- إنضم
- 28 جوان 2011
- المشاركات
- 6,052
- نقاط التفاعل
- 6,367
- النقاط
- 351
كيف احوالكم تعدى رمضان وها نحن في آخره
دائما مع قصص لهبال اللي كل واحد فينا الا وحياتو مرت فيها الكثير من المواقف
نختم بآخر قصة قبل ما يتنهي رمضان
في صيف احد الاعوام من 3 سنوات على ما اعتقد ذهبنا الى تونس الشقيقة لنقضي اياما هناك
وفي تلك المدة سمعنا بالمعرض الدولي وكان ليس بعيد اين نقطن في سوسة
قلنا هيا نروحو في اطار التحواس دائما
ما شاء الله كبير جدا وقبل ما نخلو نلقو راجل كبير يبيع في الفشار والا كيما تقولو المستورة وحلوة الصوف ويقوللها غزل البنات وطبعا لا افرط :p بالرغم من اني كبيرة ههههه
دخلنا بسم الله ونشوفو في العباد من كافة الجنسيات وكساتيم والحطة وتقلاش
واختكم لابسة طرباقة وتكر في رجليها وتاكل في الفشار لا محل لي من الاعراب :-r
دخلت واللي نشوفهم حاجة كبيرة ودنيا ما كلاه نقربو اصلا من بعيد لبعيد :thumb_up02:
كاين ما شاء الله في الدنيا كامل حتى من الشنابر وغرف الاطفال فعلا روعة
وصلنا لواحد يبيع في الشامية ويقوللنا هاكم ذوقو ابي واخي واختي كلاو وانا ما ناكلهاش وهو بسيف نقلو صحا لالا قتلو ما ناكلها جربي ومش راح تندمي رحت وخليتو
رحت انا واختي ندورو وحدنا لحقنا لجيهة الكوستميك جناح كامل واقعدي تفرجي :up:
حكمزنا وحد البنات وابقاو يهدرو قاتلي اختي هيا قلتللا نقعدو نسمعو ما خسرنا والو
وهاديك الطفلة ما صدقت تقول بالعة كاسيت
وهادا يبيض وهدا يعطي نعومة هاتي اديديك نجربك
ولحقنا للشعر وتهدر وتهدر وشوفنا في شعرها انا واختي :down: لا تعليق تقول حكاكة حديد هههه لا علينا قاتنا كون ما جيتوش دايرين حجاب راني جرتلكم -لالا بارك الله فيك شعري ويييييين يبان حذا شعرك-
مسكينة كملت قلت لاختي هيا نروحو ههههه قاتنا وين ما تسقسو على حتى حاجة ضربت اختي في رجلها وقلتلها اهدي يا مصيبة ههههه بدينا زعما نسقسو
هيا نروحو ههه
وييين تروحو لازم تشرو -اختي تخمز فيا قاتلي قلتينا شوفو مش اشرو-
دينا زعما نخيرو هههه وهي اصلا الدراهم الكل عند بابا كيما نحبو نشورو نقلولو هو مش معانا والله اعلم وينو في هاداك المعرض
خيرنا وش راح نشرو زعما :tongue02: وقلنالها نروحو نحوسو على المالية
قالتنا نشد وحدة فيكم علاش تروحو ما توليوش قلنالها اصلا هكا رانا متفارقين على بعضانا ونزيد نودر اختي ما تجيش قلناللها فيسع ونرجعو :thumb_up02:
قمرنا البلاصة مليح باه ما عدناش نرجعو لهاديك الجيهة :-r هههههه
هانا نمشو نشفو وما عدناش نحبسو عند حتى واحد يلصقولك وجهك اعوذ بالله
وصلنا لواحد يبيع في سناسل اختي نافحة فيهم مش عارفة علاه اما عاجبينها يشبهو لهادي
عندي وحدة كيفها :d هزيتها لولد عمتي :up:
قاتلي الربي نوقفو هنا ونسقسيه وقفنا نلقاوه من مالي :-o اضرب يا سيدي يهدر فرنسي ويخلط قداه من كلمة عربي مسكين
قاتلو اختي بقداها قاللها 40 دينار وبالتونسي يا بابا على جال سنسلة كيما هكا :s
شافت فيا اختي وقاتلي هيا نروحو شافنا با نديمارو وبدا نقصلكم فيها قتلها حتى هذا علمو يحكمك ما يسيبكش
وهو من الكحالش واختي الصغيرة وين تشوف عباد كيما هكا تبدى تغني السودان السودان وحد الطفلة ما نحكلكمش
وحكمتني الضحكة وخلاص ما عدتش نبطل
وهي مش تفهم فيه وش يقول تقولي ماني وش يقول نقللها نقصلك فيها علجالك برك ههههه
وهي تقولو نونو هههههههههههههههههههههههههههههههههههههههه تقتل بالضحك
ومن عد خلاص ما عدتش قادرة نتحمل خليتها وحدها ومشيت وتنادي فيا من بعيد هيا مصيبة وش قاعد يقول الهم خلاص كرشي راح تطرطق
قلتلها خليه وارواحي
قاتلي راح ينقصلي فيها قتلها نروحو نفتشو على بابا على الاقل نلقاوه اولا باه نشروها
ارجعتلو قتلو راح نشووفو المالية ونرجعو
وكالعادة ذهب ولم يعد :sport02:
اووووووووه يا ربي وش هالاشكال اختي مسكينة تحمصت و انا دموعي تتكركب اسكتي يا مصيبة لقانا خويا وش ديرو هيا نروحو
قاللنا وش بيكم :-r لا والو ما كاين والو :regards02:
خرجنا واحنا راح نموتو بالضحك واختي تغني السودان السودان هههههه
هداك النهار مايتنساش
كوارث تاع الصح :smile02:
هيا فيها براكة الى مواضيع اخرى لا تنسو الردود
كتبت ماني :d
