بعد تحية الإسلام
السلام عليكم و رحمة الله و بركـــاته
و قبل أن أبدأ بموضوعي أود أن ارسل تحياتي و سلامي إلى كل أعضاء اللمة
كبيــــــر / صغيـــر
و خاصـــــــــــة أحبابي وأعضاء فريق
مجموعة نجوم اللمة الجزائـــــــرية
شوفت في مجتمعنا الجزائري قضية اجتماعية غريبة شوية اذا مقلناش يااسر
ما كانوش يعرفوها أبائنا و لا اجددنا بكري
ألا و هي قضية انك تجيب خادمة باش تربيلك ولدك
!!!
و يبقى التعجب يطرح نفسه
اهم شي رانا نشوفو فيه عند الأباء نتوعنا كي يخزرو اخوتنا الصغار هذيك الخزرة نتاع الملائكة نتاع الامل و الحب
و زيد كما على بالكم التربية نتاع هذو الدراري و الاطفال تلعب دور كبير
مالا انتبهت للواحد الحاجة ألا و هي طريقة نتاع التربية للهذو الاطفال
و لاحظتها شحال من مرة
حاجة باينة انو القضايا الاجتماعية راهي ياسر و تختلف حسب الطبيعة لي يعشو فيها البشر
و كي نجيبو خادمة للطفل باش تربيه ان نشوف فيها قضية راهي معمول بيها في مجتمعنا الجزائري و من اهم القضايا ... طفل عندو باباه و يماه بصح نرحو نجيبولو خدامة باش تخدمو و تربيه و هذا ممكن يأثر عليه سلبيا من الجهة الاجتماعية و الاخلاقية
و نقدرو نقولو انو قصة الخدامة راهي منتشرة بشكل كبيرو ممكن نلاقاو اكثر من خدامة او زوج
و بعدها تولي الخدامة تضحك معه و تفوت كل وقتها معاه تقولي هي امو و الام هي الغربية عليه حتى يولي الطفل يتبع كل اعمال و صفات هذيك الخدامة و اي شيء ديرو هي يعود يشوفو هو الصح
و درك نشوفو بعض السلبيات :
تأثير الطفل بأعمال الخدامة
- يولي الطفل بعيد على حنان الام نتاعو الحقيقية
- السلوكيات الغير لائقه ..
-و اهم شيء بعد الترابط نتاع العايلة.
المهم درك انتم يا أعضاء اللمة
واش يعنيلك الولد ؟
هل عندكم خادمة في الدار ؟
و واش راك تشوف في فكرة نتاع الخدامة للولد ؟
هل عندكم خادمة في الدار ؟
و واش راك تشوف في فكرة نتاع الخدامة للولد ؟
احبتي الاعضاء قضيه نعيشها اليوم ولم يكن ابائنا و اجدادنا يعرفوها خلاص , بصح جايا بعقلية نتاع التقدم و جماعتها و لازم نشوفو فيها
و لا واش قلتو ؟؟
اخوكم في الله ابراهيم
أتمنى تفاعلكم جميعا و لا واش قلتو ؟؟
اخوكم في الله ابراهيم
مع تحيات جميع أعضاء نجوم اللمة الجزائرية
انتهى
خاص بللمة الجزائرية فقط و ليس منقول
للإمانة
جميع الحقوق محفوظة
موضوع خـــــــــــــــــــــــــــــ ا صة بللمة لجزائرية فقط
قسم : منتدى واش راك تهدر
و لا يسمح بنقله إلا بعد الاعلام بذالك
