الفطير البسكري

حاملـة المسك

:: عضو بارز ::
أحباب اللمة
إنضم
15 ماي 2010
المشاركات
3,994
نقاط التفاعل
9,487
النقاط
191

السلام عليكم و رحمة الله و بركاته


على بركة الله نبدأ


المقاديـــــــر


دقيق عادي – ملح – زيت .


الطريقـــــــة


نمزج المكونات نتركها ترتاح
نعجنها على اليبوس مع رشها من الحين لاخر بالماء
لغاية ما تولي ترتق في العجن
نلوزوها كريات صغيرة .... نغطيهم بغلاف بلاستيكي نخلوهم يرتاحو ربع ساعة ... مهم جدا
نسخن الطاوة نطفئ النار في الوسط نحل اللوزة الاولى مع التركيز على الحواشي نرفدوها و نوضعها
على بطن الذراع و نكمل نحلو الحواشي مع توسعة الدائرة
نرشو الطاوة بالزيت نحط العجينة و نحلوها قدر ما نقدرو
لما تطيب نقلبوها و نضيفو اللوزة الثانية و نزيدو نقلبوها و نضيفو اللوزة الثالثة و هكذا .....
مع الرش بالزيت دون الاكثار منه

لما نوصلو للكمية المطلوبة ... تقدر تكون من 15 لـ 20 لوزة
نقسم الكسرةعلى نصفين
اكتر توضيح ...يعني 10 طبقات بجيه و 10 اخرين وحدهم

و نوقفهم على شكل هرم نقوو للنار و نشفو الحواشي
نحطوهم في منديل و نغموهم لدقائق منبعد نفتوهم

132844297991.jpg


1328442979142.jpg


1328442979653.jpg


1328442979384.jpg


و بصحتكم الشخشوخة

1328442997801.jpg



مـــع التحيـــــة
 
التصاور خرجو لاباس بيهم... يعطيك الصحة
حنا في سطيف نسميوها الفرمسة و كي نديرو كيما نتي شحال من وحدة فوق بعضاهم نسميوه البرنوس
و حنا مانديروش الخضرة فوق الفرمسة
شكرا حنونة... +++ تقييم
 
التصاور خرجو لاباس بيهم... يعطيك الصحة
حنا في سطيف نسميوها الفرمسة و كي نديرو كيما نتي شحال من وحدة فوق بعضاهم نسميوه البرنوس
و حنا مانديروش الخضرة فوق الفرمسة
شكرا حنونة... +++ تقييم

حطيت أم نفين الصور الواضحة ... ولي داخل المنديل و على شكل هرم و لما فتتها راهم في الكرباي ههه

الشخشوخة لفيها الخضر ديال كل يوم و ديال المناسبات و الاعياد لحم وقرعة .

(منحكيلكش على شخشوخة البدنجان اممممم :rolleyes:

سررت لمرورك ... بارك الله فيك ... شكراا للتقييم
 
امممم شهيتيني باين بنين

سلمت يداك
 
الله يبارك جاك رووعة رغوود
ابعتيلي شوية راني نتوحم هههههههههه
 
يعطيك الصحة
جاتك هايلة
 
من لقاني قدام هداك التبسي اممم يعطيك الصحة شاطرة ونص الله يبارك​
 



مممممممممممم طليتي على قلبي نموت عليه الفطير
مشكورة على الطريقة نفس طريقتنا
:cra_zy:هاتي شوية ولا نبكي

 
امممممممممممممممم تشهى يعطيك الصحة وبصحتكم
 
هااااايل يعطيك الصحة اختي
 
تسلم ايذك اختي احنا ايضا نديروهها نقولولها لفتات وكاين لقوللها شخشوخة بساكرة تاكلوها بالصحة
 
الله الله عليك يا اختي جاك هايل بصحتكم.
حنا نقولولها الشخشوخة.
 
اممممممممممممممم تسلم الايادي الحرة
 
جاك المسمن اكثر من رائع تسلم يديك يا رغودة ....نفس طريقتنا تاع البرنوس
 
امممممممممممممممممممممم سخفتيني راني نهبل اعليها قوليلي الصح درتيها وحدك ولا عاونوك فيها في الطياب
 
امممممممممممممممممممممم سخفتيني راني نهبل اعليها قوليلي الصح درتيها وحدك ولا عاونوك فيها في الطياب

ههه أنعم عاونوني ................................................................................
........................................................في التصوار و الماكلة :schmoll:

طيبتو وحدي ام قصي و الله على ما اقول شهيد


بوووركت
 
شكرا لكل من زار متصفحي ....تمنياتي لكن الاستفادة
 
نستعرف بيك حرة واكيد بنت حرة
 
بارك الله فيك حبيبتي فطير يشهي سخفتينا فيه وانا صايمة
تسلم ايديك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top