السلام عليكم صفصوفةو عليكـ السلآم و الرحمة
و أهلآ و سهلآ بنآسوو .. الله يسلمكـ
و عيدكـ مبآركـ حبيبتي كل عآم و انت بألف خير يآ رب
ان شآء الله يآ رب .. دعوآتكـ لينآ
يعطيكـ الصحة ربي يجآزيكـ ..
اممم تقدري تعطينآ لمحة على السنة الثآلثة
على كل الموآد و تقوليلنآ كيفآه نظمتي وقتكـ
و كيفآه كآنت لقرآيآ معآكـ العآم المآضي !!
:regards01:
و كاين اللي 2 سوايع يكفيوه بالنسبة ليا كنت نقرا كيما لعوام لخريين نعاود فيزياء و مات و علوم كي نجي لدار و نحل تمارين و نستغرق 2 سوايع ل3 على الاكثر و الحفيظة كنت نحفظها فاخر الفصل
السلام عليكم صفصوفة
صح عيدك اختي و كل عام و انت بخير
بلا مزية و لووووو
اولاً نحب نقولكم بلي البكالوريا ماشي حاجة تحتاج انكم تخافو منها
هو امتحان عادي يتطلب جهد عادي مع متابعة يومية فقط
و الشيء المليح هو انو الدروس تاعو جديدة يعني اللي ماكاش يتبع العوام اللي فاتو يقدر يبدا من جديد عام البكالوريا..يتوكل على ربي و ينطلق
و تاني نقولكم بلي التحصل على معدل 18 فالباك حاجة معقولة و اللي يعمل و يتوكل على ربي يجيبها ان شاء الله
نوليو للمواد
عندكم الرياضيات تتطلب منكم حل اكبر عدد من التمارين و حاولوا تحلو يومياً هكذا فأخر العام تولو تلعبو بيها لعب..لانو الرياضيات تتطلب تجري يدك فيها برك :p و الدروس تاعكم حلويين الهندسة فالفضاء و الاعداد المركبة ماكاش اسهل منهم...المتتاليات يعودولكم تاع العام الماضي و يزيدلكم عفايس جدد ساهلين
النهايات مع الوقت رايحين تتعلمو بلي كل نهاية عندها طريقة كاش تتحل و بالممارسة رايحين تكتسبو هاذ الطرق..العفسة الجديدة الان و اكسبو واش راح نقولكم هايلين هايلين هايلين...و هوما رسمياً كاين فالباك يعني التمرين الصح راح يكون عليهم
بالنسبة للفيزياء تاني الفيزياء=تمارين
لانو بلاك تفهم الدرس 100 بالمئة و ما تقدرش تحرك تمرين
الفيزياء ماراهيش فهم درس و لكن اكتساب خبرة من حل تمارين خاصةً فالميكانيك ...عندكم اكسدة ارجاع و احماض و اسس هوما بالنسبة ليا اروع وحدتين ..النووي التمرين تاعو كادو لانها اسهل وحدة
العلوم :
العلوم انا ما درتش فيها ليكور درت غير مات و فيزيك...لانو بالنسبة ليا العلوم هي فهم درس حرف حرف جملة جملة فكرة فكرة...العلوم يلزمك تبع الشيخ فكل كلمة يقولها لانهم فالاسئلة يطرحو كلش حتى الحاجة اللي ما جيكش كامل فبالك ...يعني العلوم حاول كيفاه تفهمها مليح و مع الوقت تلاحظو بلي رايحين تولو تحللو و تفسرو و تستنجو حير من الاستاذ...أصلاً العام الماضي مدو فيها 20 لانو كاين تلاميذ ولاو يبدعو اكثر من الاستاذ
مي هذا ماشي معناه تروح بلا ما تحل حتى تمرين...كل ما تكملو وحدة حلو عليها شوية هكذا باش تاخدو فكرة على طبيعة التمارين
-عربية فرنسية و انجليزية: ما يحتاجوش شرح.نفس البرنامج يتعاود أنا ما راجعتهمش غير عربية كاين اعرابات يتحفظو و هذا مكان
-تاريخ و جعرافيا و شريعة :حفيظة هدوما مي بالنسبة لتاريخ و جغرافيا ما تروحوش تحفظو الشخصيات كامل و المصطلحات ...:sديرو ملخص تاع الدرس أنا بالنسبة ليا -باسكو الحفيظة فطريق و انا فطريق-لخصتهم في 4 ورقات و الشخصيات و المصطلحات خرطت من راسي برك اعرفو كل شخصية واش دارت حنا العلميين ما يطلبوش منا تاريخ الازدياد و الوفاة :-o
-فلسفة : اللي هي هم الجميع...كاين اللي حفظوها و مدلوهم 10 و كاين اللي ما خفظوش و داو 14 ...درك فلسفة كل واحد يدبر راسو انا دخلت مقررة ما نقراهاش و ما حفظهاش-و مانيش نادمة :d-و كانت هي ادنى علامة عندي 12.30..
..............
بالنسبة لتنظيم الوقت كل انسان كيفاه كاين اللي لازم يقرا نهار كامل
..............
أهم شيء انكم تدخلو بمعنويات مرتفعة..ما تخلوش الدروس يتراكمو عليكم...ما تقراوش بالخلعة و الله غير الترمينال هو اروع عام اضحكو ازهاو و اقراو :p باسكو عام ما يتعاودش
عاونو بعضاكم ...اللي فور فمادة يعاون الاخر
لازم تكون عندكم ثقة فروحكم سطرو معدل عالي...قوموا بالمطلوب منكم ...اتوكلوا على ربي و ان شاء الله رايحين توصلو لمرادكم
بالتوفـــــــــــــــــــــــــــــــيقْ
السلام عليكم صفصوفة
و عليكـ السلآم نآسوو ..
صح عيدك اختي و كل عام و انت بخير
بلا مزية و لووووو
الله يسلمك و عيدكـ مبآركـ ليكـ و كل العآئلة الكريمة
اولاً نحب نقولكم بلي البكالوريا ماشي حاجة تحتاج انكم تخافو منها
مقتنعة بيهآ مي مآقدرتش نطبقهآ ههههه
هو امتحان عادي يتطلب جهد عادي مع متابعة يومية فقط
و الشيء المليح هو انو الدروس تاعو جديدة يعني اللي ماكاش يتبع العوام اللي فاتو يقدر يبدا من جديد عام البكالوريا..يتوكل على ربي و ينطلق
صح هآذي عندكـ حق سيرتو المآت 80 % البروغرآم جديد ..
و تاني نقولكم بلي التحصل على معدل 18 فالباك حاجة معقولة و اللي يعمل و يتوكل على ربي يجيبها ان شاء الله
ان شآء الله يآ ربي .. حتى انت المعدل لي جبتيه الله يبآركـ يعطيكـ الصحة :up: ~
نوليو للمواد
عندكم الرياضيات تتطلب منكم حل اكبر عدد من التمارين و حاولوا تحلو يومياً هكذا فأخر العام تولو تلعبو بيها لعب..لانو الرياضيات تتطلب تجري يدك فيها برك :p و الدروس تاعكم حلويين الهندسة فالفضاء و الاعداد المركبة ماكاش اسهل منهم...المتتاليات يعودولكم تاع العام الماضي و يزيدلكم عفايس جدد ساهلين
النهايات مع الوقت رايحين تتعلمو بلي كل نهاية عندها طريقة كاش تتحل و بالممارسة رايحين تكتسبو هاذ الطرق..العفسة الجديدة الان و اكسبو واش راح نقولكم هايلين هايلين هايلين...و هوما رسمياً كاين فالباك يعني التمرين الصح راح يكون عليهم
اممم احنآ المآت بدينآ نعآنيو الاسآتذة مش ملآح و رآنآ عقآبهآ في الدآر و ليكور و ربي يجيب .. مع انهآ مآدتي المفضلة غير انهم كرهونآ
بالنسبة للفيزياء تاني الفيزياء=تمارين
لانو بلاك تفهم الدرس 100 بالمئة و ما تقدرش تحرك تمرين
الفيزياء ماراهيش فهم درس و لكن اكتساب خبرة من حل تمارين خاصةً فالميكانيك ...عندكم اكسدة ارجاع و احماض و اسس هوما بالنسبة ليا اروع وحدتين ..النووي التمرين تاعو كادو لانها اسهل وحدة
وي سي فري على هآذيك سآعآتمآنقدروش نطبقو غير مآ يطبقلنآ الاستآذ السع .. و ذركـ وصلنآ للوحدة الثآنية التحولآت النووية :up:
العلوم :
العلوم انا ما درتش فيها ليكور درت غير مات و فيزيك...
على خط وآحد .. مآم انآ غير مآت و فيزيكـ العلوم قلت نلحق على المرآجعة مع لخر بركـ
لانو بالنسبة ليا العلوم هي فهم درس حرف حرف جملة جملة فكرة فكرة...العلوم يلزمك تبع الشيخ فكل كلمة يقولها لانهم فالاسئلة يطرحو كلش حتى الحاجة اللي ما جيكش كامل فبالك ...يعني العلوم حاول كيفاه تفهمها مليح و مع الوقت تلاحظو بلي رايحين تولو تحللو و تفسرو و تستنجو حير من الاستاذ...أصلاً العام الماضي مدو فيها 20 لانو كاين تلاميذ ولاو يبدعو اكثر من الاستاذ
يآآه كآين 20 !! مليح .. ايه والله عندكـ الحق في كل كلمة قلتيهآ ,
و انت قدآه ديتي في العلوم :-r و المآت و فيزيكـ ؟؟
مي هذا ماشي معناه تروح بلا ما تحل حتى تمرين...كل ما تكملو وحدة حلو عليها شوية هكذا باش تاخدو فكرة على طبيعة التمارين
مآم أنآ هآذيك طريقتي .. مآم نجبد سلآسل من النت و نحآول فيهم .. مي تبقى العلوم مآفيهآش غموض كبير كيمآ خيآتهآ ههه
-عربية فرنسية و انجليزية: ما يحتاجوش شرح.نفس البرنامج يتعاود أنا ما راجعتهمش غير عربية كاين اعرابات يتحفظو و هذا مكان
صح , عندكـ حق مآكآنش حوآيج جدد .. مي ديمآ تبقى المشكلة في اللغة الفرنسية نآقصين فيهآ .. :down: امآ لوخرين نسلكوهآ ..
-تاريخ و جعرافيا و شريعة :حفيظة هدوما مي بالنسبة لتاريخ و جغرافيا ما تروحوش تحفظو الشخصيات كامل و المصطلحات ...:sديرو ملخص تاع الدرس أنا بالنسبة ليا -باسكو الحفيظة فطريق و انا فطريق-لخصتهم في 4 ورقات و الشخصيات و المصطلحات خرطت من راسي برك اعرفو كل شخصية واش دارت حنا العلميين ما يطلبوش منا تاريخ الازدياد و الوفاة :-o
هآذيكـ هي الطآآآمة الكبرى .. مآم انا مآنقدرش نحفظ وآلفت توجور مانحفظش وصل السنآ مآنعرف وش ندير !
و المصطلحآت كآين لي مآهمش دآخلين لانو الورق معمري 17 ورقة من الجيهتين :-o
-فلسفة : اللي هي هم الجميع...كاين اللي حفظوها و مدلوهم 10 و كاين اللي ما خفظوش و داو 14 ...درك فلسفة كل واحد يدبر راسو انا دخلت مقررة ما نقراهاش و ما حفظهاش-و مانيش نادمة :d-و كانت هي ادنى علامة عندي 12.30..
انآ لحد الآن مآعلآبآليش وش يديرو فيهآ هههه ., مليحة 12.30 بآرآبور الهدرة لي يخوفونآ بيهآ :up:
بالنسبة لتنظيم الوقت كل انسان كيفاه كاين اللي لازم يقرا نهار كامل
يعني كل يوم تقرآي ! أنآ زعمآ مخصصة نهآر للرآحة مآنمس فيه وآلو و ليآم لوخرى نعآود وش قرينآ ..
أمآ لحفآظة ربي يستر , بآلآك الدرس لي نكتبو نحآول نلخصو و نحفظو بآه اوموآ نعآون روحي شوي ..
..............
أهم شيء انكم تدخلو بمعنويات مرتفعة..ما تخلوش الدروس يتراكمو عليكم...ما تقراوش بالخلعة و الله غير الترمينال هو اروع عام اضحكو ازهاو و اقراو :p باسكو عام ما يتعاودش
عاونو بعضاكم ...اللي فور فمادة يعاون الاخر
لازم تكون عندكم ثقة فروحكم سطرو معدل عالي...قوموا بالمطلوب منكم ...اتوكلوا على ربي و ان شاء الله رايحين توصلو لمرادكم
ان شآآآآآآآآآء الله يآ رب .. حنآ المعنويآت العآلية هي لي خآصتنآ.. الاستآذ لي يجي يطيحلكم المورآل ..
والله يآ نسومة مهمآ نشكركـ مآ نوفيكش .. فريمون افدتينآ و ريحتينآ بالهدرة تآعكـ ..
بالتوفـــــــــــــــــــــــــــــــيقْ
ان شآء الله ..
السلام عليكم و رحمة الله و بركاته
و عليكـ السلآم و رحمة الله و بركآته
عفوا على التدخل لكن اردت تقديم نصيحة
بالعكس حبيبتي مرحبآ بيكـ في كل وقت ..
اقروا و حاولو تفهمو كل درس في وقتوا و ما تستبقوش الاحداث و الدروس تاع نصف العام و آخر السنة حتى و ان كان بدافع الفضول
ان شآء الله يآ اختي نحنآ السترآس هو لي سيطر علينآ من ذركـ ..
و الخوف من الي جآي سيرتو كي نعآنيو من نقص الاسآتذة
في رصيدهم المعلومي ..
لانوا راح تختلط عليكم الدروس و ما تلقاوش رواحكم
ان شآء الله يآ اختي رآح ندير كيمآ رآكي تقولي و ان شآء الله خير
أمين يا رب ....ان شاء اللهربي يوفقكـ يآ طيبة و يعطيكـ مآ تتمنآي ..
و تكوني دكتورهـ أد الدنيآ
كاين اللي ربي يهديهم يحبو يضخمو الحالة برك
أمين يا رب ....ان شاء الله
و انت تاني انشاء الله تجيبي معدل شباب و تديري واش حابة
بالنسبة ليا جبت 19.5 فالمات.. 0.5 ما نعرف وين راحت غاضتني في قلبي :s
علوم 17.5 و فيزياء 17.5 ....فيزياء عموماً ما يمدوش علامات عالية
تاريخ و جغرافيا تاني جبت مليح 17
انجليزية هردتها 14.5 رغم انو الغاشي كامل خدم فيها
و فرنسية 17
فرنسية ما تخلعكش يمدو أسئلة على النص
و رياضيات قلتيلي الشيوخا رام يخلعو فينا بلاكي تديري عليهم
و الله ماكاين أسهل من الرياضيات أصلاً هي الوحيدة اللي ما تتحفظ ما فيها بزاف قوانين...تحسي فيها بالحرية تقدري تجبدي الحل بالف طريقة...ما تتقاقيش برك اختيتو
ايا بالتوفيق..باسكو نهدر بزاف و لوكان نكمل نهدر ما تفراش :-o
سلامو
.. ..
