خلــــــــــــونا نتعـــــــــارفوا [ المغتربين و المهاجرين ]

salam 3likom les filles kirakom m3a el ghorba ? ana tani moghtariba fi almanya w 3andi 3am w chhar hna.ismi fatima..w hata ana win naskan makach el3rab kayan ghir el atrak mais lazem nwalfo hadi hiya el ghorba w el hamdolilah zadet 3andi banouta 3andha 3 mois raha mhablatni mais tani mwansatni hhhhh
 
السلام عليكم انشاء الله تكونو كامل بخير انا تانى مغتربة فى دولة عربية و اسلامية و واحد لا يعرف واحد كل واحد حاكم دارو رانا كيف كيف هدى الدنيا ولات كيما هكا ربى يستر علينا الحمد لله كى كاين الانترنات لواحد شوى ينحى الغربة
 
قال lalichka:
انا والله الوحدة قتلتني والبلاصة لي انا فيها ريحة الاسلام ماكانش فمابالك العرب
والله حتى كي نخرج البرا نتعقد كامل يخزرو فيا من حجابي جيتهم بيزار
مي انا نمشي ونعتز بيه صدقيني مالقري كاينين عجايز هنا كي نفوت عليهم يلوحولي هدرا كلي يسبوني
والحم كاين هنا فرد واحد من القوقاز حال جزار حلال الباقي كلشي حرااام
إضغط للتوسيع...

ربى يبارك فيك على المحافظة على دينك و ربى معاك ما ينساش عبادو
كاين شى ناس غير يخرجو لبلاد الكفار خلاص يقولك كون نوقعدو متحجبات ما نقدرو ناخدمو ما نقدرو نعيشو معاهم ​
 
والله فرحت الي لقيت لمتي فيها جماعة وخلاتها تتحرك مرحبا بيكم كاملين في دارنا الكبيرة وكيما قالت واحدة من البنات الغربة في الاول ديما صعيبة ومن بعد مع الوقت وخصوصا كي يجيو الاولاد تبداي تتلهاي فيهم وتعودي تنساي حتى تعيطي للماليك والا تصقصي عليهم
انا العامين الاولين كنت قالقة ما نقولكمش بصح من بعد ومع البيبي الاول وزاد الثاني خلاص ما بقاش عندي الوقت حتى باش نقلق
هو صح تحسيلها وقت المناسبات والمرض بصح تولي اخف من الاول وتتعودي شوي ماشي كيما في البداية
لالي ما قلتيليش شحال عندك في الغربة
فطوم ربنا اخليلك البنوتة ان شاء الله واكيد اول بيبي تكون التربية صعيبة خصوصا انك وحدك وما كانش الام الي عادة هي الي تعاون بنتها
سميرة وروز وامنيتي منوريني بصح انا يظهرلي في البلدان العربية شوي خير من كي تعودي في بلاد اوربي وين حتى اللغة ممكن ما تعرفيهاش يكون فيها مشكل اكثر خصوصا مع الاولاد والا واش رايكم انا نسقصي فيكم بما انكم مجربين الغربة في بلدان عربية
ان شاءا لله ما نكون نسيت حتى واحدة ستنى نرجع ونشوف الصفحة الي قبل


اخيرا الاخ الي راه يحوس على بنت الحلال نظن الي رانا هنا كلنا متزوجات وانت ما فهمتناش راك تحوس على مغتربة والا تحوس على بنت بلاد وما قلتلناش حتى واش من بلاد راك فيها ولو انو الزواج ما نقدروش للامانة نضمنو حتى واحد لا من جيهتك ولا من جيهة الطفلة الي ممكن نعرفوها لخاطر هاد نت والله اعلم يعني ممكن الوالدة ديالك والا اختك والا اي واحدة من العايلة تاعك تفيدك اكثر منا
 
آخر تعديل:
بارك الله فيك أم أمين فكرة شابة بزااااااااااااف مشكووورة:)
 
توقيع farah mira
قال lalichka:
انا والله الوحدة قتلتني والبلاصة لي انا فيها ريحة الاسلام ماكانش فمابالك العرب
والله حتى كي نخرج البرا نتعقد كامل يخزرو فيا من حجابي جيتهم بيزار
انت كي اخت ابو امين ثاني ساكنة في منطقة فيها العرب والمسلمين لكن هي حجابها يختلف لانها تلبس الدائري قاتلي مسكينة كي نخرج اظل كامل يخزرو فيها
مي انا نمشي ونعتز بيه صدقيني مالقري كاينين عجايز هنا كي نفوت عليهم يلوحولي هدرا كلي يسبوني
والحم كاين هنا فرد واحد من القوقاز حال جزار حلال الباقي كلشي حرااام
إضغط للتوسيع...
مادام كاين واحد حلال اكيد اكونو كايين عرب ومسلمين فركتي برك تلقاي خخخخخ والا ما لقيتيش رانا هنا نونسوك حتى ينوب ربي بكاش مسلمين عندك رانا كاينين في كل بلاصة الحمد الله ما نظنش الي كاين بلاصة ما فيهاش مسلمين
 
امنيه انا عايشة في ايطاليا للاسف اسوء بلد ممكن انك تعيشي فيه عندي خمس سنوات وللان ما قدرتش نتأقلم ومادابيا نرجع للجزائر في اقرب وقت ممكن
 
السلام عليكم يالبنات راني كنت نقرا في قصرااتكم لي فاتو وشكراا لكل وحدة واساتني وربي يصبرنا في غربتنا كاامل
محتاجة دعاؤكم يا لبنات راني مريضة و محيرة زوجي عليا
ادعولي بالشفاء
 
السلام عليكم ورحمة الله وبركاته

ان شاء الله الكل بخير والله يعين كل وحدة فينا عالغربة,,, راني قريت ردودكم وكل وحدة فينا مواجهة صعوبة الله يفرج على كل وحدة فينا يارب ,,, انا راني شوية مشغولة مع بحث التخرج ادعولي ربي يوفقني ووتتسهل اموري

والحمدلله على كل شيء​
 
قال lalichka:
السلام عليكم يالبنات راني كنت نقرا في قصرااتكم لي فاتو وشكراا لكل وحدة واساتني وربي يصبرنا في غربتنا كاامل
محتاجة دعاؤكم يا لبنات راني مريضة و محيرة زوجي عليا
ادعولي بالشفاء
إضغط للتوسيع...

ربى يشفيك اختى و يعافيك و يقدرك و يصبرك صعيبة بزاف الغربة و المرض رانى مجربتها من قبل ​
 
قال ريمو:
السلام عليكم ورحمة الله وبركاته​


ان شاء الله الكل بخير والله يعين كل وحدة فينا عالغربة,,, راني قريت ردودكم وكل وحدة فينا مواجهة صعوبة الله يفرج على كل وحدة فينا يارب ,,, انا راني شوية مشغولة مع بحث التخرج ادعولي ربي يوفقني ووتتسهل اموري​


والحمدلله على كل شيء​
إضغط للتوسيع...
بالتوفيق اختى و ربى يسهل امور كل وحدة فينا​
 
قال samira25:
ربى يشفيك اختى و يعافيك و يقدرك و يصبرك صعيبة بزاف الغربة و المرض رانى مجربتها من قبل ​
إضغط للتوسيع...

مشكووورة اختيي سميرة وكيما قلتي الغربة والمرض مايعلم بحالي غير ربي
 
قال lalichka:
السلام عليكم يالبنات راني كنت نقرا في قصرااتكم لي فاتو وشكراا لكل وحدة واساتني وربي يصبرنا في غربتنا كاامل
محتاجة دعاؤكم يا لبنات راني مريضة و محيرة زوجي عليا
ادعولي بالشفاء
إضغط للتوسيع...
ربي يشفيك ويصبرك انا ثاني جربت المرض والسبيطار في الغربة ووليت نخاف حتى نمرض خصوصا مع الولاد وين راح تخليهم والراجل يشغشب معاك كاينة يا اختي ربي اعينك برك ويشفيك ان شاء الله وان شاء الله ما يكون غير مرض خفيف
 
قال ريمو:
السلام عليكم ورحمة الله وبركاته

ان شاء الله الكل بخير والله يعين كل وحدة فينا عالغربة,,, راني قريت ردودكم وكل وحدة فينا مواجهة صعوبة الله يفرج على كل وحدة فينا يارب ,,, انا راني شوية مشغولة مع بحث التخرج ادعولي ربي يوفقني ووتتسهل اموري

والحمدلله على كل شيء​
إضغط للتوسيع...
وعليكم السلام ورحمة الله وبركاته اهلا ريمو وامين يا رب وربنا اوفقك ان شاء الله ممكن تقوليلنا واش راكي تدرسي خلينا نتعرفو عليك اكثر ادا ممكن
 
قال farah mira:
بارك الله فيك أم أمين فكرة شابة بزااااااااااااف مشكووورة:)
إضغط للتوسيع...

راني رجعت نسقصي عليك لخاطر قريت باحد مواضيعك بلي مريضة ان شاء الله راكي لاباس وارتحتي شوي ضرك؟؟
 
السلام عليكم
صباحكم ومساؤكم فل واش راكم يا الجزائريات يا المغبونات في الغربة كاش جديد
باين احنا ناس الغربة ما عندنا حتى جديد ربي اعنا
البارح تعرفو قريت بعض المواضيع من المنتدى ورحت نرقد بايتة نحلم بالكاسكروطات تاع البلاد والمشكل ولد حرم عليا حتى في الحلم في الوقت الي طلبت فيه الكاسكروط والسيد اصقصي فيها واش من كاسكروط حابة فاق وليدي امين يبكي حتى في الحلم محرمين عليا خخخخ
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom