علاه هدرتنا نص بالنص فرنسي ؟؟؟؟

متألقة بحجابي

:: عضو منتسِب ::
إنضم
26 جانفي 2012
المشاركات
58
نقاط التفاعل
0
النقاط
2
السلام عليكم ورحمة الله وبركاته
تحية طيبة لكل أعضاء الكرام وان شاء الله تكونوا في أحسن الأحوال
اليوم حبيت نكتب هذا الموضوع وتعطوني رايكم فيه
علاش هدرتنا مخلطة بالفرنسي يلا مراهيش قاع فرانسي
علاه حنا الجزائرين هكا يقولوا لخطرش الإستعمار وعلاه الدول لخر ما ستعمروهمش ؟؟؟
أنا مرنيش ضد الفرانسي بالعكس هذي لغة ولازم نتعلموها بصح المشكلة هذي اللغة أثرت
على المجتمع بزاف وين ما تروح تلقاهم يهدروا فرانسي وين ما تمشي تكلي مرناش في
مجتمع عربي ودولة عربية وتسمع في تلفزيو وزير ما يعرفش يهدر زوج كلايم عربية ووكلاموا
كلوا فرانسي علاه غلبت علينا قاع هكا :du_nno:
حتى الكتبة في المنتديات ولات فرانسي
نورمال و بسكو و مي ومارسي وووووووو
ولي زاد الطين بلة لي ما يعرفش الفرانسي راهم يضحكوا عليه أنا نعرف وحد الجماعة زعما
يعرفوا يقعدوا يعسوا في الهدر وكي يسمعوا كلمة مشي نيشان تاع فرنسي يقعدوا يضحكوا
وينخلعوا :eek:_o::eek:_o:ملي راه يهدر تكلي حرف كلام ربي
متحسوش بلي الأمر ز اد عن حده ومنا لقدام راح تنعدم اللغة العربية :confused:
 
نهدروا نصف فرنسي ونص عربية لانوا من مخلفات الاستعمار والبعض الاخر يعتبروا نوع من التحضر و التطور و الزوخ بلي يعرف الفرنسية وماعلبلوش بلي الهدرة بلفرنسية نوع من العولمة و الاجتياح الثقافي و نسي ان العربية لغة القران
ولكن في بعض الاحيان لازم نكونوا نعلرفوها (من تعلم لغة قوم امنا شرهم )
 
لانن مازلنا مستعمرين فكريا
والدول هي متسبب في ذالك
اخرجنا فرنسا من باب واسع ولان لان دخلت فرنسا من باب ضيق
 
لغتنا العربية رسمية
نهار ينحيولنا السروال الطايح لي يلبسوه الرجال والفيزو نتاع البنات
تما نرجعو كيما كونا
 
...........
شكرا لك على موضوع الرائع

علا خاطر مزالنا مستعمرين

وكاين ليهدر نص عربي ونص فرنسي زعما يعرف لغات ويتقوعر

وكاين وكاين .....................

الف شكر
 
البلدان المغاربية كلها تعيش نفس الظاهرة و الامر يعود الى تاخر التعريب في المدرسة الجزائرية خاصة ازدواجية اللغة ظاهرة حتمية في الجزائر لابد لنا من عقود و عقود
 
لي عودة للمشاركة في موضوعك الباهي
 
يالاخت قبل متتساءل على هدي شوفي قبل
الجامعة بالفرنسية
الفرنسية من السنة الثالثة ابتدائي
عندك مثلا مشكل اداري ولا في الولاية تكتب الطلب بالفرنسي
الوزراء كامل يهدرو بالفرنسي
كلش بالفرنسي
وزيد التبعية الثقافية وفي كل شئ تقريبا لفرنسا
ولهدا بالضرورة راهم يهدرو نص عربي نص فرنسي

وبارك الله فيك على الموضوع
 
باختصار
ماناش مأصلين
نتكبرو على لغة الدين والقرآن

ربي يهدي



صحيتووو
 
ميرسي على الموضوع ختي
الله غالب ماوزالنا مقيدين فكريا و هادي ماشي راح تنحيها للناس درك الي والف راحت فيه ما يقدرش يبدل هدرتو
ربي يهدي و يصلح الاحوال
 
يااختي باختصار لخاطر مازالت فرنسا مستعمرتنا , لكن استعمار من نوع آخر فقط
 
وعليكم السلام خيتو
الخطــأ فينا ماحوسناش نعتزو بلغتنا
وخلينا روحنا غارقين في لغة ناس غراب علينا
وتعلمناها ودك ماناش نستعملوها لأغراض نافعة
طبعا ماشي قاع
بصح كاين الي يزوخ بيها ...زعما شوفوني اني نعرف لفخونسي
سلااامو

 
وعليكم السلام خيتو
الخطــأ فينا ماحوسناش نعتزو بلغتنا
وخلينا روحنا غارقين في لغة ناس غراب علينا
وتعلمناها ودك ماناش نستعملوها لأغراض نافعة
طبعا ماشي قاع
بصح كاين الي يزوخ بيها ...زعما شوفوني اني نعرف لفخونسي
سلااامو


آآآه يالسوكري , انتي اختي كي تلقاي معلم فالابتدائي كي يكون يشرح فالدرس يدخل عليه كلمات تاع فرونسي كيفاش تحوسينا نعتزو باللغة , طفل لسع حليب امو في فمو يقروه lila va a l'ecol ومازال ماهوش حافظ سورة من القرآن الكريم كيفاش تحوسينا نعتزو بيها ؟؟؟ + الرياضيات تاع سنة اولى ابتدائي داخلة فيها الفرونسي , ومازال ماناش مستعمرين ؟؟؟ والله غي نضحكو على رواحنا
نقولك حاجة الحالة عوجااء من القاعدة ... من لبااااز اون فخونسي
 
كل دول المغرب العربي عندها هاذي الظاهرة السيئة نصف كلامنا باللغة الفرنسية
إنشاء الله مع الوقت تنقص شويا بالوعي لي راهي لغة الدين أحسن لغة
 
آآآه يالسوكري , انتي اختي كي تلقاي معلم فالابتدائي كي يكون يشرح فالدرس يدخل عليه كلمات تاع فرونسي كيفاش تحوسينا نعتزو باللغة , طفل لسع حليب امو في فمو يقروه lila va a l'ecol ومازال ماهوش حافظ سورة من القرآن الكريم كيفاش تحوسينا نعتزو بيها ؟؟؟ + الرياضيات تاع سنة اولى ابتدائي داخلة فيها الفرونسي , ومازال ماناش مستعمرين ؟؟؟ والله غي نضحكو على رواحنا
نقولك حاجة الحالة عوجااء من القاعدة ... من لبااااز اون فخونسي
ايه حبوبتي شفتي الموصيبة فاين ؟؟ راهي في اساس الدولة الجزائرية
وتلقاي تاني عائلات يتجنبو يهدرو فالدار بالعربية :scared:
يقولك باش هكا وليدي يطلع يتقن الفرنسية :sadwalk:
وهكا تولي لغتنا في مهب الريح
ونحقق مبتغى فرنسا وتولي جزائرية فرانكفونية 100%
 
ايه حبوبتي شفتي الموصيبة فاين ؟؟ راهي في اساس الدولة الجزائرية
وتلقاي تاني عائلات يتجنبو يهدرو فالدار بالعربية :scared:
يقولك باش هكا وليدي يطلع يتقن الفرنسية :sadwalk:
وهكا تولي لغتنا في مهب الريح
ونحقق مبتغى فرنسا وتولي جزائرية فرانكفونية 100%

ايواااااا هذه هي ونعيش في بلاد العزة والكرامة والإسلام
ربي يهدينا
 
السلام عليكم
قلتي : لخطرش الإستعمار وعلاه الدول لخر ما ستعمروهمش
مستعمروهمش قد فترة استعمارنا و بطريقة استعمارنا
والجزائري كبقا محافظ على دينو و هويته راهو يضرب بيه المثل
واللغة الفرنسية تعد غنيمة حرب لازم نستفادو منها بصح ماشي على حساب لغة القرآن
يعطيك الصحة
 
نهدروا نصف فرنسي ونص عربية لانوا من مخلفات الاستعمار والبعض الاخر يعتبروا نوع من التحضر و التطور و الزوخ بلي يعرف الفرنسية وماعلبلوش بلي الهدرة بلفرنسية نوع من العولمة و الاجتياح الثقافي و نسي ان العربية لغة القران
ولكن في بعض الاحيان لازم نكونوا نعلرفوها (من تعلم لغة قوم امنا شرهم )


الدول الأخرى استعمرت ولكن متمسكة بلغتها ولما يهدروا مع أي وحد من دولة أخرى ما يضطروش باش يبدلوا هدرتهم مشي كما حنا نهدروا بالمصري ولا يالسوري باش يفهمونا

أنا منيش ضد الفرنسية كلغة بجب تعلمها بصح لزم تكون في بلاصتها اذا سحقيتها
بصح لي رنا نشفوه دروك تروح للحانوت تشري تقولوا عطيني الخمار الغوز ولا الغوج علاه ؟؟؟

شكرا على المرور
 
لغتنا العربية رسمية
نهار ينحيولنا السروال الطايح لي يلبسوه الرجال والفيزو نتاع البنات
تما نرجعو كيما كونا

والله صدقت صح لسانك

لا حول ولا قوة إلا بالله

الله يصلح الأحوال

شكرا على المرور
 
...........
شكرا لك على موضوع الرائع

علا خاطر مزالنا مستعمرين

وكاين ليهدر نص عربي ونص فرنسي زعما يعرف لغات ويتقوعر

وكاين وكاين .....................

الف شكر


واه من أجل التباهي ويبين بالي النيفوا تعوا طالع

شكرا على المرور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top