الجزء الــــ18 من ماذا ستطبخين اليوم

[أم دودو]

أهلا بيك أمنياتي واش راك إنت يا حنونة

 

[oumniati]

:-rla3chia dertelhoum lakhfaf

w la3cha rabi ynoub hhhhh

 

[oumniati]

wallah el hamdoulillah ya oukhti allah ydawamha in cha allah

 

[oumsif]

علي سلامتك ام دودو واش هدا الغيبة لاباس اختي
مرحبا بيك معنا عزة العالمي
عشاي كعبر و مد للعور هههههههه قليت سكالوب وحطيناه في الخبز انا وابني هدا هو عشانا ​

 

[أم دودو]

علي سلامتك ام دودو واش هدا الغيبة لاباس اختي
مرحبا بيك معنا عزة العالمي
عشاي كعبر و مد للعور هههههههه قليت سكالوب وحطيناه في الخبز انا وابني هدا هو عشانا ​

الله يسلمك سمورة أنا راني حاضرة النت هو اللي غايب ههههههه المهم رجعنا و إن شاء الله نرجعوا كي زمان و أحسن إن شاء الله
راني ملاحظة تقريبا جميع البنات موجودين و الحمد لله ماعدا روز

 

[ام ايناس]

الله يسلمك والحمد لله كي راكي بخير

 

[ام اماني05]

بسم الله ماشاء الله عليكم غالياتي ام ندوش،روعة الرائعة،عفاف،ابتسام ،امنيات،ام منصف،بنت الجسور،ام ايناس،سمورة،ام دودو وكل الغاليات ولي نسيت اسمها تسمحلي
اسمحولي مانيش نشارك معاكم راني مشغولة شوية باذن الله غدوى نحط بعض الاطباق كنت صورتها قبل
قلت مانجيش بيديا فارغين جبتلكم حاجة حلوة للحلوات

://

 

[oumsif]

راني ملاحظة تقريبا جميع البنات موجودين و الحمد لله ماعدا روز

اختي روز زيدت اليوم وجابت بنت ربي يعيشلها ويشفي اختنا روز وترجعنا علي خير​

 

[أم دودو]

راني ملاحظة تقريبا جميع البنات موجودين و الحمد لله ماعدا روز

اختي روز زيدت اليوم وجابت بنت ربي يعيشلها ويشفي اختنا روز وترجعنا علي خير​

إن شاء الله ألف مبروك و الحمد لله كي زيدت على خير

 

[oumniati]

hhhh hadak ma ylik ya samira, ana louken machi houma nakoul khoubz yabess, el mouhim ma ntayabch hhhhhh

ya3tik saha ya oum amani mmmmmmm, kima ygoul boubagra rabi yarahmou hayla hayla hayla hhhh


ahla bik karima , saha 3idek, wech raki oukhti, ta3arfi hadak nhar tfakartek goult rahet w ma tlabtch menha smah, wallah samhini oukhti rani nhab ghir ngassar, mhabatkoum rabi elli 3alem biha

 

[ام ايناس]

صباح الانوار عليكم
اممم منين فتحت لقيت الحلو نتاع ام اماني يعطيك الصحة

 

[روعة2005]

ام اماني القطايف جاوك تحفة بزاف
ام دودو ليك وحشة منورتنا من جديد
خيرة الخفاف جاو خفاف يهبلو هههه بصحتكم
يومكم جميل وموفق للغداء قلت ندير تليتلي احمر

 

[omarwa]

صباحك ورد وياسمين
بصحتكم وتسلم اياديكم

 

[nada242008]

صباااااح الخير يا بنات
ام دودو مرحبا بيك هذي غيبة كبيرة من وقت العمرة تاع العام لي فات ماشفناكش واش راكي وواش راهم لولاد
عزة اهلا بيك
ام اماني اهلا بالحامل والمحمول ههه القطايف يهبلووو امممممممممم بصحتكم
خيرة الخفاف جاوك خفاف صح ههه بصحتكم
الغدا حتى انا قلت ندير تليتلي يا ام ناصر رانا تفاهمنا هههههههههههه:p

 

[ام اماني05]

صباح الخيرات على اعز اخوات
بصحتك اختي روعة وعفاف التليتلي اممممممممم اكيد من يديكم يجي هاااايل
انا للغداء درت قراتان بطريقة الغالية روعة كنت درتها في رمضان وعجبتهم بزاااف شكرا غاليتي على الوصفة وبعدها رايحة لطهارة ولد سلفتي راح دير قهوة لعقوبة لرائد ومحمد ولا طهرتهم وخلاص خلاص ههههه:d
بالنسبة للقطايف درتهم قبل رمضان وان شاء الله نديرهم موضوع

 

[ايمان التلمسانية]

راني ملاحظة تقريبا جميع البنات موجودين و الحمد لله ماعدا روز

اختي روز زيدت اليوم وجابت بنت ربي يعيشلها ويشفي اختنا روز وترجعنا علي خير​

الف مبروك وتتربا في عزهم ان شاء الله
​

 

[nada242008]

الله يسلمك ام اماني وانت ثاني طيابك ماشاء الله
لالا رائد مازال هههههه ورانا نسناو في موضوع القطايف

 

[shahrazad]

صبااااح الانواااار
وشنو هدااا راكم دايرين حااالة الله يباارك ويزيد ههههه
حنا عدنا دار قاع راهي مخلطة ماعدناش ممبا الوقت باه نطيبو
مانجو نكملو كلشي و نرتبو حتى يظهري يتقسم
قتلهم رحلو كلشي والنت خليوه التالي قااع هههه

ان شاء الله تكونو كامل بصحتكم انتم والعايلة:d

​

 

[oumsif]

شهرزاد مبروك اعليكم العتبة الجديدة ربي يعينكم
​

 

[shahrazad]

اميــــن يارب
الله يحفظك ويهنيك اختي سمورة
​