راني حاب نديسكــuــتي معاك

[magique]

السلام عليكم ورحمة الله تعالى وبركاته
نادرا مانحط موضوع في قسم واش راك تهدر pourtant عندي هدرة بزاف ومالقيتش وش نحكي وش نقول:s:s:s
جاتني الفكرة لبارح ،،هادا واحد يعيطلي toujours في التيليفون ساعات masqué وساعات بــle numéro وكل مرة يبدلو puisque نبلوكيه...:tongue02::tongue02:
جاب periode طويلة وهو هاكدا قلت نهز بالاك وحدة من صحاباتي تعيطلي بنيميرو تاع ختها ولا ماماها،،:dunno01::dunno01:لقيتو يحوس على وحدة وكي مالقانيش انا قاللي
حاب نديسكيتي معاك:-o:-o:-o:-o:-oen dirai حالة قسم تاع
**هنا فرغ وش كاين في قلبك ***ههههههههههه
المهم :::والمفيد:::
علاش les jeunes يحبو يتمسخرو بالتيليفون :s:s:s،،،بالاك لي هزت عليهم وحدة متزوجة :scared01::scared01:،،بالاك يديرلها مشكل ولا يهز باباها يلقاه وش يقول:very_mad::very_mad::very_mad:؟؟؟علاه هوما يحبو خواتاتهم يحكيو مع خرين:down::down:؟؟؟ ولا امهاتهم؟؟؟ (((مع احترامي)))
وقتاش يفهمو بلي بنات الناس مايش لعبة؟؟؟!!!!
ونتوما قولولي eske صراتلكم وكيفاش تتعاملو معاهم puiske مقلقني بزاااااف:cray02::cray02::cray02::surrender01::surrender01::surrender01:....وادا مديتو لخويا ولا بابا يقولو نتي لي تمدي le numero تاعك يعني كيما دار الواحد حصل:dunno01::dunno01::dunno01:


علابالي طولت،،،نستنى في اراءكم وبقاو على خير والسلام عليكم ورحمة الله
​

 

[بنت الـ25]

عذرا على التأخير الماجيك
حجز المكان
ممبعد نرجع (موضوع هايل)
ونخربش شوية لهنا خخخخخخ
​

 

[chahd alworod]

هذا المشكل دواها الحقرة وما تزيديش تربوندي على اي نيميرو خاصة الماسكي و ذا كانت صاحبتك تحتاجك ياسر تبعثلك ميساج انا هكا واش ندير ما ريبونديش وخلاص
تقبلي مروري حنونة

 

[amira94]

وعليكم السلام ورحمة الله وبركاته

ايه صح هذي الحالة تصرا بزاااف مي أنتي كي يعيطلك الماسكي ماتريبونديش مناه واحد يعيط بالماسكي سير عيط باه يتمسخر
وأنا صراتلي كيما انت وحد نيميرو يعيط رديت عليه كي لقيتو ولد وبقا يعيط كرهني جوزتلو خويا معلباليش واش هدر معاه
وقالي خويا كون يزيد يعطلك جيبيلي بورطابلك برك و انتي يا أختي ماتمديش النيميرو لأي وحدة ياو البنات عادو مافيهمش لامان المهم أختي اذا عندك خوك كبير قوليلي هدا النيميرو أو يقلق فيا وهو يحلك المشكل تاعك ولا باباك ولا بدلي النيميرو تاعك هذا هو الحل

​

 

[hadda0425]

بدلي لا بيس وهني روحك
​

 

[السلطانة]

وعليكم السلام

موضوع هايل

صح تصرى هاد العفسة بزاف
ومام متهزيش
ممكن باباك ولا خوك يجي على غدرة يهز ويلقاه صوت راجل يحطك تحكي معاه ترجعي في مشكل

الافضل تبدلي الرقم
ولابلوكي لي قلقك
ولي تحتاجك تبعث ميساج
​

 

[Ma$Ter]

عليكم السلام ورحمة الله وبركاته
كاين هذا المشكل
انا قبل ما تزوج اختى كان كى تشوف اى نمرو ما تعرفوش عمرها ما تربوندى دايما نريبوندى انا
هذا الناس كى يريبوندى عليه راجل مرة و2 نوعدك ما يزيدش يعيطك خلاص
احقريهم واعطي لخوك يربوندى عليهم
بالتوفيق وربى يحفظك اختى .
​

 

[stella.m]

وعليكم السلام ختيتو
ماعليك غير بخوك ولا باباك واكيد هم ماشي رايحين يفهموها حاجة وحدة اخرى
راكي بنتهم ودايرين فيك الثقة وعارفينك خير من الناس
اذا قلتِ هذا ماشي حل
بدلي النيميرو وتهناي مرة وحدة
تحياتي :regards01:
​

 

[سمسم السمسومة]

هاذ الحكاية كاين غير هي اختي الغالية............ناس كيما هاذوا ناقصتهم فهامة و ظرافة ......حاجة قالهالي بابا...........كي تكون عندك ديرونجموا بدلي لنيميروا و خليك و صدقيني أختي لوكان تحوسي تلقاي بلي ناس قراب ليك هوما لي راهم يقلقوا فيك و تلقايه واحد يعرفك....بدلي النيميرو و اعطيه لناس معينة و ميكونش عندك مشكل.....

 

[nanoche]

السلام عليكم و رحمة الله و بركاته
والله يا اختي غير عدنا دي فوا نكرهو نردو على الارقام الغريبة اللي تدخل كل مرة
خطرات صح يكونو غالطين و خطرات بيهم يشريو المعرفة :s ناس فارغة شغل
و نقلك حاجة اخطيك من الماسكي اللي يحوس يهدر معاك و يعرفك علاش يدير الماسكي
انا منين ذاك يعيطولي بيه بصح ما نرجعش و حتى خطرات يكونو حباباتي و يخلطولهم اولادهم و يرجعولهم البورطابل ماسكي و هوما ما فايقينش ... يبقاو يعيطو بصح ما نردش حتى يبعتولي sms و يقولولي ارفدي
و انت غير اخطيك من الرد على الماسكي و حتى على الارقام ارفدي بلا ما تهدري حتى تسمعي الصوت ديال من
​

 

[فتاة حساسة]

ههههههههههههههههههههههههههههههههههههههه اهلا بالماجيك هههههههههههههههههههههه فكرتيني بحكايا معندهاش بزاااف ماللي صارتلي ...


هههههههههههه قالك مالا مرة واحد عيطلي بنومرو كي لقيتو طفل المرة اللولى مارديتش عليه ...

المهو والا يبعتلي في لي اسمس...سقولي هزي اني نحتاج لازم ....


مرة هزيت قتلو واش تحتاج ..قالي اني حاب ندير معرفة قوتلو خويا انا مانيش قاعدة للمعريفا نتاعك وزيد نتي عجبتيني ...عينك فيالمعريفة روح شوف بنات اخرين ...ام كايننين اللي فارغين شغل ....ايمالا كيماعطيتلو الحس قالي اني حابك تجيبلي النومرو تاع دعاء اللي تقرا معاك (ههههههههههههههههه كنت فالول نعجبو ومبعد دوك ولات دعاء..كسع قتلو خويا شوف ...زيد تعيط لنومرو هادا ...نخليهالك سويربيز ..وعلى النومرو تاع دعاء روح عندها وجيبو ..نقطة انتهى)

منداك الوقت او تقولي زاد عيط والا ...


تهنينا من هادا...فتا الوقت زاد والا واحد خلاف يعيط ...مانردش عليه خلاص ..وحد النهار كان عندي الطهور تاع اخ صاحبتي ...وعولت زعما خويا اللي يوصلني بطوموبيل ...المهم انا ركبت معاه ...نلقا السيد يعتلي مساج يا محاينك ...قالي اني نشوف فيك ...انا لتم حبسو رجليا قلت كون يشوف خويا المساج تخلى عليا (انا خويا شوي واعر ههه مايفهمش هو يفهم حاجا واش دا النومرو نتاعك ليه )


ايا فات هادك النهار سلامات وخويا ماشفش الميساج ..وزاد جاز وقت ...ولى يعيط ااااااااااااه هنا بلغ السيل الزبى ...رحت عند خويا وحكيتلو وقتلو هاو كيفاه ..واو ديما يعطلي وكل شي ...مالا مرة عيط وخويا كان فالدار رحت نجري ليه ومديتلو البورطابل كي سمع ياللي صوت خويا كوبا ...كسع حكم خويا النومرو نتاعو ...قالي اصبري عليا يامات نجيبو ...


فتت سمانة ...نلقى خويا جا قالي اني رحت لهاد الطفل وربيتو هاهاهاهاهاهاها منداك الوقت او تقولي زاد عيط ولا ...هههه نيهاهاهاه ربي يخليه خويا ...

ومن تم واحد مازاد قلقني ..

اي بيان سور اك لازم تاكلي فيها بخصة ههههههههههه انا قالي خويا وبابا ...نتي اللي ماعرف لمن ظلي تمدي النومرو نتاعك للبنات ...ام هوما سباب البلى ههههههههههه

تقبلي مروري واسمحليلي طولت عليك :d​

 

[SETIF étudiant]

هادو ناس ناقصين حنان محرومين ناقصين شخصية برا البورتابل بالنسبة ليهم عالم خيالي مود تاع حنانة يرتاحو فيه وخلاص ههههههههههههههههه و لي ما عندوش حبيبتو يدورها بورتابل يكومبوزي نيميرو على الزهر و يبدا يشعر بالشوي ههههه

ديكلاري لابوليس اشكي لخاوتك يتفاهمو معاه وهني روحك ولا حلي عليه البورتابل وخليه يحكي مع روحو ومع عباد كيما هادو روحي لكاش بلاصة كالم زايد ما فيهاش ريزو وانستالي ثم وصاي ههههههه والطفلة لي تحسب الف حساب لشرفها والله واحد ما يوصلها ولو كان حتى مهند خخخخخخخخخخخخخ:-h


هادا لي يحوس عليك في البورتابل يكذب على روحو ويزيد يكذب عليك والا عينو فيك قوليلو رواح خطبني قوليلو هاد تمسخيرك وحبك عندي في البورتابل بكل يساويو عندي حاجة ولي هي زواج وهاو وجهي الا زاد دار ليك ولساحتك هههههههههههههههههههههههههه
​

 

[فتاة أبكت القمر]

ديري كيما انا بدلي لابيس وريحي ختيتو ..
وربي يهديهم فارغين شغل يقلقو في بنات الناس

 

[مايا الجزائرية]

موضوعك حاضر بشدة
بروبلام كبيير مع ناس كيف هادو بدلي نومرو كل شهر مي واش تحبي ما تريبونديش على النوامر لي ما تعرفيهمش
évité الماسكي ديريه في لاليست ريجيتي
تقبلي مروري

 

[طائر الخير]

السلام عليكم

شوفي اختي كي يكلمك مرة اخرى حطي البورطابل عند التيفي وديري قناة المجد

راني سور مش من الجماعة اللي يحبو يسمعو القران

ولا هزي عليه وما تتكلميش خلاص .... شوفي ليزينيتي نتاعو وين يلحقوه؟؟

ديريها زوج مرات 3 وشوفي

طرق مجربة من عند بنات اعرفهم.... رضائكم هو هدفنا اتصلو الان :

من جميع انحاء العالم: منتدى اللمة الجزائرية - تعرف على الجزائر من أهلها - Powered by vBulletin :d

على خير
​

 

[magique]

عذرا على التأخير الماجيك
حجز المكان
ممبعد نرجع (موضوع هايل)
ونخربش شوية لهنا خخخخخخ
​

مرحبا بيك في كل وقت حبيبتي مينات تشرفيني باطلالتك البهية في انتظارك
​

 

[SOFIANE020]

شوفي ختي هذا الموضوع ماشي على الرجال برك حتى لبنات تاني
وشكون قال بلي لبنات لعبة
[هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ] (البقرة: 187)

سلام

 

[magique]

وعليكم السلام ورحمة الله وبركاته

ايه صح هذي الحالة تصرا بزاااف مي أنتي كي يعيطلك الماسكي ماتريبونديش مناه واحد يعيط بالماسكي سير عيط باه يتمسخر
وأنا صراتلي كيما انت وحد نيميرو يعيط رديت عليه كي لقيتو ولد وبقا يعيط كرهني جوزتلو خويا معلباليش واش هدر معاه
وقالي خويا كون يزيد يعطلك جيبيلي بورطابلك برك و انتي يا أختي ماتمديش النيميرو لأي وحدة ياو البنات عادو مافيهمش لامان المهم أختي اذا عندك خوك كبير قوليلي هدا النيميرو أو يقلق فيا وهو يحلك المشكل تاعك ولا باباك ولا بدلي النيميرو تاعك هذا هو الحل

ايه صح عندك الحق حبيبتي مشكورة على مرورك

عليكم السلام ورحمة الله وبركاته
كاين هذا المشكل
انا قبل ما تزوج اختى كان كى تشوف اى نمرو ما تعرفوش عمرها ما تربوندى دايما نريبوندى انا
هذا الناس كى يريبوندى عليه راجل مرة و2 نوعدك ما يزيدش يعيطك خلاص
احقريهم واعطي لخوك يربوندى عليهم
بالتوفيق وربى يحفظك اختى .

شكرا اخي ماستر وربي يحفظك شكرا لمرورك الرائع على صفحتي المتواضعة


​

 

[magique]

هذا المشكل دواها الحقرة وما تزيديش تربوندي على اي نيميرو خاصة الماسكي و ذا كانت صاحبتك تحتاجك ياسر تبعثلك ميساج انا هكا واش ندير ما ريبونديش وخلاص
تقبلي مروري حنونة

والله فكرة مليحة ماخممتش فيها من قبل نوعدك نديرها وبخصوص الماسكي اكيد اني مانهزش عليه ابدااااااا
مرورك اسعدني شكرا ليكي
​

بدلي لا بيس وهني روحك
​

ابسط الامور اكيد لكي ودي عزيزتي.......
​

 

[magique]

وعليكم السلام

موضوع هايل

صح تصرى هاد العفسة بزاف
ومام متهزيش
ممكن باباك ولا خوك يجي على غدرة يهز ويلقاه صوت راجل يحطك تحكي معاه ترجعي في مشكل

الافضل تبدلي الرقم
ولابلوكي لي قلقك
ولي تحتاجك تبعث ميساج
​

ايه والمشكل يكمن في الظن بسوء مرورك مميز عزيزتي لا تحرمينا منه
​

وعليكم السلام ختيتو
ماعليك غير بخوك ولا باباك واكيد هم ماشي رايحين يفهموها حاجة وحدة اخرى
راكي بنتهم ودايرين فيك الثقة وعارفينك خير من الناس
اذا قلتِ هذا ماشي حل
بدلي النيميرو وتهناي مرة وحدة
تحياتي :regards01:
​

اكيد وشكون يقدر على الرجل غير الرجل مرورك اسعدني
​

هاذ الحكاية كاين غير هي اختي الغالية............ناس كيما هاذوا ناقصتهم فهامة و ظرافة ......حاجة قالهالي بابا...........كي تكون عندك ديرونجموا بدلي لنيميروا و خليك و صدقيني أختي لوكان تحوسي تلقاي بلي ناس قراب ليك هوما لي راهم يقلقوا فيك و تلقايه واحد يعرفك....بدلي النيميرو و اعطيه لناس معينة و ميكونش عندك مشكل.....

شكرا لنصائحك غاليتي سمسومة شرفتيني بمرورك
​

السلام عليكم و رحمة الله و بركاته
والله يا اختي غير عدنا دي فوا نكرهو نردو على الارقام الغريبة اللي تدخل كل مرة
خطرات صح يكونو غالطين و خطرات بيهم يشريو المعرفة :s ناس فارغة شغل
و نقلك حاجة اخطيك من الماسكي اللي يحوس يهدر معاك و يعرفك علاش يدير الماسكي
انا منين ذاك يعيطولي بيه بصح ما نرجعش و حتى خطرات يكونو حباباتي و يخلطولهم اولادهم و يرجعولهم البورطابل ماسكي و هوما ما فايقينش ... يبقاو يعيطو بصح ما نردش حتى يبعتولي sms و يقولولي ارفدي
و انت غير اخطيك من الرد على الماسكي و حتى على الارقام ارفدي بلا ما تهدري حتى تسمعي الصوت ديال من
​

ونصائحك جيدة جدا عزيزتي واكيد مكانش عاقل في الدنيا يهز على الماسكي
​