ماذا ستطبخين سيدتي انستي .........الجزء الثالث عشر ‏

[labed93]

كيفاش درتيهم

 

[merieme hassi]

الله يسلمك اختي
بصحتك الطاجين
بالنسبة للمطلوع على حساب افراد العائلة يعني تقريبا 1كيلو دقيق متوسط+3مغارف صغيرة خميرة فورية +ملعقة كبيرة ملح+ملعقة ص سكر+ 2 ملاعق كبار زيت + 1/2 مغرف صغيرة محسن الخبز améliorant pour pain vanoise و اعجنيها مليح بالما دافي حتى تولي عجينة رطبة ما تكونش طرية بزاف وماشي يابسة خليها تخمر 1ساعة و قرصيها و خليها ترتاح 10 دقائق بينما يسخن طاجين تاع الطين
هيا ديريه للعشا و وريلنا النتيجة
بصحتكم نتمنى نكون شرحتلك مليح

بالنسبة للدقيق الافضل يكون دقيق عمر بن عمر متواجد في كل المحلات هادا الدقيق ممتاز و يصلح لكل شي (مسمن , خبز الدار , مطلوع كلشي)

الله يحفظك يا الحبيبة نجربو و نرد عليك ​

 

[l'algeroise]

هدا غدايا

 

[oumsif]

بصحتكم لبنات اطباكم كلها رائعة يعطيكم الصحة
انا اليوم درت حلوة التراميسو جأت هايلة
اتفضلوا

​

 

[أم صبري]

مساء النور اخواتي بصحتكم وش طيبتو
الجيرواز المفرمسة تسخف بصحتكم
سمورة بصحتك التيراميسو هاداك الطبسي راني ديتو هههه
انا اليوم ما درت والو بنتي هي اللي دارت العشا دارت ساندويتش شاورما
صح عشاواتكم

 

[oumniati]

الله يبارك لالجيرواز وسمورة بصحتكم

ام صبري اواه كي عادت بنتك الله يبارك تعاونك سمي روحك باسمها هههههه بدلي صبري هههه, ربي يحفظها ويباركلك فيهم كامل

 

[أم صبري]

الله يبارك لالجيرواز وسمورة بصحتكم

ام صبري اواه كي عادت بنتك الله يبارك تعاونك سمي روحك باسمها هههههه بدلي صبري هههه, ربي يحفظها ويباركلك فيهم كامل

هههههه الله يبارك فيك و انشاء الله تكبر بنتك وتعاونك و يباركلك ربي في ولادك:sheer::sheer:

 

[نور الحبوبة]

مساء الخير لبنات طيابكم هايل يعطيكم الصحة

 

[ام ايناس وفاروق]

صح عشاواتكم
هذا فطوري تاع اليوم مرقة بالشيفلور وسلطة وبيتزا بقاتل العجينه من البارح

 

[ام ايناس وفاروق]

و هذا عشايا تاع البارح

اليوم كانوا عندي ضياف وحشمت باش نصور
تصبحوا بخير

 

[نور الحبوبة]

يعطيك الصحة ام ايناس وفاروق وان شاء الله دارك ديما عامرة وديما دار الكرم