ماذاآ ستطبخين اليوم " آنستي _سيدتي" الجزء °°30°°

[ibtesem]

صباح الخيرا على رائحة القهوة امممم عندها رائحة جميلة كل صباح
واش راكم يالبنات
وينو لغدى هههه قلت كشما ننقل حالة فارغة
رغود راكي ملتحت اهلين اهلين

 

[حاملـة المسك]

يزيد مقدارك إبتسام
الكونكسيون تقيلة نتقدم كـ السلحفاة
و زاد الطين بلة الاقتبسات المصورة ​

 

[زائــــــــرة حلوة]

صباح الفل ابتيسو وبصحتك القهيوة المفحفحة
==
رغودة نوّرتيني بجاماتك :$ هههههههه شوفي انا نغازل أطباقكم بلا ماندير اقتباس للصور:-o
\\ حوحو شكّار روحو:-h\\
==
غدايا بطوط فوق القصعة محطوط :up: , ماخليتوش في قلبي
وصح غدوااااااااااتكم كاااااامل
​

 

[imane27]

سلام لبنات صح فطوركم
روعة امممممممممممم شهتينا مع الصباح بصحتكم والله يخليلك لميمة
ميمى فطوركم هايل بصحتكم
لبارح عشايا حوت وسلايط رانا رجيم فى رجيم

 

[nada242008]

السلام عليكم
هذي قيبة كبيرة يا سيدي هههههههههه
منين نبدا .. اولا نقول لفريدة بصحتك الزيارة
برنسيسة يا برنسيسة العدس ذايب ذوبان ومع الخبز المفشفش يا سلاااااااااام والمحجوبة والمعارك تاع حراير يعطيك الصحة وربي يحفظلك
نانوسيتا الثريدة مابانتليش وتارتة الفراز اممممممممم تسلم الايادي
ام منصف مونجتو تشهي مع اصابع البطاطا يعطيك الصحة
ندى الورود دجاجة محمر على سنقة 10 :up: مع البطاطا والروز اممممممم ديكور وذوق تسلم ايدك
لويزة هذوك المعارك الذهبي امممممممممممممممم يعطيك الصحة
شهرا نص رولة هههههههه سميتك خلاص :p بربوشة تشهي امممممممممممممم يعطيك الصحة الله يبارك وربي يحفظك من العين يا بونص صبع :d
صومو يا صومو رايحة تحوسي وخليتي قلبك معانا وعدتي تتحضني في الحيوط ههههههههههههه
دجاجة تشهي امممممممممممممممممم بصحتكم
بتيسو يا بتيسو هذيك المحجووووووووووووبة امممممممممممممممممممممممممممممممممممم
ماقدرتش نعلق هاااااااااااااااايلة
امونة الشاوية بصحتك المرقاز والرخساس راني نتخيل:-r
ميمي بصحتكم الكباب والخميرة اممممممممم تحفة
فوفة الله يبارك انا قتلني طاجين الزيتون امممممممم من لونو باينة البنة والحميس هذاك سلميلي عليه من ومن وقولو توحشتك هههه والغرتان ماخلاش هاتي الوصفة واش تسناي :d
وربي يحفظ ميمتك ويخليهالك
نور الرحمان يالشاطرة طيابك هايل سيرتو السلاطة وتطبيق ممتاز للزبدة تاع الكاوكاو
لويزة الحوت تاعك سبيسياااااااااااااال قرماشي :up: رووووعة بصحتكم
انا ليوم درت غدا صيافي في عز الربيع
اوملات بالكورومبار كيما تقولو ندوش وسلاطة والحمد لله

​

 

[ميس مرام]

ربي يحفظكم من العين، بصحتكم كااااامل، راني غير نصوبورتي، إذا شهرزاد بشطارتها نص صبع أنا راني نص عبد:d

 

[روعة2005]

السلام عليكم حبيباتي ونهاركم مبروووووووووووووووك
اللهم ارفع الضر عن اخوتي واثلج قلوبهم واسعد ايامهم
نو الرحمان ماشاء الله كلش تحفة السلطة قوس قزح والمعجنات مممممم وتطبيق الكريمة ممممم هايل
زيزو يسعد ايامك وبصحتك الباطوط مممممممم
لويزة ربي يجيبلك الشفاء حنونة والحوت المقرمش لونه يهبل مع السلايط مممممم
فوفتي غداك خفيف ويشهي والصحن لي سربيتية اكييييد ليا بصحتكم لحبيبة ....نحطلك لاغوسات من عيوني يسلمي الذويق
غدايا انا تاني بوخفيف مرقة جلبانة وقرنون

وهذا صحن سرقتو لشريفة خخخخخ احنا من بكري شعب سخاف ونلصقوها في الوحم هيههيهيهه

​

 

[حاملـة المسك]

ردودك نقراهم رايحة حلوتي ..فلانة .. فلانة و تزيدي دري ليسباس بين السطور.. لا لا ما دراك :regards01:
زوري امونة هتلاقي حوت مقرمش مش راح تصدقي.. بصحتكم إيمان
الله على غداك ندى يليقي هد ليمات رانيغير مع الخفيف
الشغل كتير و المعونة قليلة..و يد وحدة ما تصفق
آمين روعة الله يرفع على الجميع و يسعدهم
هه ماعرفت نعلق على طاجين الجلبانة و لا الديسار كلو على بعضو حلو
و عندك موضوع ندوش لتطبيقات الفواكه و افتحو هههه

بصحتكم لبنات وش تغديتو اللهم أدمها نعمة​

 

[زائــــــــرة حلوة]

زيزو يسعد ايامك وبصحتك الباطوط مممممممم
​

الله يسلمك حبيبتي , ويسعدك يا لغالية:love01:
هههه صبّحت نعاند يابنتي باطوطك بقا بين عينيا:$
وبصحتك الجلبانة خفيف ولا ثقيل كلش من ايدك لوكس
==
إيمانوو ماصابني جارتك صح تسلم الأيادي المتغرّبة
==
أم ندوش بصحتك البو خفيف معليهش يوم هيك ويوم هيك ههههه:p
==
رغودتي ربي يجبر بخاطرك غاليتي :regards01:, مالا نستمر:d
​

 

[ibtesem]

سلام عليكم
الله ابارك لويزة كل شئ هايل امم على الحوتات مخمرين بالبيان
اممم ندود بصحتك الاملات جات تشهي بصح فوفو سبقت
فوفو بصحتكم الجلبلنة تشهي
انا البارح حكمني تفنيين على الطياب هههه بعد لمحاجب نزيد نخوس على الماكلة تاني ههه
بصحت الجميع
اه بصحتك الباطوط زيزو بصحة على القلبك راكي تمشي معانا
ماتخلي في قلبك شئ
تحياتي للكل

 

[حاملـة المسك]

راح ترغموني نبطط

هه نبطط على طريقة بسومة الكسرة بالزيت 2 خبطات و هيا مفتة :d:up:​

 

[روعة2005]

بصحتك زيزو الباطوط مزية معنديش ياسر من كليتو صحتين وهنا
رغوووده يلا نعلنها حملة باطوط خخخخخخخخخخخخ

 

[زائــــــــرة حلوة]

اه بصحتك الباطوط زيزو بصحة على القلبك راكي تمشي معانا
ماتخلي في قلبك شئ

الله يسلمك ابتيسو , واش تحبّي راني معاكم قلب ورب:$
==
روعة نتاعك نو وحدو من ايدين الميمة الغالية:-o
==
رغودتي ههه واش يعطل في صلاة الفاهمين يا لاااااا بطبطي:p
​

 

[nada242008]

هذيك الجلبااااااانة تسخف مع البطاطا المبوبية امممممممممممم والشينة المقشرة .. علبالك انا ماناكلهاش غير علجال تقشارها ههههههههههه
اعلان هام .. ستقام دورة تحسيسية للباطوط قريبا .. اللهم بطبط جميع البيوت اللماوية ههههههه

 

[روعة2005]

خخخخخخخخ والله ضحكت بصوت يعطيك مهراس باطوط فوفتي
زيزو راني شفت باطوط ميمتك فايت وحتى يدياتها وهي تفتت ربي يحميهالكم

 

[shahrazad]

سلاااامات سلاامااات
وشراكم يالزينات
نور الرحمان ماخليتي مابقيتي ياختي كي عادتك تغيبي ممبعد طيحي علينا هههه يعطيك الصحة مالقيت مانخير
ميميتاااا بصحتكم الكباااب اممممممممم ولا الكسرة راكي مرا ونص و125 بصحتكم حبيبتي
روعيتااا اطباق ولاااا اجمل من هيك الباطوط تع لعزيزة يماك ربي يسلم يديها يشهي مع اني جامي كليتو وراني عرفتو من عندكم ولا طاجين الزيتون اممممم و طبسي تع الجلبانة قالهم اسكتو بصحتكم حبيبتي
لويزة دوك الحوتات لونهم يسخف يميييي صااار راكي مع الرجيم وانا نقول واش حكايتها مع السلايط هههه ربي يعاونك ختيتي
شوفو شوفو عفاف واش راهي تقولي ههههه ...ياو دوك تعقدوني من كل حاجة رولي ههههه ..بصحتكم الاوملات تشهي والحمدلله على سلامتك من الورطة راكي قمتي بيها ونص :up:
زوزو حبيبة القلب بصحتك الباطوط ياالفحلة تاعنا
اليوم غدانا لوبيا

​

 

[زائــــــــرة حلوة]

تسلميلي شهرورتي :$ طيابكم ساحرني هههه واقيلة سرتي مقطوعة عندكم بصحتكم السانك سانك والفلفلات امممممممم:up:
==
روعة الزينة ويحميلك أهلك ياااارب ....أستري يا بنتي ما ستر الله:d
​

 

[مطبخ الأحلام]

آلسلآم عليكم

بصحتكم جميعآ يالغآليآت

رآكم جآيبينها

:$:$:$:$

https://www.4algeria.com/forum/t/367833/#post4689081
​

​

 

[بوح المشاعر]

مسآءآآآت الأفرآآح والمسرآآت
يازينآت الله يبارك عليكم اطباق في القمة
نبدآ باختي نور الرحمآن نورتي بطلتك و اطباقك الهايلة
كل شيء يسخف ماعندي مانقول غير يسلم دياتك وبصحتكم
ام ندى الله الله على لفريت اوملات بالكمومبآآغ وشحال ولا صايي
نسكت هي كنت راح نقول شحال نموت عليه ومن بعد قلت نسكت
ههههههههه تشهي راني سخفت على لفريت اوملات بصحتكم حبوبة
روعة ياروعتي الله الله على الاطباق تشهي مالقيتش واش نخير
و طاجين الزيييتون دالي عقلي يازينة ولا لباطوط من يد لميمة الغالية
اممممممم يشهي بصحتكم يالفحلة
ايمآن حبوبتي الله على ذوك الحوتآت المستيكيآآت
متكسلات في الصحونآت ( الصحونآت على الوزن طبعآ ) هههه
بصحتكم اه راكي رجيييم ايا بيا الله يعينك مام انا راني رجيم
شخورة حبيبتي راكي فحلة متتعقديش والرولي جاء فوور
الفايدة في البنة ياك كلوه وكلاوا اصابعهم وراه صايي
تم الفايدة الله الله على اللوبيآ شافها خويا الصغير قال
ديروهانآ راني سخفت عليها مالا هاتي داك الصحن لهنآ يازينة
بصحتكم حنونتي
ميمي حبوبتي الغالية الكسرة تحفة تشهي و لكبآب اكيد الذوق
و لا ارووع كل شي من يدك فوور حبوبتي بصحتكم يازينة
حلوتي انتي ياسٌكرة و يازينة اه بطبطتي مالا ايا بصحتكم لباطوط
حار وحآمض يمي يمي يمي اممممم راني شغل كليت
معاك تخيلت القصعة و مربعين في لرض انا تحلالي
القصعة كي نربع في لرض هههههههه ونبدآ نزدم ياعيني
بصحتكم يازينة تاعنآ
ندى الورود حبوبة ربي يخليك ذيك الجآجة لي متربعة ومتصدرة
بيلبألهآ مين قدهآ محمرة كيما يحب لخاطر تفتح النفس
بصحتكم يالغالية راكي مرأة ونص وحرة بسلامتك
امممممم راني كاين بزاف مذكرتهمش
ميش نسيتهم نكتب بالخف وعقلي طاير ههههههه
خويا واقف عند راسي
دوك نرجع للبقية ابتسآم حوبة و ام منصف و حاملة المسك
و ام فاروق وميس سوسو وووو راني راجعة ومع لفطور تاني
استنوني
​

 

[imane27]

فوفة طاجين جلبانة يشهى بصحتكم ولا الفاكهة ندى حكايتى مع تيشينة راهى كيما انتى
شهرا فطوركم يشهى بصحتكم
زيزو بصحتكم بطوط فى قصعة كبيرة خصارة عرضتينى عليها او مقدرتش نجى خليها مرة اخرى