باباها قاللها في صغرها وهيا في كبرها قاللتو....

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى
السلام عليكم ورحمة الله وبركاته

كيف احوالكم مع البرد والصقيع والثلوج
ان شا ءالله الجميع تمام.
بون جيتكم بموضوع اليوم عنو بزاف وهو يدور في راسي
قلت اليوم نتناقشو فيه .
......................
زمان كي كنت صغيرة وكوم انا طفلة وحيدة في دارنا مع اخواي
كان papa ميخلينيش نروح نبات عند لافامي
من غير خالتي لي عندها غير لبنات
ولا خالاتي لي ولادهم اصغر مني
كانت تقولي عمتي تروحي عندي
يقول papa لالا متروحش
وانا نبقى
5d5l-com172.gif

وتزيد تدعمو mama باباك قال لا يعني لا غير متعوليش لاقرار فوق هدرتو
نقطة انتهى.


..........................................

بعد عوام كبرت وفهمت أنو papa عندو حق 100/100
في قرارو

. اخبار الجرائد الجزائرية:
-يخدر قريبته في كأس عصير مستغلا خروج امه من المنزل ليقوم بالاعتداء عليها.
-شاب يعتدي على احدى قريباته
-رجل مسن يعتدي على حفيدته
-شاب ومجموعة من رفقائه يعتدون على ابنة خالته القاصر..الخ

وهي حالات وحوادث نسمع عنها يوميا في مجتمعنا.
دونك papa كان عندو حق كي قالي دار عمتك لا كوم هيا عندها ذكورا كبار و انا تاني كي نتزوج ان شاء الله نمشي على نفس قرارو وبناتي ميعولوش يسركلو وين حبو من غير مانطمن على الدار لي رايحنلها
...........................
القرابة قد توصل البنت للتهلكة وكثرة المخالطة تاني ماتوصلش للخير
يعني اولاد عمتي او اولاد عمي او اخوالي
مالازمش نخرط روحي ليهم اكثر من حدود القرابة لي تجمعنا لأنو الشيطان ميرحمش وقادر يوصلهم يخمو في حوايج اكثر ويتعداو الحدود مهما يكونو اولاد عيلة واخلاق لكن شكون يضمن ؟

وانتوما واش رايكم في هاذ الموضوع؟
كي تولي أم او اب هل تخلي بنتك تروح تضيف وتبات عند الاقارب لي عندهم ذكورا؟
هل انتم معايا في الفكرة ؟ او ضدي

رأيي:-للأسف الوالدين

يطلقو الحبل لبناتهم
وانا نغلطهم هوما بالدرجة اللولة
بنتك شدها في الدار علاه تضال تسركل
وكي يطيح الفاس في الراس
تنوض حاير واش تعمل
مشاهد تتكرر كل يوم في الجزائر
مافهمناش
لعقول وين-

تحياتي
 
آخر تعديل:
أهلا بيك شوشو
راني رجعت
ربي يحفظك باباك ويماك ألي كانو علابالو واش صاري وواش يدير
وهذي نصيحة للبنات أنو والديهم كي يمنعوهم ولا يخبروهم مايدوروش بفلانة وماتصحبش فلانة ادير في بالها ملييح بلي باباها علابالو واش راهو يقول وواش راهو يدير
وزيدي حاجة اخرى مام في الدين تاعنا لازم الطفل ما يرقدش مع ختو ويجتنبها كي يكبار ...
يعطيك الصحة على موضوعك الباهي شوشو

+ تقييم
 
آخر تعديل:
مشكورة اختي على الموضوع الرائع
طبعا اختي حنا تاني بابا مستحيل نباتوا من غير في دارنا حتي في الاعراس مايستعرفش والوا كاين ذكورا والا مكانش في راسوا بنت نتاعوا تبات في داروا حتي بعض من العائلة يغيضهم الحال كي يعرضونا و يجي بابا يدينا يحللوه نباتوامايقبلش
انا تاني مستقبلا مستحيل بنتي والا ابني يرقد من غير في فراشوا قدام عيني نطل نطمن عليه الدنيا صعابة و كلشي تبدل تحيا زمان كنا نية مانعرفوا والوا غير عمي و جدي ووووو
 
وعليكم السلام والرحمه عيشوش هادي غيبه والله مانعرف لامني لامنك تخلطت علينا الدعوه ليسونسيال يعطيك الصحه ع ليمضوع شباب انا واحد من ناس لي نمشي بعقلية باباك انا لكبير فدار وخواتاتي منشفش عليهم مرا باتو برا الدار حتا فلعراس يطيح ليل نروح نجيبهم لي تبات برا تيقا برا تحت اي ضرف وتبالي مهياش عقلية بكري ولاشي
ايا سلاامو
 
موضوع لطالما سمعنا عنه و انتشر في بلادنا شكرا شوشو على الموضوع ربي يخليلك اهلك
 
واه راني معاك عندك الحق. الشيطان مازال عايش. سلمت يداك وربي يحفظك
 
السلام عليكم ورحمة الله وبركاته
شوفي اختي تاع بكري ما تحكيش حتى مع ولد عمها
كانو محافظين بزاف والنتيجة ماكناش نسمعو بلي بروبلام الي نسمعو بيهم درك
والي راح تبات بنتو في دار اخرى لازم تكون أمها معاها
باباك عندو الحق
يعطيك الصحة على الموضوع
 
السلام عليكم
يعكيك الصحة موضوع قيم
أنا تاني بابا ميخليش خواتاتي يروحو للفاميليا لي عندها لجون و أكثر من هذا غير تكبر الطفلة شوية تولي متسلمش
ملبعيد صحا صحا وخلاص
صحيتي
 
انا معاك 100/100 :thumb_up1::thumb_up1: ومام انا الوالد والوالدة حفضهما الله كانوا يقولولي نفس الهدرة :cra_zy::scared:
وكي كبرت وفهمت اكيد راح نمشي على كلامهم ونطبقوا مستقبلا مع بناتي:rolleyes::rolleyes:

وشكرا على الطرح الجميل :re_gards::re_gards:
 
مشكورة اختي على الموضوع الرائع
طبعا اختي حنا تاني بابا مستحيل نباتوا من غير في دارنا حتي في الاعراس مايستعرفش والوا كاين ذكورا والا مكانش في راسوا بنت نتاعوا تبات في داروا حتي بعض من العائلة يغيضهم الحال كي يعرضونا و يجي بابا يدينا يحللوه نباتوامايقبلش
انا تاني مستقبلا مستحيل بنتي والا ابني يرقد من غير في فراشوا قدام عيني نطل نطمن عليه الدنيا صعابة و كلشي تبدل تحيا زمان كنا نية مانعرفوا والوا غير عمي و جدي ووووو


اهلا اختي لعزيزة
نورتي الموضوع
باباك عندو الحق
وخاصة في الاعراس اين يكثر اللغو وقد تكون هناك فرص لوقوع مثل الحوادث بكثرة
وقت زمان ماعاد وقتنا الحالي والنية تاع بكري راحت
ان شاء الله يرزقك ربي بالذرية الصالحة وميخطيو عينك
شكرا على المرور الطيب اختاه
تحياتي
 
وعليكم السلام والرحمه عيشوش هادي غيبه والله مانعرف لامني لامنك تخلطت علينا الدعوه ليسونسيال يعطيك الصحه ع ليمضوع شباب انا واحد من ناس لي نمشي بعقلية باباك انا لكبير فدار وخواتاتي منشفش عليهم مرا باتو برا الدار حتا فلعراس يطيح ليل نروح نجيبهم لي تبات برا تيقا برا تحت اي ضرف وتبالي مهياش عقلية بكري ولاشي


ايا سلاامو
اهلا خويا لعزيز
منور الموضوع هادي مدة طويلة
ومام انت مسمعناش ليك حس من مدة
الحمد لله انو الموضوع عجبك
وعندك حق كي متحافظش على خياتك شكون لي بيهم
انت راك شاب وعارف واش يوقع
راك صحيح 100/100
في تخمامك
شكرا على المرور الطيب
 
موضوع لطالما سمعنا عنه و انتشر في بلادنا شكرا شوشو على الموضوع ربي يخليلك اهلك
:sad:للأسف احيانا نسمع حوادث نخجل من ذكرها الله يسترنا برك
شكرا عزيزتي على المرور الطيب
 
واه راني معاك عندك الحق. الشيطان مازال عايش. سلمت يداك وربي يحفظك
ايه اختي الشيطان عمرو ميموت وقادر يوسوس في اي وقت
شكرا على المرور الطيب
 
السلام عليكم ورحمة الله وبركاته
وعليكم السلام
اهلا اختي ليديا

شوفي اختي تاع بكري ما تحكيش حتى مع ولد عمها
كانو محافظين بزاف والنتيجة ماكناش نسمعو بلي بروبلام الي نسمعو بيهم درك
بكري الطفلة ماتتجرأش حتى تتكلم مع لافامي تاعها
باباها كلش ورايو لي يمشي
والي راح تبات بنتو في دار اخرى لازم تكون أمها معاها
باباك عندو الحق
ايه معليهش كي تعود معاها امها هكا تكون مطمنة بلي بنتها قدام عينيها
يعطيك الصحة على الموضوع
العفو اختاه نورتي بمرورك
 
السلام عليكم
يعكيك الصحة موضوع قيم
أنا تاني بابا ميخليش خواتاتي يروحو للفاميليا لي عندها لجون و أكثر من هذا غير تكبر الطفلة شوية تولي متسلمش
ملبعيد صحا صحا وخلاص
صحيتي

وعليكم السلام
منور الموضوع اخي
الوالد تاعك عندو ألف حق
الله يحفظلك خياتك ويحفظنا كامل
شكرا على المرور الطيب
 
انا معاك 100/100 :thumb_up1::thumb_up1: ومام انا الوالد والوالدة حفضهما الله كانوا يقولولي نفس الهدرة :cra_zy::scared:
وكي كبرت وفهمت اكيد راح نمشي على كلامهم ونطبقوا مستقبلا مع بناتي:rolleyes::rolleyes:

وشكرا على الطرح الجميل :re_gards::re_gards:

كي نكونو صغار منفهموش قرارات الوالدين الصائبة حتى نكبرو باه نفهمو
وكي نجيبو فلذات اكبادنا اكيد راح نفهمو اكثر
صحيتي اختي على المرور الطيب
 
السلام عليكم
مرحبا بيك شوشو نورتي منتدى واش راك تهدر
وموضووع رااائع يعطيك الصحة
عندو الحق باباك , ونظن اغلب الاباء الواعيين يتصرفو هكذا ويربيو ولادهم على هاذ الطريقة
حتى عن نفسي ولا مرة بتت خاطية الدار , وحتى في الاعراس
الا داار جدي , وكانو كي يتلمو بنات خالاتي ولاعماتي عند واحدة منهم نزعف علاش مايخلونيش انا نباات معاهم
وحتــى كبرت باش عرفت شا هو السبب
ونحييير في أولياء بزاااف , اللي يخلو ولادهم يباتو حتى عند جيرانهم " والله صح نعرف واحدة تبات عند دار جيرانهم مالقري عندهم ولاد رجال واكبر منها + كاين بناات خاصة اللي يقراو بعيد على ديارهم , تروح مع صحبتها لدارهم , انا والله مانقدر نديرها ومانضمنش لخاطر الوقت هذا راه يخوف
يعطيك الصحة شوشو للمرة الثانية على الموضوع الباهي +​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top