خلــــــــــــونا نتعـــــــــارفوا [ المغتربين و المهاجرين ]

تعرفي فطوم عملت بحث وخرجتلي هادي يظهرلي نشري برك ههههه:
لو انتي ليكي في عمايل الكيك و التورتة و البسكويت
يبقى لازم عجانة متقلش عن 1200 وات لو صيني
600 وات لو الماني بس غالية اوي
انا عندي الماني 600 وات بس بعجن فيها 2 كيلو دقيق و اكتر
بس تساوي 1500 وات كينوود الصيني و طبعا بتخلي العجين ناعم و الكيك تحفة
ادا لقيتها صنع ايطالي نتوكل على ربي
 
allah ysahalak om amiin rou7i w choufi a7san
 
اكيد ان شاءا لله بصح راني رحت البارح لقيتهم مازالو ما حطوهش يعني نهار 2 افريل تبدا الاوفيرطا ضرك راهم حاطين تاع الكينوود مع الكاس تاع الفاكهو ب 199 وانا ما حبيتوش كي عاد معاه الكاس وانا عندي شريتو مع واحد اخر
 
ام امين وحدة الواط قريناها في الفيزياء نسيت عليها بالتحديد واش هي بصح كلما كانت القيمة المكتوب على الجهاز كبيرة كلما كانت القوة تاعو اكثر مثلا انا عندي روبو 600 واط ما يرحيش مليح كيما لاخر لي 1500 واط و هكدا تاني العجانة ......
 
اهلا بيك معانا اختي ام اسراء و اسحاق و مرحبا بيك
 
فطومة بنتي عندها 7 اشهر و اسبوعين
 
ايه راح نشفالك انا واش قريت في الليسي والسيام على بالي واش معنى الواط بصح في العجانة واش معناها هههه
المهم ماشي مشكل ضرك نزيد نشوف معاها ومن بعد نقرر مازال عندي شوي وقت نخمم
 
قال fatouma2012:
سلام عليكم راني لباس سميرة وريحت الحمدلله وبنتي مازال متصعدش مليح ، بنوتك شعال في عمرها ؟

مرحبا بالضيفة الجديدة بيناتنا نورتينا وراها كاينة معانا أم عبدالهادي أيضا من بريطانيا ، عرفينا بنفسك أكتر ، أنا فطيمة من ألمانيا
إضغط للتوسيع...

ربي يخليك اختي انا ام اسراء و اسحاق من الشلف و عندي 6 سنين في الغربة ، و ان شاء الله ناوية ندخل العام الجاي لبلادي و نربي ولادي تما ربي يوفقنا .
و انا حامل في الشهر الثالث ،ربي يثبتلي حملي و يفرح لي مازالو .
 
ربي يسهلك امورك ام اسراء و اسحاق و يرزقك الذرية الصالحة
 
تعيشي اختي سميرة
عندي سؤال واش نقدر نهبط معايا لداري في البلاد ، يعني الاشياء لي هنا مليحة و ماكانش في الجزائر ؟
نستنا افكاركم اخواتي .
 
سلام عليكم

سميرة ربي يخليلك البنوتة نشالله

أم أمين الواط كل مزاد فالالات الكهربائية يعني أن le-moteur راه قوي ويستحمل الخدمة بزاف وخاصة في عجين الخبز لازم موتار مليح

أم إسحاق متشرفة بمعرفتك ونتمنالك إقامة سعيدة فالبلاد نشالله وبنسبة لصوالح لي تقدري تهوديهم للبلاد فحدت ولا حرج ، كلشي فالبلاد راه مترافيكي أعود بالله حتى الماكلة والدواء ، انتي إدا تقدري هبطي معاك صوالح الكوزينة psq فالبلاد غاليين ونوعية مشي مليحة ، كيما الروبويات ، العجانة ، وحتى المقالي دات نوعية شابة ، وللاولاد نوصيك على السبابيط حشاك هههه فالبلاد مرات بدراهمك ومتلقيش صباط مليح ومريح والملابس تاني كتري ودي للاولاد خاصة ف بريطانيا عندكم سلعة شابة ، أنا حماتي عندها عام مالي ساكنة فالبلاد وقاتلي كولشي مدرح وندمت على صوالحها لي خلتهم في فرانسا ، ندمت حتى على اتات ليمجابتهش وانتي إدا غادي تحطي la residence تقدر ي تهود ي بزاف صوالح و-r



ي يسهل نشالله
 
كيما قاتلك فطوم واش تقدري تدي ادي هه ما تخلي والو بصح انت ما قلتيلناش قصدك باش تعمري دارك في البلاد والا واش بالظبط
المهم اهم حاجة هي الادوات الكهرومنزلية الروبوات اسبيراتور حتى الا تقدري الماشينا تاع الغصيل والفريجيدار والتيفي ما تراطيش انا حبيت نهبطهم بصح الله غالب راكم تعرفو المشاكل تاع الديوانية راكم علىبالكم والمخلوق تاعي ماشو من النوع الي احب افاصل ويحكي بالزاف يقلي اخطيني من مشاكلهم على بيها ندي برك الحوايج الخفاف كيما الروبوات ان شاء ا لله
 
مشكورة اخواتي على الردود
انا هبطت لي كوات ليا و للاولاد مع الغلاف تاعهم و راني موجدة روبوات و مشينة البقلاوة و راني ناوية نهبط الملابس بكثرة سيرتو للاولاد .
 
سلام عليكم لبنات ، هاد الساشيات ملاح بزاف باه تهودوا فيهم القش للبلاد ، تدخلو الملابس ولا الفراش وتجبدو بال-aspirateur ولا كاين لي تجي معاهم une punpe كما هادي ، لكن الاغلبية بلسبرتور ويقلصوا الحجم حتى 75 % يجبدو كل الهوا ، لكن لازم نوعية مليحة مشي تع la chine ، عمليين خاصة فالقش تع الشتاء يدي بزاف البلاص ، أنا المرة لي فاتت الكابة تعمرت بالقش تع الشتاء ب-25كيلو برك وأنا عند الحق ف 30 كيلو ، لكن أخوات زوجي يدو ف هاد الساشيات ومساعدنهم بزاف ، إدا راكم مجربينهم قولونا ، أنا غادي نشريهم لصيف ندير فيهم الأغطية لمنحتجهمش وكي نسافر ندي فيهم صوالحي نشالله ، وعلى فكرة مشي غاليين وفيهم غاع الأحجام
vakuumset2.JPG
 
آخر تعديل:
fatouma انا لي كوات ما فتحتهمش خليتهم في الاكياس تاعهم ميجوش كبار بزاف و الغلاف تاني .
 
ايه والله ملاح انا مانيش مجربتهم بصح ان شاء الله نفركت عليهم وان شاء الله نعرفهم لخاطر هنا كاين بزاف حوايج يتباعو ما نعرفش واش يديرو بيهم
فكرتوني نسقسيكم شكون خير الي اهز خير قصدي الكابا والا الفاليزا؟؟؟؟ لخاطر لازم نشري حاجة باش نلم فيها القش وماشي عارفة الكابا والا فاليزا خير ؟؟؟
 
مرحبا اخواتي
فطومة هاد الساشيات انا ما جربتهمش بصح صحبتي قاتلي جربتهم و صح ما يدوش البلاصة بصح يثقالو .
ام امين انا تبانلي الكابة مليحة لانها خفيفة انا عندي فليزة فارغة توزن كيلو و 700 غ و كي ندير فيها غير شوية حوايج تثقال بزاف .
اخواتي حبيت نوصيكم كي تهبطو للزاير غير تنزلو من الطيارة ازربو للباgاج تاعكم لان لي راهم يبقاو اللاخرين يلقاو لي فاليز نسرقو صرات ل 2 نعرفهم يبقاو مع الاخر و اللولين غير يخرجو يهزو الباgاج تاعهم و يزيدو فليزة من تاع الناس و يخرجو .
حسبي الله و نعم الوكيل .
 
فطومة يعطيك الصحة على المعلومة انا شفت ليكوات و المخاد مدايرينهم هكا كي تحليهم يتفشو و اكيد فكرة مليحة باه تضغطي الحايج تاع السفر بارك الله فيك و جزاك خيرا
 
ام امين الكابة مليحة للحوايج لي ما يتكمشوش كيما الفراش و و القش تاع الصوف احذية و تهز اكتر اما الفاليزا انا نحط فيها الحوايج لي يتكمشو كوستسمات قماج ... وكيما قاتلك ام اسحاق راهي هي بعد توزن كي تزيديلها لحوايج تولي اثقل
وانت واش لبلgاج تاعك اذا يحتاج كابة و الا فاليزا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom