كايك ساهل ماهل من مطبخ جهاد

[lina-67]

السلام عليكم

واش راكم لباس عليكم
اليوم جبتلكم كيكة من مطبخي ساهلة ماهلة
ومقاديرها في متناول الجميع
المقادير :
3بيض
كاس زيت
كاس سكر
كاس حليب
2خمارة + فانيليا
2 كوب فرينة
2 ملاعق أكل بودرة الكاكاو
وللتزيين انا درت شوكولا بيضاء ، نوادكوكو
، لوز مرحي ولكي الإختيار
الطريقة :
ديري كاس زيت وكاس حليب وكاس سكر
و 2 مغارف كاكاو فوق النار وحركي حتي تثقل ،
نحيها من النار و خليها تبرد خلي كاس على جهة
والباقي ضفيلها 3 بيض وكاسين فرينة و 2 خمارة
ولافاني وخلطي مليح تم في البلا و الى الفور
ولما تطيب فرغي هداك الكاس لي نحيناه
من الفوق و زينيها كيما تحبي
شهية طيبة


​

 

[lina-67]

wa la rad , ma3labalich beli bokhala hak:s:s:sw

 

[حكيك]

ينقل الى وصفات الحلويات الحصرية و المجربة

يعطيك الصحة باين بنيين

 

[ندى الورود]

يعطيك الصحة اختي كيكة تشهي
فقط ممكن تذكري شحال مكيال الفرينة وبودرة الكاكاو
وكذلك حطي طريقة التحضير انتِ وضعتي المقادير فقط
كاين اللي مبتدئات ويحبو يتعلمو كل شيء
انا قمت بتعديل الموضوع و اعدت كتابة المقادير باللغة العربية
كاين اللي ما يفهموش الكتابة بالحروف الاجنبية
​

 

[SAMIRA25]

سلام اختي يعطيك الصحة يبان لديد بصح كم مكيال الفرينة لو سمحت وبارك الله فيك​

 

[iman88]

اممممممممممممممممممممممم
عجبني بزاف يبان بنين
يعطيك الصحة

 

[رضوة الجزائرية]

سويهلة وهايلة مشكورة​

 

[lina-67]

يعطيك الصحة اختي كيكة تشهي
فقط ممكن تذكري شحال مكيال الفرينة وبودرة الكاكاو
وكذلك حطي طريقة التحضير انتِ وضعتي المقادير فقط
كاين اللي مبتدئات ويحبو يتعلمو كل شيء
انا قمت بتعديل الموضوع و اعدت كتابة المقادير باللغة العربية
كاين اللي ما يفهموش الكتابة بالحروف الاجنبية
​

chokrane lik okhti , samholi ma3andich clavier arabe

 

[lina-67]

سلام اختي يعطيك الصحة يبان لديد بصح كم مكيال الفرينة لو سمحت وبارك الله فيك​

و فيك بركة أختي
بالنسبة لمقدار الفرينة هو كأسين و طريقة التحضير كالتالي
ديري كاس زيت و كاس حليب و كاس سكر و 2 مغارف كاكاو فوق النار و حركي حتي تثقل ،نحيها من النار و خليها تبرد خلي كاس على جهة و الباقي ضفيلها 3 بيض و كاسين فرينة و 2 خمارة و لافاني و خلطي مليح تم في البلا و الى الفور و لما تطيب فرغي هداك الكاس لي نحيناه من الفوق و زينيها كيما تحبي