خلــــــــــــونا نتعـــــــــارفوا [ المغتربين و المهاجرين ]

السلام عليكم اختى ام امين
كى قلتى راك عيشة فى ايطاليا العام لى فات تلاقيت بوحدة فى مطار بوضياف مروحة لايطاليا
ما تكونيش انت؟؟؟؟​
 
لا لا سميرة مانيش انا لخاطر العام الي فات روحنا بالبابور على تونس يعني اكيد مش انا خخخخخ
وانت وين راك ما قلتيليش ؟؟
 
انا العام لى فات كنت مروحة تلاقيت وحدة فى بالى قسنطينية عندها الله يبارك 2 وليدات قاتلى عايشة فى ميلانو الا ما خانتنيش الداكرة انا رانى فى الامارات عندى 6 سنوات
 
انا عندي ثاني زوج وليدات بصح مانيش ساكنة في ميلانو
الله يبارك انا عندي خمس سنين كملتهم الشهر الي فات
واش المعيشة في الامارات مليحة والا ماكان ما كان؟؟؟
والفتي عجباتك لالا ؟؟؟
احكيلنا شوي الا تقدري طبعا
 
السلام عليكم
واش راكم ؟ ان شاء الله الكل بخير
​
اختي لاليشكا ربي يشافيك وماتشوفي شر ان شاء الله ,,والله انا جربت مرة المرض في غربة وتخيلي بعيدة عن اهلي يعني لقيت غي صحاباتي وزيد الله لا يعيشها لواحد والله

اختي ام امين اكيد ممكن انا راني نقرا ماجستير اداراة اعمال وهاد اخر فصل ليا ان شاء الله وراني في قبرص التركية نقر عندي في هادي بلاد 5 سنين ونص فيها صح تعبت من غربة بصح في نفس وقت والفتها راهي تعز عليا بزااف ,, وانتي كيراكي مع غربتك قوليلي تعلمتي ايطالية بصح والله مليح راهم كايني جزايرين انا وين نقرا غير انا جزايرية 5 سنين وماحبتش تجي حتى وحدة نشم في ريحة بلادي هههههه

اختي samira انا تاني ساكنة في ابوظبي معرفة خير ان شاء الله بصح انا حياتي جاع تما والديا راه عندهم 30 عام وهما تما يعني قولي عاشو في الامارات كتر ما عاشو في جزاير والحمدلله ماشفنا غي الخير فيها كيما تقول ماما لي كان في خاطرنا درناه والحمدلله​
 
قال أم أمين23:
انا عندي ثاني زوج وليدات بصح مانيش ساكنة في ميلانو
الله يبارك انا عندي خمس سنين كملتهم الشهر الي فات
واش المعيشة في الامارات مليحة والا ماكان ما كان؟؟؟
والفتي عجباتك لالا ؟؟؟
احكيلنا شوي الا تقدري طبعا
إضغط للتوسيع...

يبارك فى عمرك اختى
هدو بلدان الناس ملاح لماليهم طبعا احنا برانية يجى النهار لى نودعوهم مرات تغيظنى روحى الناس كيفاه تبنى و تشيد فى بلدانها و حنا بلادنا ماحبتش تتعدل الغاشى كامل هارب منها
الامارات الله يبارك مخدومة مليح كي الساعة صح تدفعى المصاريف بزاف بصح تعيشى مرتاحة ​
 
قال ريمو:
اختي samira انا تاني ساكنة في ابوظبي معرفة خير ان شاء الله بصح انا حياتي جاع تما والديا راه عندهم 30 عام وهما تما يعني قولي عاشو في الامارات كتر ما عاشو في جزاير والحمدلله ماشفنا غي الخير فيها كيما تقول ماما لي كان في خاطرنا درناه والحمدلله​
إضغط للتوسيع...

و عليكم السلام اختى
معريفة الخير و الله يبارك 30 سنة او عمر و ربى يحفظلك والديك و يعيشهملك اكى انت خبرة اكتر ادا تقدري طبعا احكينا على حياتك فى الغربة​
 
قال samira25:
و عليكم السلام اختى


معريفة الخير و الله يبارك 30 سنة او عمر و ربى يحفظلك والديك و يعيشهملك اكى انت خبرة اكتر ادا تقدري طبعا احكينا على حياتك فى الغربة​
إضغط للتوسيع...


امين يارب ويحفظلكم والديكم واهلكم ,, تعرفي الغربة فيها سلبيات وفيها اجابيات لو نعددلك الايجابيات اكيد نلاقيها اكتر والحمدلله الامارات بلاد فيها الامان والعيشة فيها مليحة يعني انا عامة مانحسش بالغربة تما ممكن لاني من وعيت على دنيا لقيت روحي فيها وممكن لاني معا اهلي فاقليل وين نحسو بالغربة طبعا جزاير نتوحشها ونستناو غير وينتا نزورها في صيف واكيد راح يجي يوم وين راح نستقرو في بلادنا ان شاء الله

نجي نحكيلك على غربتي لقبرص هادي ايه حسيتلها وعرفت واش هي غربة بعدت على اهلي و كل شي تبدل عليا من اللغةوعاداتهم بصح نقول الحمدلله تجربة مليحة في حياتي والواحد تعلم فيها بزاف صوالح وراح تبقى لي غير ذكريات في هادي بلاد ..

انتي احكيلي كيفاش شايفة العيشة في الامارات عجباتك او لا
 
اهلا ريمو وين كنتي غايبة علينا
مليح لي راكي في الامارات احسن من قبرص
ربي ينورلك طريقك ويحميك
هاذي سنين ماحكيتش معاك ان شاءلله ماتكونيش نسيتي:)
يعطيك الصحة ام امين جمعتي البعيد والقريب
 
قال روز22:
اهلا ريمو وين كنتي غايبة علينا
مليح لي راكي في الامارات احسن من قبرص
ربي ينورلك طريقك ويحميك
هاذي سنين ماحكيتش معاك ان شاءلله ماتكونيش نسيتي:)
يعطيك الصحة ام امين جمعتي البعيد والقريب
إضغط للتوسيع...

اهلا اختي روز ولو كيفاش ننساك واش راكي ان شاء الله بخير
مازال راني في قبرص هاد اخر فصل ليا ونتخرج ,, تعرفي القراية والله داتلي وقتي قولي سنين ماشي شهور ههههههه بصح هانت هاد الفصل راني داياتو سياحة هنا بما انو عندي غير كورس واحد وبحث التخرج ومن بعد نثبت روحي في الامارات ,, انتي كيراكي دايرة مع غربتك في قطر؟؟
 
ايا مليح راكي مازلتي متفكر نعقل من موضوع نقاشي تراسلنا وتعرفنا :$
راني صافا في قطر من تقريبا 7سنوات والفت روحي ذراع ماعندي ماندير:)

ربي يوفقك في قرايتك صعيب الحال وحدك والقراية مي ماعليش عقوبتها صلاح ان شاءلله
زيري روحك باش تكملي وترجعي لاهلك سالمة غانمة
صورينا شوية صور من قبرص باش نشوفو البلاد كفاش مادمتي دايراتيها سياحة ههه
اي تخصص راكي دايرتيه في قبرص شحال بقالك وتكملي ان شاءلله
 
اي والله صعيبة وراه معايا خويا هنا بصح شحال من فصل فوتو وحدي لانو قرايتي وقرايته غير هو دكتوراه مايحتاجش يقعد هنا بزاف عكسي انا لازم نحضر وشحال من مرة كنت نقرا في صيف تعرفي كاين قراية في الخليج وحتى هنا يقولولها صيفي باه نكمل بلخف وهادي لي كملت عليا كنت نديها عام كامل قراية المهم كل شي فات الحمدلله انا راني ماستر ادارة اعمال خلاص في فيفري نتخرج باذن الله ,, وعندك الصح الواحد لازم يأقلم روحه حتى يقدر يكمل وماناش بعاد على بعض ارواحي زورينا في الامارات :)
 
ان شاء الله راح نحط صور لقبرص عن قريب​
 
راني معول بني بين العام الجاي نروح لدبي سياحة
ياريت نلقاك مي اذا جيت نتي تاني يلزم تجيني ;)

وعندنا تاني سفرة لشرم الشيخ اختك ربحتها في مسابقة:-h
تعالي نروحو سوا ههه
 
ياريت والله وماتخميش نجيك لدبي والله نحب نتعرف على بنات بلادي من كثرة ماالاتراك قهموني هنا هههههه والله نتشرف بيكم انتي وام امين و samira و لاليشكا

مبروك عليكي السفرة ليش لاهههههه كل شي ممكن
 
قال ريمو:
اي والله صعيبة وراه معايا خويا هنا بصح شحال من فصل فوتو وحدي لانو قرايتي وقرايته غير هو دكتوراه مايحتاجش يقعد هنا بزاف عكسي انا لازم نحضر وشحال من مرة كنت نقرا في صيف تعرفي كاين قراية في الخليج وحتى هنا يقولولها صيفي باه نكمل بلخف وهادي لي كملت عليا كنت نديها عام كامل قراية المهم كل شي فات الحمدلله انا راني ماستر ادارة اعمال خلاص في فيفري نتخرج باذن الله ,, وعندك الصح الواحد لازم يأقلم روحه حتى يقدر يكمل وماناش بعاد على بعض ارواحي زورينا في الامارات :)
إضغط للتوسيع...

الله يبارك اختى و يوفقك فى اكمال دراستك انا اول ما جيت هنا حبيت نكمل ماجستير بصح اسعارهم واوو نارر غاليين بزاف ما نعرفش مستوى التعليم تاعهم بصح يبانلى احسن من التعليم عندنا فى الجزائر ؟؟؟ ​
 
قال روز22:
راني معول بني بين العام الجاي نروح لدبي سياحة
ياريت نلقاك مي اذا جيت نتي تاني يلزم تجيني ;)

وعندنا تاني سفرة لشرم الشيخ اختك ربحتها في مسابقة:-h
تعالي نروحو سوا ههه
إضغط للتوسيع...

مرحبا بيك اختى فى دبى و انشاء الله ربى يكتبلك و تكمل مشاريعك كلها
ادا ممكن احكينا شوى على قطر انا لنعرفهم يقولو بلى المعيشة فيها اغلى من الامارات و خاصة السكن و مزال ماهيش مخدومة مليح و ادا كاينة جالية جزائرية بزاف و تتلاقاو
 
اي اختي samira رسوم الدراسة بزاااااف غالية انا قريت عام في جامعة الشارقة لقيت اهلي يدفعو بزااف مقارنة بالدراسة اكيد هي الدراسة احسن من الجزائر بصح اسعارهم مبالغة فيها تعرفي يبنو جامعات مليحة وفيها ميزات ونشاطات بصح كل شي بالمقابل ايا درت تحويل لجامعة امريكية هنا في قبرص واسعارهم معقولة مقارنة مع الامارات
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom