ساعدوني أرجوكم

[hanine21000]

زوجي يحب شرب الحليب بالقاتو وليس لي وقت كافي لصنع الحلوى دائما فمن تملك وصفة سريعة و لذيذة وخاصة اذا كانت شوكولا وعلى شكل خبزة تتقص بالسكين و شكرا سلفا:up:

 

[عفاف الجزائرية]

عندي وصفة تقريبا كيما الاسفنج تطيب في ربع ساعة على الاكثر ومقاديرها موافقة ومتوفرة دوما
ان شالله هاذ الايام نحاول نحطهالك بالمراحل
للعلم في الاخير تسقيها بالشربات ولا العسل وتقدري تحطي عليها شوكولا ذايبة وكوكاو مرحي
​

 

[سماح الجزائريه]

اكيد نساعدك يا لخيتي
3بيضات كامله +كاس سكر عادي
3فناجين قهوة ساخنه جدا+2 ملاعق كاكاو مر+2 ملاعق زبده +كاس فرينه ووحده خميرة
تخلطى البيضات بالاله الكهربائيه جيدا ومن بعد تصبي السكر شوى شوى مع الخلط المتواصل
الى ان تكملى السكر ويصبح شكلها كى المايوناز
في ايناء اخر تحطي 3 فناجين تاع القهوة مع الزبده والكاكاو وتخلطيهم حتى تدوب الزبده وتخلطيهم على الخليط تاع السكر والبيض
وتعاودى الخلط مع صب الفرينه والخميرة
تدهنى الصينيه بالزبده تكون نوعا ما صغيرة باه ايكون الكيك عالي
وتدخليها في الفرف وقبل ما تخرجيها تدوبي علبه شكولا وين تخرج طول تصبي عليها الشوكولا الدايبه وتزينيها بنواد كوكو الابيض او الكوكاو المدشش
ملاحظه
الزبده تكون لابال
كى تدخليها الفرن تشعلى من الاسفل حتى تطلع وطيب ومن ثما تشعلى من فوق باه تكمل الطهوا
انشاء الله تعجبك

 

[ام انس الحبيب]

عندي وصفة تقريبا كيما الاسفنج تطيب في ربع ساعة على الاكثر ومقاديرها موافقة ومتوفرة دوما
ان شالله هاذ الايام نحاول نحطهالك بالمراحل
للعلم في الاخير تسقيها بالشربات ولا العسل وتقدري تحطي عليها شوكولا ذايبة وكوكاو مرحي
​

دائما متالقة بوصفاتك ختي
عفاف انا في انتظارك بفارغ الصبر
​

 

[nassima 87]

سيي هادو بالاك يعجبوك
https://www.4algeria.com/forum/t/364424/
https://www.4algeria.com/forum/t/365690/
بالنسبة biscuit roulé تقدري ديريه كله ابيض او في مكان الكريمة ديري المعجون او كي تروليه دردري فوقو السكر الناعم :up: