خلــــــــــــونا نتعـــــــــارفوا [ المغتربين و المهاجرين ]

[joumane]

تعرفي من ايجابيات هادي الغربة تعلمك وتفطنك على بزاف صوالح هادي معروفة الواحد مايعرفش قيمة الشي الا لما يفقدو او يبعد عليه وهاد لي يصرا كي نتغربوا نعرفو قيمة اهلنا ونرجعوا حساباتنا في بزاف صوالح وتاني الغربة تخلي الواحد بزاف حساس وعلى اي حاجة يتحسس منها.. ممكن انتي جاتك صعيبة لانو تخلطت عليكي زواج ومسؤلية وحياة جديدة وزيدي معاها غربة عليها بصح مع الوقت راح توالفي وتولي ماتقدرتش تبعدي على دارك وعلى زوجك نشوفها غير فماما تروح للجزاير وتفوت عطلتها مع اهلها بصح تقولي مانرتاحش غير في داري في الامارات .. والحمدلله على كل حال اهم حاجة الصحة كي تكون صحتك مليحة وصحة اهلك مليحة كل شي يهون بعدها

هاديك هيا تكون الصحة برك
مشكورة حببتي ريمو اليوم خليتيني نفتح قلبي ونفضفض شوي
ربي يخليك

 

[joumane]

salam alikoum

wech ahwalkoum labnet

oum amine bechfa 3la wlidek

rimou, rabi ywafkkak in cha allah w teraj3i l darkoum, ma bkach bezzaf

lalichka, in cha allah daymen moral mlih, hadhi sounnat el hayat hanouna, rana kamel ma 3rafna kimat el waldine hatta ba3adna 3lihoum


bettawfik liljami3

مشكووورة حببتي امنيتي ومرحبا بيك معانا
علابالك انا ديما نقرا في البرفايل تاعك في بلاد الصومال مي منصدقش هل هادا صحيح وشحال عندك تم وكيفا تاقلمتي تم

 

[ريمو]

وعليكم السلام اختي امنياتي

الحمدلله نشكرو ربي ان شاء الله راكي بخير ,, يسلمك حبيبتي

 

[joumane]

ma cha allah 3lik ya rimou, raki sghira bassah 3aklek youzen balad allah ybarek

اييي والله عقلها يوزن بلد ماشاء عليها والغربة تكبر وتربي صح وتخلي الواحد يميز شخصيتو ويبنيها على الصح

 

[ريمو]

هاديك هيا تكون الصحة برك
مشكورة حببتي ريمو اليوم خليتيني نفتح قلبي ونفضفض شوي
ربي يخليك

ولو لاليشكا رانا خواتات ومليح الواحد يهدر وينحي شوية على خاطرو يحس براحة من بعد وكيما قالت ام امين المغترب يحب يهدر ويفضفض انتي غير اعطيه الضو الاخضر وماتخافيش ههههه

ويخليك انتي تاني

 

[ريمو]

ربي يحفظك ختي لاليشكا

 

[joumane]

ولو لاليشكا رانا خواتات ومليح الواحد يهدر وينحي شوية على خاطرو يحس براحة من بعد وكيما قالت ام امين المغترب يحب يهدر ويفضفض انتي غير اعطيه الضو الاخضر وماتخافيش ههههه

ويخليك انتي تاني

هههههه والله ام امين ربي يخليها حتى هي لي دارتلنا اللمة هادي وخلاتنا نتعرفو ونوليو حباب كيما هكا
وراني نشوف فيها التحت قاعدا غيرتقرعج ومابغاتش تشاركنا الحديث
ان شاء الله المانع خير ماضنيتش تكون ام امين وماتشاركناش فالحديث غير اذا ربطولها يديها على الكلافيي
هههه

 

[ريمو]

ربي يجازيها كل خير ام امين والله انها سباقة للخير لو ماكانش فتحتنا هاد الموضوع ماكناش عرفنا بعض ولا رانا ندردشوا مع بعض .. الله يدوم المحبة بيناتنا

 

[ريمو]

هههههههههه لا نظن ماراهيش حدا كمبيوتر تكون انشغلت معا ولادها ,, ام امين تدخل وماتشاركش ماكااااانش منها هههههه

 

[joumane]

ربي يجازيها كل خير ام امين والله انها سباقة للخير لو ماكانش فتحتنا هاد الموضوع ماكناش عرفنا بعض ولا رانا ندردشوا مع بعض .. الله يدوم المحبة بيناتنا

ان شاء الله حببتي وماتدري الدنيا هادي صغيرة وقادرين كيما تلمينا هنا نتلاقاو ونتلمو على الخير ديما

 

[joumane]

هههههههههه لا نظن ماراهيش حدا كمبيوتر تكون انشغلت معا ولادها ,, ام امين تدخل وماتشاركش ماكااااانش منها هههههه

ههههه شفتي ان شاء الله المانع خير
انا راني نتخيل غير ربطولها يديها في الكرسي وهي تقوام ههههه
والا ضيف يالا رانا نستناو في اخبارك ياليمفاشيتينا

 

[oumniati]

ya lalichka enti meditilha la recette ta3 barkoukess, wakila rahi teftel fih bah dirou 3cha hhhhhhh
bassah el kadid mnin tjibou hhhhhh

 

[SAMIRA25]

ايه نقولك انا كيفاه ندير العيش ويجي يسخف مي العيش لازم يكون حار والا ماويوليش عيش
شوفي كلشي يتقطع
تحكمي البصل تقطعيه كاريات وتلوحيه في البرمة وتزيديلو القديد وتزيديلو الفول اليابس والكليلة هادي عباره عن فرماج يابس مقطع صغير وتزيدي ادا عندك طماطم مشلحة مالحة وادا ماعندكش ماعليش وتزيدي فلفل حار احمر وهو نرمالمون يكون يابس وتزيدي الخضرة كيما تحبي هي السنارية لي هي الزرودية تقطعيها تاني والبطاطا والجريويات كاين لي يحبها وكاين لي مايحبهاش كلشي مقطع شوي شوي وفي الاخير ديري الدوايات انا ندير مغرف صغيرة فلفل احمر ومغرف صغيرة كسبر وشوي فلفل اكحل وشوفي كاين لي يدير شوي الزيت مي انا مانديرهاش بسكو منقلي والو ديراكت نمرق ونحطهم يطيبو اية وبلا ماننسا الطماطم المصبرة واذا تحبي حتى رابي طماطما وقليهم شوي في الزيت ومنبعد مرقي
وخليهم يطيبو الخضرة والفول ومرقي مليح باه يطيبولك ومنبعد شوفي كاين لي يفور العيش مي انا مانعرفش كيفاه
انا غير نشلو بالماء ونزيتو شوي ونلوحو كي يكون المرقة نص طياب وهكا يكمل الطياب معاه
وفي الاخير كي يوجدلك ديريلو الدرسة احنا نقولولها بوفجوخ ولي هيا عبارة عن فلفل حار وربطة كسبر وثوم دقدقيهم مليح
وتزيديهم على العيش كي يطيب وتاكلي امممممم واش نقولك حطي برك مشاور توالك هههههه نيفك مايحبسش ولوفار يخرج من راسك

السلام عليكم
اهلا اختى lalichka شهيتينى فى العيش كنت ما نيش داخلة بصح كى قريت عليه دخلت واين رايحة نلقاه دوك
انت تحضريه و لا جيبه من البلاد

​

 

[SAMIRA25]

ريمو و lalichka ربى يحفظلكم ماماتكم و ماما و كل المامات يا رب و يرحمهم ​

 

[SAMIRA25]

ام امين ربى يشفيلك وليدك و يحفظو هده هى الشتاء لواحد لازم شوى برك دير بالو ​

 

[ريمو]

اللهم امين اختي سميرة وتاني ابائنا باه مايزعفوش ههههههه راه قريب عيد الاتحاد في الامارات كاش توجاد ليه

 

[SAMIRA25]

اللهم امين اختي سميرة وتاني ابائنا باه مايزعفوش ههههههه راه قريب عيد الاتحاد في الامارات كاش توجاد ليه

ايه اكيد باباوتنا تانى ربى يعيشهم و الله يا اختى احنا نسناو غير فى يوم الايجازة هما لى يوجدو الله يبارك عليهم ما يخليو حتى مكان ما حطوش فيه العلم تاعهم ناس تحب بلادها و شيوخها و الشيوخ تاعهم تانى يحبو شعبهم و متهليين فيهم ​

 

[ريمو]

ههههههه ونتي قلتيها اهم حاجة الاجازة شعب الاماراتي يستاهل كل الخير والله يرحم شيخ زايد والله كانت الامارات احلى واحلى في وقتو

 

[أم أمين23]

ايه نقولك انا كيفاه ندير العيش ويجي يسخف مي العيش لازم يكون حار والا ماويوليش عيش
شوفي كلشي يتقطع
تحكمي البصل تقطعيه كاريات وتلوحيه في البرمة وتزيديلو القديد وتزيديلو الفول اليابس والكليلة هادي عباره عن فرماج يابس مقطع صغير وتزيدي ادا عندك طماطم مشلحة مالحة وادا ماعندكش ماعليش وتزيدي فلفل حار احمر وهو نرمالمون يكون يابس وتزيدي الخضرة كيما تحبي هي السنارية لي هي الزرودية تقطعيها تاني والبطاطا والجريويات كاين لي يحبها وكاين لي مايحبهاش كلشي مقطع شوي شوي وفي الاخير ديري الدوايات انا ندير مغرف صغيرة فلفل احمر ومغرف صغيرة كسبر وشوي فلفل اكحل وشوفي كاين لي يدير شوي الزيت مي انا مانديرهاش بسكو منقلي والو ديراكت نمرق ونحطهم يطيبو اية وبلا ماننسا الطماطم المصبرة واذا تحبي حتى رابي طماطما وقليهم شوي في الزيت ومنبعد مرقي
وخليهم يطيبو الخضرة والفول ومرقي مليح باه يطيبولك ومنبعد شوفي كاين لي يفور العيش مي انا مانعرفش كيفاه
انا غير نشلو بالماء ونزيتو شوي ونلوحو كي يكون المرقة نص طياب وهكا يكمل الطياب معاه
وفي الاخير كي يوجدلك ديريلو الدرسة احنا نقولولها بوفجوخ ولي هيا عبارة عن فلفل حار وربطة كسبر وثوم دقدقيهم مليح
وتزيديهم على العيش كي يطيب وتاكلي امممممم واش نقولك حطي برك مشاور توالك هههههه نيفك مايحبسش ولوفار يخرج من راسك

راني درت الفول يترنخ غدوة ان شاءا لله نطيبها الا سهل ربي ربي اعيشك حنونة والا صلحت نجيبلكم صحن والا نضرب النح خخخخخ

 

[أم أمين23]

salam alikoum

wech ahwalkoum labnet

oum amine bechfa 3la wlidek

rimou, rabi ywafkkak in cha allah w teraj3i l darkoum, ma bkach bezzaf

lalichka, in cha allah daymen moral mlih, hadhi sounnat el hayat hanouna, rana kamel ma 3rafna kimat el waldine hatta ba3adna 3lihoum


bettawfik liljami3

اهلا امنيتي وين غيبتي حنونة ان شاءا لله تكوني لاباس الايام لولة كنت معانا ومن بعد هربتي ان شاءا لله المانع خير بصح فرحت كي شفتك من جديد