زعما الجزايري مزالو رجلة؟

[the wolf]

السلام عليكم
شكرا لتفاعلكم مع الموضوع
بصح أنا نشوف اللبسة عندها علاقة بالشخصية و إذا كنت تلبس على حساب لمود اسمحلي راهم يخيرولك ماكش نتا تخير مالا و راهي شخصيتك ؟ وإذا خيرت لبسة تأكد أنها تعبر على شخصيتك
حتى أن الأطباء النفسانيين ربطو مبين اللون المفضل والشخصية .

 

[حفيد هواري بومدين]

كلامي موجه لصاحب الموضوع ...انت ماشفتش الرد نتاعك اصلا !!!:shiny:​

واش حبيبنا واقيلا شكيت في روحك
اني باين على من احكي نورمالمو تعرف

​

 

[السلطانة]

وعليكم السلام
صحيت على الموضوع
ظاهرة شاعت وراجت في بلادنا
لامود لامود
حتى تبعو خريج سجون وماشيين فارحين بعمرهم
واش نقولولهم الله يهدي من خلق
تقبل مروري
​

 

[the wolf]

رغم البرد الشديد تعاون الجزائريين أذاب الجليد

السلام عليكم خاوتي لعزاز
نشاء الله تكونو ملاح مع هذا البرد
الموضوع تع اليوم جا في بالي بعد ماشفت التعاون تع الجزائريين مع بعضاهم بسبب موجة البرد لي اشتاحت الجزائر فتلقى واحد يمد القاز لجارو واحد يديبانيه بشكارة سميد وكل واحد باه يقدر يعاون جارو
مالا قلت والله غير عيب علينا وأنا شخصيا قابضين نتبعو غير في عيوب الجزائري وانسينا مواقفو و هداتو في وقت الشدة وهذا معروف عليه مكاش مصيبة تحل على الجزائر غير تلقى الجزائريين قع معبض بغض النضر على اختلافاتهم ،وقت الشدة ينساو كلش ويوقفو مع بعض وهذا ما شفناه في الفياضنات تع باب الواد والزنزلة تع بومرداس
وأنتم واش رايكم يا جزائريين؟ سلام.*

 

[مابقاش بزاف.Dz]

يعيطيك الصحة على الموضوع
الرجلة راحت و ربي يرحمها عندنا الا ادا كان بقات شوية

 

[chemssou007]

نقولك صح
الرجالة في بلادنا راحو
مادام بنتو و ختو تخرج باللبسة لي نشوفو فيها
و الرجلة راحت نهار ذبحو طفل صغير في وسط الغاشي
و راجل ما قدر يروح يشهد​

 

[Ice Queen]

والله اللبس عمرو ما يبن حقيقة الانسان
لكن على الواحد ينتفي واش يلبس ما يلبسش برك والا كيما نقولو ما يشدش ويطرش خاطرش ماشي عايش وحدو في المجتمع وانا جابلي ربي الواحد يقدر يكون حطة بلا ما يعجب في روحو كيما رانا نشوفو اليوم
وعلى الرجلة خويا كل واحد علابالو بروحو والراجل راجل من كلمتو من وقفتو يعني باين والشي لاخر الله اعلم لا راجل ولا حاجة اخرى
مرسي على الموضوع تستاهل التقييم.
​

 

[w@hiba2010]

اشكرك اخي على الموضوع القيم



عندك الحق اخي


جيل تع هاد الوقت
ابدا ماشي كيما تع بكري


لا اضن ان الرجولة مازالت موجودة بامعنى الكلمة
مثل زمان

وحتى النساء تع هاد الوقت ايضا قليل وين تلقى مرة تع الصح


ربي يصلح الاحوال ان شاء الله
هادا مكان

 

[Mr Brahim]

اولا بارك الله فيك على هذه الالتفاتة الطيبة
ثانيا لو تلاحظ جيدا ان اغلب الذي يعتمدون على لوك و استايل غريب اما ناس معقدين او شواذ و العياذ بالله و هي حقيقة
الادهى في الامر كله ان الوعي لدى الشباب الجزائر اصبح في ادنى مستوياته . . . و كما سبق لحضرتك و ذكرت الهندام و هو يعكس شخصية صاحبه
هناك الكثير لاقوله لكني مللت من ذلك فقلما تجد من يقبل النصح و اختمها بـ
ربي يهدي شباب الجزائر و يردهم للطريق السوي
​

 

[the wolf]

السلام عليكم
يعطيكم الصحة على الاهتمام وشكرا لمروركم
ردودكم رجعتلي الروح بلي مزال كاين رجال ومازال كاين نساء يعطيكم الصحة