اريد اراءكم لهذه الكارثة

[تاج الجزائر]

هذآ هُو زمآننآ يآ خيُو ..
طَمع .. جشَع .. جآهلية أولى
فالله خَير حفظآ وهُو أرحم الرآحمين
​

اهلا وسهلا خويا بصح انا بنت
ولينا خويا للجاهلية
الله يفرجها علينا بالخير
شكرا على حضورك ربي يحفظك
​

 

[تاج الجزائر]

عندك الحق اختي راحت المشاعر و راح الحب ولت عصر الماديات عند 100 تسوى 100 عندك 0 تسوى 0
ذورك الرجال تخلطت افكارهم مولاوش يقدر يحدد واش راه حاب يلقاها شابة يقول قصيرة يلقها طويلة يقول مارهيش شابة و يلقها خدامة يحوس مترسمة وعندها دار و سيارة
انا عندي هذا الصنف ماهمش رجال الرجال صح يحوس على بنت الاصل و الفصل و الدين ميحوسش يدير معها مشاريع اقتصادية يحوس يكمل نصف دين مع امراة تحافظ عليه وعلى عرضه وماله
سؤال للبنت تقبلي واحد يديك على جال دراهمك ؟ جامي حتي ويكون ولد فلان نحب رجل يحميني و حتي ويكون فقير نتعاونوا مي شبعان و القناعة ماشي بدراهم

الله يعطيك الصحة ها الهدرة الزينة :d

عندك الحق حوسي على لي يخدم عليك مشي نتي تخدمي عليه

شكرا على الحضور ربي يحفظك
​

 

[تاج الجزائر]

الله غالب واش راح دير اذا بقيت عازب ويكون سبب عزوبية مشكل تافه
هذا بالنسبة ليا

اهلا وسهلا ختي وشكرا على حضورك ربي يحفظك
​

 

[تاج الجزائر]

ياختي هدي كاينة منها ليجون ولاو يحوسو على خدامات بارسكو تلقايهم ني خدمة ني زدمة وقاعد يتشرط يجيبها مترسمة باش يضمن بلي قادرة تعيشو اvـي لوكان بلكونترا عندو مايسوفري معاها مي ديفوا تلقاي ديجون يحوسو عليها خدامة ماتهمهمش ادا مترسمة ولالا ليسوسنيال يتعاونو على معيشة الغالية هنا ماشي طامع في دراهمها pـوغ موا مانقبلش بواحد ماشي ريسـpـونسابل يسنى في مرتو دير كلش وهو راقد في دار​

اهلا وسهلا ختي
ردك منطقي وعجبني
حنا رانا نهدرو على لي قاصد الطمع باه هو يضربها برقدة ومرته تخدم عليه وراه منهم بزاف
والله لزوج نعرفهم صرالهم هاد الموقف وين راهي الرجولة
الله يجيرنا من الاعظم
شكرا على الحضور ربي يحفظك

​

 

[تاج الجزائر]

راحو الناس الملاح وبقا الجياح ,,,,هدا راجل لي يقول المرته روحي تخدمي

اهلا وسهلا

شفتي وين وصلنا ومازال غادي نزيدو نشوفو العجب
الله يستر برك
شكرا على الحضور ربي يحفظك
​

سؤال للشاب تقبل بهاد التصرف ؟


لالالالا يتسما لي يدير هكدا ميعتبرش راجل ماكش قادر على المسؤولية ريح خيرلك


شكراااا

اهلا وسهلا
يا خويا شكون لي راه يحوس على المسؤولية ناس

راهي تخمم غير الطير برك بصح باه مشي بتعبه لالا بتعب الناس

شكرا على الحضور ربي يحفظك
​

 

[تاج الجزائر]

ههههههههوالله غير قتلتيني بالضحك

بصح انا نشوف الموضوع من منظاراختي اللؤلؤة المكنونة

اهلا وسهلا ختي

مزية غير لي قدرت نضحكك :dشفتي ختي يقولك همي يبكي وهم يضحك

على العموم شوفي ردي للاخت الكريمة

شكرا على الحضور ربي يحفظك
​

 

[FOUADYARCH]

السلام وعليكم
ختي اولا نحييك على هدا الطرح الجيد
وفيما يخص هدا النقاش انا عن نفسي المرا سموها مريحة فالدار ما كان لا كؤنترا لا مرسمة
بصح كي نجو نشوفو التصرف نتاع هاد الشباب نلقو الاسباب اللي دفعت له ما رانيش نبرر فيه خاشا لأني ضده من الأساس
درك الشاب يفوت حياته قراية كي يجيب الديبلوم يحوس على خدمة يهبلوه على السارفيس ميليتار و الشيرة لي تخرجت معاه تدخل تخدم ليه ليه بلا ما ندخلو فالتفاصيل
يولي عنده احد الطريقين يا اما يظل هارب من السارفيس و عمره ما يترسم يا اما يروح يفوته يولي يلقا روحه روتار بعامين لا خدمة لا اكسبيريونس يقولك هارا نكونبونصي بعدا بمرا تيتولار حتى ربي يفتح هههههههههه

​

 

[إحسَانْ]

اهلا وسهلا خويا بصح انا بنت
ولينا خويا للجاهلية
الله يفرجها علينا بالخير
شكرا على حضورك ربي يحفظك
​

آسف خَيتٌو والله مآ تولهت
أككيد رجعنآلهآ بحلية التطور
​

 

[DARINE05]

مرسي موضوع مليح والله انا نحير في الناس هذو لي يخمو هكا ربي يهديهم

 

[شعيب العلمي]

ربي يهدي ماخلق

 

[مابقاش بزاف.Dz]

عجبوني الـpــوpيـــــا ت الي درتيهم خخخخخخخ
هادي كل واحد كيفاش يسحق تكون ريكة حياتو واحد يحوس عليها خدامة و و لاخر يقولك ما نحبش مرتي تخدم ...
صحيتي ختيتو

 

[تاج الجزائر]

السلام وعليكم
ختي اولا نحييك على هدا الطرح الجيد
وفيما يخص هدا النقاش انا عن نفسي المرا سموها مريحة فالدار ما كان لا كؤنترا لا مرسمة
بصح كي نجو نشوفو التصرف نتاع هاد الشباب نلقو الاسباب اللي دفعت له ما رانيش نبرر فيه خاشا لأني ضده من الأساس
درك الشاب يفوت حياته قراية كي يجيب الديبلوم يحوس على خدمة يهبلوه على السارفيس ميليتار و الشيرة لي تخرجت معاه تدخل تخدم ليه ليه بلا ما ندخلو فالتفاصيل
يولي عنده احد الطريقين يا اما يظل هارب من السارفيس و عمره ما يترسم يا اما يروح يفوته يولي يلقا روحه روتار بعامين لا خدمة لا اكسبيريونس يقولك هارا نكونبونصي بعدا بمرا تيتولار حتى ربي يفتح هههههههههه

​

اهلا وسهلا بيك خويا
شوف خويا نهدرو الصح مافيها والو اذا راح فوت لارمي ماعليش يصبر عام ونص ويضمن خدمته غير ما يظل شحال من عام هارب وبلا خدمة والله يا خويا الحلول كاينة غير الواحد يتكل على ربي سبحانه وما يبقاش فيه هداك التفني لي راه في الجيل نتاع ضرك
شكرا على حضورك ربي يحفظك
​

 

[تاج الجزائر]

آسف خَيتٌو والله مآ تولهت
أككيد رجعنآلهآ بحلية التطور
​

ما عليش خويا ما فيها والو انا ثاني صراتلي مرة شير حسبته شيرة :dقاع نغلطو :$
​

 

[تاج الجزائر]

مرسي موضوع مليح والله انا نحير في الناس هذو لي يخمو هكا ربي يهديهم

اهلا وسهلا ختي
شفتي ختي ويت رانا واصلين
الله يجيب الخير
شكرا على الحضور ربي يحفظك
​

ربي يهدي ماخلق

اهلا وسهلا خويا
اللهم امين
شكرا على الحضور ربي يحفظك
​

 

[تاج الجزائر]

عجبوني الـpــوpيـــــا ت الي درتيهم خخخخخخخ
هادي كل واحد كيفاش يسحق تكون ريكة حياتو واحد يحوس عليها خدامة و و لاخر يقولك ما نحبش مرتي تخدم ...
صحيتي ختيتو

اهلا وسهلا خويا
شفت كي شابين:d
صحيح خويا بكري كان كل واحد وكيفاه يخمم بصح ضرك اغلبيتهم يقولك نبغيها خدامة
غير خبرني علاه باغي يدير دار مافيهاش مرا :s
شكرا على الحضور ربي يحفظك
​

 

[samora20]

لللاسف الشباب راهم يحبو الخدامة ولمرهاش خدامة مثلي طفرت فيها بلاك الله يفتح عليا وعلى جميع الفتيات لميخدموش

 

[نجاة40]

ختراه الحياة ولات صعيبة
شوفيها بالمنطق اختي مستحيل الراجل يقدر على كلش
مع زيد الجيل هاذا ربي يبارك جيل ايباد و x box وهي رايحة
وين يلحق الراجل مسكين
انا بالنسبة ليا مافيها والو بشرط الراجل يكون ولد عايلة وماشي نيتو الطمع
والراي الاخير لبابا هو يعرف يميز الرجال خير مني​

 

[عفيفة الحبوبة]

السلام عليكم
الله يهدي هادو الرجال
وين راحت تاع الرجال قوامون على النساء يحوسوا يدو نساء يديرولهم في جيبهم
و كاين بزاااف نساء راهم داين رجال و يخدموا عليهم
و لوكان الارض تنطبق مع السماء ما ندي راجل نخدم عليه......صحا تديه خدام و نتي تخدمي و تتعانوا في المصروف ماشي هو مريح و انتي تصرفي
وين صرات هادي
احي على الرجولة تاع اخر زمااان

 

[amel amoula]

والله عندك الحق
انا وحدة مانقبلش بواحد يشوف لدراهمى يعنى راح يتزوج بخدمتى ماشى بيا

انا ضد 100 بالمية حتى ولو قعدت متزوجتش

لخاطر ادا كان على جال دراهم المرا ومن بعد كيفاش راح تكون حياتنا غير بروفيتاج

و الوحدة كرامتها متسمحلهاش