{ ضيفنا الفكاهي على اللمة الجزائرية }

[السلطانة]

السلام عليكم ورحمة الله تعالى وبراكته
اهلا بالغالية سندريلا نورتي القعدة يا الحبيبة
وعليكم السلام أهلا بالزينة الغالية
زاتني بالغوج اليوم
ملي بديت نقرى المشاركات وهوما يحكو على سندريلا وزامنها يعني غير على هاذو 2 كلمات
ملا حبيت نضيف معلومة سقساوك عليها قبيل
خخخ وي حيرهم الاسم :-h
فردة الصباط لي طيحتيها في اللاصال راني مخبيتها عندي بلاك تطمعي تلقايها ""شريرة من عندهم "" هههه
هههه خبيها مليح مي مديهالي في أقرب وقت متطوليش بيها قلبي الصغير لايتحمل ههه
وراني جيت نسقسيك

شوشو واش هي اغرب حاجة درتيها فحياتك " طيحوك في مقلب ولا طيحتي غاشي " ؟
اغرب مقلب راح نحكي على واحد صرالي في اللمة
مقلب خدمهولي الأخ عقيد اللمة ومعتز اللمة والأخت شجون الروح
وخلاوني هك
قريب حرقت اللمة النهار داك هههه
وانا فيا طبيعة ادا كنت مقلقة وزاد صادفني موقف يقلق
نزيد نقلق ومنتحكمش في اعصابي
شحال من مرة حرقتي طيابك ؟ وعلاش ؟
في سباب اللمة هههه


سمعت بلي كنتي مشاغبة زعمة تسلقتي شجر وقلعتي بلوط ولا شيء هكذا " كيما موغلي " لانو عندك علاقة مع الرسوم المتحركة
ماها حقرت على لولاد بنات ودكورا ههه
نشفى على واحد الطفل كان جار جداتي
شبعت فيه ضرب وينوض يبكي
ايه اكيد كنت اموغوز بالرسوم المتحركة خخخ
على الوحدة تاع لعشية وعلى ال03 تاع لعشية وفية لليتيمة

نشاء الله ماطولتش عليك مالقري طولت شوي (( شح فيك )) ههه
خخخخ قريب وطولتي برك

كي جاوبي راني نرجع سلاموووو
​

​

يعطيك الصحة شريكتو على الأسئلة اللايت
في انتظار المزيد
​

 

[هآلة]

الســلام عليكم

ومدآيريين قصرة هنــآ وانــآ مــآكانش

واشنو هـــآد الموضوع ’’ ؟؟
ولا نقولكم نروح نبدآ من الاول ونجي . بــآه نفــهم ونرجــع

تحياتى
​

 

[Ma$Ter]

السلام عليكم ورحمة الله وبركاته
ساندريلا زماني
واش حوالك واحوال قالمة
حاب نفهم فقط شحال ترقدى ساعة فى الليل
وحد النهار خرجت من المنتدى على 23.00 وخليتك هنا وكى نضت على 05.00 لقيتك هنا :s:d
​

 

[السلطانة]

السلام عليكم ورحمة الله وبركاته
ساندريلا زماني
واش حوالك واحوال قالمة
حاب نفهم فقط شحال ترقدى ساعة فى الليل
وحد النهار خرجت من المنتدى على 23.00 وخليتك هنا وكى نضت على 05.00 لقيتك هنا :s:d
​

وعليكم السلام راه ملاح الحمد لله
بالنسبة لرقداني
ديفوا نخلي العضوية ماشية نبان بت هنا
وديفوا نسهر ونوض بكري
وديفوا ترقد بكري نتيكل على الصباح
وكي نعود نخدم منسهرش كوم نوض بكري
مي درك مادام قاعدة راني نسهر
يعني حسب الحالة
مرة رقدت على 03 نضت على 05 :s

​

 

[هآلة]

ايــــــــه ...

والله الموضوع تــحفة .. والفكــرة رهيبة
أشكركــ أخى الكريم
أبدعــتــ، يــــآ غــآلى

وخير مـــآ درتـ،
أروع ضيفــة

حبيبتي منورة والله .. وجودكــ خفيف ومــآ أحلاه

ايه تقرعيج .. اوكى اوكى

ايــآ نبدآو

شوشيتــآ ... خالينا من اسمكــ الســآمطـ هادا

هيهيه
كرهت منو انــــآ :d

قوليلي ... حاجة باينة تغسلي لماعن
يا درى قدآه من حــآجة كسرتــى
واشنو هي الحــآجة الى دايما تكسريها

واش يكون موقف يماكـ منكــ !!! :-r

سأكون في المتــآبعة
ولى بــآك مع الاسئلة حاجة باينة
​

 

[السلطانة]

ايــــــــه ...

والله الموضوع تــحفة .. والفكــرة رهيبة
أشكركــ أخى الكريم
أبدعــتــ، يــــآ غــآلى

وخير مـــآ درتـ،
أروع ضيفــة

حبيبتي منورة والله .. وجودكــ خفيف ومــآ أحلاه

ايه تقرعيج .. اوكى اوكى

ايــآ نبدآو
وعليكم السلام
أولي مين شرفتني هلوش :$
شوشيتــآ ... خالينا من اسمكــ الســآمطـ هادا

هيهيه
كرهت منو انــــآ :d
خخخخ وي
قوليلي ... حاجة باينة تغسلي لماعن
يا درى قدآه من حــآجة كسرتــى
واشنو هي الحــآجة الى دايما تكسريها

واش يكون موقف يماكـ منكــ !!! :-r
ايه نغسل لماعن بزاف
تقريبا طول عليا
منكسرش بزاف
مرة صح قلقت مني ماما كي كسرتلها لغطى تاع المقلى هههه
قاتلي خليتيها هاكداك
سأكون في المتــآبعة
ولى بــآك مع الاسئلة حاجة باينة
​

تشرفت بمرورك
في انتظار عودتك
​

 

[la_safa]

السلآم عليكم

،



شعب من بكري يموت عالتقرعيج و في اللمة هذآكـ وين يحلى هههه
نموت عالموآضيع لي كيمآ هكآ

..

أيوآآآه و الضيفة شوشو كملت بالـb1

أحمم أحممم نبدآ بالأسئلة :
الـpـآرتي لول أسئلة جدية و مبعد نقلبوهآ يوهآهآهآآ

وش هي الحآجة لي درتيهآ و ندمتي عليهآ

!
موقف محرج للغـآية

!
انت مآعندكش اخوآت بنآت ، آسكو أثرت فيكـ هآذي النقطة !
و آسكو تحبي تكون عندكـ أختكـ

!
اختيآركـ للادب العربي كآن شخصي

ولآ المعدل لي قرر

!
اذكريلنآ حلم تحقق و حلم مآزآل !
هل وجدت شريك حيآتكـ في هذآ الزمن

!
الى أي مدى تأثر فيكـ الكتآبة ، و شكون الاطرآف لي يشجعوكـ عليهآ !
لمآ تتحطي في موقف بين زوج تحبيهم و يقولولكـ
كآينة رحلة شكون يكون الاختيآر سهل ولآ

!
أكبر فرحة عشتيهآ في حيآتكـ

!
الحآجة لي بكآتكـ في حيآتكـ و مآزآل الأثر تآعهآ لذركـ !

احكمي يديكـ بهآذو بزمآن نجيب الـpـآرتي الثآنية

​

 

[السلطانة]

السلآم عليكم

،
وعليكم السلام


شعب من بكري يموت عالتقرعيج و في اللمة هذآكـ وين يحلى هههه
نموت عالموآضيع لي كيمآ هكآ

..

أيوآآآه و الضيفة شوشو كملت بالـb1

وجابتلي لقطوطا يم يم يم مرحبا بيك :d

أحمم أحممم نبدآ بالأسئلة :
الـpـآرتي لول أسئلة جدية و مبعد نقلبوهآ يوهآهآهآآ

خخخخ أكيد اسئلة شريرة حم حم
تفضلي
وش هي الحآجة لي درتيهآ و ندمتي عليهآ

!
اني امنت في ناس ميستاهلوش
(هادي في حياتي الواقعية)
موقف محرج للغـآية

!
مرة كي كنت نقرى في الليسي
تعلكت طحت قدام الشعب ناضو يضحكو
ديك النشعة
انت مآعندكش اخوآت بنآت ، آسكو أثرت فيكـ هآذي النقطة !
ايه أثرت فيا بزاف
معظم الوقت نبقى وحدي
نحب نحكي حاجة منلقاش
غير لحباباتي هنا في اللمة
هادوك هوما اخواتي
ومع الوقت اكيد راح نعاني مازال الخير لقدام
عمري لانصير خالة أبدا
و آسكو تحبي تكون عندكـ أختكـ

!
ياريت ياريت
اختيآركـ للادب العربي كآن شخصي

ولآ المعدل لي قرر

!
بالنسبة لتخصص الأدب العربي ماكنتش دايرتو في الحساب
لأنو ترجيحاتي اللولة كانت فرونسي ولا اونجلي
لكن بدلت رايي في آخر دقيقة وطلبت عربية وعطاولهولي
وبابا كان ماش عاجبو الحال على الادب مي انا حبيتو
(فرونكوفوني )
اذكريلنآ حلم تحقق و حلم مآزآل !
الحمد لله احلامي كامل تحقت
مازال حلم برك
نكون أسرة سعيدة
ان شاء الله ونترسم في خدمتي
هل وجدت شريك حيآتكـ في هذآ الزمن

!
ان شاء الله
(نخلوها سوكري ههه )
الى أي مدى تأثر فيكـ الكتآبة ، و شكون الاطرآف لي يشجعوكـ عليهآ !
من وقت الليسي نحب نخربش
مع التخصص صار لازم نطالع ونكتب اكثر ونمي ملكة الكتابة
وهكا كل مرة نطور حاجة
لمآ تتحطي في موقف بين زوج تحبيهم و يقولولكـ
كآينة رحلة شكون يكون الاختيآر سهل ولآ

!
اواه نبقى نخمم ونخمم
أكبر فرحة عشتيهآ في حيآتكـ

!
يوم نجحت وفرحت والديا
الحآجة لي بكآتكـ في حيآتكـ و مآزآل الأثر تآعهآ لذركـ !
موت جدي رحمه الله
احكمي يديكـ بهآذو بزمآن نجيب الـpـآرتي الثآنية

​

:dفي الانتظار
​

 

[كاترين]

السلام عليكم
مبروك الافتتاح

 

[la_safa]

احمممممممممم هآني وليت
بصح هآذ المرة احكمي قلبكـ مش رآح نسآيسكـ

احممم قدآه درجة الجرأة تآعكـ /10

!
هل في يآمآت القرآيآ كنتي طآيشة / عآقلة / تحشمي / شريرة

!
أقل نقطة ديتيهآ و شمن مآدة

!
قوليلنآ بخصة من أستآذ مآزلت شآفية عليهآ

!
وش هي المآلكة لي جآمي صلحتلكـ و تحبي تديريهآ

!
تخيلي في الخطبة تآعكـ انت دآخلة هكآ مزينة روحكـ و حآطة الحطة
و هآزة سينية القهوة و تجي تدخلي تحصل رجلكـ في الزربية و تتقلبي
صرآحة وش هو الموقف تآعكـ

!
حآبة تتزوجي ولآ ! صرآحة لو سمحتي

ههههه
قدآه مرة صبغتي شعركـ

!
آسكو انت من النوع لي يدير المآكيآج

! قلت مش رآح نرحم

نفرضو تكوني مخطوبة و تروحي لعرس تلقآي وحدة كآن
خطيبكـ خآطبهآ من قبل و هي تكون أبهى منكـ وش تديري تحكي معآهآ !
و آسكو تغيري منهآ ! و كون تبدى تحكي عليه تخليهآ

!
قدآه مرة طحتي من السرير و انت رآقدة

!

ذركـ نولي مآمآ بركـ تعيط

​

 

[فتاة حساسة]

اهلا نجلاء
شحال من مرة سقساوني عليه السؤال هادا
عندي اسباب نخليها لنفسي
وانتي علاه سميتي روحك فتاة حساسة :d
اسبابي راجعة للكتابة التخفي وراء قناع الأميرة الساندريللا
:regards01:

​

هههههههههههههههههههههههههههه نتي جاوبي برك ياك نتي الضيفا تاعنا ..:p :p​

 

[السلطانة]

احمممممممممم هآني وليت
بصح هآذ المرة احكمي قلبكـ مش رآح نسآيسكـ

اهلا اهلا
المرة هادي الحالة خطيرة

احممم قدآه درجة الجرأة تآعكـ /10

!
مممممممممم 9.5/10
هل في يآمآت القرآيآ كنتي طآيشة / عآقلة / تحشمي / شريرة

!
عاقلة ومرات شريرة
:d
أقل نقطة ديتيهآ و شمن مآدة

!
نشفى مرة في الجامعة خرجت عن الموضوع في واحد المقياس
عطاني لبروف 3.5
ابكيت وبكيت وبكيت وقلت اطفرت فيا
يخي جا السوماستر 2 وعوضتها ب 13.5
وصبحت مخرجة الموديل والعام وقمة في السعادة
قوليلنآ بخصة من أستآذ مآزلت شآفية عليهآ

!
بخصة من أستاد اللغة العربية
في السيام
هزيت يدي باه نطلع للسبورة
ظهر قال ل الطفلة لي ورايا وانا جيت طالعة
قالي طرشة متسمعيش شقلي وجهي
وش هي المآلكة لي جآمي صلحتلكـ و تحبي تديريهآ

!
المهراس لمسيلي نحلم نديرو
:dمعنديش المهراس تاع لحطب
تخيلي في الخطبة تآعكـ انت دآخلة هكآ مزينة روحكـ و حآطة الحطة
و هآزة سينية القهوة و تجي تدخلي تحصل رجلكـ في الزربية و تتقلبي
صرآحة وش هو الموقف تآعكـ

!
ههههه قمة النشعة
اها عندنا لعروسة متجيبش السينية
يجيبوها النسا ولا لبنات
لعروسة تدخل وحدها ولا مع راجلها
حآبة تتزوجي ولآ ! صرآحة لو سمحتي

ههههه
هههه على قولة هند صبري لاتعرفيها
قدآه مرة صبغتي شعركـ

!
نو جامي صبغتو
ممنوع في عايلتنا بنات يصبغو شعرهم قبل الزواج
آسكو انت من النوع لي يدير المآكيآج

! قلت مش رآح نرحم

كم انتِ شريرة هههه
مشا راح نكدب عليك
في وقت داني الهف تحلو عينيا
على لكحل وقت الجامعة مع الماسكارا
مباعد عامي اللخر بطلتو ودرك منحطش حتى حاجة في وجهي
نفرضو تكوني مخطوبة و تروحي لعرس تلقآي وحدة كآن
خطيبكـ خآطبهآ من قبل و هي تكون أبهى منكـ وش تديري تحكي معآهآ !
ههههه
نتغزل الداخل مي نحكي معاها عادي ياك كان خاطبها وبطل
و آسكو تغيري منهآ ! و كون تبدى تحكي عليه تخليهآ

!
بيني وبينو نغير منها ههه ممكن نحب نقرعج عليها كيفاه كانت
قدآه مرة طحتي من السرير و انت رآقدة

!
ههههه لالا كي كنت صغيرة برك

ذركـ نولي مآمآ بركـ تعيط

سلمي على طاطا
انا ماما راحت للعرس
​

:d:d:d:d:d في انتظار رجعتك ياشريرة​

 

[فتاة حساسة]

اني جيييييييييييييييييييتتتتككككككككك...وجبت معيا بزززاف قراعي نعمرهم ...


1..حاجا صارتلك وحابا تبدليها واشهيا

2..مخطوبة ولا للالا..

3...احب حاجا عندك ..

4..واش تكرهي في النااسسس

5....كون مثلا تكوني تشتي شخص ..ويجي يخطبك واحد مول دراهم..تقبلي ولا نو ..(بكلل صراحة)

6...وكتاه مركيتي في اللمة.

7...اانت فتاة حساسة ..

8....واش راكي متمنيا ديري ..

9..كيفاه حتسمي وليدك..كي تزجي ان شاء الله
10....احب بلاصا ليك تروحيلها كي تكوني قلقانة ...


اي ورقة مزدوجة وابداااي ​

 

[Pyar]

تعجبك رسومات دوكا والا لا واذا نعم ماهي؟؟
​

 

[السلطانة]

اني جيييييييييييييييييييتتتتككككككككك...وجبت معيا بزززاف قراعي نعمرهم ...
اهلا بالحساسة جات وجابت الخير والخمير

1..حاجا صارتلك وحابا تبدليها واشهيا
لي صرا صرا :d
2..مخطوبة ولا للالا..
كي نتخطب رسمي تسمعو :p
3...احب حاجا عندك ..
الاحترام المتبادل
4..واش تكرهي في النااسسس
لكدب وتبدال الهدرة وهزان الهدرة بين هاداوداك
5....كون مثلا تكوني تشتي شخص ..ويجي يخطبك واحد مول دراهم..تقبلي ولا نو ..(بكلل صراحة)
اواه منيش ماتيرياليست
منقبلش
6...وكتاه مركيتي في اللمة.
2009
وقبل بعضوية خلاف
مي نسيت الباس عاودت سجلت
7...اانت فتاة حساسة ..
اكيد
8....واش راكي متمنيا ديري ..
متمنية نحج
9..كيفاه حتسمي وليدك..كي تزجي ان شاء الله
محمد أحمد..
10....احب بلاصا ليك تروحيلها كي تكوني قلقانة ...
نطفي الضو ندخل لاشومبر تاعي
ونبقى وحدي نبكي حتى نرتاح

اي ورقة مزدوجة وابداااي ​

10 اسئلة ساهلين ماهلين :p:p:p:p
​

 

[السلطانة]

تعجبك رسومات دوكا والا لا واذا نعم ماهي؟؟
​

قصدك كوميكات تاع الوقت هادا
يعني ماش يعجبو بزاف ماشهم زيما تاعنا تاع بكري
يعجبني درك كوميك اسمو
غامبل
ولا سبونج بوب

نتفرجهم مع خويا

​

 

[Pyar]

قصدك كوميكات تاع الوقت هادا
يعني ماش يعجبو بزاف ماشهم زيما تاعنا تاع بكري
يعجبني درك كوميك اسمو
غامبل
ولا سبونج بوب

نتفرجهم مع خويا

​

غامبول روووووعة
ذوقك رفيع في إختيار الرسومات ههه
سؤال رقم 2 في غامبول أي الشخصيات أفضل بانسبة لك :
_ غامبول
_ داروين
_ اناييس
_ أمهم نيكول
_ أبوهم ريتشرد
:d
​

 

[فتاة حساسة]

10 اسئلة ساهلين ماهلين :p:p:p:p
​

مممممممممممممممممممممم هادوووو ساهليينن دوك نبدا نطلع النيvو ونشوفو شحال حاتدي ... :p :p


3


2



1


Ready




Go














كاش نهار gستي كاش واحد والا ناس ملاح خاطيك


واش تعرفي طيبي الالة..


مرة خلاف كي تزوجي تحبي تسكني وحدك والا مع ام عريس الغفلة دياولك ..

.

شحال عمرك ..



ودوك نزيد نخمم ونجيك بقراعي خلاف فارغين نعمرهم :p :p


خويا كيكو ..نستعرف بيك على الموضوع الباهي ...موضوعك قازوزة كوكا كولا :p

 

[°NeSriNe°]

هاني جيت و جبت شويا اسئلة :d

1- شحال توزني ؟
2- علاه سميتي روحك ساندريلا ؟
3- علاه حبيتي تكوني مشرفة في قسم عالم المراة ؟
4- علاه ماخليتيش اسمك "شرطية اللمة" ؟
5- علاه تحبي تكتبي بالغوز ؟
6- وش تحبي تاكلي ؟

​

 

[السلطانة]

غامبول روووووعة
ذوقك رفيع في إختيار الرسومات ههه
سؤال رقم 2 في غامبول أي الشخصيات أفضل بانسبة لك :
_ غامبول
_ داروين
_ اناييس
_ أمهم نيكول
_ أبوهم ريتشرد
:d
​

هههه يعجبني غامبل والتعليقات لي يديرهم
كيما رأسي كبيـــــــــر خخخخ
العايلة تاعهم كامل تقتل

​