الجزء الــــ18 من ماذا ستطبخين اليوم

[بنت الجسور المعلقة]

يعطيك الصحة لعزيزة وهانا شفنا يدك هههه مواح تستاهل بوسة
نجربها ان شالله ونردلك لخبر

 

[nada242008]

درت 2 مغارف كبار زيت ورابيت زوج فصوص ثوم و مغرف كبيرة خل وملح وفلفل اكحل وشوية راس الحانوت و 2 مغارف صغار طماطم مصبرة و مغرف ونص صغيرة موطار وشوية كمون ونص مغرف صغيرة عسل تعرفي جات البنة رووعة خير من لي مالفة نديرها العسل مايبانش خلاص في الخلطة وماتذوقيش الحلاوة خلاص بصح يعطي توازن للنكهات كيما كي تديري حاجة حلوة ومعاها ذرة ملح

صدر الدجاج تقطعيه شرائح بالطول ورفيعة وتحطيه في التتبيلة ساعة على الاقل

ومن بعد تحطي شوي زيت وتسخني النار مليييييييييح وتحطي الدجاج وتشوحيه على نار سخونة ياسر باش ما يطلقش الما لي فيه وماييبسش .. على الاكثر 7 دقائق وتطفي عليه يبقى محتفظ بالنكهات ويجي طري وبنين

 

[بنت الجسور المعلقة]

تسلم الأيادي تعبتك معايا
الله ينجيك ويمنيك ويطول في عمرك ويعطيك ماتتمناي خيتي نجبرها في أقرب وقت

 

[oumniati]

allah ybarek rabi yahfadh hadouk el yadine, yakhi machi plastique hhhhhhhhhh
twahachnaha hamilat el misk, in cha allah rahi bkhir

 

[nada242008]

هههههههههه بالشوي حتان تشوفوني كلي بديت بزوج صباع سع:d
ربي يخليك رقية على الادعية ولكي بالمثل

 

[oumsif]

تسلم ايدك اختي ام ندي الخبز العربي جاك كيما يحب الخاطر ​

 

[روعة2005]

الله يبارك عفوفة غير عاوديه موضوع جاك توب وكلش من يديك يهبل بصحتكم الحبيبة ام ندى واياد ااه رائد خخ

 

[ايمان التلمسانية]

الخبز العربي
2 كيسان فرينة + مغرف كبيرة خميرة خبز + مغرف كبيرة سكر ومغرف صغيرة ملح وبلي الما الدافي واعجني شوي حتان تتحصلي على عجينة طرية تتلاصق شوي حطيها في ساشي بلاستيك وخليها تخمر
ومن بعد قطعيها الى كويرات متساوية الحجم وحلي كل كرية الى دائرة بسمك نصف سنتيمتر تقريبا
وخليها تخمر وغطيها بمنديل
انا طيبتها في الالة الكهربائية الخاصة بالبيتزا لي ماعندوش يستعمل مقلة تيفال
سخني الالة مليح ومن بعد حطي القرصة

كي تشكل فقاعات قلبيها

ومن بعد تطلع شوي زيدي قلبيها من الجهة الاخرى

حتان تتنفخ كامل وتطيب من الجهتين غير تعود وردي نحيها كون تطيبيها ياسر تيبس

وهذا شكلها من داخل

يعطيك الصحة ام ندوش
شكراا جزيلا ​

 

[nada242008]

الله يسلمكم لبنات
حاضر ضرك نحط الصور في الموضوع القديم يا ام لميس وموح وناصر ههههههههههه

 

[السلطانة]

يعطيكم الصحة على الاطباق الشهية
فطوري اليوم كان شربة فريك وكفتة
عبيتها مليح كليت بزاف
:cray02::cray02::cray02:
​

 

[omarwa]

الخبز العربي
2 كيسان فرينة + مغرف كبيرة خميرة خبز + مغرف كبيرة سكر ومغرف صغيرة ملح وبلي الما الدافي واعجني شوي حتان تتحصلي على عجينة طرية تتلاصق شوي حطيها في ساشي بلاستيك وخليها تخمر
ومن بعد قطعيها الى كويرات متساوية الحجم وحلي كل كرية الى دائرة بسمك نصف سنتيمتر تقريبا
وخليها تخمر وغطيها بمنديل
انا طيبتها في الالة الكهربائية الخاصة بالبيتزا لي ماعندوش يستعمل مقلة تيفال
سخني الالة مليح ومن بعد حطي القرصة

كي تشكل فقاعات قلبيها

ومن بعد تطلع شوي زيدي قلبيها من الجهة الاخرى

حتان تتنفخ كامل وتطيب من الجهتين غير تعود وردي نحيها كون تطيبيها ياسر تيبس

وهذا شكلها من داخل

درت 2 مغارف كبار زيت ورابيت زوج فصوص ثوم و مغرف كبيرة خل وملح وفلفل اكحل وشوية راس الحانوت و 2 مغارف صغار طماطم مصبرة و مغرف ونص صغيرة موطار وشوية كمون ونص مغرف صغيرة عسل تعرفي جات البنة رووعة خير من لي مالفة نديرها العسل مايبانش خلاص في الخلطة وماتذوقيش الحلاوة خلاص بصح يعطي توازن للنكهات كيما كي تديري حاجة حلوة ومعاها ذرة ملح

صدر الدجاج تقطعيه شرائح بالطول ورفيعة وتحطيه في التتبيلة ساعة على الاقل


ومن بعد تحطي شوي زيت وتسخني النار مليييييييييح وتحطي الدجاج وتشوحيه على نار سخونة ياسر باش ما يطلقش الما لي فيه وماييبسش .. على الاكثر 7 دقائق وتطفي عليه يبقى محتفظ بالنكهات ويجي طري وبنين
يعطيك الصحة ام ندوش

 

[ام ايناس]

الله يسلمكم لبنات وربي يخليكم

 

[روعة2005]

مالا ناصر :p
بصحتك سندريلا صيامك في الجنة
للعشاء درت مقلي
والعشية طيبت بسبوسة وطاجين بعثتهم لوحدة سخفت عليهم

 

[nada242008]

يعطيك الصحة فوفة راكي قايمة ماشاء الله والبسبوسة تبان خفييفة

 

[عزة العالمي]

شكرا كثير كامل اطباق روعة يسلمواديكم اختي هدى اعطيني طريقة بطاطا روطي

 

[أم دودو]

السلااااااااااااااااااام عليكم واش راكم كااااااامل توحشتكم وتوحشت لمتنا و جميع البنات اللي كانو معانا
الحمد لله على رجعة المنتدى الغالي و الله فرحت كي عاود رجعلنا...........الحمد لله
عشاي كان دماغ في الكوشة و بيري و روز أبيض

 

[ام ايناس]

يعطيك الصحة فوفة الحلو والبسبوسة اممممممممم
عزة العالمي مرحبا بيك معانا

 

[ام ايناس]

اهلا ام دودو العشية برك كنت نخمم فيك واش احوالك وبصحتك العشا

​

 

[أم دودو]

اهلا ام دودو العشية برك كنت نخمم فيك واش احوالك وبصحتك العشا

​

أهلا بيك يا الحنونة و الله فرحت كي خممت فيا :$ أنا بخير و الحمد لله و إنتم إن شاء الله كامل تكونوا بخير و صح عشاك إنت تاني

 

[oumniati]

‏marhba bik m3anعزة العالمي

raw3a ya raw3a ya3tik saha, wech derti fi tajine lahlou, wech men fakia

oum doudou 3la slama ya lahmama, twahachnek, wech raki , el hamdoulillah ki raj3at ellama , n3awdou nchoufou lahbabet

oum amani ahla bik , wech raki oukhti, wech rahi amani