زيارة الى كوسميتيك عضوة /خاص ببنات ا للمة/موضوع حصري

[هدوء المطر]

السلام عليكم البنآت،
حوايجكم ملاح بزاف،، تتمتعو بيهم بالصحة و الهناء
​

سلآم
​

 

[sandibelle25]

سلام الله عليكن

سلام لبنات واشراكم يا فحلات اللمة كيما وعدت باه نوري بعض من حوايجي تاع الكوسميتك
راني جبت بعض اللي قدرت نلموا مناه حوايجي راهم مبعثرين كل حاجة في بلاصة

نبدا بهاد الجال هوantigerme et parfumé au meme tepms نستعملو يومي كي نعود برا ورايحة ناكل ولا مسيت كاش حاجة هو بنحي البكتيريا وفيه ريحة هايلة وتقدرو تستععملوه للجسم تاني
والصورة الثانية تالك و حليب للجسم يعجبوني بزاف فيهم ريحة هايلة
والصورة الثالثة سيروم ديرموفيفا للبشرة تبيض و ترطب و الحمد لله ملي استعملتها نحس تحسن فابشرة تاعي
والصورة التالية لفاتيكا نديرها لشعري قبل الاستحمام و بعده فيها رايحة هايلة
والصورة اللي بعدها السيروم اللي نديرو لشعري مع الكريمات اللي نديرهم عند تسريح شعري
ايضا حطيت القوماج والماسك اللي نستعملهم ومعجون اسنان هدا خرج عليا بزاف مناه ينظف بعمق هذا واش لقيت اليوم لي عودة و نجيب الحوايج لخرين نتمنى يعجبوكم

 

[بنت الـ25]

سانديبال الكوسميتيك تعك هايل
بصحتك
​

 

[عفاف الجزائرية]

سانديبال السيروم التاني الماغون هايل
حتى انا شريت منو مؤخرا وساعدني في شعري
مي لازم تتبعيلو التراتمون نتاعو المرة الاولى باه يمد الايفيكاس نتاعو
ننصحكم بيه يا بنات
​

 

[نور الهدايات]

الكوسميتيك نتاعك شابين تستعمليهم بالصحة ختي سندبال​

 

[نور الهدايات]

السلام عليكم ورحمة الله وبركاته يا انيقات وجميلات اللمة إن شاء الله تكونو كامل بخير ليوم لميتلكم بعض من الكوسميتيك نتاعي والمرة الجاية نزيد نصورلكم لخرين
​

هذي مكنة نزع الشعر بالخيط حقا روعة انا من شريتها وانا مهنية من الشهر لشهرين به ينوضلي الشعر وخفيف بزاف يجي معاها بودرة وخيط وفيها لومبة صغيرة تساعدك باه تلمعي الوبر الصغير​

مجموعة المكياج​

poudre libre (Gemey) Maybelline
​

Fand de teint(AGE RE-PERFECT​

anti cerne (l'oréal)infallible
farapopier +faragous

شامبو vichyلتساقط الشعر​

عطوري (play_ calorina herrera _ trèsor

مجموعة الأظافر​

تونيك للوجه - كريم مرطب للجسم نيفيا -كريمات لليد والارجل​

هذو زوج منستغناش عنهم سافوريل وكريم طبي لازالة الاسوداد​

هذو لي ستيك منيش وفية لماركة معية كل مرة نغير​

لكم مني​

 

[متجر اللمة LMA STORE]

عطور فرنسية و أمريكية أصلية بأسعار مغرية تخفيضات مهمة

​

 

[الورد الأحمر]

يعطيكم الصحة لبنآت ...
على مشآركتنآ الصور
وبصحتكم كل شي شريتوه تستخدموهم بلهنآ
سلآمي ’
​

 

[اميرة الفن]

:$ سسلأإم هليكم موضوع شباب هدا وين نتبهتلوو هيههه
حوايجكم الله الله عليهم اصبرو عليا شوي نروح ندير فيههاا
جلسة تصويير ونجييكم :-h​

 

[اميرة الفن]

هادو هوماا شوي راقووس تاوعي ومزال لي راهم في دووش هه

:-r

من بعد نكملكم



​

 

[sandibelle25]

عدت

سلام الله عليكن عدت هنا من جديد شكرالبنات على الردود ربي يخليكم منورين المنتدى كيما عارفين كل مرة نلقى حاجة من حوايجي نصورها ونجيبهالكم تشوفوها بالاك وحدة من البنات تستفيد
قبل ما نبدا اختي اميرة الفن حوايجك هايلين عجبوني بزاف تستعليهم بالصحة والهنا
راني كشما نحتاج نجي نسقسيك
نبداو بالصورة الاولى راني شريت شامبوان ضد القشرة من منتجات oriflame والله عنده نتيجة رايعة ماشا ء الله و شريت تاني جال استخدمه عند ازالة الشعر مازالت مالاحطتش النتيجة درك نوريهلكم قلتلكم لتشري منتجات اوريفلام متندمش
والصورة الثالثة pommade clorane هده نستعملها بعد ازالة الشعر تنعم البشرة وتنقص الشعر مع الوقت
والصورة الرابعة غسول يومي نظف بيها وجهي
اترككم مع الصور الباقية واي سؤال راني هنا نجاوبكم لي بقاو راهم صور للماكياج اللي نستعمله
وانشاله يعجبوكم حوايجي
كشما نلقى راني نزيد نجيبلكم

 

[Sẻl Mā]

هاي
مي حبيت نسقسيك على هاذي

تاعاه ؟
وبقداه شريتيها سيلتوبلي
و مغسي​

 

[simou11]

قوليلي خيتو
واناها خير
لوفيليا الغوز ولا الروج ؟
انا نصحوني بالغوز
و ماحبيتيش نشريها قبل ما نسقسي ​

 

[sandibelle25]

سلام حبيبتي سلمى هديك رغوة تاع الوجه نغسل بيها يومي تنظف الوجه بعمق و ترطب البشرة شريتها ب 45 الف و شكرا حبيبتي على مرورك
عزيزتي simou انا راني شريت انواع لوفيليا كامل عجبوني نوعين الغوز وكاينة البرتقالي تاني ريحتها هايلة وانا بحكم اني نخدم برا وبزاف نتغدى برا راني نشري الانواع كامل المهم يقضيلي على الجراثيم وننصح لبنات يشريوه ريحته هايلة و سعره ما ش غالي بزف يتباع عندنا ب 15 الف برك شكرا حبيبتي
و كاش سؤال راني هنا

 

[نبض الحياة]

سآندي حوايجك شآبييييين كآمل
تتهني بيهم ان شاء الله
​

 

[sandibelle25]

شكرا حبيبتي ربي يهنيك انشاله

 

[بلقيس لينا]

هذه البعض من مشترياتي​

 

[عفاف الجزائرية]

بالصحة ليك اختي بلقيس لينا كامل دي ماغك ملاح ومساعدين نفس الشي
انا اللي يعجبني كامل الديسولفون نتاعك ما يتعبش خلاص يعني في الناهر ديري الفاغني ومنين تجي تصلي اغطسي صبعك وخرجيه وتوضاي على روحك
بصحتك حبيبة تتهناي فيهم

 

[بلقيس لينا]

بالصحة ليك اختي بلقيس لينا كامل دي ماغك ملاح ومساعدين نفس الشي
انا اللي يعجبني كامل الديسولفون نتاعك ما يتعبش خلاص يعني في الناهر ديري الفاغني ومنين تجي تصلي اغطسي صبعك وخرجيه وتوضاي على روحك
بصحتك حبيبة تتهناي فيهم

اسعدني تعليقك اختي عفاف اذا ممكن تساعدني في اسماء عطور تكوني جربتيها ومليحة وحت سومتها تساعد

 

[بلقيس لينا]