تطبيقي لميلفاي بسومة

[ام قصي]

ايشبه الكلش غير للميلفاي :shay::cra_zy::schmoll::sad:كيكملتو وليت امدايرى كيما 4 هاذوم
الرابط تالوصفة الاصلية
https://www.4algeria.com/forum/t/334286
​

 

[merieme hassi]

هههههههههههههههههههههههههههههههههههههه
معليش المرة الجاية
بالصحة و الهنا

 

[ام قصي]

شكرا مر يم حاسي على مواساتك لي راجلي قالي درتينا الرخسيس بلكرام باتسيار راني محبطة من فضلكم ادخلو واسيوني
​

 

[merieme hassi]

معليش المرة الجاية يا الحبيبة حتي واحد مزاد معلم
المرة الجاية متوريلهش و خبيها عليه
متقلقيش روحك حنونة كامل صرالنا هدا الموقف
ربي يهنيك

 

[وفاء5]

ما عليش اختي ما تزعفيش انا تاني قلتلهم فالدار راح نديرلكم كرواصو قعد وليدي يستننننى :sheer: مع اللخر خرجلي :scared::scared::scared:قالي راجلي نهار تحبي تجربي حاجة ماتقوليش اسمها باش ادا ما انجحتلكش نقولو ا درتينا كاش وصفة جديدة :schmoll::schmoll:.
وجربتو للمرةا لثانية وجا ................:tears:_o:_o:
ما عليش اختي ام قصي ما تزعفيش رانا في الهوا سوىi-o:
مشكوووووووووووورة على التطبيق.

 

[عشقي الامارات]

اييييييييي اختي ام قصي المهم المشاركة قوليلو
ههه تصرالنا كتر من هكدا
يا ختي بصحتك

 

[ام قصي]

شكرا لعشقي الامارات وفاء 5:shay:في الهواء سوى:cra_zy:
​

 

[ibtesem]

تعرفي عجبني في كل شئ غير تخليطة تاع الشيكولة خلعتني_o:
مي نقولك حاجة انا واش خلطت ديراكت لابوبال:cra_zy: نخاف نهدر :sheer:
عجينة المورقة شبعت تجارب فيها الى ان لقيت الحل الحمد لله
مرة الجاية ان شاء الله تعاوديها وتفرحينا احنا:sheer: وتفرحي دارك :sheer:خاصة:santa_1:ههههه

 

[Nilüfer]

ma3lich hanouna il faut

mééé m'mara l'jaya inchallah yjii kééééééér

bssahtek

 

[nadin86]

المهم جربتيه سير المرة الجاية يخرجلك هايل انشاء الله

 

[homework]

يعطيك الصحة المهم المحاولة زيد عاوديه يصلح غير الديكوراسيون لي فسدتلك مي كل شيئ من يديك مليح

 

[كوثر الوهرانية]

شوفي يا اختي اولا نقولك الله يعطيك الصحة اختي على التطبيق
ثانيا نقولك راكي درتيه شباب يعني راه مورق و مقطع مليح غير التزيين شويا ناقص
شكيت قلساج الشكلاطة يبسلك
ان شاء الله المرة الجاية التزيين يجيك مليح موفقة بادن الله و اكيدي البنة جاك روعة

 

[ibtesem]

تعرفي ام قصي راكي جبتيه هايل ومورق تاع
ماتفشليش خلاص غير في الشكولة يمكن كانت شوية جامدة

 

[ام قصي]

الف شكر

اشكر بسومة كوثر الوهرانية home workنادين86 وفاء تيم على مواساتكم :cra_zy: واعتذرعلى الخلعة_o:لدرتها لبسومة على الخلطة انتاع الشيكولا المهم راني في البخس قالي انتي انتاع mil trou يعني لغرايف ما كيشي انتاع ميلفاي واش راح ايفوتلي الليلة هذي:schmoll::santa_1:
​

 

[كوثر الوهرانية]

علاش يا اختي نقولك عاوديه و بينيله بلي نتي شاطرة في كل شيك

 

[روعة2005]

معليش ام قصي حظ اوفر المرة الجاية

 

[ibtesem]

هههههههههههههه
والله وحد ك ام قصي ربي اخليك اختي
تفوت ليلة وتبقى غير دكرة هههههههههههه
تعاودينا الميل فاي نكلوهىفي صحين تاع الدار والاولاد ادورو علينا هههههههههههه

 

[ام ايناس وفاروق]

المهم اختي ام قصي جربتيه المرة الجاية راه يخرجلك هايل
تطبيق رائع حنونة

 

[ام قصي]

شكرا ام ايناس وفاروق على المواساة ههههههههه خيرها في غيرها انصبر روحي او افرات
​

 

[ام خديجة1]

يا اختي ام فصي والكذب علاه والله جاك روعة مورق ويبان ميلفاي في القصة ويبقى الكلاصاج المرة الجاية يجيك روعة يا اختي الكوراج برك واللي يزيد كلمة قولو يشمر على درعيه ويقول بسم الله ويخدمو خير على نتاعك
مي الصراحة اول مرة نجرب الميلفاي صراتلي نفس حكايتك ههههههه مي درك واحد ما يحل على فمو معايا
خدمتو خير من الاول وعادو يضربو المثل بيا