عاونوني رايحة نموت

[{مُدَلَّلَتُهُ}]

يا ختي على حساب شا راكي تحكي هاد العبد ما يعرفش يهدر و ماهوش تاع عشرة خلاص ربي يهديه . واحد كيما هادا ما يستاهلك ما يستاهل تطيح دمعة من عينك عليه déja ماكانش غي هو راجل في هاد الدنيا

استخيري و كتري من الدعاء الي فيها الخير ربي يجيبها

سلاام
​

 

[AnGel_LoVe]

أنا في الحقيقة مانحبش ندخل روحي بزاف ف لي سوجي هادو مي كي قريت واش كتبتي كامل على خطيبك بانلي بلي ماشي ناس ملاح باسكو ماكاش راجل يطيح بمرتو هكدا حتى بالتمسخير مايقدرش و أنا لي نعرفو في هادي لابريود لي قبل الزواج هيا لي مافيهاش كامل ليبروبلام بين المرا و الراجل
مي نتي لازم تصارحي يماك و تحكيلها كلش بالاك هيا تنصحك و تقولك واش ديري و زيدي صلي صلاة إستخارة و خممي كيفاش رايحة تكون حياتك مور الزواج ادا بقى هكدا
و على كل حال مكاش غير هوا برك في الدنيا .. حنا مانتمناوش الخسارة بقدر مانتمناو تتفاهمو و تعيشوا مليح بصح ادا ماكتبش المكتوب احمدي ربي لي الخسارة جات من عندو ماشي من عندك
و ربي معاك ان شاء الله ختو
​

 

[4Akram]

~. أولا ،، الســـلام عليـــكم خيتـوو
كيف الحــال ؟! ان شـاء الله بخيــر آنتِ و كل العـائلة

بصــراحـة قريت كــلامك و مـا قدرت نمسك روحي
قلت لازم نقــولك شي و نفهمـك حـاجة ..

بالنسبـة لي أنـا ، إنـه الراجـل الي يرفـع صـوتـه على إمرأة
لم تصبـح زوجتـه بعـد و يقــولهـا كلام يعـايرهـا فيه
و الكــارثـة العظمـى إنـه يشتمهـا بكـلام بذئ !!
لا أسميــه رجــل ، و لن أقبــل إطلاقـا إنه يكون زوج لبنتي أو لأختي
و لـو أنـا في مكـانك خيتـوو ، كنت أنـا الي أنهي و أفسخ الخطوبة

رووح يـا سيـدي ، لنفترض إنك أنتِ الغلطانة و أنتِ الي قلتِ شي خلاهـ ينرفزهـ
مين يعطيـه الحق إنـه يعـايرك و فـوق هـذا الكـل يشتمك بكلام مـا يتقـال ؟!.
هــذا الشي يثبت لك إنـه إنسـان ذوو عقـل صغيــر ، و إنـه شخص غيـر نــاضج
و مـا يقــدر يتحكم في أعصــابـه

شــوفي خيتـوو غــاليتي راح أعطيك خـلاصـة القـول في إفتـاس
و نصيحتي ليك إنـك تفسخي خطـوبتك بيـه
و ربــي يعطيك راجــل يستـاهـلك و تستـاهليه ان شاء الله
الي يـربيك و يعلمك و يكـون لك الأب و الأخ و الصـديق الحميم و الزوج الحنـون
و القدوة ليك و لأولادك و بنـاتك

إذا لم تكن أهلآ لهآ
فلا تجعلهآ تترك أهلهآ ♥

قال تعالى : وَعَاشِرُوهُنَّ بِالْمَعْرُوفِ {النساء: 19}.

قال رسول الله صلى الله عليه وسلم ( استوصوا بالنساء خيرا )

( رفقا بالقوارير )

( "إنما النساء شقائق الرجال ما أكرمهن إلا كريم وما أهانهن إلا لئيم" . )

((أكرموا النساء، فو الله ما أكرمهن إلا كريم، ولا أهانهن إلا لئيم، يغلبن كل كريم
ولا يغلبهن إلاّ لئيم، وأنا أحب أن أكون كريماً مغلوباً من أن أكون لئيماً غالباً))

​

 

[la_safa]

ختي م مفهمتيش نوع الكلام لي يقولو لالا ماشي غزل لوكان جا هكاك معليش هو كلمة حلوة ميعرفش يقولها يهدجرلي غير الهدرة الباسلة تصوري يقولي كي نكون نمشي معاك فالزنقة نحشم بيك تبهدليني بلبستك وانا والله لبستي محترمة ونقية وخطرة خرجت معاه وتقطعتلي ليبة جديدة جازو يمات عايرني بيها وخطرة كنا نهدرو قالي بلاكي جيني بسباطك هداك الفايح ياختي وش نقولك وكي تشوفيني وتشوفيه فرق كبير بيناتنا انا خير منو في كل حاجة شحال من مرة يزيد معايا الهدرة ويقولي راني حاب نبطل وكي نقولو دبر راسك انا قلبي وجعني وعييت من تصرفاتك يولي يحلل ويقولي كنت نقصر معاك برك​

لآ حول و لآ قوة الا بالله ..
اختي صدقيني , كون مآقريتش هذآ الرد كنت رآح نقلكـ سآيسيه و هدي أعصآبو
و حآولي تتفآهمي معآه , لانو العرسآن ديمآ فِ توتر ..
مي كي قريت هذآ الرد و هآذ الاستهزآء كآمل مآنقولكـ غير افسخي خطبتكـ بيه ..
لأنو بكل بسآطة هآنكـ و انت مآزلت خطيبتو كون تتزوجو كيفآه !!
اختي شوفي للمستقبل قبل كلشي .. يعني مبعد كيفآه رآح تعيشي معآه
ولآدكم كيفآه رآح تربوهم و نتومآ مش متفآهمين .. !

+

مآتنسيش حآجة ثآني ولآد الحرآم بزآف كآين لي حب يفسد ..
هآذي حطيهآ فِ بآلكـ ..

أنآ حبيت نمدلكـ رأيي و انت شوفي لي يخرج عليك،
طبعآ مآتنسيش الدعوآت و صلي صلآتكـ في وقتهآ و طبعآ لحوآيج لي ترضي ربي ..

و ربي يهنيكـ و لي فيه الخير يجيبهولكـ ْ~
​

 

[houcine13dz]

الزواج ثمرة يجب المحافظة عليها ورعايتها وأنت يا أختاه في حيرة .
هل يعود؟
هل هو جاد؟
في ماذا أخطأت؟
هل له امرأة أخرى؟
هل.....هل .....؟
هذه الدوامة من الأسئلة ستؤدي بك إلى ما لا نهاية وما لا يحمد عقباه.
أوقفي كل سؤال عودي إلى الله سبحانه بقراءة القرآن والدعاء وسوف ترين النتيجة.
والشئ الذي دفعك إلى طرح مشكلك هنا بالمنتدى هو قطعا الفراغ وعدم وجود شخص قريب للحوار و النصح أي شخص مجرب .
حاولي أن تحاوري أمك في الموضوع بدون عواطف أي برؤية منطقية بدون ميولات ،بمعنى لا تخدعي نفسك.
وأخيرا إن لم يجدي الأمر معه نفعا ففراق بإحسان .

 

[خديجة محمد]

السلام عليكم ورحمة الله ولركاته
شكرا لكل من رد علي وقالي كلمة حق راني صليت الاستخارة وبعد ما صليتها حسيت بقلبي مقبوض وفالليل لما رقدت نمت كلي انا وياه تزوجنا عادي
واليومكي نضت حسيت بلي راح هداك الانقباض وبلي راح نتقبل كلشي حتي الا كان الفراق هو الحل اللهم اجرني في مصيبتي واخلف لي خيرا منها​

 

[SAMIRA25]

ربي يسهلك امورك اختي و يكملك معقلك و يعوضك خيرا

 

[خديجة محمد]

سفتي ياختي وش صرا فيا خطرة كنا نهدرو وريتلو تصويرة تع اخني قالي خسارة حصلت بيك انتيا لوكان شفت اختك راني خطبتها قبلك وزيد وزيد وزيد مرات نقولو علاش خطبتني يقولي المهم نتزوج وسلام عمري محسيت بلي يحبني ولا يحن عليا ولا حتي كاش مشاعر طيبة والو كلي راني مع حجرة وكي يتكاكا مع روحو يقولي علابالي بلي راني ظالمك وعلابالي بلي راكي حاملة مني بزاف كي نقولو انا راني بنت فاميليا ومتسمعش مني العيب يقولي علي هادي لي راكي معايا درك لوكان جيتي كيما لخرين راكي طرتي هو في الاصل كان خاطب وحدة وبطل منها بصح كي يحكيلي كيفاش كانت تسبو بيماه والاهل ديالو ننخلع هي طيحلو وهو يطيحلها عادي وقيلا علي هادي ولا يهدر معايا هكا داير في راسو بلي لبنات كامل كيفكيف​

 

[روز]

من البارح نقرا في ردودك ماحبيتش نرد مي راهي في قلبي يلزم نقولها
اسمحيلي ياختي هذا واحد جايح ومش الوحدة لي تكمل معاه
اذا كملتي معاه رايح هو يكمل عليك

مني حكيتي المرة اللولة عطيتو عذر مي كي حكيتي التفاصيل والحوار والهدرة نتاعو
ياختي كرامتك وين راهي .؟؟
كفاش تقبلي على روحك قع هذ الشتائم والتقليل من قيمتك ؟؟
كفاش راكي مازلتي معاه وكفاش حتى في الأصل حطيتي موضوع وتطلبي في راينا؟؟
هذا شيء مايحتاجش آراء الناس
لو كان بخيل لو كان مزير لو كان مش خدام لو كان زوالي كل هذ الامور مقدور عليهم ونورمال
لكن انو يقعد يبهدل فيك في الرايحة والجاية
ونتي في عنوانك كاتبة راني رايحة نموت...؟
منين تموتي وعلاه تموتي؟ تموتي على واحد هكذا بهاذ الصفات؟

يزلم تعاودي حساباتك قبل الزواج وماتخلقيلوش أعذار
مش عقد الباسي نتاعو يخرجهم فيك بأبشع الطرق !!!
هذا المرة الجاية كي تتزوجي ماتستغربيش يولي يمشي فيك بالكفوف

ربي يهدي والراي رايك في الاخير هاذي حياتك ونتي أدرى​

 

[أم أمين23]

اختي اظن الاخوات وفو وكفاو وانا نصيحتي الاخيرة ليك تحطي ماليك في الصورة والاستخارة لا تعني انك تحلمي والا اي شيء الاستخارة هي لتيسير او تعسير الامور حسب ما فيها خير او شر
ولو انو حسب كلامك الي يكون هكدا في الخطبة رايح تشوفي منو اكثر في الزواج وربي يكون الي فيه الخير اختي بصح لازم تخمي الف خطرة قبل ما تكملي مع عبد كيما هادا

 

[بنت الـ25]

من البارح نقرا في ردودك ماحبيتش نرد مي راهي في قلبي يلزم نقولها
اسمحيلي ياختي هذا واحد جايح ومش الوحدة لي تكمل معاه
اذا كملتي معاه رايح هو يكمل عليك

مني حكيتي المرة اللولة عطيتو عذر مي كي حكيتي التفاصيل والحوار والهدرة نتاعو
ياختي كرامتك وين راهي .؟؟
كفاش تقبلي على روحك قع هذ الشتائم والتقليل من قيمتك ؟؟
كفاش راكي مازلتي معاه وكفاش حتى في الأصل حطيتي موضوع وتطلبي في راينا؟؟
هذا شيء مايحتاجش آراء الناس
لو كان بخيل لو كان مزير لو كان مش خدام لو كان زوالي كل هذ الامور مقدور عليهم ونورمال
لكن انو يقعد يبهدل فيك في الرايحة والجاية
ونتي في عنوانك كاتبة راني رايحة نموت...؟
منين تموتي وعلاه تموتي؟ تموتي على واحد هكذا بهاذ الصفات؟

يزلم تعاودي حساباتك قبل الزواج وماتخلقيلوش أعذار
مش عقد الباسي نتاعو يخرجهم فيك بأبشع الطرق !!!
هذا المرة الجاية كي تتزوجي ماتستغربيش يولي يمشي فيك بالكفوف

ربي يهدي والراي رايك في الاخير هاذي حياتك ونتي أدرى​

وهدا اللي كنت حابة نقولو
يسلم داك الفم روز :up:
ونزيد حاجة
بالاك انتي خايفة انك تولي مطلقة قبل البناء
هادي غير نحيها من بالك
والأفضل انك تقعدي براسك ولا تتزوجي مع واحد كيما هدا
​

 

[امين 22]

ربي يجيبهالو هدا منقووول

 

[سمسم السمسومة]

عجبني الرد تاع الأخ أكرم_اذا لم تكن اهلا لها فلا تجعلها تترك اهلها_بينك و بين روحك واش راكي مستنية من هاذ الزواج..زعما كي تديه رايحا تبدلي من طبايعوا من بعد...........( غير انسايها)..راكي تقولي راه داير لبنات كامل كيف كيف...سامحيني لخرى كان يطيحلها و نفس الحاجة راه يديرها معاك..قوليلي واش الفرق بينك و بينها..هي و نقولوا ماشي مليحة و طيحلوا فالهدرة و نتي.......كي يتكاكا مع روحو يقولك راني ظالمك..شكون راه يكذب نتي تكذبي على روحك و لا هو راه يكذب عليك....انا راني شايفة على حساب الردود تاعك رايحة تكملي فالحكاية...و في اللخر راح تكوني نتي الخاسرة_تهلاي في روحك و زيدي أقعدي مع روحك كثر ...اذا متزوجتيش مراحش تموتي مي اذا ديتي راجل كيما هاذا انساي حياتك....سامحيني اذا كنت قاسية معاك

 

[رضوة الجزائرية]

راني نساند الاخوة بردهم فكري وستخيري ولي باعك بالفول بعيه بقشورو ربي يهنيك​

 

[la_safa]

اُختي رآني شفت ردكـ و كأنكـ بديتي تدآفعي عليه
بصح رجآءً كرآمتكـ أكبر .. مآتديكش هدرة النآس :down: ..
لأنو الرآجل تآع الصح مآيقبلش تتهآن مرتو
و لي رآح تكون أم ولآدو من بعد .. نصيحة ..
لأنو كون تكملو هآكـ رآح تعيشي فِ ذل .. و تقولي يآ ريت ~

و ربي يهينكـ ْ~

​

 

[***سوسن الجزائرية]

ياأختي على حساب واش قلتي كامل هدا ماعندوش شخصية وديجا قبل مايديك راه يعملك هكدا شوفي أختي خيرو في غيرو خاطر هادا والله مايصلح ...انسان ماعندوش شخصية مايستهلش..رغم هاد الرد قاسي بصح هادي هي صراحتي ..​

 

[NADA ELWARD]

أختي لاكان موالف يعاملك بهذي الطريقة و ماكانش يتفاهم معاك و أنت مازال ما تعلقتيش بيه اخطيك منو ولاكونتو متفاهمين من قبل و هو يقادرك اعتبريها غلطة منو برك بالاك كان الغضب مسيطر عليه و ما تقرريش قرار تندمي عليه و ماتتسرعيش خممي بعقلك وان شاء الله ربي يهنيك

 

[قناص الغرام]

بصراحة اختي
مادام راهو يطيحلك الهدرة قبل الزواج و يهين فيك كيما هكا ذرك
استناي بعد العرس الضرب من جهة و تخيلي اولاد كيفاه رايحين يترباو مع اب يطيح الهدرة لامهم
يعني حتى اولادك ايعودوا يعاملوك نفس المعاملة
بالمختصر المفيد جححححيم

 

[BREAVE-HEART-91]

اذا انت وهو تحبو بعض فلا داعي لاخذ قرارات تندمو عليه ممبعد
وعلى حساب هدرتك انتو تحبو بعضاكم
نعطيك مثال
انا عندي حبيبة نحبها ونعشقها تاني ودائما انا لي ندير المشاكل ونسبها ونقلها متزيديش تعيطي ومتخميش باش تزيدي تعيطي ولا تهدري معايا ولكن هي كانت عغارفة تحكم عقلها وعرفت كيفاش تأثر فيا
وتخليني نتأثر بيها
هكدا انت لازم عليك تعملي
انت خطيتي خطوة كبيرة في حياتك وما لازمش تخلي الشيطان يرجعك منين جيتي

 

[Taylor2013]

السلام عيكم
اختي خديجة محمد
ان راي تاعي باش تنجح علاقة لازم واحد فيكم يسمح في حقو و انا بالنسبة ليا التعب و القلق هو لي رجعوا يدير هكذا بسبب قروب وقت العرس هذا ماكان مديري والو في راسك مدة وجوز و ان شاء الله ربي يهنيكم في دار وحدة
و شكرا