{ ضيفنا الفكاهي على اللمة الجزائرية }

[stella.m]

مرحبا بيك
حبيت نطرح عليك سؤال
يقولو القط بسبع ارواح كاشما نهار جربتي تخنقي قط وتشوفيه يموت ولا يبقى حي :d
​

 

[la_safa]

أهلآ و سهلآ بالضيفة الطيوبة سوسو :

سلآه هآذو أسألتي ليكـ و نرجو من حضرتكـ الصرآحة

هههه

احم احمممممممم :



سوسو اسمكـ الحقيقي ! و قدآه في عمركـ

!
و قدآه توزني يلآ قولي قولي

!
هل تأمني بالحظ ولآ لآلآ

!
ممممم قدآه من مرة طحتي في الـ

!
آسكو انت عآطفية أكثر يعني تتعآملي بقلبكـ و لآ عقلكـ

!
و في رأيكـ شكون لي تنجح الوآحد فيحيآتو !
سوسو أكثر موقف مآقدرتيش تردي فيكـ يعني تصدمتي من جرح اذكريه

!
و كيفآه كآن رد فعلكـ

!
سوسو هل أنت : عزبآء ، مخبوطة آآ مخطوبة ، مرتبطة ، متزوجة

!
سوسو و الدرآسة : كنتي طآيرة و لآ عآقلة

!
مع أني شآمة ريحة العقولية و خآطيكـ الطيرة هههه

قدآه جبتي معدلكـ في البآكـ و وش قريتي و شكون خير الاختصآص معآكـ

!
درتي حفلة في البآكـ ولآلآلآ

! و اذكريلنآ 5 كآدوآت عزآز عليكـ

!
أقل نقطة ديتيهآ و شمن مآدة

!
حآبة تتزوجي ولآ ! صرآحة لو سمحتي

ههههه

آسكو انت من النوع لي يدير المآكيآج

! صرآحة لو سمحتي

ههه
الحآجة لي بكآتكـ في حيآتكـ و مآزآل الأثر تآعهآ لذركـ

!
أكبر فرحة عشتيهآ في حيآتكـ

!
هل وجدت شريك حيآتكـ في هذآ الزمن

!
وش هي الحآجة لي درتيهآ و ندمتي عليهآ

!
موقف محرج للغـآية

!

و ذركـ كل قطيطة حطيلهآ عضو من اللمة تشوفيه منآسب ليهآ

و آخر سؤآل وش تعرفي عليآ

!

يلآ

 

[fugi]

الاخت لاصافا حبيت نسقسيك برك

عندك علاقة مع المخابرات ؟ هههههههههههه

مي نستعرف بيك:d​

 

[هآلة]

يــآ صفـآء .. يـــآ وحد الشريرة

يعطيكــ سوسة يــآ صحبتي :p

حبيبتي سوسو .. مرحبــآ بيكــ يــآآآ غالية منورة
انآ نعطيكــ 2 أســئلة ساهلين ماهلييين خلاص ^^'
تنســآى الميزرية الى حطتهــآ الموصيبة الى قبلي :d

ايـــآ .. شديلي روحكــ

كي نــفتحوو الضوء .. قوليلي يرحم باباكــ وين تروح الظــلمة

!!!!!!!!

وعلاه في الفــضآآء مايددفقش المـــــآء .. كي ادوور الارض .........

ههه

انى سرقتلكــ صفصف فــآيساتكـ
والله رهيبين ^^' عجبوني :p
​

 

[la_safa]

الاخت لاصافا حبيت نسقسيك برك

عندك علاقة مع المخابرات ؟ هههههههههههه

مي نستعرف بيك:d​

احمم احمم تفضل أسأل

أيوآآآآه لكـ أنآ كل المخآبرآت

ههههههه

لعقوبة لدآلتكـ يوهآهآهآآآ

​

 

[angel]

سوسو اذا كان عجلة الزمان ملكك الى اي زمان تعودين؟ او تذهبين؟

 

[la_safa]

يــآ صفـآء .. يـــآ وحد الشريرة
يوهآهآهآآآآ عقبآل مآ توأعي فِ ايدي

هههه

انى سرقتلكــ صفصف فــآيساتكـ
بصحتكـ كلهم ليكـ حبوبتي

والله رهيبين ^^' عجبوني :p
​

اشششتقلكـ يآ ضرسآآآآنة

​

 

[بيكهام]

ملاحظة :

الموضوع ضيفنا الفكاهي وضع ليضيف نُكهة أخرى لمواضيع المنتدى العام

فأغلبها جدية (اطار واضح وليس للتسلية والترفيه فقط )

شكرا.
​

 

[ابوندى]

றĭṩṤ❤Ṡoşσ

تحب الرحلات العائلة

معليش تحكلينا على كاش موقف هكا صرا معاك و ما نستيهش ؟
​

مالحقتش على حكيم وحكمت اختنا الصغيرة سمية امممم
نفس الاسئلة الي طرحتهم من قبل لعائشة
كانوا يسرقولك الادوات المدرسية من قبل ايام الدراسة ولاكنتي محافظة على لاتروس والكرطابلة

 

[بنت الـ25]

سوسو اذا كان عجلة الزمان ملكك الى اي زمان تعودين؟ او تذهبين؟

اهلا سوسو
لك وقعتي ومحدش سمى عليكي خخخخخخخخ
سوسو انجل فكرتني في وحد المسلسل
كنتي تتفرجي نادين وكبسولة الزمن؟

وش الكوميك ولا الميكي الل كنتي تموتي عليه في صغرك؟
تبعتي كاساندرا؟ لاكان إيه بكيتي نهار اتهموها بقتل اغناسيواللي قتلتو روزاورا؟
نرجعلك ممبعد ههههه
​

 

[مطبخ الأحلام]

السلام عليكم

ثــآلث ضيف من ضيووووف البرنامج
هو ضيف رآئع و كثير مــآ ابدع في ارجاء اللمة الجزائرية

انـــه العـــضو

றĭṩṤ❤Ṡoşσ
:: مشرفة ::
أقسام التصميم والإبداع الفني

فاهلا و سهلا بك سووسوو
​

وعليكم السلام

من حفر حفرة لأخيه سقط فيهآ

بوووه عليا السجن نتاعكم شبآب كيما نتاع التراركه كاين وين طيب وقاع :d

أووووه أوووه الله يسلمك خيو

عاشو عاشو

ويآهــــ فيــــك ـــــــلآ

​

 

[أم محمد رائد]

صباح الخير حبيبتي
تاع الصح انت مبدعة كيما قالت عليك حكايا الورد

أممممممممممم
راهم مسلمين عليك غفران و ريتاج .......
قوليلي الصح انت تباني عاقلة بزاف زعما صح ؟؟جامي مثلا ضربتي طفلة في صغرك
شحال تقدري تحملي زعما الجوع؟
راجعة ليك....

 

[Pyar]

1)- كيف تعلمتي التصميم بهذه البراعة؟

2)- منذ متى بدأت في عالم التصميم؟

3)- كيف استطعتي رسم وسيم من انا وأخي؟


​

 

[مطبخ الأحلام]

றĭṩṤ❤Ṡoşσ

تحب الرحلات العائلة

معليش تحكلينا على كاش موقف هكا صرا معاك و ما نستيهش ؟
​

أهلآ بسيف العشق

مممم نموت على الرحلآت خصوصآ نتاع الجبل والغابات

أحنا من النوع لي ينضمو خرآت ربيعية أي 7 عائلات في رحب

مرة رحنا هاكا نحوسو بعد ماطيبنا وكلينا رحنا نتمشاو في طريق خاوية

وإذا بحلوف يخرج فينآ توترت الأعصاب والكل خاف الي سمين مايقدرش يجري

والاطفال معانا يعني كان موقف محرج وصعب لو لا ظهور أبي مآكنا سلكنا والحمد لله

أي موقف لا ينتسى



شكرآ
​

 

[مطبخ الأحلام]

سوسو غاليتي

البطة ناتعكم وسمها؟ وعلاش خيرتو البطة بالذات تربوها؟
​

أهلآ وسهلآ بالملآك

أي بطة يآغاليتي ؟؟

​

 

[مطبخ الأحلام]

كي كنتي صغيرة واش من حاجة كانت تخوفك وتخافي منهابزاف ؟

​

أهلا وسهلآ بنينوش

مممممممممم والله ماراني مذكرة اني كنت نخاف

بلاك العكس كآنو يخافو مني ههههههههه فكرتيني بالشغب

جميع أنواع الحيوانات تعاملت معاها وانا صغيرة

بلآك جدي كان يخوفني اكثر شي :d
​

 

[مطبخ الأحلام]

أهلا وسهلا بالضيفة الكريمة
سوسو


​

يآهلآ فيكي شوشويتي

- واش تعنيلك اللمة الجزائرية؟

أصبحت أكثر من بيتي الثآني وأخر همي أني نقدم وآش عندي

تقدري تقولي لا منفعة للنت إدا راحت اللمة ( لاسمح الله)

-أقرب الاعضاء ليك ؟

أم منصف ، ندى الورود ، أم ندوش ، رقية ،

هآذو أقرب ليآ لكثر صحا وكاين لي تقريبا والاغلبية أصدقاء لكن للتصاور أو عمل

-اكثر حاجة تنرفزك في الشخص؟

بلآش نقولهآ وترجعو ديروهآلي ونفقد أعصابي ههههههههه

نتمسخر أكثر حآجة نكرهآ هو الإنسان كي يحسب روحو

وهو بني آدم مثلو مثل البقية ونحن سواسية

أي التكبر ويحكي أنآ وأنآ تعرفيها الاغنية هههههه

الله يخلينآ ديمآ بسطاء ياربي

وماتكثروش بالاسئلة بزاف
راهي متدخلش سوسو حسب ظني حتى غدوة الصباح
لاتهجمو تجي الصباح تشوف تتشوكا ههه
بالتوفيق

ههههههههههه تقدري تقولي عيوني دارو

كنت رايحة ندير شي ورجعت سمحت وراني فالسيلونآ:d

الله يوفقك بعد يالغالية
​

 

[مطبخ الأحلام]

مرحبا بيك
حبيت نطرح عليك سؤال
يقولو القط بسبع ارواح كاشما نهار جربتي تخنقي قط وتشوفيه يموت ولا يبقى حي :d
​

يا مراحب أختي نعوم

منورهـ

هههههههه والله غير عندك الحق عندو سبع أرواح

هو صح مآلآزمش نآديو الحيوانات لكن صدقيني ياختي هاد لقطوط نتاع دروك تقول مشي قطوط وحوش وأكثر من مرهـ كما حكيت أني كثيرة الشغب في صغري

كنت فالبلكون والقط يمشي فالطرف نتاع البلكون رحت رميتو لبرا طبعا من بعد ماكلالي عصفوري رميتو وماماتش القط

مره من بعد مارجع ابي من الصيد جابنا حوته وما أحلاها حوته كانت عادا حية جا قط خطفها وكلاها ماصورتهاش حتى ايا على غدوة الصباح رحت جبت لاستيك نتاع أبي وجبت نيبليا ايا وسرحت فيه بضربة وماصرالو والو تقول ماضربتوش

ومواقف بزاف مع القطط وماماتوش ههههههه

فكرتيني والله يعطيك الصحة على المرور:$
​

 

[Ma$Ter]

السلام عليكم ورحمة الله
سوسو طحتى فى الشبكة :d
اسئلتى خفيفة ما تحتاجش لتفكير باه تجاوبى
شحال من مرة حرقتى الغداء او عملتيه مالح بزاف :d
واش هى ردة الفعل تاعك كى تحلى المكرو ما تلقيش الانترنت
كون نقلك سلفيلى 5 ملاين واش تديري :$:-h
واش تقولى فى الاشخاص هاذو
عنابي 23
‏ Mïŋěţţe
sarah dz*
MĺŹǾ žĕĥÔŖ
‏ ساندريلا زماني
&
Me

اخر سؤال
كلمة تقوليها لمخترع المكياج :d


​

 

[مطبخ الأحلام]

أهلآ و سهلآ بالضيفة الطيوبة سوسو :​

يآهلآ فيك صفوف تعرفي رآسي دار هههه كنتي تخليلي رمز واحد نديرو أنا :d
سلآه هآذو أسألتي ليكـ و نرجو من حضرتكـ الصرآحة

هههه

احم احمممممممم :

أهلا بالصرآحة

سوسو اسمكـ الحقيقي ! و قدآه في عمركـ

!

نقلك ختيتي مش مشكل ولكن عبر الخآص
و قدآه توزني يلآ قولي قولي

!

68
هل تأمني بالحظ ولآ لآلآ

!

نعم أأمن بالحظ فهنآك أشخاص دو حظ كبير لقوله عز وجل

وما يلقاها إلا الذين صبروا وما يلقاها إلا ذو حظ عظيم
​

ممممم قدآه من مرة طحتي في الـ

!

لو كنت مكآنكِ أستبعد مثل هذه الأسئلة إحترآمآ لخصوصيآتكِ:d
مع كلِ لم أقع في الحب تقدري تقولي الإعجآب وآه لكن الحب لآ
آسكو انت عآطفية أكثر يعني تتعآملي بقلبكـ و لآ عقلكـ

!

نخدمهم في زوج وفي آنِ وآحد لأنو إدا خدمتي قلبك رآح طيحي ولآ خدمتي عقلك وحدو رآح يقولو عليك متكبرة وأنانية لكن إدا خدمتيهم في زوج رآح تكوني متوازنة
و في رأيكـ شكون لي تنجح الوآحد فيحيآتو !

كمآ قلت لي يخدمهم لثنين مع بعض
سوسو أكثر موقف مآقدرتيش تردي فيكـ يعني تصدمتي من جرح اذكريه

!

وقت مآتت جدآتي جامي في حياتي ننسى تطليعاتها الأخيرة وهي تطلع أنفاسها
و كيفآه كآن رد فعلكـ

!

إنصدآم أكيد دخلت في أزمة نفسآنية ولكن الحمد لله الله الشافي
سوسو هل أنت : عزبآء ، مخبوطة آآ مخطوبة ، مرتبطة ، متزوجة

!

كلشي مع بعض :d أنآ ( عزبآء يآ أختآه)
سوسو و الدرآسة : كنتي طآيرة و لآ عآقلة

!

أكثر الناس شغبآ :d
مع أني شآمة ريحة العقولية و خآطيكـ الطيرة هههه

غلطانة هههههههه خصوصآ في الدراسة كنت مشاغبة لأقصى درجة
لكن في المواقف المضحكة فقط مش يعني نجيب المشاكل أو شيء من هذى القبيل
شغبي هذى كآن يخلي كل الأساتذة يشوفوني قوية ولست ضعيفة
وكنت نحتارم ولكن وقت مايجيش أستاد وتكون حصة فارغة تما نولي كلون :d
قدآه جبتي معدلكـ في البآكـ و وش قريتي و شكون خير الاختصآص معآكـ

!

خخخخخخخخ قلتي بآك يابنتي أنا قاع ماقريتش ( تقدري تقولي أمية) :d
درتي حفلة في البآكـ ولآلآلآ

! و اذكريلنآ 5 كآدوآت عزآز عليكـ

!

ههههههه هذآ يتبع لي قبلو وحدك تعرفي شحال من كآدو :p
أقل نقطة ديتيهآ و شمن مآدة

!

أسئلة تتبع بعضها البعض نقلك أنا أكثر مادة كنت طايحة فيها هي الفرنسية
حآبة تتزوجي ولآ ! صرآحة لو سمحتي

ههههه

ياختي نقلك الصراحة مش مشكل لي يشوفك يحسبك راكي تحكي مع وحدة قوالبية وماتحكيش الصح

حآليا لا أريد الزواج يمكن بعد سنتين أحبد الزواج

آسكو انت من النوع لي يدير المآكيآج

! صرآحة لو سمحتي

ههه

مانقلكش صراحة صايي سقسي شوشو تخبرك اي ساندريلا وميساء ونونو هما نتاع الأناقة والجمال راهم عارفين الا ندير ولا لا :d
الحآجة لي بكآتكـ في حيآتكـ و مآزآل الأثر تآعهآ لذركـ

!

فيه صدمة موحال تتنسى وقت شفت جارنا مدبوح قدام عيوني ( الله يرحمو)
أكبر فرحة عشتيهآ في حيآتكـ

!

وقت جا عبودي لهاذ الدنيا بعد صعوبة كبيرة
هل وجدت شريك حيآتكـ في هذآ الزمن

!

تبالي لفوق كاين وحد السؤال كيفو ...
نحكيلك برك هادي ...
إذا مكتوبك راه مكتوب عند ربي ويجي النهار لي وحدو يدق بابك علاش نروحو نرسمو فارسنا قبل مجيئه كما قلت يمكن تعجبين بالشخص لكن ليس لدرجة أنكِ وجدتيه
وش هي الحآجة لي درتيهآ و ندمتي عليهآ

!

مارانيش عارفة كلنا خطآئين وخير الخطآئين التوابين
بالعكس أشكر كل خطأ مريت عليه لأنه علمني أكثر
أي ماندمتش حتى أني توقفت عن الدراسة وماندمتش أرضى بمآ كتبه الله لي
موقف محرج للغـآية

!
أني وقعت في أسئلتكِ هآته

و ذركـ كل قطيطة حطيلهآ عضو من اللمة تشوفيه منآسب ليهآ

أنتي

نور

ماستر

أنــآ

سآندريلآ

كرستيآنو

فتحي المدير ( وجهلك بطاقة حمرآء)

مممم شكون هذآ مآكانش

و آخر سؤآل وش تعرفي عليآ

!

نعرفك من أسلوبك انك حبآبة من طرف الجميع
من أسألتك هاذي بنتيلي فضولية :d

أمزح أنتي محققة وأنا متهمة من وآجبكي تسألي مآ شئتي
لي مآجاوبتش عليهم لآزم حضور محامي نتاعي باش نهرلك الي باقيين :d

يلآ

وعليكم السلام
​