هاذي راهي غير عندنا و لا كاينة عندكم تاني ؟ ههههه

[EL General]

السلام عليكم
صحا لاجوناس نتاع قسم واش راك تهدر :showoff:
يخي مازلتوا تهدروا برك ههههههه ؟ :shiny: هيا مليح ربي يدوم لهدرة

اني جيتكم اليوم باش نحكيلكم على واحد المشكل يواجه فيا كل صباح و كل عشية و كل وقت و يواجه الناس كامل يا سيدي الطرقات نتاع الولاية كامل راهم يحفروا فيهم و يقلعوا في الزفت من الأرض :scared: . الزلزال و مايديرش واش راهم يديرو هههه :sad: . يا سيدي كلما نجي نوض هاديك الموطو على صباح ربي و نديماري بيها نلقى الكارتي مازال ماحفروهش :shiny: ايا نفرح نقول رحمة ربي . انا نديماري لهيه شوي و نطيح في الموصيبة الحقيقية :cra_zy: نلقى الكارتي لوخر حفروه و طاب جنانو ههههه _o: . و نزيد نشوف الطرق منهيه خلاص خلات و راحت فيها بالحفير :schmoll: . نولي نعاود نرجع للدار و نديماري . هههه بزاف أمور ماقضيتهمش هادي ليامات بسباب هاد الحفير هدا بارسكوا انا انسان مانعرفش نمشي على رجلي كلش بالموطو هههههههههه :showoff: .. و كي تسقسيه تقولوا علاه راكم تقلعوا في الزقت يقولك باش نعاودو الطرق كاملة مع بعضاها . :re_gards: ههه ربي يعاونك خويا .

على فكرة هاد الحفير بدا قبل الإنتخابات التشريعية أنا نشوف فيه قالب _o: قولولي علاش ؟
بارسكوا عمار غول وزير الأشغال العمومية مشارك في الأحزاب هادوك و يدير هاكا باش الناس تهز عليه انطباع مليح كي شغل متهلي في الطرقات نتاع الولايات _o: _o:

حبيت برك نعرف اذا هاد الثورة نتاع الطرقات راهي غير عندنا ؟
و لا المعاناة par toute

ايا نخليكم
دائما مع شعار :

EL General
copyright 2012

​

 

[ماكانش]

أهلا بيك مارادونا
حنا عندنا يقولو " ألي شرا موطو شرا موتو " هههههههه
الله يسترك ياخويا وحاذر روحك
---
نتوما راكم ملاح يعدلولكم في الطريق
حنا يفسدو ويخليوها ...

 

[لؤلؤة القرآن]

انا و انت من نفس الولاية
donc فيزوج نعانو من نفس المشكل
خلي يحفروو برك راهم يموتو على الحفير ههههه
خلي يبردو قلوبهم
ههههه و مشكور على الموضوع
​

 

[Sẻl Mā]

السلام عليكـ
هههههههه
تشوف حنا دالاص قلبوها دوار
ماتلقاش منين تعقب
اي ليهـــــــــــم طريق خخخخ ​

 

[ماكانش]

السلام عليكـ
هههههههه
تشوف حنا دالاص قلبوها دوار
ماتلقاش منين تعقب
اي ليهـــــــــــم طريق خخخخ ​

اهلا بيك سلمى
دلاص زعما بلاصة شابة ؟؟؟ هههه
قوليلي طريق لاندريولي صح هههههه

 

[AnGeL*dZ]

عرب تبسة بكل يشكيو من هاذو لحفر ^^
أم يتقنو في العمل تاعهم على بيها راهم طولوا
حنا عندنا ماgـــــاسو حتى طريـg
راهـم مع لمداشـر وعلى حسآب بآبآ مش ناويين يعدلونا نقاصة هرج
يغيضوني مساكن اللي راهم يحفرو والدنيا سخانة درك

​

 

[hayet bicho]

[bold]وعليكم السلام خويا هذا المشكل حتى حنا رانا نعانيو منو في بليدة دنيا كامل مقلوبة حتى ماتلقاش وين تمشي الطريق اللي تروح ليها تلقاها محفرة [/bold]

 

[dendor]

salam kho
rabi y3inek
rana kamel haka
7na trig rahi fi 7ala 7afrouha wra7ou

 

[ĂÝǾΰb]

أي راهي بارتو يا خويا
حنا فلكارتي تاعنا حفروها في مارس اي لدرك مخدموها
اي وتبسة يا خويا راكم تعانو تاني جينا مرة لتما لعرس تاع واحد من لفامي
الطريق محفرة كامل سيرتو كي دخلنا العوينات ميزيرية والله ربي يسهل علينا وعليكم ان شاء الله
​

 

[شجـ الروح ـون]

السلام عليكم
ياخويا الظاهرة هذي نظن راهي بارتو
انتم لقليلة بلاك يخدمو فالطرقان
احنا مصيبتنا اكبر
يخدمو الطريق والرصيف ويعدلوهم عاللخر
ممبعد يتفكرو اللي ماداروش قنوات الصرف
وماخدموش لي كابل نتاع التريسيتي
وانابيب الما والغاز
يوليو يحفرو واش خدمو
ويخلوها جبال جبال
تراكتور وماينجمش يمشي فيهم
هاربي يصلح لحوال برك
شكرا جنرال
موضوع باهي
+
​

 

[SIRMA]

رانا كامل كيف كيف
يحفروو وردو التراب ويخلو الطريق مقلووبة
في الشتاء فوتناها كحلة هههه التراب والماء كيتولي
الله يهديهم برك ويسقمو الطرق
​

 

[مابقاش بزاف.Dz]

يعطيك الصحة على الموضوع
خليهم يحفروا و كان غير جـــاوا يكملوا خدمتهم
ربي يصلح الأحــوال

 

[EL General]

أهلا بيك مارادونا
حنا عندنا يقولو " ألي شرا موطو شرا موتو " هههههههه
الله يسترك ياخويا وحاذر روحك
---
نتوما راكم ملاح يعدلولكم في الطريق
حنا يفسدو ويخليوها ...

اهلا بيك خويا سفيان
اييه وي هداك المثل نقولوا pــار تو هههه
الله يحفظك خو
:up:
​

 

[EL General]

انا و انت من نفس الولاية
donc فيزوج نعانو من نفس المشكل
خلي يحفروو برك راهم يموتو على الحفير ههههه
خلي يبردو قلوبهم
ههههه و مشكور على الموضوع
​

هاهلا بيك بنت الدوز ع سلامتك ا سيدي ههه :-h
وي الحفير مداير حالا خلي كاشما تزدم علينا ليام يلقاو لينا حل :d
مرسي ع مرورك
:up:
​

 

[EL General]

السلام عليكـ
هههههههه
تشوف حنا دالاص قلبوها دوار
ماتلقاش منين تعقب
اي ليهـــــــــــم طريق خخخخ ​

سلامو اهلا سلمى :-r
ايييه وي كيما قلت راهي pــار تو ماتلقى وين تحط رجليك :down:
معليهش كلها ايام و يروحوا علينا خخخخ :-o
الف شكر ع الباصاج سلمى
:up:
​

 

[EL General]

عرب تبسة بكل يشكيو من هاذو لحفر ^^
أم يتقنو في العمل تاعهم على بيها راهم طولوا
حنا عندنا ماgـــــاسو حتى طريـg
راهـم مع لمداشـر وعلى حسآب بآبآ مش ناويين يعدلونا نقاصة هرج
يغيضوني مساكن اللي راهم يحفرو والدنيا سخانة درك

​

ههههه هيه و الله عرب تبسة كامل يشكيو مساكين :-o و الله نشفوا هههه
لا يتقنوا لا والو . انا راني نشوف فيها خدمة نتاع تسكاد
و سيغتو كي ينساو حاجة كيما قلت :down: يا ويلنا و حنا نستناو هكاكاهههههه
الف شكر ع الباصاج
:up:
​

 

[EL General]

[bold]وعليكم السلام خويا هذا المشكل حتى حنا رانا نعانيو منو في بليدة دنيا كامل مقلوبة حتى ماتلقاش وين تمشي الطريق اللي تروح ليها تلقاها محفرة [/bold]

هههههه الله يعينكم مالا
نفس القالب نتاعنا راه عندكم :p اتمتعوا بيه خخخ
الف شكر ع الباصاج
:up:
​

 

[EL General]

salam kho
rabi y3inek
rana kamel haka
7na trig rahi fi 7ala 7afrouha wra7ou

اهلا بيك بنت الدوز
هيه و الله كامل هما خلي خلي بركا لربي هههه
الف شكر ع الباصاج
:up:
​

 

[EL General]

أي راهي بارتو يا خويا
حنا فلكارتي تاعنا حفروها في مارس اي لدرك مخدموها
اي وتبسة يا خويا راكم تعانو تاني جينا مرة لتما لعرس تاع واحد من لفامي
الطريق محفرة كامل سيرتو كي دخلنا العوينات ميزيرية والله ربي يسهل علينا وعليكم ان شاء الله
​

ايواااه رانا حكمنا معانا خونا سي بيبارس ههههه راه يعاني تاني كيفنا :-o
الله يعاونك خو و نقولك ماتتقنطش بزاف في المورال راهم هكا ديما هههه
الف شكر ع الباصاج
:up:
​

 

[EL General]

السلام عليكم
ياخويا الظاهرة هذي نظن راهي بارتو
انتم لقليلة بلاك يخدمو فالطرقان
احنا مصيبتنا اكبر
يخدمو الطريق والرصيف ويعدلوهم عاللخر
ممبعد يتفكرو اللي ماداروش قنوات الصرف
وماخدموش لي كابل نتاع التريسيتي
وانابيب الما والغاز
يوليو يحفرو واش خدمو
ويخلوها جبال جبال
تراكتور وماينجمش يمشي فيهم
هاربي يصلح لحوال برك
شكرا جنرال
موضوع باهي
+
​

اولا مرسي ع التقييم سي جونتي :$
ايواه نقولك آمين برك على تصلاح الأحوال ههههه
الف شكر ع الباصاج
:up:
​