استفسارات العروس حول أنواع الحلويات والأطباق وطرق تزيين وتقديم الأطباق لعام 2013

[Just Hope]

السلآم عليكم
ايييه يآحصرآآ كفآه كآنو بكري شويآ
كي يديرو الفآتحة مالين العروس يجيبو بواث تآع الباتيسري لاهل العروسة
بعد هي يديروهالهم مع القازوز :p
mais دؤك الحالة تبدلت :d
شوفي في هآد النهآر مش مشكل بالنسبة للرجآل
تقدري تديري في pــلآآ شحال من نوع تاع لي قاطو وتحطيهم بآش يجو بآهيين
مع صباسا صغآر بآش الي يحب ياكل يحط الي يحب فالصحن هدآكـ
ولآآ تديري طول صباسا تاع القاطو كل نوع في طبسي
أمآ الفآكهة تقدري تديريهآ فالطبسي الي يجي سبيسيآل للفآكهة ، ويستحسن يجي كبير شويآ
بآش تديري فيه 2 أنوآع
هدآ الي عندي وموآلفين نديروه ، ان شاء الله يعآونوكـ البنآت تآني :d​

ايه هادي هي يعطيك الصحة
الرجال يجو ساهلين على النسا ههههه
انا ناوية نخدم ان شاء الله اربع انواع قاطو و وواحد للتاي و العصير مع كاش حاجة تاني
و بيان سير الدقلة مع الحليب و الفاكهة و صلاتنا على الحبيب

 

[TeNtOuNa]

اهلا البنات
جيت كاشما نعاونكم
هادو الباطات تاع القاطو لي درناهم في عرس بنت خالتي

وهادي باطة موالين العريس

وهادو زوج انواع قريوش اللول شراتو خالتي والثاني ماما دارتو

وهدا مقروط نوع جديد يجي طويل ومبسس

وهادو الساشيات فيهم مكسرات وزوج حبات شوكولا من الملاح

وهدا الرفيس الي ندوه لدار العريس صباح الجمعة

وندو معانا تاني بلا تاع بقلاوة

كاين بزاف حوايج ما صورتهمش لضيق الحال
ولكان وحدة حابة تسقسي راني هنا
ما تحشموش
​

 

[سمية25]

اولا السلام عليكن واش راكم لاباس يا عرايس اللمة
حبيت نسقسي ونشاوركم في انواع القاطو اللي نديه معايا لدار زوجي في العرس اعطوني افضل 5 انواع نديهم للعلم رايحة نتزوج في قالمة بعد العييد مباشرة لذلك راني حابة نوجد روحي من درك مابقاليش بزاف
نتمنى تجاوبوني يا حلوات واللي من قالمة تقولي ناسها واش يحبو قاطو تما باش ندير حسابي تاني
وقولولي الناس اللي يجييييو يدوني لازمني نعطيلهم قاطو في الباطات صافي في كل باطة ثلاثة انواع مختلفة
وميرسي

 

[ملكًة الاحسآس]

وعليكم السلآآم
اهلآ اختي سمية ، ربي يسهلك ان شاء الله
كآين بزآف حلويآت ملآح ويحمرو الوجة
ومآدآمك تحوسي على الأنوآع الي يتمشآو في قآلمة ان شاء الله يدخلو القالميآت ومآيبخلوش عليك :d
بالنسبة لي بوآط حنآ عندنآ ندير 4 انوآع فالبآطة ، وآحد مسكر وأبيض زعمه فال خير
يعني التشآرآك ولآ مقروط اللوز والبقلآوة بيآن سير ، ونوعين الاخرين كل واحد كفاه يدير
كاين الي يدير نوع بالشوكولآ ونوع آخر على دوقهم العرآيش ولآ حآجة خلآف :d
ان شاء الله يزيدو يعآنوكـ أكثر البنآت ، ربي يكملك ويسهلك ان شاء الله

​

 

[سمية25]

ميرسي حنونة على كرم الرد الطيب
نتمنى نلقى واش سالت على قاطو اعراس

 

[السلطانة]

أهلا سمية
راكي وليتي قالمية خلاه :d
بالنسبة لقاطو لعروسة
بقلاوة مقرود و2 انواع و ولا 3
معندناش العفسة تاع لي بوات
تجيبيهم في pورت مونجي كبيرة
وبعدها كي ام لعروس ولي جاو معاها
ينوضو في لغدا تاع لعروسة يطيبو لغدا
وفي وقت القهوة يوجدو السني
ويحطو القاطو في الصحونا لكبار
وماتمديش للي يجيو
جامي نديروها هادي منفرقوش في لي بوات
ياكلو وتم وخلاه
ويختموها دار لعروسة يغسلو لماعن
ويروحو يروحو
:d
نتمنى نكون فدتك

​

 

[سمية25]

اسمحيلي شوشو صافي ماما وخواتاتي هوما الي ينوضو يطيبو الغدا والقهوة في دار العريس ولا كيفاش
احنا زعما الرجال والنسا اللي يجيو من دار العريس يدييو عروسته يعطولهم القاطو فالباطات مع القاطوويديو عروستهم ويروحو والعروسة تدي السنيوات نتوع انواع القطو معاها مشبحين
ولا انتي في رايك نديهم في بورت مونجي خير واامن للقاطو من انه يفسد ولا يتكسر مع الطريق
جاوبيني يا الحنونة حننننح

 

[السلطانة]

اسمحيلي شوشو صافي ماما وخواتاتي هوما الي ينوضو يطيبو الغدا والقهوة في دار العريس ولا كيفاش
احنا زعما الرجال والنسا اللي يجيو من دار العريس يدييو عروسته يعطولهم القاطو فالباطات مع القاطوويديو عروستهم ويروحو والعروسة تدي السنيوات نتوع انواع القطو معاها مشبحين
ولا انتي في رايك نديهم في بورت مونجي خير واامن للقاطو من انه يفسد ولا يتكسر مع الطريق
جاوبيني يا الحنونة حننننح

ايه في عاداتنا
دار لعروس لي يجيبو لغدى واجد بعد
مثلا تيليتلي بالدجاج
ومعاه شربة وسلاطة وديسار
ولا شخشوخة باللحم حسب واش تحبو نتوم
والقاطو يديوه في بورت مونجي مباعد يتحط في الصحونا
مي كي عدتي بعيدة ممكن يتكسرلك القاطو
كي تديريه في لي بوات حسب رايي لموه في لي بورت مونجي بالغلاق خير

​

 

[سمية25]

شوشو تعرفي راني حايرة غير مع القاطو اسكو نصنع بنفسي ولا نكموندي خير
البقلاوة راني حابة نكمونديها كاين هنا عندنا اللي يعرف يخدمها مليح وزيد باش نقص على روحي شوية تعب وحابة نصنع تشاراك مسكر ومقروط التمر باسكو مانحبش وتما اللي قالولي جيبيه قالولي ديريه بالتمر خير خدمتولهم كي رحت عقدت فالبلدية تما وعجبهم بزاااف .....وحابة تاني ندي قاطو نتاع كوفيتير وتاني سنيوة قريوش ووووقاطو نتاع جلجلانية
نورمالمو بزاف هكدا ولا نزيد نوعين اخرين
واذا هذو الانواع مشي شابين قولولي واش ندي
على فكرة احنا نورمالمو نهار صباح عروسة ندو الكسكس ومرقة نتاعو باللحم ونشبحوه فالجفنة بالبيض والحمص والزبيب وحلوة دراجي وندو الرفيس تاني مشبح بسكر قلاسي والحلوة
مي كي عدت بعيدة رايحة ندي سنيوات نتوع قاطو في بلاصة الكسكس هذا للعلم فقط ...........
نتمنى نلقى منكن اجابات وشكرا

 

[ام الحلوين]

شوشو تعرفي راني حايرة غير مع القاطو اسكو نصنع بنفسي ولا نكموندي خير
البقلاوة راني حابة نكمونديها كاين هنا عندنا اللي يعرف يخدمها مليح وزيد باش نقص على روحي شوية تعب وحابة نصنع تشاراك مسكر ومقروط التمر باسكو مانحبش وتما اللي قالولي جيبيه قالولي ديريه بالتمر خير خدمتولهم كي رحت عقدت فالبلدية تما وعجبهم بزاااف .....وحابة تاني ندي قاطو نتاع كوفيتير وتاني سنيوة قريوش ووووقاطو نتاع جلجلانية
نورمالمو بزاف هكدا ولا نزيد نوعين اخرين
واذا هذو الانواع مشي شابين قولولي واش ندي
على فكرة احنا نورمالمو نهار صباح عروسة ندو الكسكس ومرقة نتاعو باللحم ونشبحوه فالجفنة بالبيض والحمص والزبيب وحلوة دراجي وندو الرفيس تاني مشبح بسكر قلاسي والحلوة
مي كي عدت بعيدة رايحة ندي سنيوات نتوع قاطو في بلاصة الكسكس هذا للعلم فقط ...........
نتمنى نلقى منكن اجابات وشكرا

الف مبروك حنونة و ربي يهنيك
شوفي كي مراكيش داية الكسكس دي الرفيس معاك و تما غير فوريه و زينيه ب لي دراجي
و القاطو دي واش يديرو الشلافة باش يقولو الشلفية واش جابت و تاني باش يتعرفو على ماكلتنا .و القاطو دي على حساب ميزانيتك مايهمش بزاف و لا قليل المهم الدوق ،و انا تبانلي 5 انواع بزاف الحمد لله ،بصح مافهمتش القاطو وينهو تاع الكونفيتير ؟؟؟؟؟؟؟
سلامي .

 

[imy_amani]

رووووووووووووووووووعة الموضوع
شكرااااااااااا ليكي

​

 

[سمية25]

اهلين بيك اختي ام الحلوين واخيرا صبت وحدة شلفاوية ههههههه
ماعليهش نسقسيك من مكان نتي
المهم قاطو نتاع كوفيتير هو القاطو اللي لصقو مابين زوج حبات بالكوفيتير احنا نقولولو هكدا
وراني نقول وقيلة ندي الرفيس معايا مي نديه متجمد وتما نفوروه ونشبحوه ونقدمولهم باهي وكيما قلتي باش يتعرفو على عاداتنا ........والله غير راني حايرة ونظل نخمم جهة مع جهازي اللي مرات نشوف كملته ومرة نقول مازاااااال
المهم نتي في رايك هذوك الانواع اللي قلت نديهم ملاح ولا لالا
ميرسي

 

[ام الحلوين]

اهلين بيك اختي ام الحلوين واخيرا صبت وحدة شلفاوية ههههههه
ماعليهش نسقسيك من مكان نتي
المهم قاطو نتاع كوفيتير هو القاطو اللي لصقو مابين زوج حبات بالكوفيتير احنا نقولولو هكدا
وراني نقول وقيلة ندي الرفيس معايا مي نديه متجمد وتما نفوروه ونشبحوه ونقدمولهم باهي وكيما قلتي باش يتعرفو على عاداتنا ........والله غير راني حايرة ونظل نخمم جهة مع جهازي اللي مرات نشوف كملته ومرة نقول مازاااااال
المهم نتي في رايك هذوك الانواع اللي قلت نديهم ملاح ولا لالا
ميرسي

سلام سمية انا من البقعة و مزوجة في الشرفة و عايشة في بريطانيا . و نتي من (تنس) ؟؟؟؟؟
نقلك بكل صراحة القاطو تاع المعجون هو الصابلي .ماكلاه تدية لانه ماشي تاع اعراس نزيد نخمم معاك في انواع القاطو .و كيما قتلك الجهاز و لا القاطو دي على حساب ميزانية الاهل و الناس يهدرو يهدرو المهم الصحة و الهنا حنونة .
و تحبي تسقسي اي حاجة راني هنا .
و ربي يهنيك .

 

[سمية25]

معرفة خير حنونة انا من وادي الفضة
قاطو صابلي حبيت نديه باسكو زوجي يحبو قاع في انواع الحلويات قلت ندي واحد على ذوق ومحبة حبيبي
ايييه راني نستنى فيك تقوليلي كاش نوع اخر نديه معايا
ميرسي

 

[السلطانة]

شوشو تعرفي راني حايرة غير مع القاطو اسكو نصنع بنفسي ولا نكموندي خير
البقلاوة راني حابة نكمونديها كاين هنا عندنا اللي يعرف يخدمها مليح وزيد باش نقص على روحي شوية تعب وحابة نصنع تشاراك مسكر ومقروط التمر باسكو مانحبش وتما اللي قالولي جيبيه قالولي ديريه بالتمر خير خدمتولهم كي رحت عقدت فالبلدية تما وعجبهم بزاااف .....وحابة تاني ندي قاطو نتاع كوفيتير وتاني سنيوة قريوش ووووقاطو نتاع جلجلانية
نورمالمو بزاف هكدا ولا نزيد نوعين اخرين
واذا هذو الانواع مشي شابين قولولي واش ندي
على فكرة احنا نورمالمو نهار صباح عروسة ندو الكسكس ومرقة نتاعو باللحم ونشبحوه فالجفنة بالبيض والحمص والزبيب وحلوة دراجي وندو الرفيس تاني مشبح بسكر قلاسي والحلوة
مي كي عدت بعيدة رايحة ندي سنيوات نتوع قاطو في بلاصة الكسكس هذا للعلم فقط ...........
نتمنى نلقى منكن اجابات وشكرا

كي عادت كونتيتي صغيرة
كون تكومندي خير متعييش روحك
مقرود وبقلاوة
مع لي قاطو لي خيرتيهم راهم ملاح
زيدي معاهم واحد شوكولا
ننصح شوفي لي رسات تاع بنات اللمة كاين وحايد فور
والرفيس كيما قلتي اديه مباعد يفوروه ويديرولو لعسل
مع اللوز والحلوى يجي هايل
وكي عدتي بعيدة على لغدا تاع لعروسة
صح متقدروش تديوه هاكداك لازم يوجد تم باش ميجيش صابح
وادا نو عادي ادي لي قاطو وخلاه ودار لعريس يدبرو راسهم في لغدا
pقولهم اخطيوني نريح ونعدل روحي لراجلي دبرو روسكم في القاطو)

​

 

[سمية25]

ميرسي شوشو
حبيت نقولك برك الرفيس نتاعنا ماراهوش كيما نتاعكم
نتاعنا يندار بسكر قلاسي والزبدة والزبيب برك
مشي اللي راكي قاصداته
ايييه مرات من كثرة ما نخمم على العرس وحوايجو نقوللهم انا واش دخلني ريحوني المهم نقعد نستيكي روحي لزوجي يخي نكون عروسة تما ديرو كيما تحبووو
حبيت ندي نتاع شكولا مي في رايك مايفسدليش مع الطريق صار راهي سبع سوايع يا ماما
وفي اووووووت صافي نديه متجمد وكي يوصل تما يكون على ابهى حلة
ميرسي

 

[ام الحلوين]

سمية ما تخمي ما والو كلشي يفوت و القاطو دي معاك بقلاوة و المقروض بالتمر معسل و قريوش دي الحنيفيات و زيدي مخبز او عرايش بالقلاصاج و صابلي ممكن ديريه رقيق على شكل قلوب و تلصقي 3 حبات فوق بعض و تغطيه بالشكلاطة و البريون باش يبان شباب و من بعد و طيبي للزين الصابلي و زينيه كيما يحبو .
هكذا تكوني نوعتي في الشكل و الذوق و الالوان و حطيهم في لي بلا جوتابل خير من لي بورت مونجي مايبانش شباب .
زيدي يا لحبيبة كا ماتزيدي تسقسي .

 

[السلطانة]

ميرسي شوشو
حبيت نقولك برك الرفيس نتاعنا ماراهوش كيما نتاعكم
نتاعنا يندار بسكر قلاسي والزبدة والزبيب برك
مشي اللي راكي قاصداته
ايييه مرات من كثرة ما نخمم على العرس وحوايجو نقوللهم انا واش دخلني ريحوني المهم نقعد نستيكي روحي لزوجي يخي نكون عروسة تما ديرو كيما تحبووو
حبيت ندي نتاع شكولا مي في رايك مايفسدليش مع الطريق صار راهي سبع سوايع يا ماما
وفي اووووووت صافي نديه متجمد وكي يوصل تما يكون على ابهى حلة
ميرسي

:dنسيت بلي العرس يكون في الصيف
صح يدوب ممكن جدا
زيدي شوفي في كوزينة اللمة كاين انواع فور
الرفيس تاعنا ماش زي تاعكم مالا مممم
هادا لازم تصوريهولي نكتشفو :d
ربي يقدرك حبوبة
وتجينا لقالمة وتعودي قالمية :p

 

[سمية25]

ايييه ها لا كيفاش درك راني قالمية وهدرتي راهي كيما نتاعكم خلااااه
هههههههههههههههههههههههه
ميرسي حنونة
واختي ام الحلوين ميرسي على كرم الرد رايحة ندي بنصيحة الحلوة
راسي راه يخمم غير على القاطو برك خايفة نشوه صورة ناس شلف في قالمة
ههههههههههههه
نتمنى ليكم الخير والهناء دييييمة
ميرسي ايييه نسيتك واشنو هو قاطو الحنيفيات
راجلي يحب قاطو صابلي الاصلي مشي اللي مبدلة فيه
ميرسي

 

[ЯǾᵯẫḭṧşẰ]

ايييه ها لا كيفاش درك راني قالمية وهدرتي راهي كيما نتاعكم خلااااه
هههههههههههههههههههههههه
ميرسي حنونة
واختي ام الحلوين ميرسي على كرم الرد رايحة ندي بنصيحة الحلوة
راسي راه يخمم غير على القاطو برك خايفة نشوه صورة ناس شلف في قالمة
ههههههههههههه
نتمنى ليكم الخير والهناء دييييمة
ميرسي ايييه نسيتك واشنو هو قاطو الحنيفيات
راجلي يحب قاطو صابلي الاصلي مشي اللي مبدلة فيه
ميرسي

واش سمية مازالك مع القاطو حاصلة
انا وجات ليا ندير مقروط اللوز والبقلاوة بالجوز والفاكية والنوgة
:regards01:
​