كوكب الاعترافات // المشكلة 03 " أنا في ورطة حقيقية... محتاجة لآرائكم !!"

[حفيد هواري بومدين]

ربي يمد على قد القلوب ... توبي ومنبعد تلقاي بربي لي يسترك​

 

[*amina*]

السلام عليكم ورحمة الله تعالى وبركاته
سبحان الله العلي العظيم مزالنا في وقت كاين ناس يشيعو بناس وحداخرة وخدمتهم القيل والقال وهد (الحمار) حاشاكم كي عرفك مخطوبة ولنسترتي علاش جا يهدر في الهدرة تاع الماضي والله غير عيب عليه ربي يقلك استر عبد فالدنيا يسترك ربي في الاخرة
يظهر انو ه\ا الانسان لي دار الفتنة بينك وبين خطيبك انسان جاهل وحقود وغيور وانسان ميصلحش خلاص
اختي صلي صلاة الاستخارة ودعي ربي يهديك ويهدي خطيبك حاولي تفهميه انو ه\ا كان كلو في الماضي وربي يوفقك
الله يهدي لي كان السبب والله غير راكي في موقف صعب

 

[أم عبد الله]

لي عودة

 

[dana1993]

السلام عليكم و رحمة الله
اسال الله ان يثبت خطاك في الصواب
اختي هو من الاول كنتي لازم تصارحيه بكلشي هادي عشرة عمر ماشي نهار ولا زوج
احمدي ربك كي سمع ضك ماشي بعد الزواج
حبيبتي الي يبغيك يبغيك كيما راكي
صح شوي صعيبة مممكن عليه والله ادرى بماضيه هو
لكن راكي عارفة المجتمعات الشرقية تاعنا
الي كتبهولك ربي يوصلك حبيبتي
انت اتكلمي معاه برزانة و فهميه و صلي صلاة الاستخارة و ربي يقدر الخير ان شاء الله

 

[loula09]

اختي مشكلتك شويا عويصة انا من رايي تفسخو خطوبتكم خاطر دايما يقعد شاك فيك وقادر جي نهار لي يعايرك فيك
بصح كاين حل وحداخر بما انك تحبيه ويحبك قوليلو ادا فسخت خطبتنا متقولش لدارنا على سبة الحقيقية
كشما كاين متفاهمتوش ومقدرتوش تكملو و ربي فرج عليك

 

[brahim tiniri]

شوفي عيطيلو وقوليلو راني ندمانة وسامحني والا ماحبش قوليلو استر عليا وما تقولش لدارنا الا حب يروح يروح والا حب يقعد يقعد وانشاء الله يقعد اتمنالك من كل قلبي ان المشكلة تتحل راكي غضتيني
-مع تحيات الجنرال- نرجو لكم التوفيق-
​

 

[natalya]

السلام عليكم وعلى جميع الناس اخواننا اخواتنا من كل مكان مع حلول هدا العيدالمبارك نسال الله عز وجل ان يكون عيدا مباركا لنا وان تكون ان شاء الله ان تحل مشاكلنا ويعيننا ان نفيدكم بما عندنا بكل خير
على دكر هده القصة لا اعرف هضن هنني متاخرة في ردي لكن اجيب علها تكون منفعة
نحن في وقت السرعة وفي وقت الخيانة وفي وقت كل ماهو مؤدي الى طريق الفساد لان اسبابه متعددة ولكن قليلون منا من هم يتحكمون في شهواتهم و مطالبهم خصوصا طلاب الجامعة لانهم ينجرون نحو غرائزهم ويظنون ان الحب بين شخصين سيؤدي الى علاقة ناجحة تاكدن اخواتي فان الاولاد لا يخسرون شيء الا انت يا بنت قبل خسارة نفسك ستخسرين كرامة اهلك ابوك اخوك كل من حولك والاكبر الله لدا ضعي فس راسك شيء انك لن تاخدي في هده الدنيا الا ما قدر لك وكتب من عنده وكلنا سنموت ونحاسب على اعمالنا واقول ان هده المشاكل هي قدوة لكل من يفكر في متل هده الامور
لاحظوا معي في قصة الاخت عندما اخطات في مصادقتها لكثير من الاولاد قد اخطات ولم تكف عن خطاها بل اكملت تبرير الخطا بالخطا حتى في وقت اين ان تكون صادقة كدبت على من سيكون شريك حياتها صدقونوا ان لم ندرك الخطا وننتهي عنه فان الله سوف يعمي قلوبنا عندها لا نستطيع ان نفرق بين الخطا والصواب
هختي عليك ات تتوبي الى الله اولا وان تصارحي خطيبك وتوكلي على الله سوف يعينك ولا تقولي لي الحب هي حب في الزواج نتكلم عن الصدق والعقل لا القلب وان اخطات اعزائي فاعذروني

 

[wafa 1990]

و الله يا اختي نتمنى ليك كل خير حتى و لو منعرفكش ونتمنى تاني ان شاء الله نسمعو عليك الاخبار الطيبة

 

[إحْسَان]

يَ الله !
والله يا اختِي عجزت بآه ننصحكْ !
ومآلقٍِيتش نُصح يفِيد إطلآقـآ ! =(
رآح نقُولكـ عَسى الله أن يتقبل توبتك وأن يتوب علينآ جَميعآ
وتأكدي أن الله مع المنكسرة قلوبهم وهو رحيم بهم عليم بهم
ولتتأكدي أن التوبة الصآدقة التي يتبعها العمل الصالح والندم
تُفرح الله تعالى أكثر من راحل في يوم حار فر منه جواده
وعليه ماءه وقوته حتى إذا عاد وهو قد قنط منه قال : اللهم أنت عبدي و أنا ربك
أخطأ من شدة الفرح والله إن الله أشد فرحا بتوبة عبده من هذآ
واسأل الله لك الستر والعفاف والغنى

واتعظن يآ أولات الألبـآب
​

 

[الراجية رضا ربها]

بسم الله الرحمن الرحيم
هذه هي نتيجة اتباع الهوى و الأحلام الوردية و الصحبة غير الصالحة في هذا الوقت إلي ما يعرفش يختار صحابو راح يروح للهاوية أكيد
أختي أنا ننصحك بالتوبة النصوحة أولا مش تقوليلو راني تبت و نت متبتيش لأنو ربي قادر يكشفك **إنه على كل شئ قدير * ليه و لا لغيرو ولا لا؟
ثانيا أنا منستعرفش بحاجة اسمها غلطة و لو في فترة المراهقة وين هي رقابة الله وتوعية الوالدين ميشوفوش تغيرات في تصرفات بنتهم ؟ هذا شئ محال لأنو الوالدين يحسو ببنتهم و impossible ما يلاحظوش هذه التغيرات و أيضا الخوف من تلطيخ السمعة احنا كلنا مرينا بفترة المراهقة لكن الحمد لله مغلطناش و بالصريح متبعناش الهوى و الرفقات إلي مش ملاح قبل كل شئ كنت نخمم في سمعتي و قرايتي و سمعة والديا و منسيتش هدا اليوم إلي يجي فيه واحد للدار و يسقسي علييا
لكن فات الأوان أختي لذلك أنصحك بالتوبة و الرجوع إلى الله و الدعاء بأن يرزقك خير منو و ما كانش كيم الصراحة من الأول و الله الموفق و عذذرا على كلامي الصريح المر
​

 

[نجاة40]

الحمد لله لي ربي سبحانو هو لي يغفر وفي يدو هو مفاتح الجنة والنار
اختي انت تبتي كيما قلتي وربي يتقبل منك
حبيت نقولك حاجة
ديري في بالك مليح وكوني واثقة بلي لي يمشي في طريق ربي راهو يعوضو خير وخير
انتي كنت انسانةوتغيرتي للاحسن وربي اكيد راح يجازيك
واذا كان الشخص هذا ماشي متمسك بيك ومن كلمة فرط فيك حتى ولو كنتي غالطة الكمال لربي سبحانو وحنا كل بشر واحد ماهو خير من واحد واذا انتي غلطي فالامر هاذا هو غلط في امر اخر لكن الواحد يقنع بلي قسملو ربي والحياة راح تمشي​

 

[ليديا المتفائلة]

:regards01:س ع جميع الحضورمشكلتك يااختي كبيرة فعلا لكن منيش حابة نزيد عليكوهذي هي مشكلة البنات هذه الايام لازم تعرفي حاجة وحدة بركالرجل يحب ان يكون اول حب واول تجربة للبنت الي يختارها شريكة لحياتهلكن الان هو متاكد انو ليس الاول في حياتك ولي زاعجو اكثرانك ماصارحتيهشواجهيه بالحقيقة كاملة وقوليلو كان طيش شباب وملقيت حتى واحديشد على يدي ويقولي هذا الشي حراملكن صدقيني اذا تبتي توبة نصوح الله تعالى راح يديرلك حل واتمنى ان تعدي ع خيييير

 

[soussou.95]

قوليله الحقيقة و ارتحاحي وخلي امرك على ربي

ادعي الله يساعدك قومي الليل تقربي الى الله مادمت قد تبتي فهو الي يساعدك

ان شاء الله تنحل المشكلة نتاعك

 

[M3TaZ eLLMa]

السلام عليكم

والله قصتك يأختي تحزن لكن الفرج لازم يكون

خير الخطائين التوابون

أول شيء هذا درس لازم تتعلموا أي فتاة وانتي هنا اعطيتنا عبرتين

عبرى لك وعبرى لغيرك لكي يستفدوا من تجربتك

الخطأ الاول نتاعك هو أنك لم تصارحي خطيبك على كل شيء وهو الاهم يأختاااه الطيبة

من الممكن أنك قلتي في قلبك نكذب كذبة بيضة على خطيبي ونفادة واش راح يصرى لكن لم تتوقعي ما يحصل المهم

مشكلتك ساهلة جدا جدا

راهي بين ايديك

كيما قالو الاخوة من قبلي لازم تعملي مع حوار ونقاش على هذا الموضوع

راح تصرحيه بكل شيء حصل معاك وتصرحيه علاه ما مقتلوش الحقيقة كي سقساك

ومنها تبرئي نفسك وعلى الكذبة البيضة لي كذبتيها عليه

يعني لازم تشرحيلوا موقفك بكل أمانة

ويبقى القرار عندوا هو لي حدد المصير العلاقة

فحالة السلبية انو رفض يكمل معاك المشوار يبقى قراروا وهو حر فيه هنا انت لازم تكوني انسانة قوية وتتقبلي كل شيء

ولا تنتهي الحياة هنا بل بالعكس حتى لو اصبح الامر عند العائلة فهو يبقى كلام الثانوية

أنتي اعترفتي بذنبك وتبتي لربنا سبحانه وتعالى هنا نقلك بزايد يأختي راكي نظفتي روحك عند ربي وحاولي تكفري هاذالذنوب

بصلاة والدعاء والصيام له لكي يغفر لك والله غفور رحيم

بقات عند العبد خليها على الله وما تمرضيش روحك بالوسواس الخناس راه شاطر وربما يجرك إلى اشياء في حالة ضعف كبير

لا تتوقعينها لهذا تمسكي بخيط الله وكلي ربي هنا وإن شاء الله

خطيبك يفهم ويتفهم الموقف بإذن الله

أما بخصوص الخطأ من منا لم يغلط لوكان تحاسبي خطيبك تلقايه أكثرمنك لأنو بكل صراحة من منا لا يملك ماضي وخاصة
في هذا الوقت لي رانا فيه

المغزى لي حبيت نوصلو ليك انك اخطئتي صح لكنك تبتي إلى الله هذا هو المهم يا أختي العبد غفر ولا مغفرش هذا شيء عادي

أما في أمر الله انو لازم ربي سبحانو يغفرلك وهناك طرق كثيرة ذكرتها لك كي يغفر لك الله

نتمنى الفكرة والخلاصة وثلت ليك أختي الطيبة

ونتمنى نسمعو منك أخبار تفرحنا وتفرحك

وربي يوفقك

وخلي ربي بين عنيك وما تخافيش من أي شيء

تقبلي شكري وتقديري​

 

[nabila nebola]

يا اختي ربي يهديك وقتاش درتي هذاا الشىء كامل انا نعرف الصراحة راحة و الساس المغشوش يريب طال الزمن ولا قصر

 

[سجل أنا جزائري]

ربي يهدي ما خلق

 

[SONYA25]

السلام عليكم

والله قصتك يأختي تحزن لكن الفرج لازم يكون

خير الخطائين التوابون

أول شيء هذا درس لازم تتعلموا أي فتاة وانتي هنا اعطيتنا عبرتين

عبرى لك وعبرى لغيرك لكي يستفدوا من تجربتك

الخطأ الاول نتاعك هو أنك لم تصارحي خطيبك على كل شيء وهو الاهم يأختاااه الطيبة

من الممكن أنك قلتي في قلبك نكذب كذبة بيضة على خطيبي ونفادة واش راح يصرى لكن لم تتوقعي ما يحصل المهم

مشكلتك ساهلة جدا جدا

راهي بين ايديك

كيما قالو الاخوة من قبلي لازم تعملي مع حوار ونقاش على هذا الموضوع

راح تصرحيه بكل شيء حصل معاك وتصرحيه علاه ما مقتلوش الحقيقة كي سقساك

ومنها تبرئي نفسك وعلى الكذبة البيضة لي كذبتيها عليه

يعني لازم تشرحيلوا موقفك بكل أمانة

ويبقى القرار عندوا هو لي حدد المصير العلاقة

فحالة السلبية انو رفض يكمل معاك المشوار يبقى قراروا وهو حر فيه هنا انت لازم تكوني انسانة قوية وتتقبلي كل شيء

ولا تنتهي الحياة هنا بل بالعكس حتى لو اصبح الامر عند العائلة فهو يبقى كلام الثانوية

أنتي اعترفتي بذنبك وتبتي لربنا سبحانه وتعالى هنا نقلك بزايد يأختي راكي نظفتي روحك عند ربي وحاولي تكفري هاذالذنوب

بصلاة والدعاء والصيام له لكي يغفر لك والله غفور رحيم

بقات عند العبد خليها على الله وما تمرضيش روحك بالوسواس الخناس راه شاطر وربما يجرك إلى اشياء في حالة ضعف كبير

لا تتوقعينها لهذا تمسكي بخيط الله وكلي ربي هنا وإن شاء الله

خطيبك يفهم ويتفهم الموقف بإذن الله

أما بخصوص الخطأ من منا لم يغلط لوكان تحاسبي خطيبك تلقايه أكثرمنك لأنو بكل صراحة من منا لا يملك ماضي وخاصة
في هذا الوقت لي رانا فيه

المغزى لي حبيت نوصلو ليك انك اخطئتي صح لكنك تبتي إلى الله هذا هو المهم يا أختي العبد غفر ولا مغفرش هذا شيء عادي

أما في أمر الله انو لازم ربي سبحانو يغفرلك وهناك طرق كثيرة ذكرتها لك كي يغفر لك الله

نتمنى الفكرة والخلاصة وثلت ليك أختي الطيبة

ونتمنى نسمعو منك أخبار تفرحنا وتفرحك

وربي يوفقك

وخلي ربي بين عنيك وما تخافيش من أي شيء

تقبلي شكري وتقديري​

يعطيك الصحة اخي معتز ماعندي منزيد فوق هاد الكلام ان شاء الله تقراه وتمشي عليه اختنا صاحبة المشكلة بارك الله فيك وكتر الله من امثالك

 

[angel]

علابالك الحل الوحيد




انك تقعدي معاه وتهدرو


وتقنعيه بلي تبدلتي



ربي يكون معاك إن شأء الله



​

 

[بنت الـ25]

تقول صاحبة المشكلة (بعد غياب طويل)
​

شكرا لكل من مر من هنا
لكن كيما قلت قبل
خطيبي فسخ الخطبة وفرات


نتمنى تغلقي الموضوع اختي
سلام