فلانة راجلها شرالها وأنت ماشريتليش....

[شجـ الروح ـون]

السلام عليكم ورحمة الله تعالى وبركاته
ان شاء الله تكونو كاملين بخير ناس واش راك تهدر
توحشتكم قلت نجي نصدعكم شوية
مالا اقراو بالعقل برك وماتتقلقوش تعرفوني نحكي بزاف ههه
.
.
نظن الموضوع باين من العنوان
مي نزيد نحكيلكم الحكاية هذي
قبل ايام كلمت صحبتي نسال عليها
حكينا شوية حتى سقسيتها على راجلها قاتلي اني في دارنا قتلها مليح وقيلة توحشتي ماماك
قاتلي لا اني حارسة ومانرجعش كي يصرى واش يصرى
قتلها ياطفلة انعلي بليس واش الكلام هذا
قاتلي قلت ومانعاودش
قتلها واش السبة قاتلي والو
سكتت سكتت مبعد قتلها ماتقوليليش بيك التيgوان
قاتلي شكون قالك هيا رخستها وطلقتها وقتلها ان شاء الله يخليك ترشاي لتم ههه
ظك نحكيلكم حكاية التيقوان
هذا ياسيدي صحبتنا الثالثة تلاقيناها قبل فترة
كان عندها مشاكل مع راجلها وهداه ربي ربي يهدي سرهم ان شاء الله
تحكيلنا قالتلنا نحالي مفتاح الطونوبيل وقالي كي تموتي ماتزيديش تركبيها
وبعد يومين كلمها قاللها شوفي من البالكون لقاتو محبسلها تيقوان بيضا فلاكور
طلب منها السماح وجابلها السيارة هدية:$
هي تحكي وانا نشوف فالمخلوقة الثانية عينيها خرجوا ههه عرفت باللي اليوم تبيت مولا بيتها بلا عشا
هيا في هذيك لعشية حطت لراجلها لعشا وبداتو فلانة دارلها راجلها وفلانة شرالهاووو
هيا قلب عليها الطابلة وقاللها كيما ندير ماعجبت انا
وماحشمتش ومزالها باغية التيقوان هههه
.
.
يعني خلاصة الموضوع علاه النسا يحطو رجالهم في مجال مقارنة مع رجال صحباتهم وخواتاتهم
ويتناساو اختلاف المقدور والظروف يروح يسرق راجلك ؟
والسؤال الأهم علاه وقت يقارنو ما يقارنوش بواحد أقل منهم ؟:p
سمعوني حسكم تراه وقولولي الا لاحظتو الظاهرة هدي؟

ملاحظة
- الملاحظة مسروقة من عند ماكانش ههه
- مانعرف كيفاه صحبتي المخلوقة هدي هههه:s:p

​

 

[ماكانش]

أهلا بيك شجون
نورتي المنتدى
يعطيك الصحة على الموضوع الزينون
ولأجل هذا قررت نمنع مرتي من الأعراس ههههه
نخليها تروح ترجعلي تقلي فلانة عندها محزمة كامل ذهب :p، وفلانة عندها لانجاصة ولا واش، وفلانة عندها كرفاش بولحية ولا مانعرف واش يسميوه وهيا ماشي ههههههههههه توصلي الفاتورة ل 350 مليون ههههه
أظن هاذي هي الفطرة تاع لمرا، مام تجيبلها واش تجيب ماتتقنعش
وكيما يقول النبي صلى الله عليه وسلم " يكفرن العشير" يعني واش ايديرلها راجلها من خير وفي الأخير تقلو ماشفت والو منك ههههههه
الطفلة الواعية لازم تشوف المور المعنوية ألي تعيشها مع راجلها ماشي فلانة بتيلgوان وكل يوم بgار وعياط ...

يعطيك الصحة على موضوعك الباهي
​

 

[سمسم السمسومة]

هي قناعة لا غير....

 

[ملكًة الاحسآس]

وعليكم السلآآآم
عآآودت وليت نرحي شويآآآ :p
اممم والله ياهدي صحبتكـ ماعرفت كفآآه نسميهآآ
دايجآ راني حايرة كفاه صاحبتيهآآ انتي العقالة والرزآآنة وهي العكس :d
بوون كآآين نسآآ الله غالب همآآ هكدا مايقدروش الظروف وتحب الحاجة الي تطلبهآ من راجلهآآ تكون حاضرة ، وهدا النوع عادة رجالتهم لو يشعلولهم أصابيعهم 10 تقول مادارلي وآآلو
أمآآلا يليقلهآآ يخليهآآ تم في دآر ماليهآآ ايامات حتى تفهم بلي هي الغالطة.
كمآآ قالو المسألة مسألة قناعـة بركـ ، والوحده كي تكون هانية مع راجلهآ وماهو باخل عليهآآ
حتى بشئ وعلى قد حآله سي بوكو
مثلآآ انا راجلي المستقبلي الا لقيته قآآدر مرة على مرة نخرجلو بخرجة :-h
بصح الا لقيته على قده ، كي نحب حاجة ونشوفو ماهوش قادر عليهآ
بآش مانخليهآش في قلبي نخرج نشلل عينيآ ونرجع فرحانة للدار :p
موضوعكـ مليوح حبوبــة
ميرسي :regards01:




​

 

[sakura jolie]

اهلا
هههههههههههههههههههههههههههههههه
معاك الحق متوفرة هدي الظاهرة في المجتمع بزااااف
لكن الموضوع موضوع قناعة
وشكرا للطرح
​

 

[أم راضية ~_]

السلام عليكم
^^
هههههههههه بزااااف من صحبتك هادي بصح عقل "تاع البيتة " مع احتراماتي :-r
وكاين تانيت رجال يسمع صاحبو قال مرتو دارتلو كاش حاجة يروح يجري يقول لمرتو يقولها اليوم تديريهالي يا لوكان تكون ما تعرفهاش ..
عندي عمي كلما يجي لينا يلقانا دايرين كاش قاطو ولا ماكلة يروح يجري لمرتو وعلاش ما ديريهاش و يقلب عليها الدنيا و كلما نتلاقاها تشنف عليا ممبعد بشحااال عرفت بلي قالها صغيرة عليك تدير الرشتة و انا نروح نشري فيها برا :p :d يبهدلو عباد هكدا
ربي يهديهم
شكررررا على الموضوع :regards01: ​

 

[نبض الحياة]

اهلآ شجون حبيبتي
والله موضوعك يتوشي في الخيط الحسآس نتآع النسآ :d
والله هآد الوآقع يآ لحبيبة
القنآعة شوية نآقصة وتعرفي المرآ تغير من اختهآ رآبيدومون
وهآد الامر مآ يولي عليهآ غير بالسلب
البنت لآزم تكون قآنعة الرزق على ربي سبحآنو
والحمد لله على كل حآل
مآم قلة توعية وفهآمة
ربي يجيب الخير برك
​

 

[فتاة حساسة]

ممممممممممممممممممممممممممم..بون هادي النسا طماعات وديرلهو واش ديرلهم مايرضواش.هههه لي عودة للموضوع تقبلي مروري :d

 

[!≈[سُِـِيٌــِـِفّ اٌڷِخً‘يٌـرُ]≈!]

كي تقولي هكا

نقلها فلان تزوج 4 وأنا راني في طريق

ههههه
​

 

[FATIMA 19]

هاذو هوماااااا النساااااا يغيرو بزاف ولازم يديو كلش
والله طبيعة ماشي مليحة ومش مليح التكلف بزاااااااااااااااااااااااف

 

[قناص الغرام]

ربي يهديالنساء تاع الوقت هذا
ماهومش كامل باش نتفاهمو........
​

 

[ام آدم]

السلام عليكم
هدي عادة قبيحة ولكن عقول النسا الله يهدينا
بصح نقولكم صراحة يشهد ربي بلي مافيا هاد العادة والحمد لله صح مرات نتمنى اشياء ولكن نخليها في قلبي ومستحيل نقول لزوجي علاه فلانة عندها وانا لا ابدا
حتى زوجي لاحظ فيا وحتى لوكان نحب نتبدل ونولي عنادا ومكلفة زوجي يقولي هذا ماشي طبعك واكيد راكي تعاندي في كاش واحدة
وراح نحكيلكم مرة واش صرا حكاية متشابهة مع حكاية صاحبة الموضوع ولكن والله مانقصد بصح فهمني غالط :$
قبل 5 سنوات تحصلت على رخصة السياقة وفرحانة بروحي رايحة جاية بالسيارة تلاقيت مع وحدة كنت نعرفها صحبتي مغربية وبديت ننصحها يافلانة انك تعملي رخصة السياقة راح تلقايها وتسهلك جيبي ولادك من المدرسة من السبور والخ وحنا في غربة والله لايبلي اذا مرض راجلك ماشي يحبس كلش وماعندك حتى واحد اللي عاونك والسيارة تنقصي بيها بزاف حوايج ,كل يوم على هاد الحال :sوانا نشجع فيها وهي تقولي ماشكيتش يقبل راجلي لان في المانيا الرخصة مكلفةويلزمها قراية المهم غابت عليا هاد المغربية حوالي سنة لظروف وبعدها مرة انا خارجة من واحد البركينق تع السيارات وواحدة من داخل سيارتها تكلمني بلغة المانيا ًراكي خارجةً هزيت راسي وقلت ايييييه بقيت نتحقق فيها هاد الصوت ماشي غريب عليا وفي الاخير فتحت الزجاج وقلتلها واش فلانة واقيل ماعرفتنيش :-oقالت والله ماعرفتك حكينا مع بعض وهنيتها على حاجتين الرخصة والسيارة الجديدة 4*4 ماشاء الله وقاتلي والله لولا انتي اللي شجعتيني مستحيل نعمل الرخصة
المهم رحت للدار وحكيت لزوجي وبصراحة تكلمت على السيارة بطريقة مبالغ فيها :very_mad:ومعرفتش كيفاه حتى قلت لراجلي ماشاء الله كملت الرخصة وموراها سيارة جديدة :up:وعلى طووووووووووووووول طلعت كل العيوب في سيارتنا رغم اني كنت معجبة بيها من قبل ولاكن لا شعوريا بديت نخلط فالهدرة :dوالحمد لله خرجت سلامات رغم اني شفتوا زعف شوية لاني قلت زوجها ربي يخليهولها باين متهلي فيها بلخف شرالها سيارة ياسعدها

 

[والدة فاروق]

انا في رايي الزوجة اذا كانت تبغي زوجها ترضي بيه كيما كان وما تحملوش فوق طاقتو والغيرة هذي مرضية لانها مشي في محلها تدمر العلاقة بين الراجل ومرتو وصحبتك هذي كيما نقولو في الغرب مشي شاربة عقلها يعني مشي مسؤولة على جال اشياء كمالية مشي حتى ضرورية باغية تخرب دارها عند بالها راها تتقلش عليه لكن تصرفها هذا قادر يبعده عليها وصحبتك تولي في خبر كان

 

[نرج ـسية]

ربي يهدي
الغلط نتاع الرجالة كي يحبو يزوجو يقلك نجيبها صغيرة
وكي تبدا تتعوج عليه يقلك كرهت ومليت !
من دقيقتو يجيبها كبيرة عقل ورزينة
احسن مايجيبها صغيرة ذر ويحصل فيها​

 

[شجـ الروح ـون]

أهلا بيك شجون
نورتي المنتدى
يعطيك الصحة على الموضوع الزينون
ولأجل هذا قررت نمنع مرتي من الأعراس ههههه
نخليها تروح ترجعلي تقلي فلانة عندها محزمة كامل ذهب :p، وفلانة عندها لانجاصة ولا واش، وفلانة عندها كرفاش بولحية ولا مانعرف واش يسميوه وهيا ماشي ههههههههههه توصلي الفاتورة ل 350 مليون ههههه
أظن هاذي هي الفطرة تاع لمرا، مام تجيبلها واش تجيب ماتتقنعش
وكيما يقول النبي صلى الله عليه وسلم " يكفرن العشير" يعني واش ايديرلها راجلها من خير وفي الأخير تقلو ماشفت والو منك ههههههه
الطفلة الواعية لازم تشوف المور المعنوية ألي تعيشها مع راجلها ماشي فلانة بتيلgوان وكل يوم بgار وعياط ...

يعطيك الصحة على موضوعك الباهي
​

اهلا بيك سفيان
النور نورك يعيش خيي
ههه غنية لعراس وحدها ومعتمدة من طرف كل النساء
واللي مكانش يكون هههه
بالصح واشي هي لنجاصة هذي مانعرفهاش ههه
بالفعل فطرة النساء وغيرة المرأة
تنعكس ظاهرا في هاته التصرفات
لكن في بعض المرات يزيد الامر عن حدو
وتنقلب الحكاية خراب بيوت
وكيف ماقلت سفيان
لازم المرأة تراعي ظروف زوجها من جميع الجوانب
وحتى أحلامها تسطرها في حدود الامكانيات
ومكاش كيف القناعة والرضى
شكرا سفيان​

 

[شجـ الروح ـون]

هي قناعة لا غير....

هذاك هو...شكرا سمسومة​

 

[شجـ الروح ـون]

وعليكم السلآآآم
موضوعكـ مليوح ، جيت نحكم بلآآصــة
خخخ قلتيلي اللتيقوآآن ، أتشيعة دحنآآ ماكنآش بنآآت :p
لي عودة
​

اهلا بيك حبوبة
البلايص الكل تحت أمرك نورتي ههه
وااااه قاتلك التيقوان ولا نموت هههه
اني نستنى فيك عزيزتي​

 

[شجـ الروح ـون]

اهلا
هههههههههههههههههههههههههههههههه
معاك الحق متوفرة هدي الظاهرة في المجتمع بزااااف
لكن الموضوع موضوع قناعة
وشكرا للطرح
​

اهلا بيك حبيبة
نعم تقريبا النسا الكل فيهم الطبيعة هدي
غير لقليل لقليل
وكل وحدة وعينها
كاين اللي عينها معمرة وكاين اللي عينها فارغة
كي تصبيلها فيها كل يوم شكارة دراهم ماتقنعش ههه
شكرا اختي
​

 

[شجـ الروح ـون]

السلام عليكم
^^
هههههههههه بزااااف من صحبتك هادي بصح عقل "تاع البيتة " مع احتراماتي :-r
وكاين تانيت رجال يسمع صاحبو قال مرتو دارتلو كاش حاجة يروح يجري يقول لمرتو يقولها اليوم تديريهالي يا لوكان تكون ما تعرفهاش ..
عندي عمي كلما يجي لينا يلقانا دايرين كاش قاطو ولا ماكلة يروح يجري لمرتو وعلاش ما ديريهاش و يقلب عليها الدنيا و كلما نتلاقاها تشنف عليا ممبعد بشحااال عرفت بلي قالها صغيرة عليك تدير الرشتة و انا نروح نشري فيها برا :p :d يبهدلو عباد هكدا
ربي يهديهم
شكررررا على الموضوع :regards01: ​

اهلا اهلا ببنت جيرانا الآنسة يلديز:p
ان شاء الله تكوني بخير
هههه والله حتى انا قلتلها الكلمة هدي مي ماحبتش تكبر
وقاتلي ماتوريليش صلاحي انت ماتعرفي والو هههه
صحيح حبيبتي من المراة ممكن تنبلع
لكن كاين رجال فيهم الطبيعة هذي
يقتلو وماينعاشش معاهم صح
هههه علمي مرة عمك كيفاش تدير الرشتة
وبعدي على روحك خزراتها الباهيين
ربي يهدينا اجمعين ان شاء الله
شكرا​

 

[شجـ الروح ـون]

اهلآ شجون حبيبتي
والله موضوعك يتوشي في الخيط الحسآس نتآع النسآ :d
والله هآد الوآقع يآ لحبيبة
القنآعة شوية نآقصة وتعرفي المرآ تغير من اختهآ رآبيدومون
وهآد الامر مآ يولي عليهآ غير بالسلب
البنت لآزم تكون قآنعة الرزق على ربي سبحآنو
والحمد لله على كل حآل
مآم قلة توعية وفهآمة
ربي يجيب الخير برك
​

اهلا دكتورة منووورة
القناعة ناقصة وترووووح خلاص في بعض المرات
وتولي المرا في حل واربط هههه
ربي يكملك بعقلك عزيزتي رقية
صحيح الوحدة لازم تقنع بالقليل
والعين المعمرة مع الشي لقليل
تجيب الخير
والعين الفارغة مع كثرة الشي تطير النعمة والحديث قياس
شكرا حبيبتي على ردك الباهي
يعطيك الصحة​