بعد الطلاق وين حق ولادي
تستمر قصة الناس في حكاية اخرى كلنا نعرفو نتزوجو صح ادا ما ولادناش خربت الدنيا ايا مين تكون المشاكل هداوين يكثر الانجاب بعدها يرفضو الاستمرار مع بعضهم ايا يقع الطلاق هنا الاب يرمي الاطفال ليماهم هكدا يحملها مسؤولية باش ما تتزوجش بعدو وادا هي عطاتهم ليه يحرمهم من يماهم المهم القصة ماشي هنا القصة مين تاخد لمرا لولاد راهو ما ينفقش عليهم مافهمتش علاش مع انه المحكمة تخصص مبلغ رمزي سبحان الله ثلاث الالف تكبر طفل برايكم ولا الكراء سبحان الله بالفين دينار وين صارت هدي وزيد الباقي على يماهم والمشهور انه لمرا لازم تخدم عليهم باش تعيشهم والمشكل لكبير ادا الرجل عاود الزواج وولد من جهة ثانية يقول مانقدش على المصاريف
ياخوتي مافهمتش الزواج كلنا نعرفوه والطلاق اني بصح مين يقع اول مشكل مانعودوش نولدو باش مانغيصش كثر ؟
وعلاش هد المشكل نتاع النفقة ما يصرفش ولادو ومين تابعو قضاءيا يروح ليها طالبها بالرجع باش ما يتحبسش ؟
وزيد لمرا ماقاداش تصرف على ولادها ومين ما يعطيهاش ما تحشم وتقول ابن ولادي ما نقدرش نحبسو ؟
ممكن تفهموني واش راهو صاير بمجتمعنا ؟
مين هو ما قادش على الانفاق علاش ياعود الزواج المشكل شهر او ايام بعد الطلاق ؟
هدا واقع ما شي من عندي برك فهموني بهد العقليات
