مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[hadda0425]

بصحتك عفاف مطرح مايسري يمري عصير البرتقال والتفاح كيما يقولو دوريجين ههه
هاديك كي صلاة الصبح تعودي ما تخرجيش من الكوزينة ههههه
​

 

[ام رحاب]

اني رجعتلك اختي تسنيم
الحريرة للامانة اول مرة نعملها احنا في منطقتنا وعايلتنا ما ناكلوهاش يعني ماش متعودين نطيبوها في الاصل
الطريقة مدتهالي الاخت حكيك يعني عطاتني نظرة عليها وتصرفت انا معاها
رابيت البصل والطماطم والثوم حطيت ملح زيت فلفل اكحل واحمر وكسبر نتاع مرقة بيضة (كسبر وبسباس وحبة حلاوة شوي)
حطيت الجاج وخليتو يتغلى شوي مع بعضو
ايا مرقت بالماء سخون قطعت فهيا حبة بطاطا وحبة جريوات وحبة خردل حبة زرودية ربطة كرافس وغلقت لاكوكوت وخليت يطيب كل شي
ايا كي طاب الجاج نحيتو ولحت كمشة روز وكمشة عدس وكمشة حمص وكمشة فريك وزدتلها مغرفة طماطم مصبرة وراس الحانوت وخليتها غلات شوي ذقت الملح والبنة واش يخصها ومباعد رجعت غلقت عليها وخليت طاب الحبوب هاذيك
بعد ما طابت رحيت كل شي ورجعت مرقت من جديد بالماء خليتو يغلي درت عصير حبتين ليمون وقطعت فيهم نص ربطة معدنوس قطعتهاا رقيق ومغرفة فرينة خلطتهم ملحي ولحتهم
هزت الغلية وغلقت عليها النار وغطيتها
هاذي هي بامانتها ان شالله تكوني فهمتيني
كشماما فهمتيش قوليلي نعاودلك
للامانة عملت كوكوت كبيرة ما بقاش منها ولا مغرفة جات تبارك الله

سلام اختى عفاف...راكي مضيعة بزاف منين ماتطيبوش الحريرة....اممممممممم عليها....هذي بالنسبة لي طريقة جديدة

احنا مانعملوهاش هكدا.....اذا حابة تجربي وصفة اخرى للحريرة قوليلي....ونمدلك حريرة ناس الغرب.............مشكوووووووووورة وخليك متميزة[/size]

 

[ibtesem]

السلام عليكم يالبنات واش راكم
الله على حسنة على البوراك
فوفتي امممممم مصابني راني فوق الصعفة ومربعة
امون كل شئ من يدك هايل
ام سراج الله الله على تليتلي يابنت ولايتي
ام رحاب بصحتك العرضة
الله بارك على الكل

 

[عفاف الجزائرية]

سلام اختى عفاف...راكي مضيعة بزاف منين ماتطيبوش الحريرة....اممممممممم عليها....هذي بالنسبة لي طريقة جديدة

احنا مانعملوهاش هكدا.....اذا حابة تجربي وصفة اخرى للحريرة قوليلي....ونمدلك حريرة ناس الغرب.............مشكوووووووووورة وخليك متميزة[/size]

اهلا اختي ام رحاب
الصراحة ما ناكلوهاش بزاف
كليناها مرة درتها بالحبوب
وهاذ المرض خضر وحبوب
ماذا بيك تفيديني بطريقتي نكون شاكرة ليك:-r

السلام عليكم يالبنات واش راكم
الله على حسنة على البوراك
فوفتي امممممم مصابني راني فوق الصعفة ومربعة
امون كل شئ من يدك هايل
ام سراج الله الله على تليتلي يابنت ولايتي
ام رحاب بصحتك العرضة
الله بارك على الكل

انتي ارواحي وانا عليا نديرلك عرضة 7 ايام و7 ليالي والنجوم شهود
نورينا وادخلي دزاير برك
​

 

[ibtesem]

هدا عشانا خيرة ارواحي تتعشاي راهي خضرت الشخشوخة

كي بقالي الفتات عملت حسوة

راهو نص تفتات

بصحت الجميع

::::::::::::::

حدة بصحتكم
اعطيني فواكه حلو كثير

 

[بوح المشاعر]

مسآء الانوآر عليكم يالغاليات

ان شاء الله احوآلكم الكل بالف خير

ماشاء الله عليكم راكم منورين

اممممم الاطباق ماعندي مانقول فيها الكل يشهيو ويسخفوا

تسلم دياتكم يارب كل وحدة بأسمها الكل شاطرآآت وفحلآت

اطباقكم دايما مميزة الله يدوم عليكم النعمة ويحفظها من الزوآل يارب

تحية لكل لبنات دون استثنآء وتحية لكل وحدة تفكرتني في غيابي

لكل الغايبات ان شاء الله يكونوا بخير ويرجعوا بخير يارب

​

 

[oumniati]

mmmmm ya3tik saha ya ibtissem, wallah ghir tchahitha


bahbouha 3la slamtek, in cha allah tkouni bkhir, rabi ywafkek in cha allah

 

[ام رحاب]

ليكي يا عفاف...
احنا طريقتنا كا الاتي...
جيبي كيكوت..حطي بصل - مقطع رفيع+طماطم مقطعة+جزر مقطع+حبة بطاطا صغيييرة+زيت
لفت مقطع+ حزمة قصبر مليحة+لحم( دجاج او داند او خروف)+طماطم مصبرة حسب كمية المرق+ملح وخليهم يتقلاو مليح..ومن بعد مرقي بماء سخووووووووووون
لما تطيب نحي اللحم بجنب...واطحني الخضار.....وحطي المرق في قدر... وحضري الدرسة..في مهراز حطي ثوم+قصبر+كمون +حرور+راس الحانوت+جومبو...ودقيهم تمام التمام..وضيفهم للمرق وحركي مليح وخليه لما يغلي..ضيفي ملاعق من( التشيشةنتاع المرمز) وخليها تطيب مع التحريك المتواصل مدة..7الى15 دقيقة حسب الكمية...ولما تطفي عليها ضيفيلها قرطوفة ورشة نعناع...واللحم المفتت
ملاحظة الخضار حسب كمية الماء...لازم تجي المرقة متوسطة مو ثقيلة ولا خفيفة..وسط..والبطاطا لازم حبة صغيرة لانها ثقل المرق
كاين الي يحب يضيف لها كمشة حمص
اي استفسار راني هـــــــــــــــــــــــــــــــــــــــنا
​

 

[عفاف الجزائرية]

يعطيك الصحة اختي ام رحاب ربي يبارك فيك
فقط كي تطيبيها حطيهالنا في مضووع هكذا باه ما تتودرش الوصفة بين الصفحات

احنا عشانا جابوه من لبرا دي سوندويتش الوالدين جابولهم كبدة واحنا دارولنا خالكوة فريت ومرقاز وسكالوب وبيض ووو
خطفت صورة برك خليتهم اون اتونت حتان كملتها

​

 

[oumniati]

ya3tik saha oum rihab


allah allah ya 3afaf, dirili wahed frit m merguaz mmmmm

zehor allah allah raki zarka allah ybarek hhhhh

 

[السعيدة بربها سارة]

صباح الخير لبنات كل وحدة باسمها والغايبات ربي يسمعنا عليهم خبار الخير
واش راكم

توحشتكم

أطباقكم كامل هايلة ربي يبارك حوجي ما خليتو ما تديرو والله

ابتسام المسمن يغير نبغيه منني نجمع ونشعل الريشو هههه
حسنا الله يباارك

عفاف الجزائرية ماشاء الله عليك أختي كل شئ بالطبع وربي يوصل خوك بخير


أم فاروق ربي يبارك مقلوبة جاتك فن ولكن ما عمري الا درتها
ام اماني ربي يشافي وليدك ياك بخير وكل شئ يهبل عندك
حدا ها اختي الحااار واويلي منو ههه
اللي نسيتها تسمح ليا

امنياتي واش احوالك بخير
كوثر الوهرانية لبااس عليك
تسنيم 55 / روعة / ميمي / ام شيماء

والله غير توحشتكم كلكم الله شاهد عليا​

وفي خااطر كل الطيباااابااات ​

:love01::love01::love01::love01::love01::love01:

 

[MĺŹǾ žĕĥÔŖ]

ya3tik saha oum rihab


allah allah ya 3afaf, dirili wahed frit m merguaz mmmmm

zehor allah allah raki zarka allah ybarek hhhhh

ههههههههههههههههههههههه انا حبيت هاكدااا خليناها للشباب الصغار الجايين ههههههههههههههههههههه

يبارك فيك حبيبتي

شكرا ليك
​

 

[MĺŹǾ žĕĥÔŖ]

عفاااااااااااااااااااااااااف ويا عفوفة الزينة

ماشاء الله عليك وتبارك الرحمان

مرا ونص ديما اطباقك تعجبني ومتبعتها اول بأول لعلنا نتعلم ولو القليل ههههههه

فحلة حبيبتي ربي يوفقك اكثر في المطبخ ونستناو اطباااااااقك الباهية ديما

سلامي
​

 

[oumniati]

allah ysalmek sara, rani bkhir w el hamdou lillah, wenti kifeh raki m3a el bard

zehor habibetna zarka wella rose wella transparente hhhhhhhh, rabi yhanik zina


el youm 3chana louuuuuuuuuuuuuuuuuuubia, w matlou3, w rani nestana fi lemrakkad yji, mmmmm

 

[السعيدة بربها سارة]

امنياتي البرد دااير فينا حالة ولكن في الدار علابالك غير بدعية نتاع الداار وقلب
والعجز من فووق​

 

[Smile Queen]

اني رجعتلك اختي تسنيم
الحريرة للامانة اول مرة نعملها احنا في منطقتنا وعايلتنا ما ناكلوهاش يعني ماش متعودين نطيبوها في الاصل
الطريقة مدتهالي الاخت حكيك يعني عطاتني نظرة عليها وتصرفت انا معاها
رابيت البصل والطماطم والثوم حطيت ملح زيت فلفل اكحل واحمر وكسبر نتاع مرقة بيضة (كسبر وبسباس وحبة حلاوة شوي)
حطيت الجاج وخليتو يتغلى شوي مع بعضو
ايا مرقت بالماء سخون قطعت فهيا حبة بطاطا وحبة جريوات وحبة خردل حبة زرودية ربطة كرافس وغلقت لاكوكوت وخليت يطيب كل شي
ايا كي طاب الجاج نحيتو ولحت كمشة روز وكمشة عدس وكمشة حمص وكمشة فريك وزدتلها مغرفة طماطم مصبرة وراس الحانوت وخليتها غلات شوي ذقت الملح والبنة واش يخصها ومباعد رجعت غلقت عليها وخليت طاب الحبوب هاذيك
بعد ما طابت رحيت كل شي ورجعت مرقت من جديد بالماء خليتو يغلي درت عصير حبتين ليمون وقطعت فيهم نص ربطة معدنوس قطعتهاا رقيق ومغرفة فرينة خلطتهم ملحي ولحتهم
هزت الغلية وغلقت عليها النار وغطيتها
هاذي هي بامانتها ان شالله تكوني فهمتيني
كشماما فهمتيش قوليلي نعاودلك
للامانة عملت كوكوت كبيرة ما بقاش منها ولا مغرفة جات تبارك الله

اختي سمايل كوين لي فولولن تحبي تخدميهم في الدار ولا تشريهم مخدومين
انا كان عندي شوي وقت ضيق شريتهم
حشيتهم على طريقة الغالية روز حطيت الطون في الاسفل وعمرتها بالخضار موشتو وجلبانة وزرودية مفورين خلطتهم بالماييس والمايوناز وحطيتهم في وسط لي فولوفون
يجو ملاح
------
تشاراك مالح العجينة المورقة حليتها رقيقة دهنت الجوانب ببياض البيض
قسمتها مثلث كبير حطيت جبن شيدر لفوق وبديت نلوي على بعضو حتان وصلت لراس المثلث كيما نديرو في التشارات
دهنتو من فوق بالحليب ومغرفة نسكافي ودخلتو يطيب يجي هايل
------
فيلي لحم مرحي دوزنت المرقة مرقةبيضاء عادي بالجاج
تقدري تفرشي ليسكالوب يكون محلول رقيق
ولا تفرشي كيما عملت انا اللحم مرحي
دوزنتو درت فيه بيضة 2 مغارف شابلير معدنوس مقطع ملح فلفل اطحل عصير ليمونة ونص مغرفة عسل يجي ذوقو هاااااايل
عجنت اللحم ودخلت الدوزان مع بعضو
فرشة الالمنيوم وفرشت فوقو اللحم
والجاج اللي دوزنت بيه المرقة البيضاء نحيتو وفتتو رقيق
حطيتو بجنب فوق اللحم المرحي
قطعت فوقو جبن شيدر وبديت نلهوث فيه على بعضو
يجيك كيما الاسطوانة غلقتو مليح من الجوانب
وحطيتو في بلاطو نتاع ماء ودخلتو للفور
وكل 10 دقائق نقلب على جيهة حتان طاب كامل
والمرقة اللي دوزنتها ربع ساعة قبل التقديم صفيتها من الدقداق الرقيق نتاع البصلة والجاج خليت مرقة صافية طول
لحت فيها الشومبينيون وكمشة زيتون اخضر
غلقت عليها لاكوكوت تقريبا 10 دقايق برك
وكي طاب اللحم قطعتو دوائر وقدمتو مع المرقة هاذيك

نتمنى نكون افدتك ولو بالقليل
اي شي ما تفهميش قوليلي
ربي يهنيكم كامل خواتاتي

وربي يهنيك نتي ثاني
أختي عفاف واش نقولك ربي يعطيك ماتتمناي
مرا ونص و25 كيما يقولو
والله ماشاء الله عليك لوكان غير جيتي قريبة مني هنا نولي نعرض روحي دايما عندك :$
رح نسقسيك بزاف حتان تكرهي مني
يعطيك الصحة عفاف :regards01:

 

[Smile Queen]

من فرحتي بوصفات عفاف نسيت نقوللكم صباح الخير

ان شا الله تكونو كامل بخير لبنات

نهاركم جميل يا غالياتي

 

[ام شيماء]

السلام عليكم يا لبنات راني دايرا الفطور اللوبيا وسلاطة

 

[عفاف الجزائرية]

وربي يهنيك نتي ثاني
أختي عفاف واش نقولك ربي يعطيك ماتتمناي
مرا ونص و25 كيما يقولو
والله ماشاء الله عليك لوكان غير جيتي قريبة مني هنا نولي نعرض روحي دايما عندك :$
رح نسقسيك بزاف حتان تكرهي مني
يعطيك الصحة عفاف :regards01:

بلا مزيتي اختي ومرحبا بيك في كل وقت البعيد اللي يروح وما يولي اما اللي مازلت فيه النفس كامل راه قريب
ربي يهنيك عزيزتي ومرحبا بيك في اي وقت
​

 

[زهرة العلا]

يعطيك الصحة يلالا تباني كل صبع بصنعة