مشاركة ندى في مسابقة الشف الصغير للمة

[nada242008]

بسم الله الرحمان الرحيم
ندى 4 سنوات
الطبق المحضر : بيتزا
المكونات
عجينة ال 10 دقائق ساعدتها في تحديد الكميات وفي جمع العجينة فقط
صلصة الطماطم قمت بتحضيرها لها
للتزيين
جبن مبشور
زيتون
فلفل اخضر حلو
مايوناز + ملون احمر + ملون اصفر
وطبعا وجهتها فقط في جميع المراحل وقطعتلها الفلفل والطماطم // مازالت ماتعرفش تستخدم السكين في الخضر
اليكم المراحل المصورة​

 

[Setifienne]

ما شاء الله يا شيفة الصغيرة
يعطيكم الصحة في زوج

 

[السلطانة]

ماشاء الله
اكيد هي شاطرة زيما الوالدة تاعها
ولي عجبتني خدمت بشعرها معصّب وكلشي بانت حُرّة
طبق بيتزا جدّ مميّز
بارك الله فيكِ ياندّوش يعطيك الصحة
الله يحفظك ويحفظلك ماماتك الطّيبة
سلامي

​

 

[oumniati]

ya 3omri ya 3omri 3la el horra sghira, w takhdam bgalbha allah ybarek, rabi yahfadha, w yfarhak biha in cha allah , mouah mouah l nadoucha zina, khssara taklouha hadik pizza hhhh poupia

 

[mimi53]

الله الله عليها طالعة لامها الله يبارك كيما نقولو هنا
كب القدرة على فمها تخرج البنت لامها اكيد كبيتي القدرة هههههههههههه
ربي يحفظهالك ويوفقها في حياتها وتفرحي بيها انشاء الله

 

[ام صلاح]

يا سلاااااااااام ويا عمري على الزينونة وهي تعجن قمر يا ناس ربي يحفظها ويخليهالك يااااااااااااااارب وكيما نقولو ابن البط عوام وشكون امها الشيف ام ندى ما شاء الله عليك وعليها وشكل البيتزا ولا في الاحلام مغريييييييي جدا
يسلمووووووو حبيبتي ام ندى وحبوبتي الصغيرونة عقبال ما تشوفيها عروسة وفي مطبخها يارب

 

[oumniati]

 

[ibtesem]

ياخيرة دورة برنساس هههههههههههه شكون هدي رهام ولا ندى
ايا انا تاني بناتي جاو اهنو في ندي
مبروك ندودة هديك البيتزا درتينا بيها حالة في الدار سيرتو عيسى ههههههههههههههههه

 

[ام تقى الدىن]

ما شاء الله
الله يحفظ هدوك اليدين ويبارك فيها يا رب

البيتزا خرجت تهبل

اكيد الدوق ثاني لانو تحت اشراف احسن شيف في اللمة

 

[oumniati]

hhhhh ih lazem bassoum testahel nadouch, hia ahla princesse m3a el poupia ta3ha hhhhh

 

[عفاف الجزائرية]

كب البرمة لفمها تطلع البنت لامها
في رايك واش رح تخرج اكيييد طباخة
ربي يباركلك فيها وتشوفيها في اعلى المراتب يااااارب
تهبل ندووووووش تهبل
​

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏nada242008+

سوفونير في موضوع ندوش
​

 

[روعة2005]

الله يبارك ددوشة بيتزا زينة تسخف ااه بنينة تسخف ربي يحميك طالعة لماماك شطورة

 

[shahrazad]

ياعمري يا عمري يا عمري على الزينة تاعنا
الله يبارك ختي عفاف بنتك راهي مرا ههههه
ندودة يعطيك الف صحة يا شابة جاتك هايلة البيتزا
​

 

[omarwa]

ياعمري على ندوشة الزينة طباخة صغيرونة والفونارة لوتاتها تطلع لماماها ودي عيزة كلام هههه

 

[ام اماني05]

بسم الله ماشاء الله على ندى طلعت شاطرة لشيفتنا الغالية عفاف ربي يحفظكم ويسعدكم يارب

 

[imane27]

امممممممممممم على الشافة صغيرة جاتك هايلة وشاطرة كيما ماماك مشاء الله عليك

 

[nada242008]

الله يخليكم لبنات ويحفظ اولادكم من كل شر
الف شكر :love01:

 

[أم علاء الدين]

الله يبارك في بنتك أختك ندى ربي يحفظهالك الله الله على ديك البيتزا باينة هايلة
​

 

[ام انس الحبيب]

الله ايبارك عليها البنوتة
بتزا طالعة تهبل
يا رب ارزقني بنوتة شاطرة
زيها وتستاهل احلى تقييم
​