تعقيب تكملة :هل اطلق زوجتي 2

[مشكلتي]

السلام عليكم و رحمة الله ​

قرأت كل تعليقاتكم و ارائكم و استفدت منها بارك الله فيكم جميعا

[/url][/IMG]

ختها قاتلي كملها المصروف زيد بعثلها
كيفاش تصلح هذي يا ناس و الله ما علبالي ادا ولدي حي ولا ميت منيش باخلو و الله لا قبل ما يزيد فرحتلو شريتلو العجب
يما تشري خاوتي هدا الطفل لول يظلو يفرحو بيه مرت خويا عشقت فيه تظل تلعب معاه و تصور فيه هي معقدة منها تقلي نكره باش تلعب معاه
كي كانو ماليها هنا قاتلي اختي صغيرة ( 12سنة ) مرتك مخلاتنيش نبوس خويا صغير فبالي تتمسخر قتلها ارواحي دخلت لقيتهم قاعدين قتلها هاهو خوك اسيدي بوسيه جبداتو عليها قاتلها امشي ما تشويهش خوتاتها حطو يديهم على فامهم قالولها خليها تبوسو رح تهبلي
بيهم قالهم لا عندها صح القطة و تخاف على وليدها ديت اختي و خرجت

هي لحد الساعة واحد ما مدلها الحق من غير باباها
كي نقولو بنتك ما تريبونديش يقلي هذاك تلفون خردة لازمها واحد مليح!!!!؟؟؟؟

كي نقولو بنتك ما دير والو نظل خدام و نجي ندير كلش وحدي يقلي واش فيها انا نغسل حوايجي

هي كي تربيلك هداك الصغير بزاف عليك بنتي لازم تتعامل معاملة خاصة مهيش خديمة و لا بونيشة

خوتاتها كانو يتعاطفو معاها حتى نهار زيدت جاو قالولها لقينا هدرتك زي و الواقع زي

تهلات فيهم الوالدة تاعي يكثر خيرها عطاتهم كادوات المهم بقاو حالين فامهم

و الله قالولها سعدك عندك عجوز كيما هدي

بابا مخلاش نسيبي دقيقة يظل يدور بيه بطوموبيل كي جا عمومي تقريب كامل عرضوه تكبيرة

داه لواحد الحمامات هو و بناتو
خوتاتها فرحانين يقولولي ربي يقدرنا نخلفولك خويا و هي و باباها ما يعجبهم العجب و لا الصيام في رجب



تقلي بهدلتني قدام ماليا باباها رجع يبكي قالهم ما وجبوش هو و بنتو عقلية وحدة

كي نديها تتغدى برا نمسح طابلة تجيني عيب نخليها هكاك

تغدينا مرة مع يما كملنا قاتلي امسح طابلة

ولا عند ناس رقاص و فدارك نعاس ...
​

كي كثرت بزاف ضربتها عيطلي باباها قالي الحمير حشاكم و ماهوش ينضرب قتلو علاه ضربتها انا برصاص
الاخوة و الاخوات لي يقول ما تعيطلها باش دير حسباتها

راحت لدارهم من اوت ما عيطلهاش حتى لسبتمبر ما تبدلت حتى حاجة

فلخطبة كنت كي نطول منهدرش معاها حتى تعيط ليما تقلها قوليلو يهدر معايا و تبكي

لي يقول بلاك سحر انا جبت راقي مليح حاجة ما تبدلت

الحوار درناه والديا و والديها

نسيبتي قاتلها و الله عجال هذا الطفل نتبرا منك باباها ناض رح يضرب مرتو قدامنا على هدي الهدرة

بابا يقولو ياعمي... لا اله الا الله محمد رسول الله
يقولو كامل نعرفوها ميش غير انتوما

قاتلو مرتو هاي السجادة صلي بركا ما دير فلعيب ناس خاطينا واش بيك

قالها ينعل بو ذي الصلاة لي يعرفوها العرب

اسمحولي على اللفظ

هبل و جهل
كنت قاعد وقفت قتلو كي وصلت هنا بنتك منحتاجهاش ماك نسيبي ماني نسيبك مرتو ربي يسمحلها تبوس فيا تقلي لوجه ربي لوجهي لوجه وليدك خرجت انا

مع هدا كااامل لي صرا مزالها في عوايدها

انا منيش ضعيف و لا مخلوع فهدي المرا ربي العالم طاحت من عيني و من قلبي كان فهذي دنيا حوايج ترغمك باش ما تتسرعش ولدي يتربى بعيد عليا ب 600كم

والديا يقولولي ما تيتمش وليدك
القوانين في بلادنا قوانين وضعية ظالمة

انا و الله في حيرة من امري
انا الصراحة طاحت من عيني و قلبي بزاااف بسبة تصرفاتها

ولدي يتيتم مع مرا عديمة المسؤولية
انا ما لقيت حل اسمحولي و بارك الله فيكم


نزيد نمد معلومة للاخوة و الاخوات انا شرط عليها جلباب يعني لباسها ميش متبرج انا قلت مديرش مكياج فدار و ديرو كي تخرج يعني تعكست الاية تقلي انت خنقتني بهادا الجلباب انا صغيرة قتلها كون مقبلتيش زواج من لول راني لاباس

ضرك راهي فدارهم من 23اكتوبر مكان حتى اتصال بيناتنا في انتظار رايكم


​

 

[السلطانة]

وعليكم السلام ورحمة الله وبركاته
تم الاعتماد اسفة عن التأخر في الاعتماد اخي

لي عودة ان شاءالله

الكلمة الطيبة صدقة ياناس اللمة

 

[لؤلؤة قسنطينة]

لا حول ولا قوة إلا بالله العليّ العظيم
والله مالقيت مانقول ومالقيت باه نرد، يعني اذا لي تقول فيه فعلا كلام صحيح (خاطر ماشفناش الطرف الثاني)
نقولك انو الطريق مسدود والله اعلم مع انو ماكانش طريق مسدود مع ربي سبحانو
والله لو كانت امور عادية يتقبلها الانسان نقولو معليش لكن كاين امور تجاوزت الحدود
والاعظم من هذا أنو باباها موافقها اصلا المرة لي فاتت قتلك راني مشوكية أب بنتو تجي تغضب وقت ماتحب
ومايقولها والو يسمى راهو معاها في الخط، والله يا خويا الموضوع واضح وطريقو واضحة بصح راني نشوف
بلي راك مستحيل تقدر تبعد على ولدك ومستحيل تخليه يعيش بعيد عليك يعني مستحيل نرشحولك فكرة الطلاق
حتى ولو الانسانة هادي فيها العيوب السبعة يبقى الطفل هو الضحية الوحيد ويمكن نتا تتزوج
مرة اخرى ودير ولاد وتنسى هاد الطفل ويعيش محروم ولا يعيش مع زوج أم قاسي يعني هو لي يتمرمد مسكين
والله يا خويا أمرك لله ادعي ربي سبحانو يفرج عليك ويديرلك حل لهاد الوضع لا انا ولا غيري نقدرو نفريولك الامر
ادعي ربي سبحانو يفتحلك ابواب الخير وما يحرمكش من ولدك ويهدي مرتك وترجع لعقلها ان شاء الله
اصلا بزاف رجل متزوج من اوت ماشافش مرتو وعايش عادي وصابر عليها بصح الله غالب جا الطفل في النص
واش نقولك ربي يفرج عليك ويفتحلك ابواب الخير
وفقط حبيت نقول حاجة باه ماتبقاش في قلبي يعني هي تروح تفاكونسي عند باباها ونتا تبعتلها المصروف؟
يخي باباها قابل بنتو تقعد عندو خلي هو يصرف عليها ولا الراجل ماش مليح ودراهمو ملاح؟
لا حول ولا قوة الا بالله ربي يغفرلي والله ماحابة نفتن ربي لي عالم ومادابيا ترجع الامور لمجاريها
بصح والله العبد ينطقوه، ربي يصلح الاحوال ان شاء الله ويرجع الطفل ليك وتشبع منو
تحياتي​

 

[فيتامين سي]

سلام...........................................نحكي حسب واش قريت
درك مفهمتش حاجة
راسي تبلوكا
كل مشكلة يجي عندها اسباب ولا ضغط مع ضغط مع ضغط و البنادم ينفجر
قريت موضوع لي قبل و هذا عييت منسيي نلقا بروبلام ملقيتش
منضنش وحدة تجيها ساهلة باش تغضب على 600 كم دجا تخمم غير في الطريق هذيك راها توخد العبد
اول حاجة نقولك قاع لي حكيته لفوق بالنسبة ليا سوق النسا كلام ميدي ميجيب نورمالمو تجبدو رواحكم و خلوهم يعومو بحرهم ديفوا بروبلام تافه من داك كل واحد يدخل روحك تكبر............مي هنا وين راه البروبلام
نصيحة بسيطة
ديرو قعدة و يكون فيها العباد لي شهدو في العقد و الفاتحة و الامام و قعدو كامل و نتا حكي واش كاين و باباها يحكي و نتم ينحل اما تكملو اوهنا نهاية الطريق رغم الطريق مزال متبدا اصلا
ربي يهدي النفوس
يشف غير ذاك البيبي لي يدور وسطكم والله
​

 

[❤️كلي أمل❤️]

السلام عليكم
يا اخي حنا قد ما نقولوك ولا ننصحوك ماراحش نحسو بيك ولله كيما قالو تاع زمان "ما يحس بالجمرة غير لي كواتو"
انا نصيحة مني دير الحاجة لي تخرج عليك وتريحك انت
انت لي راك متعذب و مذلول مع انسانة كيما هادي
اما علي وليدك معاك ولا بعيد عليك كيف كيف
اذا راح يتربى معاكم ويشوفكم كل يوم في مشاكل وعياط راح تمرضوه وتعقدوه برك ولله
وان شاء الله لي فيها الخير ربي يكتبها استخير واستغفر و وكل أمرك لله اخي

 

[dahman kz]

والله ماعرفت واش نقلك خويا وقريت موضوعك لول وما حليتش نرد
وعلى حساب كلامك وكلامك صادق ماكاين حتى واحد يقدر يلومك او واحد مايقدر يفرض عليك باش تتحمل حياة كامل كيما هذي
وما يحس بالجمره غير للي عافسها و في الاخير لقرار يبقى ليك
والطلاق ماهوش مليح وعندو عواقب ماهيش مليحة بالصح ساعات يولي نعمة

 

[Salah eddin]

السلام عليكم و رحمة الله

شوفي يا خويا

نتا راك في اللظ حبيت و لا كرهت

و رغم اني ما عنديش خبرة في امور الزواج و الحياة الزوجية

بصح نجيبهالك من التالي

شوف عندك حلين ...

الاول انك تصبر عليها و تسايسها و تشوف بعدها الامور وين رايحة تروح

و الثاني ....هذي المخلوقة... تاخذ رايي اه ... طاكليلها الرحمة تاعها بورقة تاع طلاق و ريح راسك

و اذا على بنك ... شوف كاش محامي قادر على شقاه يربحك الحضانة تاع الطفل لان المرا مش اهل للمسؤولية

هي مادامك استوفيت قاع الشروط و راك رحت ليهم و جيت و صرا فيك المنكر

و راكي شفت منهم العجايب

تاخذ رايي شوف كاش مخلوقة اخرى تعينك و تربيلك ولدك

هذي خلاصة الحل الثاني

و ربي يقدك للي فيها

و الله يجيبها فالصواب

بصح في الاخير مطفرة ق في الطفل الصغير
​

 

[بشرى ملاك]

قلتهالك ونعاودها هادي خاصها طريحة كي هي كي باباها ماتزيدش تعيط وخليها تشبع من رايها مكان لا ختها لا والو ومهما طال الحال ولدك يكبر ويعرفك...
الله يهديها

 

[❤️كلي أمل❤️]

يا اخي باختصاااااااار انت حلك الوحيد هو "طلاااااق"
مستحيل تقدر تبني حياتك مع وحدة كيما هادي مافيهاش النية كامل ولله
وزيد راهي ديرلك هاك وانت صغير وبصحتك لوكان تكبر ولا تمرض هادي اكييييييييد راح ترميك مافيهاش شك كامل

 

[يزيد 05]

سلام عليكم
دير كيما قالك صلاح طلق ووكل محامي وحاول تحضر شهود من عايلتها لي هم في صفك بلي لمرا هذي ماهيش اهل للحضانه والمسؤوليه
عبد كيما هذي خويا مابقالكش معاها معيشه خاصه وهي تشوف بباها واقف في صفها تزيد تتفرعن كثر
وتخاف كون تبقى دير حوايج كبار تندم عليهم من بعد خاطر هذي راهي باينه وبلاك حتى دير هكذا وتضغط عليك بولدك باش ترضخ ليها
يبقى ولدك راح يكبر ويعرف بلي بباه غصبوه على الحل هذا وماشي هو الملام هذا اذا خلاتو عندها خاطر مرا عديمه المسؤليه كي هذي نشك فيها تحتفظ بالطفل وتقدر تقوم عليه وزيد يطلبو فالمصروف
ممكن حتى كون تفض لحكايه هذي معاهم يردوهولك
ربي يفرج عليك

 

[سلام نفسي]

خويا هاديوالله ماهي ناويه صلاح وحابه تطلق قصدا المهم استخيروخلي الله يسرلك امرك مادام وصلت للعن وغيرتا هنا تفكير بزاف مليح

 

[Malika Tlm]

السلام عليكم
اخي ربي معاك هذي امراة خبيييثة نقولك الصح
نت ذرت واش عليك ايا خليها تشبع دار باها الاب لي ميوقفش مع الحق ويجي في صف بنتو الضالمة هذا ماشي اب
وليدك والله يكبر ويعرفك كونك هاااني خويا
ربي يسهلك الامور
تحياتي

 

[ضيوف وسـنغادر]

السلام عليكم
يا اخــــــي يا أخي
حسبنا الله ونعم الوكيل فيهم
أذا تسمحلي نحلل كلامك كلمة كلمة

ختها قاتلي كملها المصروف زيد بعثلها

لاه تبعتلها لاه؟ السيد بوها خليه يدبر رآسو

كيفاش تصلح هذي يا ناس و الله ما علبالي ادا ولدي حي ولا ميت منيش باخلو و الله لا قبل ما يزيد فرحتلو شريتلو العجب
يما تشري خاوتي هدا الطفل لول يظلو يفرحو بيه مرت خويا عشقت فيه تظل تلعب معاه و تصور فيه هي معقدة منها تقلي نكره باش تلعب معاه

ايه يا اخي هي عاطفة الأبوة ومستحيـــــــــــل تغبن ولا تحرم وليدك كيف تبيع دمك علاجالو
الناس راآهي تموت بش تشوف هآد الحب العائلي وهي لقاتو وتقابلو بالزي هذا؟

كي كانو ماليها هنا قاتلي اختي صغيرة ( 12سنة ) مرتك مخلاتنيش نبوس خويا صغير فبالي تتمسخر قتلها ارواحي دخلت لقيتهم قاعدين قتلها هاهو خوك اسيدي بوسيه جبداتو عليها قاتلها امشي ما تشويهش خوتاتها حطو يديهم على فامهم قالولها خليها تبوسو رح تهبلي
بيهم قالهم لا عندها صح القطة و تخاف على وليدها ديت اختي و خرجت

مي هآدي صدقني رآهي نحسها مريضة نفسيا بزاف نسا صح يديرو هاد التصرفات مي اوموا يخبيو في قلبهم مايبونش للغاشي بلي هاد الشي فيهم
كي رجعت طفلة تع 12 سنة متخليهاش تقرب لبنها واش بقى؟

هي لحد الساعة واحد ما مدلها الحق من غير باباها

خليها ليه راهي بنتو ليوم الدين وخليهم يعيشوا حياة سعيدة في عالمهم الغريب

كي نقولو بنتك ما تريبونديش يقلي هذاك تلفون خردة لازمها واحد مليح!!!!؟؟؟؟

والله ماهذا؟ يعني مازالوا هاد الناس كاينين؟
وين كانت هذه البرنسيسة متخلفة ؟قولوا للبريطانيين الاميرة ديانا مازالت ماماتتش
يخي يخي

كي نقولو بنتك ما دير والو نظل خدام و نجي ندير كلش وحدي يقلي واش فيها انا نغسل حوايجي

مآدآم الاب بهذه العقلية والله شي ماراهو متبدل الا بامر من عند ربي سبحانو

هي كي تربيلك هداك الصغير بزاف عليك بنتي لازم تتعامل معاملة خاصة مهيش خديمة و لا بونيشة

يصدق البيت الشعري:

إذا كان رب البيت بالدف ضاربا فلا تلومّن الصغار اذا رقصوا
ربي يهديهم كآمل

خوتاتها كانو يتعاطفو معاها حتى نهار زيدت جاو قالولها لقينا هدرتك زي و الواقع زي

تهلات فيهم الوالدة تاعي يكثر خيرها عطاتهم كادوات المهم بقاو حالين فامهم

و الله قالولها سعدك عندك عجوز كيما هدي

هآدي شبعة والله اذا كان كلامك صحيح وانه لكذلك وربي شاهد عليك غير يتبدل عليها الزمان وربي الشاهد
يا من أنعم الله عليك بالذرية والأسرة المباركة؛ أين أنت من شكر النعم؟
لوكآن ماترجعش للطريق الصحيح صدقني لا تصفها الا هذه الآية
﴿ وَضَرَبَ اللَّهُ مَثَلًا قَرْيَةً كَانَتْ آمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ ﴾

بابا مخلاش نسيبي دقيقة يظل يدور بيه بطوموبيل كي جا عمومي تقريب كامل عرضوه تكبيرة
داه لواحد الحمامات هو و بناتو
خوتاتها فرحانين يقولولي ربي يقدرنا نخلفولك خويا و هي و باباها ما يعجبهم العجب و لا الصيام في رجب

أنت درت اللي يقدر أي نسيب وعايلتو يدير مي للناس اللي تعرف بقيمة هاد الشي ويستاهلو
ني هي ني بوها يستاهلو
'' لا تعطي الناس أكثر من حقها فالورد يموت من كثرة الماء يآ اخي '' وجهم وجه الورد

تقلي بهدلتني قدام ماليا باباها رجع يبكي قالهم ما وجبوش هو و بنتو عقلية وحدة

..........

كي نديها تتغدى برا نمسح طابلة تجيني عيب نخليها هكاك

إيــه أخي والله مام انا عندي هذا الخصال ونفتخر به

تغدينا مرة مع يما كملنا قاتلي امسح طابلة

ولا عند ناس رقاص و فدارك نعاس ...

يعني هذا زوجة عندها حياء؟ تقول لراجلها هكا؟ وعلاه ماناضتش هي كي الزوجات وعاونت حمآتها؟
انت الزوجة ولا هي؟

كي كثرت بزاف ضربتها عيطلي باباها قالي الحمير حشاكم و ماهوش ينضرب قتلو علاه ضربتها انا برصاص

هنا في الضرب نتفاهمو لا يجوز ضرب الزوجة بغير عذر شرعي وكاينة اية قرانية تشرحلك بلي لازم تنصحها اذا ماخداتش الراي اهجرها واذا مازالت مافطنتش من غلطلتها نتما يجوز الضرب وفي هذها الاية الترتيب واضح
{ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ }
مع العلم النشوز هو عصيان الحقوق الزوجية و والتعلي والارتفاع على الزوج في المعاملات وو

الاخوة و الاخوات لي يقول ما تعيطلها باش دير حسباتها
راحت لدارهم من اوت ما عيطلهاش حتى لسبتمبر ما تبدلت حتى حاجة

كي عيطت كي ماعيطتش ماتبدلت حتى حاجة

فلخطبة كنت كي نطول منهدرش معاها حتى تعيط ليما تقلها قوليلو يهدر معايا و تبكي

مـتـخـافـش مـن الشـبـعــان إذا جـاع خـاف مـن الـجـيـعان إذا شـبـع

ومـتـخـافـش مـن واحـد راضي على واش عطالو ربي خاف من وحد مهني وماشي حامد ربي

خاف ربي حاجة ماتدوم ياك gع نرحولها بالكمية

لي يقول بلاك سحر انا جبت راقي مليح حاجة ما تبدلت

في هادي الله أعلــــــــم

الحوار درناه والديا و والديها
نسيبتي قاتلها و الله عجال هذا الطفل نتبرا منك باباها ناض رح يضرب مرتو قدامنا على هدي الهدرة
بابا يقولو ياعمي... لا اله الا الله محمد رسول الله
يقولو كامل نعرفوها ميش غير انتوما
قاتلو مرتو هاي السجادة صلي بركا ما دير فلعيب ناس خاطينا واش بيك
قالها ينعل بو ذي الصلاة لي يعرفوها العرب
اسمحولي على اللفظ
هبل و جهل

يآ أخي انا كون جا الاب في صفك نقولك في النهاية والله تصطاع للامر الواقع مي هي راهي صورة مصغرة عليه
امها وخواتاهم كيما شفتي لا حول ولا قوة لهم جميعا مايديروا والو
ماتستناش خلاص يجيك الخير من بوها مادام راه بهاد الزي

كنت قاعد وقفت قتلو كي وصلت هنا بنتك منحتاجهاش ماك نسيبي ماني نسيبك مرتو ربي يسمحلها تبوس فيا تقلي لوجه ربي لوجهي لوجه وليدك خرجت انا

إيه هادي هي الهدرة

مع هدا كااامل لي صرا مزالها في عوايدها

مازالت في عوايدها وتبقى في عوايدها وادا تبدلت يكون الحال طرووووطآر بزآف

انا منيش ضعيف و لا مخلوع فهدي المرا ربي العالم طاحت من عيني و من قلبي كان فهذي دنيا حوايج ترغمك باش ما تتسرعش ولدي يتربى بعيد عليا ب 600كم

صآيي ي1ى اخي انا كآخت صغرى عليك أخطيك أخطيك
الزواج هناء
كي عدت انت تطيب انت تغسل انت كلشي تخرجها ولا متخرجش كيفكيف تدير كل هاد الشيء ومحمداش ربي وتشوف فيك مازال مقصر اخطيـــك طلّق وهني عليك

والديا يقولولي ما تيتمش وليدك

صح ماتيتموش مي علااه هي علاااااااااااااااه تدير في هااد شي علاااااه علاااااااه هي ماخايفاش تيتم وليدها علاااااااااه غير انت تخمم فيه علاااااه هي هكا علااااه

القوانين في بلادنا قوانين وضعية ظالمة

قآدر توكل محامي وربي يكون في عونك ويمدلك حضانة ليك وجيب بزااف ادلة يبرهنوا بلي هي ماراهيش حق للمسؤولية

انا و الله في حيرة من امري

يآ اخي نقولك لا حيرة لا شيء ولا هم يحزنون استخير ربي خرج اللي في قلبك فوق سجادتك صدقني ربي والله ماهو غافل على الشيء اللي راه صاريلك وعالم بكلشي
تذكر هذه الآية (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا)

انا الصراحة طاحت من عيني و قلبي بزاااف بسبة تصرفاتها

والله يا اخي احنا طاحت من عينينا كي نشوفوك تقول هكا ومآ أدرآك بيك أنت
حتى لو يمر الزمان وقدر الله وتطلقتيو وتقولك تبدلت مي كومام الشي هذا اللي دآرتو تندم عليه وتبقى حياتها كامل تشهد عليه

ولدي يتيتم مع مرا عديمة المسؤولية

اذن يا أخي نورمالمو علاجال وليدك تطلقها بكري كنا نقولو علاجالو ماتطلقش مي راهي مامسؤولاش عليه مع العلم اني مانعرفهاش خلاص مي انا هدا وين فهمت وسقسيت روحي وعلاه هي ماخممتش انو وليدها يبعد على بوه بهاد المسافة لو كان صح حابة بنها ماييتمش علاجالو تصبر وعلاجالو تشرب المرار كيما نقولو ويااااما نسااء صح ظلموهم رجالتهم وضربوهم واعتداو عليهم ظلما صح وهكاك وصبروا وصبروا وكبروا ولادهم وفرجت مانقولك ما وحدة مازوج هادو نساء نعرف درك
وكاينة وحدة قريبة لي تاني يتيمة ومازالت صغيرة وتزوجت وجماتها دوقتها لمرار شهرية راجلها عندها ماتخلهاش تروح لدارها تيجي تبات معاهم في نفس الغرفة تخيلوا معاي وهكاك وماقدرتش تتخلى على زوجها بالرغم من انو كامل قالولها اخطيك كي تشوف صح الناس اللي تتحمل كل هذا الشيء من اجل الطرف الاخر او شخص آخر لذلك انت حاول تزيد تتريث وتعلم باخبار ولدك من خوالتو وحاسبهم يقولوك الصح لمهم دير كل المستحيلات بش تعرف اخبارو اذا لقيتها راها معتنية بيه شخصيا حتى ولو نقولو اهملت الجانب اللي تيتم فيه ولدها من بوه مي اذا كانت تتمتع بمسؤولية اتجاه ولدها والله اعلم شغل احنا نحطو اقتراحات وافكار مش ندخلو عليها هكاك اذا كانت شوية معتنية بصحتو بماكلتو بلبسو بحاجياتو نقولو بلاك تصبر عليها ونتراجعو في امر الطلاق وادا طلقت يقعد ضميرك مرتاح من جهة راهو بخير تقعد مرة على مرة تطل عليه ياك هذا بنك واذا لقيتها مامتحلملاااااش كليا مسؤولية الامومة هنا نقولوك اجري على وليدك ولا على روحك طلق ووكل محامي يضمنلك حضانة الطفل اليوم قبل الغد

انا ما لقيت حل اسمحولي و بارك الله فيكم

والله يا اخي كلنا كذلك كان الله في عونك

نزيد نمد معلومة للاخوة و الاخوات انا شرط عليها جلباب يعني لباسها ميش متبرج انا قلت مديرش مكياج فدار و ديرو كي تخرج يعني تعكست الاية تقلي انت خنقتني بهادا الجلباب انا صغيرة قتلها كون مقبلتيش زواج من لول راني لاباس

ربي يهيدها الجلباب كان هي لازم تقتنع بيه بش يكون علابالها بلي راهو فرض شرعي مش فرض زوجي
ومكان ني صغيرة ني كبيرة في هادي

ضرك راهي فدارهم من 23اكتوبر مكان حتى اتصال بيناتنا في انتظار رايكم

اييييييه ربي يفرج عليك يا اخي والله راهي محنة كبيرة راهي فوقك
انا كما قلت من قبل رايي وفقط من جهة نظري وحتى ولو حكينا وجبنا حلول الدنيا غير انت علابالك اخي مايحس بالجمرة غير اللي عافص عليها
لذلك انت تحرى امر الطفل لقيتو معتنية هي بيه شخصيا وهذا حسسب ما قلت امر ضئيل لكن يبقى شيء لازم منو
هنا كاين حلين اما:
-تطلق وتخلي الحضانة ليها ويكون عندك حق انك تشوف بنك في مواعيد محددة وتصرف عليه وتشريلو وش حبيت مي المسافة هي اللي تقطع القلب ربي معاك
وانت راه تحن لتلك الايام وهذه الطبيعة الانسانية مي اعلم بلي اذا طلقتها ماتحللكش حتى تزوج هي راجل آخر خلي عقلك يتحكم مش قلبك
-انك تصبر وتصبر وتصبر على الشي اللي راهي تدير فيه اذا شفت روحك ماتقدرش تعيش بلا ابنــــك
في حالة انك تحريت ومالقيت حتى روح كمسؤولية اتجاه الطفل هنا كاين حل:
-تبعت اورآق الطلآق وتدير لمستحيل بش توكل محامي يضمنلك حضانة الطفل مع ادلة تبين بلي راهي مامهتماش بيه(رسائل ..تسجيل صوتي..اي حاجة تبين هذا)
وان شاء الله تشبع من وجه ابنك ويتربى في العز لأنو كما شفنا هو الضحية وعلاجالو درنا كل هذا الشيء
لو كان جات غير انت راك طلقت من زمان الشتاء والريح
الزواج يبقى للهناء اكيد كاين مشاكل مي الانسان يصبر ويحتسب ماتقاش زوجين عاشوا حياتهم كل بلا مشاكل
مش انت اول ومش انت لاخير اللي صرالك هذا الشيء
الجهد يكون من كلا الطرفين عندهم حقوق وواجبات
انت كيما قلت راك تمد فالحقوق تعها وهي ماقايماش بوجباتها
وانت قايم بواجباتك وماراكش لاحق لحقوقك
مع سلوكها الحالي مايربطك والو بيها غير الطفل


هذه مجرد اراء يا اخي لحياة قرانا عنها ولم نراها يبقى غير ربي علابالو بحالتك غير هو يفرجها
وانت اعلم بحالتك اعلم بكل شيء يكذب عليك اللي يقولك حاس بيك
ربي معاك وربي يفرج عليك
وأكثــــــــر حاجة نتمنآهآ يآآآآآآرب خارج كل هذه الحوارات والنقاشات
ربي يهدينا ويهدي زوجتك بقدرته العظيمة ربي يرجعها لطريق الصواب قبل وقت الندم
بش الطفل يتربى عادي بين بوه وميمتو
ربي يفرج عليك ربي يكون معاك فقط استخير والنتيجة تع الاستخارة تبان اذا سهلك ربي في ذلك الشيء
​

 

[أم أحمــــد يــسّ]

السلام عليكم...
نرجو ان لا يطول انتظار حل لمشكلتكم اخي الفاضل...
اردت ان افهم أمرا ( هل ذهبت زوجتك من عندك وفي نيتها الهجر او الطلاق؟؟ ام هل ذهبت في زيارة لبيت اهلها وطالت المدة بسبب البعد ؟
ام ذهبت للزيارة ثم أرادت الطلاق وجمعت اسبابه؟؟) ومن رافقها في سفرها؟ اخذتها كزائرين ورجعت انت؟؟ ام أتى اهلها واخذوها؟؟
حسب فهمي لموضوعك انك اعطيتها مصروف جيبها وتطالب بالمزيد لتكمل ايام الزيارة ؟؟؟
هل ذهبت لاحضارها ورفضت؟؟
هل رفضت وطلبت الطلاق؟؟
ام انك تستشير لامكانية الطلاق ولك اسباب ذكرت بعضها؟؟
لنفرض انكما اردتما الطلاق..
لانني شخصيا ارى شبح الطلاق هو حلك الوحيد
حسب ما أوردت لنا وأراك موافق عليه مبدئيا
وقد جمعت اسبابك و عقدة المنشار هي ابنك اولا ثم هاجس (النفقة ) بعد الطلاق و(الحضانة) وقد قلت في كلامك ( القوانين الصارمة) ..وتعلم كل العلم ان القانون صار في صفها( قانون الاسرة المهدومة للأسف) وانه يجب دفع نفقة وتوفير سكن لائق لكليهما و...و...وان لم توفر مصيرك(....)...اظنها هواجس كل اب، ...

- أما ولدك فبإمكانك رؤيته واخذه بأمر المحكمة، ولتعلم ان تزوجت هي ( وهذا الغالب) تستطيع(في الأغلب) ضمه لحضانتك كذلك هناك ثغرات في القانون يعلمها المحامون تحمي ابنك كقدرتها وتحملها المسؤولية واخلاقها الحسنة و...و...
وحتى ان كانت هي الحاضنة فهل ستحرم منه نهائيا؟؟ لا اظن عندما يصل الى السن القانونية يأتي دورك للحضانة .
آسفةعلى كلامي انشالله لا تحتاج أي منه..
أما اذا كانت مفارقتها لك برضاها وتزمتت ورفضت الرجوع لبيت الزوجية فهي تعتبر في حكم ( الناشز ) والله اعلم ولك تأديبها وتهديدها بإيصال الامر للقضاء ( لكي لا تحسب عليك الشهور الفائتة في النفقة خاصة اذا لم يكن لك شهود بانك تصرف عليها خلال تلك الشهور)
فإن كانت تتدلل فقط سترضخ وترجع ( وقد قرأت في محادثتك المصورة ان الطرف الآخر قال ابعثلها المصروف وقالت حابة ترجع)؟؟
ولك الجواب التالي ان كانت ناشزا كارهة لك مفارقة لبيتها دون رضاك..
سؤالكم عن الحكم في المرأة الناشز بقطع النفقة والكسوة والمسكن عنها حتى ترجع إلى طاعة زوجها، وهل لذلك مدة محدودة إذا لم تعد المرأة إلى طاعة زوجها في خلالها يفرق بينهما بالمخالعة؟

فالجواب عن ذلك: لا شك أن الناشز لا تستحق على زوجها شيئا من النفقة، حتى ترجع إلى الطاعة إذا كان نشوزها بغير حق، وتقدير المدة يرجع فيه إلى اجتهاد الحاكم، أما ما يفعله بعض القضاة من الحكم على الناشز بإسقاط نفقتها وحبسها في ذمة زوجها سنين طويلة فلا أعلم له أصلا في الشرع، وفيه ظلم لها فقد يكون لنشوزها أسباب أوجبت ذلك؛ منها كراهيتها للزوج وعدم رغبتها في معاشرته، ومنها سوء معاملته لها إلى غير ذلك من الأسباب.

والواجب في مثل هذا الأمر هو التثبت والنظر في أسباب النشوز والتوسط في الصلح، فإن لم يتيسر ذلك وجب التحكيم أي بعث الحكمين؛ عملا بقول الله سبحانه: وَإِنْ خِفْتُمْ شِقَاقَ بَيْنِهِمَا فَابْعَثُوا حَكَماً مِنْ أَهْلِهِ وَحَكَماً مِنْ أَهْلِهَا[2] الآية.

والصحيح أنهما حكمان يعملان ما يريانه أصلح من جمع أو تفريق بدون إذن الزوجين، وليسا وكيلين لهما؛ لأن الله سماهما حكمين ولم يسمهما وكيلين، ولأن المقصود حل النزاع بينهما ولا يحصل ذلك إلا بكونهما حكمين، كما لا يخفى عند التأمل، فإن توقف الحكمان اجتهد الحاكم بتأجيل الموضوع بعض الوقت أو المبادرة بالتفريق بينهما بما يرى من العوض أو عدمه؛ لقول النبي صلى الله عليه وسلم لامرأة ثابت بن قيس(أتردين عليه حديقته)). قالت: نعم، فقال صلى الله عليه وسلم لثابت: ((اقبل الحديقة وطلقها تطليقة))[3] رواه البخاري في صحيحه، ولم يخيره النبي صلى الله عليه وسلم بين الطلاق وعدمه، بل أمره بالطلاق أمرا مطلقا، والأصل في الأمر الوجوب، ومن قال بخلافه فعليه الدليل وليس هناك دليل يصرفه عن ظاهره فيما نعلم. أما أن تحبس المرأة سنين طويلة بدون نفقة وتحرم من الاستمتاع بمباهج الحياة، لكونها سئمت من عشرة زوجها فهذا فيه مفاسد كثيرة وضرر عليها وعلى الزوج، والزوج له حق محدود، وهي كذلك لها حق مثله، فلو كرهها زوجها وألزم بمعاشرتها، فهل يرضى ذلك؟ لا أظنه يرضى، والعدل في الحقوق واجب على الحاكم، كما أن عليه النظر في القضايا المقدمة إليه، والاجتهاد في إنهاء الخصومة فيها حتى تحفظ الحقوق وتصان الدماء والأموال والأعراض ويقف كل أحد عند حده.

وفق الله الجميع لما فيه رضاه، ونفع عباده وتنفيذ أمره إنه خير مسئول، والسلام عليكم ورحمة الله وبركاته.

 

[بين الحقيقة و السراب]

لماذا تسردون التفاصيل ؟

مرّة، في خلاف بين كنّة و حماتها - كنتُ حاضرته- اكتشفتُ أنّ كلاهما على صواب في الوقت الذي أنّ المخطيء هو ابن الثانية - زوج الأولى- الذي كان أنانيا في اختياره فظلمهما!
[ كأن يكون وعد الأولى بما يخالف المبادئ التي نشأ عليها ! / فمن الظالمة منهما ؟]
مجرّد إضافة و آسفة جدا إن أسأتُ الفهم

 

[ليليا مرام]

السلام عليكم خويا
انا قريت مشكلتك فالعدد الأول وإستنيت تحطنا
والصراحة وانا نقرا تخلعت انو كاين نسا هاكا والله هذي ما تستاهلك نقولهالك ونعاودهالك اكثر شي وجعني لما اختك الصغيرة جات تسلم على وليدك والله هذي ما تحشم
انا قريت ردك وجبت كلامك مع اختها يعني مش تكذب عليها يا خويا واش نقولك نقولك انك بمعزة خويا وننصح فيك كانو ننصح فخويا هذي إما يضربوها الحيطان وخليها لو حابة طلاق خليها تروح هي تحوس عليه ولو حابة ترجعلك خليها ترجع برجليها انت مش ظالمها ووليدك مسكين تتحاسب هي عليه قدام ربي لانو حرماتو من باباه وزيد اهلك ناس ماشاء الله يكفي اللي داروه مع اهلها ويماك احن ام على حساب ما حكيت واش دارت معاها تستاهل كنة تحطها فوق الراس مش وحدة كيما هذي
انت نقولك حاجة ما تروح ما تحوس ما طلقها ما والو حبت الطلاق تعرف الطريق حبت الرجوع تعيط تقول ارواح تديني وزيد حاجة بلاك تبعثلها دراهم ومصروف تصرف عليها في دارك كي تعيط ختها قلها نصرف عليها في دارها وعلى وليدي هناك حبت دير اهمال عائلي انت ثاني تعرف تهدر
انت قلت القانون والظلم واهلك ما حبوش على وليدك هي معاهم الحق بصح ماكان حتى قانون يخليك تعيش في جحيم مع مرا كيما هذي واش القانون الكرا والنفقة اللي تكالهم عندك ومكرهتلك معيشتك وكل مرة غضبانة وطلاق والراجل اللي يجي من خدمة ويخدم روحو يسيق او يغسل حوايجو هذي غراف يا خويا ماراهيش محترمتك كراجل ما فيها والو راجل يعاون مرتو اما هي قاعدة بحجة تربي لو جا قلبها بيض تخلي امك وخوتاتك يعاونوها فتربيتو وراهي مع شغل دارها هذي اللي ناوية دير دار وبنت اصل
انا راهي منيرفيتني وعندي احساس ربي يعوضك بلالاها
نقولك برك انت اخدم خدمتك وخليها تشبع من رايها حبت طلاق تعرف دار الشرع حبت الرجوع كيما راحت تعرف ترجع لو شافوك بعدك وخليتهالهم وص ما حوستش ذاك النهار يجو يحلو
وبلاك تبعثلها نفقة اعفس على قلبك خليها وليدك ماراحش يخلوه يجوع لما تحرمها من كل شي تشوف لو كامل هذا الشي تزيد تبعثلها تهردت يعني انت محكوم من كل جهة
استناها يجي الحل من عندها وإذا ربي مش كاتبلكم تكملو بلاك تندم عليها والله ما تستاهلك ووليدك يعيا ويكبر ويعرفك وان شاء الله يتربى عندك
هذي حرت فيها كيفاه تخمم ربي يهديها
ربي معاك خويا ودير كوراج وديسيدي حل مليح لحياتك لا قانون ولا اهلك ولا باباها هذا لو جا راجل لو عرف يربيها
انت خمم لحياتك راهم ليجون يرقدو يما يصبحوش من زعاف تتفر غير فيك وتحرق قلب يماك اموا هي تتزوج وتكمل حياتها عادي خمم مليح فحياتك موفق

 

[بشرى ملاك]

والله يا اخي شغلني موضوعك بزاف غير كيلي نعرفك ولا خويا وخممت بصح كاين حلقة مفقودة هاد المرا علاش راهي تانسيستي هاك وتعذب فيك واش لي قلبها عليك خاصة انك كنت تعرفها زعما كنتوا مقتانعين ببعضكم وشكون تبغي لنفسها لخسارة حتى لي تتزوج وتبعد دارهم ڨاع هاك وماشي حتى لي جابت الولد...
والله بحرتوهالي بصح ناقصة حاجة واش كاين بينك بينها وقالت لختها رايحة ترجع بصح علاه هذا الغضب بزاف منها يا ريت نعرفوها نسمعو منها هي تان....
واذا راك متاكد بلي مادرتلها والو وهي راهي تعاملك هكدا فقط لانها شينة نصيحتي ليك بعد....
والله يجيب لي فيه الخير وربي مايدير غير الخير استخير مولاك....

 

[ليليا مرام]

والله يا اخي شغلني موضوعك بزاف غير كيلي نعرفك ولا خويا وخممت بصح كاين حلقة مفقودة هاد المرا علاش راهي تانسيستي هاك وتعذب فيك واش لي قلبها عليك خاصة انك كنت تعرفها زعما كنتوا مقتانعين ببعضكم وشكون تبغي لنفسها لخسارة حتى لي تتزوج وتبعد دارهم ڨاع هاك وماشي حتى لي جابت الولد...
والله بحرتوهالي بصح ناقصة حاجة واش كاين بينك بينها وقالت لختها رايحة ترجع بصح علاه هذا الغضب بزاف منها يا ريت نعرفوها نسمعو منها هي تان....
واذا راك متاكد بلي مادرتلها والو وهي راهي تعاملك هكدا فقط لانها شينة نصيحتي ليك بعد....
والله يجيب لي فيه الخير وربي مايدير غير الخير استخير مولاك....

اهلا بشرى إسمحيلي ويسمحلي مول المشكلة نرد عليك
شوفي بشرى هذي باه ختها تهدر معاه وهي مش عارفة فوتيها ورانا نسا ونعرفو بعضانا
هوما عرفوه قلبو بيض ويسامحها كل مرة وراهي ختها تتوسط وتوصلو فالكلام لانهم عارفينو يستنى فيها ترجع هي راهي تلعبلو على الأعصاب تتكسل تقولك يبغيني لانو صح اللي دارتها في ماليه وقبل وراحت غضبانة وذلاتو وهو الله غالب عليه ما لقا ما يدير ايا هي حكمتها عليه راهي تلعب كينا تبغي
اسمعي الطريقة اللي تعامل فيها ماليه باينة ماراهيش محتاجة توضيح
لانو حكى كل شي فرضا حكانا واش راح يخبي يقول نضربها قال ضربتها وتستاهل يعني تقدري تقولي لراجلك امسح الطابلة يعني خرجو وعرضها وفطرو منافيها والو ينظف طابلة لانو الناس تتفرج ما يقولوش معافن تجي هي تقولو امسح الطابلىة وتعايرو بشي دارو قدامها من باب تربيتو لالا إسمحيلي
وزيدي قالك انا نجي من برا نخدم روحي راكي تربي انت ديري هاكا لراجلك نكونو واقعيين يا أختي
مشكلتو انو بينلها انو يحبها بزاف وسكتلها شعال من مرة تحوس تركب ودلي رجليها وختها ماراهي غير وسيط
راهي تقولو ترجع ترجع يحوسو على دراهم اللي تحوس ترجع ترفد روحها او تعيطلو تقولو ارواح تديني ماشي تحوس على الدراهم
والله يستغلوا فيه مش نحرش فيه ماذا بيا يرجعلوا وليدو ويربيه وربي يهديها بلاك صغيرة وطايشة مي كثرتها بزاف هذي طفل واحد وديرلو هاكا امالا لو زوج ذراري واش دير فيه
ربي يهديها برك

 

[فيتامين سي]

تفكرت(نجاوبك حسب واش قريت هنا ) باش مننساش مطلقهاش
خليها دير خلع
اذا تخمم طلقها من بعد في المصاريف شغل متزوجة و هي مطلقة
خليها تعوم بحرها روح جيب ولدك و خليها بغات تجي مرحبا بيها مبغاتش ربي يسهل راها قاعدة
المهم عليك و على اجتماع والله هكدا متبقاش قالو قلنا حطها للرجال ديراكت و دعي ربي هنيكم متحصيش الخير فين
ربي يهديها ​

 

[فيتامين سي]

مفهمتش اختها باي حق تعيطلك
كاش حاجة هي تعيط و لا باباها
لا اختها لا الجارة معندهاش الحق تعيط ​