تنصحني و نتا أكثر مني....!!!!

[عفيفة الحبوبة]

السلام عليكم و رحمة الله و بركاته
كيراكم ناس اللمة؟ واحد واحد ؟
ان شاء الله ديما بخير و لاباس:-r
ندخل ديراكت في الموضوع بدون مقدمات و تفلسيف:d
علاه كاين ناس ينصحوك بحاجة و هوما كثر منك؟
علابالي الدين النصيحة و النصيحة مليحة و سورتو لاكانت بينك بينه و بالعقلية و بالتي هي احسن
لكن يجي واحد يقولك دير هاك و هو عوج
نحكيلكم على موقف شفته باه تفهموني كي راني نخمم
وحدة لابسة تريكو تاع ماريكان
جا واحد قالها اقلعيه و ما تحشميش و منا
قاتلو:اعلاه؟
قالها:ماريكان دارو فيلم سبو الرسول و نتي.......منا منا و هدرة سور سور شافها في الفايسبوك خطش معوجة من كل جيهة و طريق
انا اللي نعرف باللي هاد الشخص ما يصليش يسمع الغناء طوايشي( بلا ما نزيد نخبر واش يدير)
هل هادا يقد يجي ينصح هادي؟
صحا و الرسول غير كي سبوه نجو ندافعوا عليه
صحا واش هو الواجب تبع الرسول في سيرته ولا كي يسبوه تجي تتفيهم على الغاشي
انا نكره و نكره بزاااف لي يجي ينصحني و هو معوج
و لي ينصحني بحاجة يكون هو يديرها و لا ماكالاه
بالاك حسبتوني رامي منارفيا هههههههه لا راني باغية غير نشوف رايكم
اليكم الخط
.
.
.
بقلم:ّعفيفةّّ​

 

[ماكانش]

أهلا بيك عفيفة
يعطيك الصحة على موضوعك الباهي
النصيحة لها آداب كيما قلتي ومن بينها انو الإنسان يكون مطبق واش راهو ينصح
وانا ندوخ في هاذي زعما نسرة الرسول صلى الله عليه وسلم وهوما والله الصلاة مايصليوها ويضالو يضحكو على الناس ألي اطبق السنة ويشركو في فامهما
نصرة الرسول انك تلتزم بالسنة تاعو واطبقها وتقرا السيرة تاعو وتربي ولادك عليها وو ماشي تحط فوطو وراك تنصر فيه ماهمش سامعين بيك ولا بالفوطو تاعك ولا فتحو لاباج تاع الفايس بوك تاعك
ماناش نستحقرو في الناس ولكن كل حاجة وبلاصتها

يعطيك الصحة على الموضوع الرائع

تقييم​

 

[عفيفة الحبوبة]

أهلا بيك عفيفة

يعطيك الصحة على موضوعك الباهي
النصيحة لها آداب كيما قلتي ومن بينها انو الإنسان يكون مطبق واش راهو ينصح
وانا ندوخ في هاذي زعما نسرة الرسول صلى الله عليه وسلم وهوما والله الصلاة مايصليوها ويضالو يضحكو على الناس ألي اطبق السنة ويشركو في فامهما
نصرة الرسول انك تلتزم بالسنة تاعو واطبقها وتقرا السيرة تاعو وتربي ولادك عليها وو ماشي تحط فوطو وراك تنصر فيه ماهمش سامعين بيك ولا بالفوطو تاعك ولا فتحو لاباج تاع الفايس بوك تاعك
ماناش نستحقرو في الناس ولكن كل حاجة وبلاصتها​

يعطيك الصحة على الموضوع الرائع​

تقييم​

اولا شكرا على اعتماد الموضوع و التقييم:-r
ثانيا انا معاك في اللي قلتي ماهم سامعين لا بيك لا بالفوطو تاعك اللي بالنسبة ليا ما تعني والو زعما:down:
لي يحب الرسول يتبع سيرته و يحبب اهله فيه عن طريق التعريف بيه و بكيانه و شخصيته
و عجبتني كي قلت يضحكو على الناس اللي تطبق السنة ههههههه هادي راني ناوية ندير عليه موضوع في اقرب وقت
ربي يخليك و يحفظك
و مرور مميز اثرى الموضوع:regards01:​

 

[zahya]

موضوعك هادف اختي عفيفة نشكراك عليه
اما النصيحة فلها اهلها مش اي واحد يقدر يقدمها للنصحة ناس يقدروها حسن تقدير .....ونصرة الرسول صلى الله عليه وسلم بإتباع سيرته كيما قال مكانش مش على الفايس بوك بفطو ات وزوج كلمات
مرة تانية نشكرك على الموضوع

 

[عفيفة الحبوبة]

موضوعك هادف اختي عفيفة نشكراك عليه
اما النصيحة فلها اهلها مش اي واحد يقدر يقدمها للنصحة ناس يقدروها حسن تقدير .....ونصرة الرسول صلى الله عليه وسلم بإتباع سيرته كيما قال مكانش مش على الفايس بوك بفطو ات وزوج كلمات
مرة تانية نشكرك على الموضوع

ربي يحفظك زهية
و العفو
كيما قلتي النصيحة لها اهلها اللي يقدروها و يفهموها
شكرا ليك على المرور الطيب​

 

[نبض الحياة]

سلآم عفـــــــــــــوف
واش هاد الموضوع الباهي :thumb_up02:
مي والله غير يعطيك الصحة :bravo01:
وكيما قلتي سيرتو سيرتو في الموضوع نتاع اللبسة
والله ديفوا نكون في جماعة نحير
تقولك وحدة مثلا شوفي ديك كيراهي لابسة :down:
وممكن هي كثر منها :very_mad:
الواحد دائما قبل ما ينصح يشوف لروحه
هاك باه تجي عليه اذا نصح
ومام يقدر يكون قدوة للناس :regards02:

~~~~
ايا تشـــــــآو :bye01:

​

 

[عفيفة الحبوبة]

سلآم عفـــــــــــــوف​

واش هاد الموضوع الباهي :thumb_up02:
مي والله غير يعطيك الصحة :bravo01:
وكيما قلتي سيرتو سيرتو في الموضوع نتاع اللبسة
والله ديفوا نكون في جماعة نحير
تقولك وحدة مثلا شوفي ديك كيراهي لابسة :down:
وممكن هي كثر منها :very_mad:
الواحد دائما قبل ما ينصح يشوف لروحه
هاك باه تجي عليه اذا نصح
ومام يقدر يكون قدوة للناس :regards02:​

~~~~
ايا تشـــــــآو :bye01:​

سلااااااااام رقية
ربي يخليك حبيبتي باهي كيفك يا الزينة
واه هادي كاينة واحدة تهدر و هي اكثر الله يهدينا
شكرا على المرور الجميل​

 

[*مواطن بسيط*]

اهلا
اعطيك الصحة اخي على هد الموضوع
++
امممـ
الواحد باش ينصح لازم يكون متأدب وعارف وش راه يقول بلا عياط ولا زعاف
ومن ناحية الي ينصح انا صراحة معاها يعني كيكون واحد يشرب في الدخان ويقلك اخطاك منو راه يضر انا هد انسان نحترمه بيسك صح راه ضر روحه مي ميحبش يتضر غيره
كمعناها منين تجي النصيحة نتقلبها من اي شخص سواء هو مليح ولا قبيح

 

[عفيفة الحبوبة]

اهلا
اعطيك الصحة اخي على هد الموضوع
++
امممـ
الواحد باش ينصح لازم يكون متأدب وعارف وش راه يقول بلا عياط ولا زعاف
ومن ناحية الي ينصح انا صراحة معاها يعني كيكون واحد يشرب في الدخان ويقلك اخطاك منو راه يضر انا هد انسان نحترمه بيسك صح راه ضر روحه مي ميحبش يتضر غيره
كمعناها منين تجي النصيحة نتقلبها من اي شخص سواء هو مليح ولا قبيح

و بيك اهلا اخي
و انا بنت ماشي ولد
نتقبل وحهة نظرك بكل احترام
و شكرا على المرور الطيب​

 

[07 _H@yThm]

موضوع فيه وعليه
باسكو يمس السياسه
صحيتي:d​

 

[عفيفة الحبوبة]

موضوع فيه وعليه

باسكو يمس السياسه

صحيتي:d​

هههههههه ما فهمتش مي تبان حاجة مليحة
يعطيك الصحة:d​

 

[aminas94]

لا تنه عن خلق وتأتي مثله عار عليك إذا فعلت عظيم

ليس سهلا ان تتخذ مقام الناصح بل اعمل لتكون قدوة لغيرك

شكرا على الموضوع

باتظار القادم

 

[brahim tiniri]

موضوع مليح نشكروك عليه انا تبانلي كيما راكي تقولي انا ما نشتيش اللي يشيخ وهو خاليها يعطيك الصحة
-مع تحيات الجنرال- نرجو لكم التوفيق-
​

 

[lizou]

السلام عليكم
ههههههههههههههههههههههه والله غير ضحكتني هادي اولا تانيا مرسي عالموضوع الشباب علاخاطر هادي حقيقة واحد مايتهرب منها شوفي ديفوا الانسان كي يكون نورمال والله ينسى هاد لحوايج الصغار يعني تاع يسمع لغنا علاخاطر ماكانش لي ميسمعهمش دوكة مي كي وصلت للرسول صلى الله عليه وسلم ياو عقلك ماتصبيهش وهو في هاديك دقيقة كان منارفي بزاف وقاع رانا كيفكيف سي بور سا والله مالازم نلومو بعضانا بصح مرسي والله غير عجبتيني حنونة ههههههههههههه

 

[عابر سبيل12]

لاحول ولاقوة الا بالله

يعني ادا نصحوكم للصلح ومافيه الفائدة قلتوا كيفاه ؟؟

وادا دعوكم للفسق والرديلة قلتو وعلاه ؟؟

يعني ادا حب الانسان يدير الخير تقولولو مايصحش

وادا حب يفسد روحو ويدير الحرام تقولولو حرام عليك

هادم هم نحن الاعراب ...صراحة مش غير انت رانا كامل كل الشعوب العربية دون استثناء

مانحبوش اللي ينصحنا مش لانو هو يدير والا مايديرش لالاابدا ..هادي حجج واهية

لاكن على خاطر نبحثوا على مبررات لانفسنا باه نديرو الحاجة اللي مش مليحة

وكي ينصحونا نقولو ....لاه ينصحني وهو معوج


لاحول ولاقوة الا بالله

الرسول الكريم قال الدين النصيحة
​