واش اسمها بلهجتك

الحالة
مغلق ولا يسمح بالمزيد من الردود.
images


بما اني في منتدى جزائري ويجمع الكثير من ولايات الجزائري حبيت يكون هاد الموضوع للترعف على اسماء او مسميات الاشياء في كل لهجة
يعني راح نجيب صورة لشيء ما قد يكون من البيت او من اشياء الطبخ او اي شيء وكل واحد يقول لنا كيفاش يسموه عندهم
images


يلا خلونا نبداو بأول حاجة وخلي يكون :

images


احنا في عنابة نقولو بيبيات والا دراري صغار
 
موضوع مفيد شكرا


حنا نقولو : غرايين و لا دراري
 
أحنا نقولوا des bèBès
 
حنا نقولو الذراري و لا البزاوز ههههه
 
مرحبا بيكم مشكورين لانكم رفعتولي الموضوع
يعني ضرك عندنا :
غيليزان: غرارين + دراري
قسنطينة: des bèBès + قماط
يلا كاين شي تسميات اخرى والا نشوفو حاجة اخرى والا عندكم اي اقتراح لاي حاجة اسمها عندكم مختلفة وتحبو تعرفو اسمو عند لخرين المجال مفتوح
 
les bébés - ولا ذراري
 
سارورا ومنيا الجنة نورتوني يعني البليدة والعاصمة نفس الشيء:ذراري
يلا نسناو كاشي ولايتين اخرين ونبدلو لحاجة اخرى ان شاء الله
 
حنا نقولو الذراري و لا البزاوز ههههه
اهلا حنونة اسمحيلي طاح مني ردك هادا وين تولهتلو مي قوليلي وين هاد تقولو البزاوز يعني وش من ولاية؟
 
آخر تعديل:
البرج نقولو دراري
 
واحنا تقولوا اولاد صغار او طفل صغير بيبي
وانا تحب انقول فلوس
 
اهلا مشكورين جميعا نورتوني خليني ندير الحاصول:

عنابة دراري صغار
غيليزان: غرارين + دراري
قسنطينة: des bèBès + قماط
العاصمة والبليدة والبرج : دراري
سيدي بلعباس: بزاوز اظن المفرد بز صح؟؟
خنشلة: اولاد صغار بالمفرد طفل صغير
 
يلا خليني نحط حاجة اخرى الا ماكانش تسميات اخرى للاولاد الصغار:
والي هي اكلة هاد:
Z
images


احنا في عنابة كسكسي
واظن انو الغالب كسكسي الا البعض خلينا نشوفو ترى يلا راني نستنى
 
احنا في عين الدفلى نقولو
ذراري
 
يلا خليني نحط حاجة اخرى الا ماكانش تسميات اخرى للاولاد الصغار:
والي هي اكلة هاد:
z
images


احنا في عنابة كسكسي
واظن انو الغالب كسكسي الا البعض خلينا نشوفو ترى يلا راني نستنى

الطعـــام ، نادرًا وين نقولو الكسكس
 
وحنا تقول طعام او بربوشا
 
اخي سامي رانا بدلنا الصورة الان رانا مع مسمى جديد
مالا عندنا:
عنابة : كسكسي
الطعام لناس البليدة
والبربوشة والطعام ثاني مع ناس خنشلة
 
في عين الدفلى تقولو الطعام
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top