انتهى زواجي قبل ان اتزوج

[سوفية حرة]

أختي انا نقلك حاجه

المهم مكانتش وانتي متزوجه .... أنا نقلك متحطيش الزواج خلاص وتنحيه .. لان الراجله ماش الكل كيف كيف وراح تشوفي
معلش تعبتي شوي تو ولا كانت انتي متزوجتي

 

[أم عبد الله]

وينك اختي؟

 

[βïģ βôşş]

السلام عليكم
صحا عيدك

ممكن ربي سبحانو ماشافش فيها خير هاد العلاقة
ديري ثيقتك في ربي عندنا واحد المثل يقول مرة حد مايديها حد يعني زوجة راجل مايديها حتى واحد كلش بالمكتوب درك يجيبلك ربي حسب قلبك نت ماعليك غير تصبري
ادا هو هك خاطبك ماوقفش معاك على الاقل باه يحتافظ بيك وتكبري في عينو وكي تروحي لعندو كيفااااااااه قولي الحمد كلش ظهر قبل ما تكبر الحالة

راني راح ندعيلك ديما

 

[waba]

سلام ختي و صحا عيدك
ربي يكون معاك و يرزقك الزوج الصالح يا ربي و احمدي ربي اللي عرفتي صلاحك دوك قبل ما تروحي عندو ربي يوفقك في حياتك حنونة و ما تخميش فاللي فات خليها جوست عبرة =)
​

 

[سمية25]

اشكر كل من قرا مشكلتي ولهتم بها وافادني براي او نصيحة
المهم انا خممت مليييح وتراجعت بقراري انني ماننفصلش عليه لان المشكل كله هذا كان بسبب غيرة اخته مني ووقوف امه مع لبنتها ولكن زوجي كان في وسطهم الله غالب ماصابش كيفاش يدير هوما اثروو عليه بالهدرة مي انا هدرت معاه البارح وتفاهمنا وقررنا نبداو من جديد ونحطو نقاط جدد ترتكز عليهم حياتنا
انا قتلوو ماندخلش روحي في اختك مهما يكن ومانتصل حتى بوحدة فيهم نبقى بعيدة خير ليا وليه وليهم
وهو تاني وعدني مايوقفش بجهة وحدة بلاما يعرف الجهة الثانية واش كان قصدها ............
درك الحمد لله على كل حال لعنا ابليس ورانا ملاااح
مي دارنا قالولي اعلاش رجعتي ليه رخستي بروحك وكون جينا في بلاصتك مانرجعوش مي انا راجلي ونعرفو مليييح وعرفتو بلي ندم وراه حاس بغلطته معايا
انا سامحته وبدينا بسم الله علاقتنا ورانا متكلين على ربي فيها وان شاء الله يبعدنا الشيطان ومايفرقش فيما بيننا تاني ........والله يهديهم ويهدينا ويهدي قاع المسلمين
شكراااااااااااااااااااا

السلام عليكم ورحمة الله وبركاته
حبيت نقول للي ماكانش متابع قصتي بعد انقطاع اللمة
هي انني انفصلت عليه وفسخت العقد قبل رمضان بيوم واحد لانني لم اجده يستاهل المسامحة هدرنا وتفاهمنا ولكن كان كل شوية يقولي ولا يحسسني بلي انا المذنبة في حق اخته اللي تمشي في علاقة غير شرعية مع اخي يعني تحبوو ولكن احنا ماحابيناهاش يعني بابا ويما ماحبوش يخطبوها باسكو ماهيش نتاع دار كيما يقولو
قتلووو صااايييييي انا كي راني درك مظلومة وراك دايرني ظالمة غير مكالاه نكملو مع بعض قالي ايلا راكي مراا ديريها قتلوو ايه انا مرا ونص مشي مرا برك وديجا خاوتي ماحبوليش نكمل معاك قالي حتى يكونو خاوتك رجالة ثما قولي عندي خاوتي
قتلو عندي ونبرهنلك بلي عندي ويوقفو معايا عيطولو وقالوولوو كون تطلع لسابع سما ماتديها احنا نمدو اختنا للي يهنيها ويتهلا فيها واللي يغبنها بشويييية برك
نوقفولو في صدرووو
المهم اتفارقنا وكل واحد راح في طريق
انا قاسيييييت بزاااف باش راني نفووت في هذي المرحلة لانها صعيبة عليا بزاف
ماقدلرتش ننسى عشرة نتاع عام ونص وكل ما جرى فيها
وخصوصا بعدما تبقى لعرسي شهرا فقط
الحمد لله والله اكبر ولا اله الا الله وحده لا شريك له
ادعولي ربي ينسيني فيه ويعوضني بزوج احسن منو
شكراااااااااااااااا​

 

[waba]

ربي يعوضك ختي بخير منو ان شاء الله و ان شاء الله تتخطاي هاظ الفترة و ربي يسهللك و يهنييييييييييك يا ربي
​

 

[جزائرية حتى الموت]

وعليكم السلام ورحمة الله تعالى وبركاته


ربي يفرجها عليك

ويكتبلك اللي فيه الخير يا سمية

وما تتقلقيش

اللي يكتبهالنا ربي نلحقوها
​

 

[عرفتك]

اختي ماتتسرعيش هذي الكل حكايات بنات متعمريش راسك والي يجيبو ربي يجيك

 

[saralg]

الخيرة في ما اختاره الله لا تحزني و ى تقنطي من رحمته سبحانه​

 

[بنت الـ25]

السلام عليكم ورحمة الله وبركاته
حبيبتي سمية
هدا آخر خبر توقعت نسمعو منك
علابالي كنتي دايما تشتكي منو ومن طبايعو وتطلبي ربي يهديه
لكن فكرة الانفصال عمرها لا جات في بالي

المهم اتفارقنا وكل واحد راح في طريق
انا قاسيييييت بزاااف باش راني نفووت في هذي المرحلة لانها صعيبة عليا بزاف
ماقدلرتش ننسى عشرة نتاع عام ونص وكل ما جرى فيها
وخصوصا بعدما تبقى لعرسي شهرا فقط
الحمد لله والله اكبر ولا اله الا الله وحده لا شريك له
ادعولي ربي ينسيني فيه ويعوضني بزوج احسن منو

على كل حال هذا مكتوب ربي
والحمدلله انك سلكتي دركا وخرجتي بأقل الأضرار
متقوليش كرهت الرجال لأنو صباع يديك مش زي بعضاها
اعطي لنفسك فرصة باش تنساي
وربي يعوضك بأحسن منو

تحياتي ليك حبيبتي

​

 

[ђĩหđǿĉħǻ]

متزعفيش ختي احمدي ربي على كل شيء
الحمدلله هادي و لا حاجة كثر
اللي غالط نقولولو الله يهديه و اللي مراهش غالط نقولولو ربي يصبرو
تحياتي
​

 

[نجاة40]

الصدفة اني قريت موضوعك اليوم في يوم عرس صحبتي
لي وقف راجلها في وجه الدنيا كل على جالها
داها مالغري ماعنهاش أهل امها في جيهة وباباها في جهة لا اخ لا اخت
دارلها عرس تقلبت المدينة على جالها
المهم ربي هناها ومدلها مكتوبها
الرجال ماهمش كيفكيف اختي
لي يحبك يدير المستحيل باه يرضيك ويفرحك
السلام عليكم​

 

[جزائرية كوول]

سلامة راسك اختي اول الطريق ويلا اخرو

هناك ربي منو احمديه واشكريه واستانفي حياتك من جديد

وربي يعوضك خير منو
​

 

[tayiba]

السلام عليكم
حبيببتي متخديش قرارك لوحدك كيف ما كانت الخطبة فيها هو و أهلك لازم يكون القرار جماعي باه متندميش
حتى الخطوبة لمدة طويلة كتعمل المشاكل إما فالزواج و مع الاطفال كتصبح حاجة ثانية كتولي المسِؤولية لي كتلزم على الواحد يترجل
من خلال تجارب صحابتي كان عندهم نفس المشكل أن الخطيب كان يسمع للأهلو مي ملي تزوجو صاروا صحاباتي كلامهم مينزلش
غير إلى قررتي تكملي عجلي فالزواج وكملي فالدعاء والصلاة ونتمنى ليك الخير ويارب تزوجي عاجلا و تكوني قرة عين زوجك
والله ينصفك

 

[serinee]

اختي انا نقولك ربي يصبرك و يبعتلك انسان لي يستهلك و لي يصونك و يعرف قيمتك
و بالنسبة ليا هدا مش راجل لكان جا راجل ما يديرش معاك هكا صافي يا اما تدو اختو لخوك و لا بناقص صبحان الله
ربي يصبرك و يعوضك خير
​

 

[°/°مبدعة اللمة°/°]

(وعسى ان تكرهوا شيئا وهو خير لكم)
حنونة ربي شافليك ومحبش انك تتضري لأنك دعيتيه :ان الله يستحي ان يرد الداعي اذا دعاه
دونك حبيبتي ربي يعوضك ما خير منو ويكون راجل تع الصح مشي واحد يسمع لكلام الناس
صلي ونتمنالك كل الخير​

 

[نبولة]

صدقيني ختي انا مريت بهذي التجربة او ربي عوضني كيما قلتي انا كنت نبغي واحد او دارنا كانو رافضينو مي انا حبيتو او محبيتش نفرط في حتان جاني واحد اوخر او دارنا قالولو ok رانا مديناهالك امالا معلرفتش واش ندير بقيت نصلي او ندعي في ربي حتان إكتشفت عليه حوايج لي خلاوني نسمح فيه او نقبل بلي قابلين عليه دارنا او ليوم الحمدو لله راني في قمة السعاد مع زوجيييييييييييي

 

[الجزائري الحر]

عسى ان تكرهو شيء وهو خير لكم
ادا صليتي صلاة الاستخارة ربما هادي نتائجها

 

[Om anfal]

هل انت حزينة من هدا الشخص الدي خيب املك
والله انت جد محظوظة فعليك ان تفرحي لا تحزني ومن كلامك يظهر انك امراة موكلة امرها لله ادن فلن يخيبك ابدا
ولا تفقدي ثقتك بنفسك او بغيرك فالرجال ليسو سواء

 

[sousou28]

السلام عليكم
اختي ان شاء الله ربي يجيب الي فيه الخير ممكن هاد المشكل ماهو الا سبب باش تعرفيه مليح...وممكن هو انسان طيب لكن الخطا الي وقع فيه انو لم يسمع للطرفين و وقف مع اهله ...المهم خلي ثقتك بالله كبيرة و انا عارفة انك انسانة مؤمنة و تدكري ان الطيبون للطيبات .....ان لم يكم هدا الرجل نصيبك فسيعوضك الله رجلا افضل منه.......
تحية لك من القلب.............
​