كوكب الاعترافات // المشكلة 03 " أنا في ورطة حقيقية... محتاجة لآرائكم !!"

الحالة
مغلق ولا يسمح بالمزيد من الردود.

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى



السلام عليكم ورحمة الله تعالى وبركاته



مرحبا بكافة مرتادي منتدانا الكرام مثلما عودناكم في ركن:

° كوكــــب الاعتــــــرافـــات °




المشكلة رقم 03 :
" أنا في ورطة حقيقية... محتاجة لآرائكم !!"



السلام عليكم
حبيت نحكي مشكلتي هنا لاني بصراحة ما لقيت حتى شخص نحكيهالوا
انا فتاة 24 سنة مخطوبة من مدة قصيرة
كي كنت فالمرحلة الثانوية كنت فتاة طائشة وكان عندي علاقات مع شباب بزاف بصح هديك كانت مرحلة وخلاصت بعدها انتقلنا للسكن في بلاصة اخرى وانا ربحت الباك وصرت نقرا فالجامعة فالسنة الأخيرة تعرفت على شاب و جا خطبني وماليا قبلو بيه لكن فرحتي ما كملتش
بعد الخطبة مباشرة منعرف شكون لي حكى لخطيبي على الماضي تعي حتى نلقاه وحد اليوم عيطلي وهو منارفي وقالي إذا كان الشي لي سمعو عليا صحيح ولا لالا؟
انا انكرت بشدة وحاولت نقنعوا بلي اللي نقلو الخبر كذاب وربما غالط فيا بصح هو أكدلي ان اللي جابلو الخبر انسان ثقة ويسكن وين كنت نسكن فالسابق وقالي تحبي تتواجهو ونشوفو شكون الكداب !
تما فشلت وانهرت وملقيتش وش نرد
انا نستعرف اني كنت طائشة في صغري بصح والله والله والله ندمت وتبت ونويت نكون وفية معاه مي هو متقبلش فكرة اني كنت على علاقة مع شباب قبلو (ماشي واحد وماشي زوج ) وفكرة اني كذبت عليه طول هاد المدة كلما يسألني هل عرفتي واحد قبلي نقول جامي انت اللول والأسوء انو لي نقلو الخبر قالو بلي انا كنت شايعة ومكاش لي ما سمعش بيا وبعلاقاتي مع الشباب
وكاين بزاف بنات اهلهم منعوهم يدورو معايا...
انا دوكا في ورطة حقيقية من جيهة انا نحبو بزاف ومنيش حابة نفسخو خطبتنا ومن جيهة اخرى خايفة بزاف لو يبطل عليا ويسمعوا اهلي بالحكاية ويعرفوا السبب لي خلاه يبطل وتم منعرف وش ممكن يديرولي
وأهم حاجة خايفة على سمعتي بين الناس
علابالي رايحين تقولولي تستاهلي مي الله غالب اللي فات مات ومتنفعش الندامة
قلبي رايح يخرج انصحوني كيفاش ندير باش نخرج من هاد الورطة؟
 
آخر تعديل:

طير الجنة

:: عضو متألق ::
إنضم
5 جويلية 2008
المشاركات
3,214
النقاط
159
العمر
25
الجنس
أنثى
شوفي ختيتوا أنت صح غلطت كي درت علاقات بزااف مع لولاد
مي نسيت بلي قادر تشوهلك السمعة ديالك و تبقى تلاحق فيك قاع حياتك
دوك لي صرا صرا أوكي
على هادي غير سيي تعترفي لخطيبك هدا بكلش و تفهميه بلعقل برك
و تسيي تقنعيك بلي كان ماضي و بلي راكي نادمة على واش درت
و حابة تبداي من جديد معاه
و بلي دوكا راكي تحبيه غير هو
و ناويا تكملي معاه حياتك
و أدعي ربي يفرج همك و يفتح عليك
و ان شاء الله ما يكون غير الخير
سلاااام

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
46,803
النقاط
821
محل الإقامة
الشرق-الوسط
الجنس
أنثى
وعليكم السلام
بالنسبة لمشكلتك
اكيد اي واحد في بلاصة خطيبك كان يتصرف بنفس التصرف
لأنو راح يشكّ في ألف حاجة
لازم عليك تتحاوري معاه وتحكيلو على اللي سقساك عليه
هاكداك تريحي ضميرك وتنحي الشكوك من جيهتو
وتفهميه بلي راكي تبتي وبدلتي كامل حياتك بعد واش صرا ربي معاك اختي
سلامي

 

la_safa

:: عضو بارز ::
إنضم
9 أفريل 2010
المشاركات
9,422
النقاط
351
السلآم عليكم و رحمة الله و بركآته ~
اختي انت غلطتي غلطة كبيرة مآنيش رآح نجبدلكـ على المآضي تآعكـ
لانو كآين بزآف كيفكـ و حآجة فآتت مآنقدروش نرجعو بالوقت ,
لكن الخطآ لي غلطتيه انكـ كذبتي و قلتيلي انت الأول لي كنت معآكـ ,
اديهآ نصيحة من عندي أنو أسآس أي علآقة هي الصرآحة ,
انت كي خبيتي و مبعد سمع عليكـ ذركـ يقول بلي كآين حوآيج يضروه درتيهم
و انت فآهمتني , يعني كون قلتي أكيد كآنت علآقآت عآبرة مآ تضركمش
هذآ هو الخطأ لي نورمالمون مآ تديريهش ,
انت ذركـ مآ تزيديش تنكري و احكيلو كلشي قوليلي حبيت نبدآ معآكـ صفحة جديدة ,
احكيلو بلي انت مآدرتيش الحآجة لي تضرو .. كنتي طآيشة و تبتي ,
حآولي تفهميه , و مآتلوميهش لانو أي وآحد كآن رآح يدير الشي لي دآرو ..
و ادعي ربي يهنيكـ و يخرجكـ من كربكـ بأقل الاضرآر ,
و السلآم عليكم ~

 

عابر سبيل12

:: عضوية محظورة ::
إنضم
13 أفريل 2008
المشاركات
1,939
النقاط
51
عابر سبيل12، تم حظره "حظر دائم". السبب: مخالفة القوانين
للاسف هادي هي الحكاية الاكثر انتشارا في ايامنا
الانسان يعيش في اللامبلاة والطيش والتسرع والاندفاع اللامبرر والاخطاء الفادحة والمنكرات والشهوات وماالى دالك
وفي الاخير يجني نتائج افعاله الكارثية

صحيح ان ابواب التوبة مفتوحة للجميع ...وان كان الرحمان يسامح ويتوب على عباده فكيف للانسان ان لايسامح لاكن
كان عليكي ان تصارحيه من الاول
 

سمراء السهوب

:: عضو منتسِب ::
إنضم
27 أوت 2012
المشاركات
39
النقاط
3
انا نقولك كلمة واحدة الصراحة اساس بناء اسرة متينة واللي يتبنى على الكذب ما يطولش ويطيح والقرار لك
 

sahiko hamza

:: عضو شرفي ::
إنضم
14 جويلية 2008
المشاركات
3,676
النقاط
191
الندم الشديد يساعدك على التوبة
والتوبة النصوحة ربي مايخليهاش هكاك
الى انتي ندمتي وراكي تايبة ماعليكي إلا بالدعاء

سلام
 

الورد الأحمر

:: عضو شرفي ::
إنضم
6 مارس 2008
المشاركات
18,163
النقاط
671
محل الإقامة
سكيكدة
الجنس
أنثى
السلآم عليكم ,
الغلطة تآعك الأولى أنك كنت طآيشة ,
وكنتي على علآقآت وكثرتي ,
والغلطة الثآنية لي عليهآ تتحآسبي درك ,
أنك خبيتي عليه ومآ قلتيلوش الصح ,
مش ضروري تعديلو العلآقآت ,
لوكآن غير قلتيلو عرفت قبلك ,
مي مآ كتبتش ,
المهم درك رآكي في موقف ,
صرآحة لآ تحسدين عليه ,
مهمآ تخيلت روحي في بلآصتك ,
بآش نديرلك حل مآ عرفتش ,
وآش نقولك صلي بزآاف ,
وادعي أكثر ,
ربي يفرج عليك الكرب هذآ ,
خآصة إذآ تبتي صح كيمآ قلتي ,
عسى الل يعفو عمآ سلف ,
ويخرجك من الأزمة هذي ,
متفهمة شعورك ,
علآبيهآ الطفلة لآزم تلزم حدودهآ ,
أولآ لشرفهآ وثآنيآ للموآقف هذي ,
المهم ربي يفرج عليك أختي ,
وادعي ربي بزآف بزآف ,
وان شآء الله خير ,
سلآمي ’
 

shosho.21

:: عضو مُتميز ::
إنضم
11 أوت 2009
المشاركات
1,030
النقاط
37
العمر
26
اختي صح راكي غلطت كي درت علاقات مع الشباب و هده امور قد تاحدث لاي بنت في سن المراهقة

و لكن اكبر غلطة كي ماصارحتيش خطيبك من الاول حتى يفهمك و ردت الفعل تاع خطيبك متوقعة لانه اي واحد في بلاصتو يدير هك

درك الي فات فات حاولي تتصلي بيه وجها لوجه وشرحيلوالموقف تاعك و بلي راكي غالطة كيماصارحتيهش

ربي يفرج عليك كربك و يوفقك


و الله يا اختي نتمنى ليك كل خير حتى و لو منعرفكش ونتمنى تاني ان شاء الله نسمعو عليك الاخبار الطيبة
 

راضية حامدة

*أستاذة* عضو شرفي
إنضم
30 أفريل 2010
المشاركات
1,281
النقاط
71
يا ريت كانت الاجوبة متاحة للفتيات فقط
كنت تحدثت معك احسن
في الحقيقة رايي يخالف راي المشاركين السابقين
و إن اتفق معهم في بعض الامور
عندي كلام كثير لك و لكن نفضل ما نقولوش على العام
ربي يقرب لك الخير اينما كان
فكري مليح في الحل
و فكري في الاسباب لي وصلاتك لهذا اليوم
مش من جهتك انت فقط
بل من جهة خطيبك ايضا
 

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى
نتوجه بالشكر لكل من مر من هنا
في انتظار الجديد الذي ستوافينا به صاحبة المشكلة
عما استتب عليه أمرها
دمتم في حفظ الله
 

loca

:: عضو فعّال ::
إنضم
22 مارس 2010
المشاركات
2,647
النقاط
159
اااااااه حوجي يانا تعرفي ختوو وكان خبرتيه من debut و كان تهنيتي دروك و كان راكي كسبتي ثقة تاعووو
مكاش شجرة ميهزهاش ريح و مكاش لي مغلطش صح سترة مليحة و من شيرة يسترها ربي مكان علاش تفضح روحها
بصح انت علاش مخبرتيهش من بدية و كان راكم غاية دروك
اي فهميه و صاي معندك كي ديري مدامك تبتي و ندمتي غي خبريه و شوفي كي تفهميه و صاي باسكو غادي تخسري كلشي كي اهلك كي خطيبك كي سمعتك و ديري حسابك لل غادي يجي يخطبك من بعد و زيد 24 سنة مراكيش صغيرة حنونة
فهميه غير بالعقل و ربي يتقبل توبتك و يسهلك ختووو
و توكلي على ربي و خلي ثقته بيه كبيرة لانو ميخيبش و صلي و ادعي مدام كاين ربي قاع متخافيش والله
ربي معاك
 

الرومنسي الجاد

:: عضوية محظورة ::
إنضم
23 جوان 2010
المشاركات
9,051
النقاط
351
الرومنسي الجاد، تم حظره "حظر دائم". السبب: مخالفة القوانين
ربي يجيب الخــير

موفقة :)
 

subainaz

:: عضو مُشارك ::
إنضم
28 جوان 2012
المشاركات
139
النقاط
7
والله يا اختي انا صرالي نفس المشكل
ألا انو انا لما فتحلي الموضوع
صارحتو على طووول وما حاولتش ننكر
لأنو كما يقال
لا نعالج الخطأ بخطيئة
وكيما قلتي نتي حبيتيه انا تاني حبيتو
وعلى هذاك كان لازم تصارحيه
واذا كان يحبك راح يتفهم الوضع مع الوقت
بمعنى نتي ليوم راكي في حالة باش تخسريه في الحالتين :
حالة اذا تابعتي في الكذب نتاعك (اعذريني على قساوة كلامي ) راح تخسريه اكيد عاجلا ام اجلا
أما

الحالة الثانية هي انو تصفي روحك من جهة ربي و تستعرفي بخطأك معاه
وتقوليلو كامل الحقيقة حتى وان كانت مرة
وحاولي تفهميه باللي انتي حبيتيه وحبستي هذاك اللعب تاع الصغار
وهنا تبقى متوقفة عليه
اما يتفهم و يطوي الصفحة ويبدا معاك من جديد
واما ..............وهذا من حقوا تاني


والله أعلم

ربي يكون معاك
وماتنسايش ///// كلشي بالمكتوب


تقبلي تحياتي
 
آخر تعديل:

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى
جديد : صاحبة المشكلة رقم 03

شكرا جزيلا اختي مينات حبيتك تنقلي رسالتي هادي في موضوع كوكب الاعترافات
بسم الله الرحمان الرحيم
أوجه شكري لكل الأعضاء اللي مرو من هنا وردو على مشكلتي
أنا كنت في متابعة الردود
مقصرتوش معايا
ولكن الأمور لم تسر على ما يرام
لان خطيبي مقدرتش يتحمل كل اللي صرا
وقرر يفسخ الخطوية
هو وعدني انو ميشوهش سمعتي ويتحفظ على سبب فسخ الخطوية خصوصا قدام أهلي
راني منهارة ونفسيتي تعبانة بزاف
مانيش عارفة كيفاش رايحة نقدر نكمل حياتي عالأقل أيامي القادمة ؟؟
 

sahiko hamza

:: عضو شرفي ::
إنضم
14 جويلية 2008
المشاركات
3,676
النقاط
191
رسالة الى صاحبة المشكلة


نص الرسالة : اختي كيما قتلك في ردي لي فات
التوبة النصوحة لازمها الندم الشديد
وعسى ان تحبو شيئا وهو شر لكم
الدنيا هذي دروس وحاولي تتعلمي من هاد الدرس
وعلى ربي ان شاء الله لا تبتي تاع الصح
اكيد راح يجي لي يستركـ
نعرف بنات دارو اكتر منك وفالتالي ادو مكتوب من بلاد اخرى ...
ماتعرفي على مكتوبك كيفاه راح يجي
حاجة وحدة كملي توبتك وماتنسيش حق ربي

ربي يسترك دنيا وآخرة .


الف شكر آمنة كيما طمنتينا عليها
 

بنت الـ25

:: عضو شرفي ::
إنضم
12 مارس 2008
المشاركات
7,143
النقاط
351
محل الإقامة
قسنطينة
الجنس
أنثى
رسالة الى صاحبة المشكلة


نص الرسالة : اختي كيما قتلك في ردي لي فات
التوبة النصوحة لازمها الندم الشديد
وعسى ان تحبو شيئا وهو شر لكم
الدنيا هذي دروس وحاولي تتعلمي من هاد الدرس
وعلى ربي ان شاء الله لا تبتي تاع الصح
اكيد راح يجي لي يستركـ
نعرف بنات دارو اكتر منك وفالتالي ادو مكتوب من بلاد اخرى ...
ماتعرفي على مكتوبك كيفاه راح يجي
حاجة وحدة كملي توبتك وماتنسيش حق ربي

ربي يسترك دنيا وآخرة .


الف شكر آمنة كيما طمنتينا عليها
لا شكر على واجب حمزة هدا واجبي
وثانيا شكرا لك على متابعة الموضوع
نصيحتك ان شاء الله تقراها صاحبة المشكلة وتتقيد بيها
مكانش لي ميغلطش في هاد الدنيا سواء عن طيش ولا جهل
المهم الندم والتوبة النصوح كيما قلت انت والعزم على عدم العودة لمقل هذا الفعل

اما بالنسبة لنصيحتي ليك
أختي الكريمة اهم شيء الآن حاولي تتقبلي الفكرة (فكرة فسخ الخطوبة)
وتقراي العذر لخطيبك
وإن شاء الله يرزقك ربي من حيث لا تحتسبين
أهم حاجة اتعلمي من هاد المشكلة الدرس واللي هو
الصراحة .. ثم الصراحة
منقلكش من نهار لول تحكيلو كلشي ولكن إذا سألك اعرفي وش تقولي بلا كذب
سلامي
 

ام منصف

:: عضو شرفي ::
إنضم
11 سبتمبر 2009
المشاركات
5,472
النقاط
351
اختي واش نقولك كل الكلمات ماهيش راح تقدر تحلك مشكلتك لانك في وضع لا تحسدين عليه
مانيش راح نلومك على اللي فات لانك قلتي راكي فقتي واستعرفتي باخطائك اللي كان لازم تحسبيلها حساب هذا اليوم
ما تنهاري ماوالو
خطيبك ما قدرش يسامح ويكمل معاك وهكذا خير باش ما يقعدش عايش معاك في الشك وكل مرة يجبدلك الماضي
كنت عارفة بل ومتاكدة بلي راح يفسخ الخطوبة على حساب ما قلتي
يعني كنت لازم تجهزي روحك نفسيا لهذا اليوم
لازم تتجاوزي مشكلتك كملي قرايتك وطيشي وراك
واذا كتب ربي وجاك مكتوب وحد اخر ما تعاوديش الغلطة اللي درتيها انك كذبتي اذا لا قدر الله وسمع بالماضي نتاعك اعترفي وقولي بانك نادمة وتبتي وماكانش واحد الل ما يغلطش وهذا كان طيش شباب
ربي يقدر اللي فيه الخير وخلاص
 
الحالة
مغلق ولا يسمح بالمزيد من الردود.
Top