أروااآآآآح ياو عندي مانقلك ....آآه قصدي عندي مانبهدلك..

M

mimi-ba

:: عضو فعّال ::
أوفياء اللمة
السلامـــــــ عليكمـــــــ

عدنا والعود أحمد
:d
عندي بزاااااااااف مادرت حتى موضوع
وليـــوم حبيت نسقسيكم ومام نشوف رأيكم ف:

عندي ما نقلك
المسامح كريم
جاك المرسول
كونك عاقل
.............ووو
المهم زعما نتوما بالنسبة ليكم نورمال تروحو تعيطو لواحد في برناج ف التيلي
الناس كامل تتفرج عليكم
لي يحبوكم لي يكرهوكم لي يعرفوكم لي جامي شافوكم
ولاد الحومة لافامي
و تجبدو التاريخ العريق تاعهم وتاعكم
أسراركم كامل تهدروها
تبهدلو بعضاكم
وتفضحو بعضاكم
ولي يدوخ يدوخ والي يضحك يضحك والي ماعلابالوش بوالو
ومقدم البرناج عاجبو الحال وشايخ بالضحك

..]
هذا يا سيدي ختكم مالقات ماتدير وحبت تدي شوي راحة من لقراية
حليت التلفاز
احمـ احمــ
مانيش موالفة نتفرج خلاس خلاس
:$
لقيت هذا البرنامج تاع عندي مانقلك
زوج عندهم 32 سنة زواج
والمرأة عيطت لراجلها باه يتسامحو ويرجعو لبعضاهم...
وهداك يتهم فيها وهي تتهم فيه
و الغاشي يتفرج وفضحو رواحهم
وماشفعتلهمش مامpــا 32 سنة زواج؟؟
يعني ماخلاوش فضايحهم في الدار
خرجوها للناس هاكو شوفو كيفاه رانا عايشين؟؟

ومبعد جات وحدة تاني عيطت لراجلها
ماخلات عليه كلمة مش مليحة وماقالتهاش و جبدت التاريخ العظيم
وهو تاني كفى ووفى
ومبعد في الأخر قاللها المقدم تاع الحصة تحبيه ؟؟
قاتلو هيه ♥
و قال لراجلها تحبها
قالو هيه ♥
ياخويا تحبها وتحبك علاه درتو التبهدايل هدا كامل؟؟

مي لي حيرني أنا
هي رافعة عليه دعوى نفقة في المحكمة
وهو رافع عليها دعوى اهمال في المحكمة
ويعيشو مع بعضاهم في دار وحدة وزيد يحبو بعضاهم
و جبدو كل التاريخ تاع بعضاهم وممبعد حلو الستار و رجعو نورمال

والا واحد يعيط لمرتو يسبها يسبها ويتهمها
وممبعد يحلو الستار هذا و يرجعو نورمال مع بعضاهم
الناس أي تضحك عليكم آآو
والا لي يجيو ويتغاشاو في الحصة
؟؟
وكاينة وحدة تاني عيطلها ولدها عايش في فرنسا هو ولدها الحقيقي و الشهادات لي تثبت بلي ولدها كاينة مي كاين حويجة برك هي قالت موش ولدي
برغم الشبه تاعهم الكبيييير
المهم
زعما ونقولو موش ولدها وراهو يتبلى عليها
زعما نظرة الناس لي يعرفوها راح تبقى نورمال ليها؟؟
راجلها نورمال جا واحد قاللها أني ولدك وعندي الأدلة و نورمال؟؟

طولت بزااف و تعبت من الكتيبة
المهم
ومنه نستنتج أن :
[ هذا وش فهمت من قراية العام هذا ]

1- تقدرو نتوما تروحو لبرنامج و تتبهدلو هكا ؟؟
2- أنا مع فكرة أنو يروح واحد يكرم والديه والا انسان عاونو في حياتو ونتوما؟
3- لازم نطير آم يسحتو فيا
4- علابالي سمطتهالكم و ممكن راكم تدعيو عليا درك
مي ادعيولي بالنجاح ختكم مسكينة وراح تعقب الباك ؟

5- دمتمــْ
​
 
أهلا بيك ميمي

يعطيك الصحة على الموضوع الباهي
نورتي المنتدى وعودة ميمونة
---
الناس عقليات، كاين وكاين
انا واحد من الناس يمدولي مليار ويقولولي تروح لجاك المرسول ولا حصة من هاذ الحصص -مانعرفهمش- والله مانروح ههههه
يعني عقليات وكاين ناس تمد الدراهم باه تروح
كيما قلتي يبخصو برواحهم ويفضحو رواحهم والناس تولي تحكي عليهم ووو
ياخويا أفريوها بيناتكم برك وعلاه الخلق كامل تتفرج وعلى المباشر ؟؟؟؟
عييت نفهم كيفاه يخممو ...

يعطيك الصحة وربي نجحك
​
 
السلام عليكم ورحمة الله وبركاته
صحيتي على الموضوع
صح هاد ليميسيون خداو روااااج كبييييييير و شاعو بزاااااااف وكاينين الي يعجبوهم و يتبعوهم
مي انا ما نشوفهم ما نحمل نتبعهم
ومحااااااال نقبل بهداك السمير
:regards01:
++​
 
hhhhhhh
lya 3awda
​
 
يعطيك الصحة على الموضوع

رايي من رايك

معليش الواحد يكرم واحد خدمو في لخير

و معليش يرجعو زوج كانو صحاب

مي باه توصل حتي أمور عائلية بزااااف

ربي يكون الخير

شكرا لك على الموضوع الباهي
​
 
وعليكم السلام ورحمة الله
بارك الله فيك على الموضوع
في الحقيقة لحد الآن والله مافهمت واش الفايدة والهدف تع حصص بحال هاذوك :s
ناس يروحو غير يتبهدلو على التلفزة وقدام الناس والله لعيب كبير
من هب ودب يجي يسمع حكايتهم ,يضحك عليهم وهوما فرحانين :-o
صح قمة الانحطاط :down:
ربي يهدينا ويهديهم على كل حال من صاحب فكرة البرنامج للمقدم للناس اللي يروحو

ربي يوفقك في دراستك ختيتي :)
​
 
و الله اختي خليها بدون تعليق
حسبي الله ونعم الوكيل
​
 
تشوف وتسمع لعجب صح معاهم ...بالصح واش يجيك من التوانسة ؟
هههههه موضوع فوووور يعطيك الصحة
وربي ينجحك انشالله avec mention
​
 
ههههههههههه كيف تقول ماما ارواح نقولك ما عمدي مانقولك لي يجيو كل يحبو يبينو رواحهم برك ساعات تشوفهم يمتلو
 
آخر تعديل بواسطة المشرف:
اخخخخخخ والله غي هذا واش محيرني في مثل هذه الحصص

الخيط الابيض-الخيط الاصفر جاك المرسول جااااك مانعرف

وش زعما الصح المشاكل يتحلو قدام العالم

خاصة القضايا العائلية وقضايا الزواج

في الزواج نورمالو حتى الابناء وما يعرفوش بان والديهم عندهم مشكل

وربي يقول اذا صرا مشكل فابعثو حكما من اهلها وحكم من اهل الزوج

ماشي قدام العالم اجمع بففففففففف اخخخخخ والمشكل ان هذه الحصص

تشد اليها الانظار وتستقطب مشاهدين من كل دول العالم (للشفاية :d)
 
عليك السلاام اختى اسماء

1- تقدرو نتوما تروحو لبرنامج و تتبهدلو هكا ؟؟
مستحيل
2- أنا مع فكرة أنو يروح واحد يكرم والديه والا انسان عاونو في حياتو ونتوما؟
والديك كرمهم فى الدار وادعيلهم وصدق عليهم واذا تحب يكرمهم ربى فى الاخرة عليك بحفظ القران
3- لازم نطير آم يسحتو فيا
راك تطيري بلا ما يسحتك حتى واحد :d

مي ادعيولي بالنجاح ختكم مسكينة وراح تعقب الباك ؟
ربى ينجحك ويوفقك ودرك ندعليك
​
 
والله عندك الحق يا بنتي واش نقولك رايي من رايك ونكرههم وما نشوفهمش وخاصة جاك المرسو
يابنتي راهم ينشرو في قشهم للعالم
هما عند قولهم راهم يوفقو في الحالة
لكن الرسول قال حكم من اهله وحكم من اهلها
مقالش روحو للحصص في الاقمار الصناعية
حكم من اهله وحكم من اهلها يعني العائلة العمام والخوال ومش راح يفضحو سر
دارو حصص بمشاكل الناس وتشهرو واللي كان كان
يعطيك الصحة حنونة
 
السلام عليكم ورحمة الله تعالى وبركاته
الاخت ميمي ماشي غير انت لي راكي ضد هذه الفكرة والله بزاف ناس تجيهم حصص كيما هادو فضيحة ، المسلم من المستحسن انو يستر ماستر ربي بصح واش رانا نشوفوا في هاذوا الحصص العكس تماما وتبانلك يفتح الستار غير قدام الناس تبانلي بالاك بعد الحصة راح تصرى امور لا يحمد عقباها .
وكيما قلت ثاني صح ربما تكريم لانسان لكن حتى هذا جابلي ربي ميستدعيش انك تبينيها قدام الناس لي دار الخير دارو لوجه الله لا يريد جزاءا ولا شكورا واذا حبينا نكرموه دعوة على ظهر الغيب خير من شكره امام الملا ليعطي نوعا من الرياء .انا شخصيا معنديش الجراة باش نظهر في هكذا حصص والله اعلم .

 
وعليكم السلام
صحيتي اختي موضوع هايل
والله رايي كوم توا حنونة والله انا ديفوا نقعد نشوف فهاد ليميسيون غير نبخس في بلاصتهم انا ديفوا والله نكون متناقشة انا واحد ويجي يقولي كلام شوية قدام وحايد والله منقدر ندافع على روحي ونقول فيه عيوبوا ولا وش شفت فيه نسكت ونخليه باسكوا منحبش الناس كامل يسمعوا وش كاين ولا يعرفوا حوايج كيما هادوا مابالك انروح لميسون لو موند كامل يتفرج ونجي نجبد حوايج بيني وبين واحد ونبدا نهدر ونعيط ونقول كلام عليه يعني وش من فايدة كي واحد يروح ويبخس بروحوا ديجا ايدا كان بينوا وبين كش وحايد قدر يطيح من عينهم وعلاش منهنيش روحي وناقش لي بروبلام تاعي معاه وحدنا نتفاهموا بشوية وبرحتنا بالاك نلقاو صوليسيون وحد ميسمع بينا منديرونجيو رواحنا ماوالوا كيما قلتي ميضحكوا الناس علينا صح كاين حوايج نورمال مام انا نقدر نروح لميسيون علجالهم دار واحد فيا خير وباغية نكرموا ولا واحد عزيز عليا وعندي بزاف مشفتوش و و و و بزاف حوايج نورمال مش نروح ندير عركة على حاجة بالاك تافهة خلاص قدام لبيبليك كامل والله حاجة بيزار معندي مراح نقول اكتر من هكا ربي يهدينا وخلاص
:: مشكورة اختي وربي يوفقك وينجحك انشاء الله::
​
 
سلام اختى

راكى تخممى كيفى ولا أنا نخمم كيفك ;)

صح انا ثانى نحير هذو كيفاش يخممو :-o

استر ماستر الله سرتو هذيك الحضة تاع تونس عندي مانقولك كارثة

أنا مستحيل مستحيل نديرها هههه

حبوبـــــــــة مشكورة على الموضوع

بالتوفيــــــــــــق​
 
هههههههههه صح صح
​
 
و عليكم السلام و رحمة الله تعالى و بركاته

صحيتي الزينة على الموضوع الرائع

كاين مليارات الطرق للتصالح علاش الواحد يجبد تاريخو و زمانو قدام الناس الكل و الله العظيم تبهديلة، أنا للي ديما نخمم فيها آسكو بعد هاذ البرنامج و الفضايح و التبهدايل الكل يعودو يعيشو حياتهم نورمال شغل ما صرا والو؟؟،،،، الغريب في في هاذ الحصص و الله يقولو حتى الكلام الطايح و يعقبوه على المباشر (بدون تعليق)،،،،،،،،،،، يا خي حاب تصالح مرتك و للا حابة تصالحي زوجك،، إبدا بأسهل طريقة أطلب أنت الصلح و اذا ما قبلوش خللي العائلة تتدخل في الوسط و إذا تعذرت سبل الصلح يمشيو للإمام يا سيدي ياك ناس بكري كانو يديو الإمام و كبار العائلة باش يتصالحو و مشي عيب

الله يهدي ما خلق هذا واش نقولو

مشكورة ختيتي و تحياتي
​
 
السلام عليكم أختي ميمي
ههههههه فريمو حكايات تاع الزوجين نورمالمون مايخرجوش من الدار
حتى أنا شفت وشفت وكامل شفنا واش راكي تهدري عليه وواش شفنا حوايج أخرين
أنا شفت وحد الحلقة تاع عندي مانقلك واحد جا عند أمو في عمرو 17 سنة جامي شافها حياتو كامل وهو حزين وعايش حياة ماش كيما الناس عايشها مفتقد حنان أمو عاشها يخمم في أمو ونهار لقاها وهي علابالها بلي بنها وبعتلها فعندي مانقلك باش تعترف بيه بنها ويحضنها برك حاب غير يحضنها أمووووووو مي هي فالأخير قالت لالا لا يفتح الستار هو مسكين داخ وبكى والله خلي مبعد نبعتلك الحلقة ماكانش الي ماتبكيهش حكايتو
سلام أختي أنا نروح شكرا لعى الموضوع الهايل:d
​
 
توقيع همس الوُرود
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.

المواضيع المشابهة

M
(¯`·._) عندي مانقلكـ (¯`·._)
المشاركات
12
المشاهدات
2K
mohamed ali 1992
M
العودة
Top Bottom