ياخاوتي قلبي راه معمر ادعولي

وصال

:: عضو بارز ::
أحباب اللمة
إنضم
6 جوان 2011
المشاركات
1,059
نقاط التفاعل
656
النقاط
51
العمر
37
محل الإقامة
الجزائر
الجنس
أنثى
السلام عليكم ورحمة الله تعالى وبركاته

بلا منشرحلكم العنوان راه يحكي راني بزاف مقلقة ياخاوتي البارح معرفتش روحي باش تبليت صدقوني وليد اختي راهو في حالة تحرق هو وصحابوا ، واحنا رانا في حالة معاه ، الانسان ميحسش بالنعمة نتاع ربي غير وقت الشدة واليوم حبيت نقول والله صح الانسان نكار خير جامي كنت نعرف بلي راحة البال هي كلش مجرد انو انسان يكون عندو الصحة يعني وكانو ملك الدنيا .
مرنيش قانطة من رحمة ربي بالعكس الحمد لله على كل حال بصح وليد اختي قطعلي قلبي عليه وزيد الحريق في وجهو هو وكامل اصحابو ربي يعطيهم الصبرليهم ولوالديهم .
والله راني في حالة يرثى لها حبيت نسوغ باعلى صوت باش نخرج النار لي راهي في قلبي ، مقدرتش نتخيل نشوف وجهوا مرنيش مليحة ادعولوا من فضلكم ، وادعونا ربي يصبرنا يا رب .
اسمحولي قلبي راه معمر :cray02::cray02::cray02:
 
لا حول ولا قوة إلا بالله
ربي يشفيهم كامل وربي يصبر المرضى



 
آلله يشآفيهم و يصبرهم و يصبر آهلهم و يصبرك آنتي خيتو
 
لا حول ولا قوة إلا بالله
اصبر واحتسبوا ماكان حتى حاجة اخرى
انتى صرالك كيما انا قبل شهرين ولد خويا عمل حادث بدراجة
تكسر كامل وتجرح جسمو كامل ما يقدر ما يرقد ما يوقف وما يعمل والو
وحى انا ما قدرتش نقعد معاه من الالام اللى عندوا
لكن الحمد لله صبر ودرك راهو نورمال شفاه ربى
اذا حابة تعاونى وليد اختك ادعيلو
ربى يشفيه ويصبركم معاه

 
وعليكم السلآآآم
أختي وصال ربي مافيه غير الخير
ربي يشفيه ويشفي أصحآبه
ربي يصبركم
ادعيولو وكثروو ه\آآ وآش راه محتآج الفترة هدي
وان شآء الله خير
 
13577868781.jpg
 
أختـي
هدا إبتلاء من عندي ربي سبحـانو
وربي مافيه غير لخيـر
ربي يشافيه ويشافي صحابو
ربي يصبركــم إن شاء الله
إدعولــــــــو
 
ربي يجيبلوا لشفاء ويبعد عليكم هاذ البلوة
وما يبليك ربي الاو يحبك ويشوف الصبر نتاعكم
ما عليكم غير بالصبر اختي وصال وربي ما فيه غير الخير
ربي يرفع عليه الضر الملايكة ويشافيه ويهنيكم
 
ربي يجيبلهم الشفاء
قدر الله ماشاء فعل
اصبروا فإن الله مع الصابرين
 
رب يفك همك
 
ربي يجيبلهم الشفا كامل ...و الله لحمي شوك ...اذا مافيهاش ازعاج اختي كيفاش صرالهم هكذا ؟ ممكن الواحد يحتاط من قصص كيما هاذو وبارك الله فيك
 
الله يشافيه ويعافيه .
هذه أقدار الله عزو وجل فلا تقنطوا من رحمته سبحانه
وأدعوا له بالشفاء
الله يشافيه ويعافيه
 
ربي يشفيه ويعافيه هو واللي معاه
لا تقنطوا من رحمة الله اختي وصال
وربي يصبركم
 
ربي يشافيه ويفرج عليه وعليك وعلينا كاملين
 
ربي يجيبلهم الشفا كامل ...و الله لحمي شوك ...اذا مافيهاش ازعاج اختي كيفاش صرالهم هكذا ؟ ممكن الواحد يحتاط من قصص كيما هاذو وبارك الله فيك

تامني لحد الان ماكان حتى خبر صحيح كل واحد واش راه يقول ، المهم لابوليس كيما دارولهم محبوش يحكيو معلابالناش اسكو واحد من صحابهم دارها وراهم يخبيو عليه ولا حاجو واحداخرا .

المهم انو كانو يلعبوا في الزنقة وقاعدين في وحد البراكة قدام الباطيمة ، راكي عارفة لولاد يلعبوا الكارطة ولا الدومينو الوغ واقيلا ليسانس في قرعة وبالاك شعلوا بريكي ايا لهبت النار .
المهم ربي يشافيهم كامل ومتنساوش الدعوات .
 
ربي يشفيه ويعافيه ويفرج عليه انشاء الله ويبعد عليه كل مكروه
ربي يصبركم انشاء الله

 
لا حول ولا قوة الا بالله

ربي يشفيهم و يصبرهم و يصبر والديهم و عائلاتهم

و كافة مرضى و عائلات المسلمين

:regards01:
 
شكرا لكم جميعا بارك الله فيكم

حبيت نطمنكم راني طليت عليه البارح والحمد لله راه يتحسن مام صحابوا ، هذاك لي كان في الكومة راهو مليح ثاني ، بارك الله فيكم جميعا وجزاكم الله خيرا .
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top