خلــــــــــــونا نتعـــــــــارفوا [ المغتربين و المهاجرين ]
- كاتب الموضوع أم أمين23
- تاريخ النشر
شكرا ريمو شكرا أم أمين
ربي يحفظكم و يهنيك ان شاء الله
ربي يحفظكم و يهنيك ان شاء الله
راكي ماشية على الخط اعطيك الصحة خخ ما قلتيلناش حوستي البارح والا البرد راه قاتلك
صباح الخيــرات وليـــرات على قولة خاوتنا سوريين ربي ينصرهم ان شاء الله
ان شاء الله دايما يكون مورالك طالع حبيبتي لاليشكا ومليح بدريتي قرايتك وبشوية تلحقي على لي فاتك ربي يوفقك
لا هاد الويكند ماخرجتش قعدت وخدمت فيه ,,بصح مانكذبش عليك السنتورة راني راخفتها هاد الفصل ههههه تعرفي راه عندي غير مادة وبحث يعني قولي عندي وقت مرات نخرج نحوس وكل يوم راني ندير سبور ساعة في يوم خير من قعدة
ذكرتني بماما مسكينة كي بغيت نسافر تعرفي النفسية كي تكون ودمعة غير تتسبب تقولي ديري روحك هاد الفصل رايحة سياحة مش قراية قاتلي راه اخر فصل ليك واستغليه امالا راني ندير على هدرتها هههههه توحشتها ميمتي .. ربي يطول في اعمارهم ويحفظهم لينا يارب
ان شاء الله دايما يكون مورالك طالع حبيبتي لاليشكا ومليح بدريتي قرايتك وبشوية تلحقي على لي فاتك ربي يوفقك
لا هاد الويكند ماخرجتش قعدت وخدمت فيه ,,بصح مانكذبش عليك السنتورة راني راخفتها هاد الفصل ههههه تعرفي راه عندي غير مادة وبحث يعني قولي عندي وقت مرات نخرج نحوس وكل يوم راني ندير سبور ساعة في يوم خير من قعدة
ذكرتني بماما مسكينة كي بغيت نسافر تعرفي النفسية كي تكون ودمعة غير تتسبب تقولي ديري روحك هاد الفصل رايحة سياحة مش قراية قاتلي راه اخر فصل ليك واستغليه امالا راني ندير على هدرتها هههههه توحشتها ميمتي .. ربي يطول في اعمارهم ويحفظهم لينا يارب
اييييه ياريمو جيتينا في الوتر الحساس
اففف انا ماما عيات توالف فراقي كنت ماليا عليها الدار بسكو انا الصغيرة وخواتاتي زوج مزوجات واخي ثاني مزوج وفي فرنسا
كنت غير انا ويلها ومزالها دوكا غير خويا في الدار يخدم نهار يحب يتزوج ماعرف كيفاه حاتسرالها مي الحمد لله مزالو يكون في روحو ومدارش الزواج في راسو
وكي نحكي معاه يقولي غير تبكي عليك وماتبنليش خلاص
ااااااه ياربي شحال صعيب فراقك يا امي والله ماحسيتش بكلمة ماما حتان زوجت وفقدت حنانها عليا
ياربي وقدرتي نرضيها عليا هي وبابا ونكون بنت بارة بوالديا
ياريمو واش درتي فيا راني غارقة بالدموع عييت نكتب
ايه يا اختي والله ما ناكل الحار ولا حتى نطيب بيه كي نا كي مولا بيتي فردة ولقات اختها خخخ
الباطوط نعرفو لخاطر قريت عام في بسكرة وبصح ما كليتوش دقتو لهبت ما كملتش خخخخخخ
يا راني ما لقيتش الروسات تاع العيش حابة نديرو بالقديد مي ما لقيتش الروسات الا تعرفي كيفاش قوليلي
بصحتك مالا ومبروك الرجعة للقراية والله هو الواحد كي يخرج برك ويشوف وجوه جديدة يطلع المورال ان شاء الله ديما مورالك طالع
ريمو عندها الحق ماماك لازم تبروفيتي العام لخر ما تدري ادا ممكن تزوريها مرة اخرى والا لا انا ثاني قلت في عامي لخر هنا لازم نزور نزور البلايص الي ما زرتهمش كامل ربي يهدي مولا بيتي برك وما يحرنش خاصة فينيسيا حرن ما حبش يدينا ليها ويعملي السبة بالدراري يقلقوه في السفر
راني مرة عملت الباسطا ونزلتها في واحد المنتدى راني راح نحاول نحطها هنا ما نعرف الا التصاور يعديو والا لا نشوف ترى وهادي اسرع طريقة يعني كي نخرجو بالسبت نقضيو ونبطاو كي نرجع نص ساعة وانا دايرتها يعني فيسع فيسع:
واخيرا اضيفي المعكرونة للصلصة بس لازم تكون الصلصة غالبة طبعا بعد تغليتها في الماء واضيفي الجبن من فوق أنا ما حطيتش الجبن لأن زوجي لا يحبه وانتهى
واخيرا اضيفي المعكرونة للصلصة بس لازم تكون الصلصة غالبة طبعا بعد تغليتها في الماء واضيفي الجبن من فوق أنا ما حطيتش الجبن لأن زوجي لا يحبه وانتهى
سمحيلي ختي لاليشكا عارفة صعبة عليكي وعلى اهلك وخاصة امك وراكي اول مرة تفارقيها ,, عارفة الاحساس لي راكي تحسي فيه بصح هادي هي دنيا ماكانش حاجة تجي كاملة والحمدلله كي راهي غربتنا فيها خير لينا تاكدي بلي اهلنا مطمنين علينا هو غي الوحش لي يدير هاكدا ,, وانتي اكيد تولي كل صيف تروحي تزوريهم وتقلعي الوحش... انا ياختي ماتعبني الا نفسية تعرفي 5 سنين وانا بعيدة عليهم ونروح للدار مرتين في عام كي نوصل للدار ونوالفهم مانصيب روحي غير نخمل صوالحي وراجعة لغربتي تعرفي واحد الاحساس يجي واخر يوم قبل مانسافر نحس روحي غريبة عليهم الله يعين وربي يهونها على كل واحد ... حبيبتي لاليشكا سمحييييلي لابكيتك واكيد راهم اهلك راضيين عليكي ويدعولك بالخير ...هايا اضحكي وتفائلي حبوبة راكي قلتي اليوم مورالك راه طالع ولازم تخليه طالع
ايه نقولك انا كيفاه ندير العيش ويجي يسخف مي العيش لازم يكون حار والا ماويوليش عيش
شوفي كلشي يتقطع
تحكمي البصل تقطعيه كاريات وتلوحيه في البرمة وتزيديلو القديد وتزيديلو الفول اليابس والكليلة هادي عباره عن فرماج يابس مقطع صغير وتزيدي ادا عندك طماطم مشلحة مالحة وادا ماعندكش ماعليش وتزيدي فلفل حار احمر وهو نرمالمون يكون يابس وتزيدي الخضرة كيما تحبي هي السنارية لي هي الزرودية تقطعيها تاني والبطاطا والجريويات كاين لي يحبها وكاين لي مايحبهاش كلشي مقطع شوي شوي وفي الاخير ديري الدوايات انا ندير مغرف صغيرة فلفل احمر ومغرف صغيرة كسبر وشوي فلفل اكحل وشوفي كاين لي يدير شوي الزيت مي انا مانديرهاش بسكو منقلي والو ديراكت نمرق ونحطهم يطيبو اية وبلا ماننسا الطماطم المصبرة واذا تحبي حتى رابي طماطما وقليهم شوي في الزيت ومنبعد مرقي
وخليهم يطيبو الخضرة والفول ومرقي مليح باه يطيبولك ومنبعد شوفي كاين لي يفور العيش مي انا مانعرفش كيفاه
انا غير نشلو بالماء ونزيتو شوي ونلوحو كي يكون المرقة نص طياب وهكا يكمل الطياب معاه
وفي الاخير كي يوجدلك ديريلو الدرسة احنا نقولولها بوفجوخ ولي هيا عبارة عن فلفل حار وربطة كسبر وثوم دقدقيهم مليح
وتزيديهم على العيش كي يطيب وتاكلي امممممم واش نقولك حطي برك مشاور توالك هههههه نيفك مايحبسش ولوفار يخرج من راسك
سمحيلي ختي لاليشكا عارفة صعبة عليكي وعلى اهلك وخاصة امك وراكي اول مرة تفارقيها ,, عارفة الاحساس لي راكي تحسي فيه بصح هادي هي دنيا ماكانش حاجة تجي كاملة والحمدلله كي راهي غربتنا فيها خير لينا تاكدي بلي اهلنا مطمنين علينا هو غي الوحش لي يدير هاكدا ,, وانتي اكيد تولي كل صيف تروحي تزوريهم وتقلعي الوحش... انا ياختي ماتعبني الا نفسية تعرفي 5 سنين وانا بعيدة عليهم ونروح للدار مرتين في عام كي نوصل للدار ونوالفهم مانصيب روحي غير نخمل صوالحي وراجعة لغربتي تعرفي واحد الاحساس يجي واخر يوم قبل مانسافر نحس روحي غريبة عليهم الله يعين وربي يهونها على كل واحد ... حبيبتي لاليشكا سمحييييلي لابكيتك واكيد راهم اهلك راضيين عليكي ويدعولك بالخير ...هايا اضحكي وتفائلي حبوبة راكي قلتي اليوم مورالك راه طالع ولازم تخليه طالع
ايييييه ماعليش حببتي وانتي مغلتيش فيا حتى نسمحلك راكي كي اختي ماكانش بيناتنا السماح
والله كلامك يريح مشكووورة حببتي مي تعرفي انا نحاول نتناسا ونوالف مي نقولك الصح انا المرة هذي معاملتي مع اهلي وامي خصوصا راح تكون معاملة اخرى كيما يقولو هذاوين فقت مع روحي
والله ريمو شوفي نقولك حاجة الزوج هدا قد ماوفرلك وهناك في حياتك مستحيل يعشك كيما كنتي في دار باباك والا يعوضلك حنان والديك مستحييييل
وانتي بالاك لي مصبرك انو مازلتي كي تروحي تروحي لدار باباك مي انا خلاص تفرقت على امي وحتى كي نروح حانبقا نجيها ضيفة برك يعني انا واش نقولك صح هذي سنة الحياة مي صعيبة ونقولك الصح لوكان دريتها هكا ماكنتش نقبل نفارق امي ابدااااااااا !!!!!
انا الغربة ماهيش ماثرة عليا قد ماثرت فيا اني زوجت وخرجت من دار بابا وتخيلي روحك ضيفة في الدار لي تربيتي فيها
اااااااخ ياااربي
الحمد لله على كل حااال
عندك الحق بلاد الغربة هادي مليح فيها غير التحواس مالا الواحد يبروفيطي ويزها شوي
اوووه لازم تقنعيه سيرتو لاكان حاترجعي لبلاد بروفيتي تصاور سيرتو للذراري يقعدولهم سوvنير كي يكبرو
تعرفي من ايجابيات هادي الغربة تعلمك وتفطنك على بزاف صوالح هادي معروفة الواحد مايعرفش قيمة الشي الا لما يفقدو او يبعد عليه وهاد لي يصرا كي نتغربوا نعرفو قيمة اهلنا ونرجعوا حساباتنا في بزاف صوالح وتاني الغربة تخلي الواحد بزاف حساس وعلى اي حاجة يتحسس منها.. ممكن انتي جاتك صعيبة لانو تخلطت عليكي زواج ومسؤلية وحياة جديدة وزيدي معاها غربة عليها بصح مع الوقت راح توالفي وتولي ماتقدرتش تبعدي على دارك وعلى زوجك نشوفها غير فماما تروح للجزاير وتفوت عطلتها مع اهلها بصح تقولي مانرتاحش غير في داري في الامارات .. والحمدلله على كل حال اهم حاجة الصحة كي تكون صحتك مليحة وصحة اهلك مليحة كل شي يهون بعدها
- الأوسمة
- 1
salam alikoum
wech ahwalkoum labnet
oum amine bechfa 3la wlidek
rimou, rabi ywafkkak in cha allah w teraj3i l darkoum, ma bkach bezzaf
lalichka, in cha allah daymen moral mlih, hadhi sounnat el hayat hanouna, rana kamel ma 3rafna kimat el waldine hatta ba3adna 3lihoum
bettawfik liljami3
wech ahwalkoum labnet
oum amine bechfa 3la wlidek
rimou, rabi ywafkkak in cha allah w teraj3i l darkoum, ma bkach bezzaf
lalichka, in cha allah daymen moral mlih, hadhi sounnat el hayat hanouna, rana kamel ma 3rafna kimat el waldine hatta ba3adna 3lihoum
bettawfik liljami3
- الأوسمة
- 1