أنا قلبي ما هو بأرض تدوس فوقها رجولِكْ
و لا قلبي هو بسما ببساطة تطولها عيونِك
و أنا أغلى من إن أكون من اللي يسعولِكْ
و أنا أثمن و أثمن من اللي يحيطونِك
عشقت أنا دمعي و أنيني يوم نادولِكْ
و أشوفك تعشق بالحيل كل اللي يبيعونِك
و تقول : لجلكْ أبعدت كلّ اللي يكيدولِكْ
ما هو لجلي لنهم ما يذلوني لكنْ يذلونِكْ
عقب يوم فرقاهم ما شفتهم سارولِكْ
و لا صابهم جنون البعد إلا هو جنونِكْ
على أعتاب بابكْ طعونات يُحطّولِكْ
و أنا بكلّ الوفا كنت أعالج طعونِكْ
تقولهم أسامحها إن خانت لجل يصفقولك
أقول ليتني خنتك تراك وِفي لِلـْي يخونِك
إنْتْ اللي نسجْتْ سكاكين و خليتها ذيولِكْ
تجرّها تجرحْ وراكْ كلّ اللي يحبّونِكْ
لا تقول لجل عيني هدّيت اللي إخلصولك
ترى لو أقولّهم حتى إسمك ما يتذكرونك !
لا تقول لا قلت الآاااه آلاف اللي يجولِكْ
جيتهم ترى شماتةْ و إنسى ان ينقذونِكْ
مو أنا اللي أكذب .. ماني من أصولِكْ
أنا صدقتلك الحب و كذبت لجل أصونِكْ
تمثل الحزن في بعدي عساهم يصيحولك
ذول اللي لعبوا بك .. يعودوا يأذونك
أناّ اللي ظنيت غلط إن المرجلة فعولِكْ
أثاري المرجلة عندك نسوان يبكونِكْ
و أشعار عشقٍ و يا ريتها من قولِكْ
و قصص تألفها تقول إنهم يظلمونك
ما دروا إن دور الظالم أكثر يلوقلِكْ
غشيتني لكني أحسَنْ اللي يكرهونِكْ
أبرحل و دوم بالهداية أكيد أبدعيلِكْ
يا ترى همْ بعد مثلي بالدعا يحاتونِكْ ..
بقلمـــــ رزان شديد ـــــــــي
منقول للأمانة
