اختي روز انا في المنتدى هنا ما شفتش مشكل الجهوية خلاص الناس كامل تتعامل و كاننا في بيت واحد لانو عالم افتراضي لكن كي نخرجو للصح و الله نلقاو العجب و ماش في الخارج برك حتى داخل الجزائر تلقاي هدي العقلية هدا من الشرق و هدا من الغرب و كي تزيدي تدخلي في المناطق نزيدو نلقاو هدا من و لاية و الاخر من ولاية و هكذا ,بصح حبذا لو نخليو هدا العقلية في الداخل برك لا من شاف لا من راى بصح كي نخرجو الخارج و نلقاوها هدا هو العيب الكبير كي جي وحدة ماش بنت بلادك تعرفك على وحدة بنت بلادك اول شيء تتحدثو على منين انت و انت منين و من بعد تتفارقو؟؟؟؟؟ تبهديللل
لو تحطيتي انت في موقف كيما هدا و تسالك المراة لي جات تعرفكم على بعضكم واش بيكم واش جاوبيها ؟؟؟
ايهه نسييت بالنسبة لصداقة الغربة هي مرحلة عابرة مثلها مثل مراحل الدراسة المهم الواحد ما يحسش بالفراغ و كاينين مرات الناس لازم شوي ينحيو على خاطرهم الواحد اذا صحتلو يتعرف على ناس في حدود معقولة لما لا احسن من الانطواء و بالاخص المراة كي تكون في البيت انا جربت كي تكون الوحدة تخدم ما عندهاش وقت بصح كي تكون في البيت تستوحد ديري علاقات كتب ربي استمرو اللهم بارك ما كتبش كل واحد في حالو
اسمحيلي هذاوين شفت ردك
الجهوية كاينة في المنتدى لكن بدرجة أقل ومش مشكل الجهوية هنا لانو واحد مارايح يديرك شي
المشكل في الحياة صح كما قلتي
في الجزائر الجهوية وفي الولاية الوحدة يقلك نتاع من السونطر فيل ونتا من الفيلاجات
وفي الفيلاجات يقلك نتا من ذاك العرش ونتا من العرش لاخر
وراحت رايحة يعني مانبراوش حتى في العايلة بين الخوات تلقاي التفرقة
وبخصوص الغربة كاين ناس هنا تاني يتعاملو بالجهوية كما قلتي
وناس تعامل بالمصالح برك حتى لو كان لي فيه المصلحة انسان مايصلحش يبقاو يلحلحو
الدنيا تبدلت ياسر
اما بخصوص سؤالك شيء محرج فعلا
لكن انا مش من النوع لي يحشم من البراني نهدر عادي
يعني اذا المرا لاخرى جبدت روحها بسكو ولايتي ماعجبتهاش
نقولها للمرا لي سألتني نقلها حنا عندنا الجهوية وهاهو السبب لي جبدت روحها مني
ونقلها تاني بلي العقلية هاذي مش متفشية لكنها في بعض الناس(حفاظا على ماء الوجه فقط) :d
الله غالب تعياي تغطي في عيوب الجزائريين هنا ماتسلكيش
رانا نغطو بلي نقدرو عليه
لكن الامور لي يفضحو نقولهم ومانحشمش
بسكو هوما ماحشموش كي داروها وهدروها انا نحشم..!
وكل مجتمع فيه المليح ولي مش مليح يعني اذا تهكمت المرا الاخرى من ردي ولا دارت روحها استعجبت ودارت روحها عايشة في مجتمع ملائكي وبلي حنا لي مش نورمال
نجبدلها عيوب البلاصة لي راهي عايشة فيها بطريقة "راني عارفة كل شي ماكالا الزوخ"
باس أ باس يعني ههه
