بمالا واش؟ ولا نجاوب بلا مزال ما جيت هههههه
يعطيك الصحة على الموضوع
وربي يوفقك ان شاء الله في الباكالوريا
 

nawal 88

:: عضو فعّال ::
إنضم
20 أوت 2008
المشاركات
2,536
النقاط
157
أسكتي برك مام أنا:tears: والله الدموع راهم حابسين في عينيا :shay:
هههههههه إيه فيروس منتشر لازم يظهر من وقت لآخر ههههه
merci liiik
ماتبكيش يا زينة كي اليوم ان شاء الله ترجعي ونشايخو كثر من لول
 

همسة محبه

:: عضو منتسِب ::
إنضم
26 ماي 2012
المشاركات
23
النقاط
3
ههههه ايه صح هاد الاسئله رانا كل يوم نسمعوهم هما انورمال لكن حنا والفناهم ولا كي تكون رافد كتاب وتقرا ويقسوك راك تقرا لا راني نلعب :shiny: ولا يعيطولك فلفيكس ويسقسوك راك فدار :scared:
انا اظن انها اسئله توكيديه ههههههه
شكرااااا على المووضووع جميل جدااا وربي يوفقك ان شاااااااااء الله
 

إنسانة ما

:: عضو شرفي ::
إنضم
28 سبتمبر 2011
المشاركات
1,913
النقاط
79
محل الإقامة
تبسة
الجنس
أنثى
السّلام عليكم ورحمة الله
حبيت برك نقولك ربي يوفقك
ما بقالكش وقت ياسر، العد العكسي بدا .. ربي يكون معاك ويثبتك ويوفقك.
في انتظار نتيجة ملييييييييييحة منك
بالتوفيق
:re_gards:

 

حالمة بالجنة

:: عضو مُتميز ::
إنضم
12 ديسمبر 2009
المشاركات
1,020
النقاط
37
السلاآم عليكم ورحمة الله
والله أسئلة تطلع لاطونسيون تع الصح هههههه
شوفي خصوصا لما يطبطبو عليك ولا تقولهم شكون يقولك أنا ههههههههههههه أنا مرات نتمهبل عليهم نقعد نقول شكون نتاآ ههه
المهم وكاين تاع التيليفون يعيطولك امبعدا يقولك شكون معاآيا شحال تنارفيني هاذي
وأما التقرعيج فهاآذي في كل الجزائريين وأنا نكـــــره التقرعيج تع الصح..خصوصا لما الواحد ما تعرفيهش مليح ويقعد يسأل ..تخيلي مرة كاآنو عندنا الضياف فالله غالب كان عندي شغل نروح عند صحبتي نجيب واحد الصوالح نحتاجهم ..تخيلي يا عباد ربي ناس أول مرة نشوفهم يقولولك وين راكي راآيحة ..أنا سكتت قعدت نقول دروك نحكي قصة حياتي علاجال هادو هههههه لما شافتني ماما تنارفيت قاتلهم أو عندهاآ شغالات تقضيهم وتجي
ربي يعاآفينا من هاد الشيء ياااارب
وشووكرن على الموضوع الباآهي وربي يوفقك وينجحك يااارب ويسهل عليك
قلوبنا معاكم والله
وتقييم دوك نديرو وان شاء الله ما ننساهش هههه
 
Top