هدا واش يصرالي في الربيع.....عاونوني

[magique]

السلام عليكم ورحمة الله تعالى وبركاته،،
ان شاء الله تكونو بصحة وعافية وخير...
اما بعد حبيت نطرح الموضوع هدا ونفرغلكم وش كاين في قلبي ،،
علابالي العنوان غريب شوي وماهوش واضح ،،،نوضحلكم....
*
*
*
علابالكم بلي رانا في فصل الربيع والناس كامل يحبو الربيع بويسك الجو فيه مليح والدفاوالشمس......الخ
الى هنا مكانش مشكل،،لكن انا عكس الناس جميعا ،،نحب الشتا بزاااااااف ونحب البرد والمطر والجو هداك لمظلم ،،ونحس روحي مليحة وفرحانة وناشطة وتوجور نضحك ــــ حتى يقولولي وش السر...
لكن غير نشوف النهار هداك صافي وفيه الشمس والدفا▬▬▬▬▬ نتقلب 360 درجة::

انوض الصباح مورالي هابط نعود نعيط على الصغيرة ولكبيرة نزيد نروح روتار للكلاسة ومانقراش،، نقعد غير متكية على الطابلة ولا نخربش في الورقة،،لبروف يقوللي اكتبي نقولو ماجبتش نواظري مانقدرش نشوف( صح كاينة منها بلي عندي نقص في النظر)....وديفوا نتقابض معاهم.

توجور حاكمتني الغمة ونحب غير نبكي مي مانقدرش وهداك الشي يرجع عليا سلبا دونك يضرني قلبي ونحس بالغثيان وندوخ .....توجور نطيحلهم في الكلاسة.....

ونزيدكم بلي نفقد شهيتي طوووول ونعود ماناكلش،، الصيف هدا هبطت تقريبا 10 كيلو وتوجور نحب غير نرقد ونحب نبقى وحدي وواحد لايدور بيا....الخ

وش نقولكم راني حايرة في روحي ديجا رانا في الربيع وبداو الاعراض هادو يبانو عليا بالرغم من اني محافظة على صلاتي واذكاري واستغفاري دايما بصح عييت نتخلص من الشي هدا.

حبيتكم تعاونوني وتنصحوني وش ندير؟؟؟
​

 

[بنت الـ25]

اممممممممممم مشكلة عويصة منزيدش عليك
مالا انا وانتي منتفاهموش خلاص
انا وحدة مالناس نكره الشتا ونكره البرد تاعو متقدريش تيماجيني شحال
ناس تخاف من الكلاب وناس تخاف من الظلمة وانا نخاف مالبرد
كي يخلاص الشتا تقول ندير وعدة ههههههه
مي الشي اللي راكي تحكي فيه آنورمال؟ خالقة فالشتا؟ :p خخخ
الربيع نعمة من عند ربي الجو يصفى وتتفتح الأزهار وتنتعش الطبيعة
الطبيعة تفرح وهي جماد فما بالك بالإنسان ؟
لازمك تحاولي تتأقلمي هكدا راكي تتأثري وتأثري على الناس حولك
غريبة كرة الماجيك :d

​

 

[magique]

اممممممممممم مشكلة عويصة منزيدش عليك

عندك الحق وراني علابالي قد مانحكيلك ماتتصوريش حالتي

مالا انا وانتي منتفاهموش خلاص

ههههه خسارة

انا وحدة مالناس نكره الشتا ونكره البرد تاعو متقدريش تيماجيني شحال

انا تما وين نكون في احسن احوالي

ناس تخاف من الكلاب وناس تخاف من الظلمة وانا نخاف مالبرد
كي يخلاص الشتا تقول ندير وعدة ههههههه
مي الشي اللي راكي تحكي فيه آنورمال؟ خالقة فالشتا؟ :p خخخ

في الخريف اكتوبر

الربيع نعمة من عند ربي الجو يصفى وتتفتح الأزهار وتنتعش الطبيعة
الطبيعة تفرح وهي جماد فما بالك بالإنسان ؟
لازمك تحاولي تتأقلمي هكدا راكي تتأثري وتأثري على الناس حولك
غريبة كرة الماجيك :d

عندك الحق بصح وش ندير تقولي واحد حاطلي حجرة فوق قلبي نعيا حتى نتنفس مليح c'est grave ديك المرة كنت واقفة مع الحيط تاع الليسي((كولواغ)) فات عليا واحد يقرا معايا قاللي سبحااااان الله الحزن في عينيك ،،هدا طفل وتولهلي فمابالك لي قراب ليا
​

مارسي حبيبتي كي رديتي الله يحفظك ويهنيك
​

 

[ماكانش]

أهلا بيك ماجيك
ههههههههههه
كاين ناس مايحبوش السخانة والصيف بصح ماوش للدرجة أنهم يشيانو ويتقلقو ويفسدو حياتهم
صح السخانة ماتكونش معاها الشهية ولكن في حدود ماوش الإنسان ماياكلش خلاص
انا تبالي مشكلك نفساني برك
يعني راك مدايرة فبالك بلي الصيف يقلقك تتقلقي
مالا نقلك انا ديري فبالك الصيف هذا يفوت عادي درك يفوت عادي ورديلي لخبر هههههههه
​

 

[magique]

أهلا بيك ماجيك
ههههههههههه
كاين ناس مايحبوش السخانة والصيف بصح ماوش للدرجة أنهم يشيانو ويتقلقو ويفسدو حياتهم
صح السخانة ماتكونش معاها الشهية ولكن في حدود ماوش الإنسان ماياكلش خلاص
انا تبالي مشكلك نفساني برك
يعني راك مدايرة فبالك بلي الصيف يقلقك تتقلقي
مالا نقلك انا ديري فبالك الصيف هذا يفوت عادي درك يفوت عادي ورديلي لخبر هههههههه
​

ان شاء الله لكن انا السخانة ماتقلقنيش يقلقني الضو والشمس بدليل في الليل نكون مليحة،،ان شاء الله ندير وش قلتلي
​

 

[imy_amani]

انتي نفسيتك هي اللي تتقلب
شوفي اختي الانسان طريقة تفكيره هي اللي تاثر على حياته
غيري روتينك في الصيف
الصيف وقت الراحة والتحواس
ديري في بالك انه الوقت اللي تريحي فيه
حاولي تحصري الوقت اللي بعد الفجر مباشرة حتى اللي تطلع الشمس
وهداك الهدوء اللي يكون في هداك الوقت

نتمنالك عطلة سعيدة وهاد العام يكون غير
ربي يوفقك اختي
تقبلي مروري
​

 

[magique]

ان شاء الله عزيزتي الاء هنيتيني بهدرتك الله يحفظك
​

 

[همس الوُرود]

والله غير حيرتيني أختي واقيلا راكي فومبير والله ههههه بارازار هاكا ماتمصيش الدم تاع لعباد فالليل؟؟؟
والله ربي يعاونك واش رايحة نقولك آسفة ماقدرتش نحل مشكلتك الله غالب ربي يعاونك ختي
سلام
​

 

[سمسم السمسومة]

أنا عن نفسي نحب وقت الشتا خير من لفصول لخرى...........مي لازمك تحاولي تتأقلمي مع الجو.....مليح ذركا وقت الربيع..أنا ذركا الفراخ لي ينوضوني الصباح و النسمة تاع الصباح حاجة تخليك تشتي صح هاذ الجو.....أخرجي دوري شويا في بلايص ملاح و ين كاين الورد و الحالة باهية تحسي بروعة هاذ الفصل.....نتمنى نكون فدتك شويا

 

[visiteur]

السلام عليكم هدا ما يسمي التطير و هو التشائم من شئ كا قط اسود او طائر اسود او بومة و هو محرم في ديننا و لدلك عليك بتفائل و عدم ربط سعادتك بطقس او اي شئ يسير لكي حياتك كما قال رسول الله صلي الله عليه و سلم تفائلو خير تجيدوه و يومك سعيد

 

[nanoche]

واش نقلك يا اختي هاذي اول مرة نسمع بواحدة ما تحبش الربيع
انا تاني نحب الشتا اكتر من الصيف مي السبب اني نقدر نقاوم البرد مي ما نقدرش نقاوم السخانة
بصح ديمة نكون عادية في الفصول الاربعة
اسمحيلي يا الحبيبة ماشي حابة نزيدلك لانه اللي فيك يكفيك بصح جربي تروحي عند طبيب نفساني وراني متأكدة بليك راح تفرحي بالربيع كيما كامل الناس
ربي يكون في عونك​

 

[حورية الجزائر]

انا تان نحب الشتاء والغيام هههههه مالا راكي كيفي

بزاف ناس يقولولي كفاش تحبيه لكن نلقى فيه راحتي

لكن مش لدرجة الاعراض الي عندك

كما يقولو حاولي تشوفي الموضوع من الجانب المشمس^^

 

[־●ـ‗غمــــوض ــالــورد_ـ●־]

مام انا حنونة نحب الشتاء بزاف ولجو كي يكون مغيــــــــــــــــم والدنيا ظلمة
السبب انوا منحب السخانة والشمس منتحملهاش
مي لحاجة لي تعجبني فالصيف والربيع اني نخرج نحوس ونروح لبلايص ملاح
مي دركا صاريلي كيما انت وبالاك اكتر انا وليت منحب والوا كلش يقلقني صيف خريف ربيع شتاء كامل نقلق فيهم كل وين يجي SaiSon نقول كان غير يفوت يجي واحد خلاف .وهدا راهوا مشكل قاعدين نديروا فيه لرواحنا احنا لي نكتائبوا ونقلقوا في رواحنا donc لازمك تتأقلمي مع اي saison بالاك انت كي موالفة تقراي مع اواخر الربيع يتبدل عليك le programme على بيها متوالفيش je ve dire تحطي في بالك هديك لقعدة فالدار مع الصيف كي تكمال لقراية وسيرتوا ايدا ماركيش موالفة تخرجي بزاف وتحوسي علبيها تجيك هديك لغمة ولقلقة تبداي غير تستناي وديري حسابات كيفماه راح تفوتي ايامات lvacance على بيها صاريلك كيما هك allors لازمك ديما تنظمي وقتك واديري programme وحاولي تبعدي على نفس الروتين متعيشيش ديما في نفس الجو حطي في بالك بلي ديما وقت لخريف والشتاء تتعبي فيهم وتقراي وميكونش عندك وقت ترتاحي فيه واديري فيه بزاف حوايج وانوا ديما الربيع وقت مليح والجو تاعوا يخليك تبقاي alaise وترتاحي moralement وفي الصيف راكي ترتاحي moralement et phisiquement يعني تكوني في vacance تخرجي تحوسي تروحي لافامي تاعك لي بعاد يعني يكون عندك le temps لبزاف حوايج تكوني مقدرتيش اديريهم كي تكوني تقراي انا في بالي كيما هك ومنيش عارفة حاولي انت تتأقلمي وخلاه حنونة نتمنى اني فدتك شوية ..وانشاءالله تزول عليك لحالة هدي.
​

 

[angel]

المشكل نتاعك راهو يمكن يكون عندو حل لكن لازم تشوفي طبيب مختص كاين بعض الحالات الي ماتحملش الشمس


ننصحك تروحي للطبيب اختي وربي يجيب الي فيه الخير ان شاء الله
​

 

[־●ـ‗غمــــوض ــالــورد_ـ●־]

ايه نسيت نقلك في لمشاركة الولا هدا ويـــــــــــــــن فقت
راكي باتنية يالحنونــــــــة وش خصك باش تقلقي انا نحب باتنة بزاف تعجبني بزاف نرتاح فيها سيرتوا كي نجي تما وندير shopping ههههههههههه اخرجي تحوسي وديري shopping درك ترتاحي متحسيش خلاه بالجو تاع الصيف...
​

 

[EL General]

ههههههه انا العكس نتاعك قدقد نكره الفصول الثلاثة و نحب فيهم غير الربيع :up:
و الله وش رح ننصحك ، أبسط نصيحة هي : حاولي التعود على الربيع تدريجيا كل عام بشوي :-r
درك تولي تحبيه ان شاء الله :d
سلآلآمي
:regards01:
​

 

[magique]

والله غير حيرتيني أختي واقيلا راكي فومبير والله ههههه بارازار هاكا ماتمصيش الدم تاع لعباد فالليل؟؟؟
والله ربي يعاونك واش رايحة نقولك آسفة ماقدرتش نحل مشكلتك الله غالب ربي يعاونك ختي
سلام
​

هههههههههه يعطيك الصحة ههههههههه
​

 

[الابتسامة تحتاج الى تضحية]

السلا م عليكم و رحمة الله و بركاته
أما بعد :
انا نحاول فقط نمد رايي mais ما نعرف لاكان يفيدك ou non
بالاك الشمس عندها تأثير فيك يعني بالك تكون عندها علاقة بالمشكلة تاعك هادي و كي تقيسك الشمس تتقلقي
و كيما يقيسك البرد ترتاحي
ana lmouhim mditlk راي تاعي
تقبلي مروري
الابتسامة

 

[magique]

أنا عن نفسي نحب وقت الشتا خير من لفصول لخرى...........مي لازمك تحاولي تتأقلمي مع الجو.....مليح ذركا وقت الربيع..أنا ذركا الفراخ لي ينوضوني الصباح و النسمة تاع الصباح حاجة تخليك تشتي صح هاذ الجو.....أخرجي دوري شويا في بلايص ملاح و ين كاين الورد و الحالة باهية تحسي بروعة هاذ الفصل.....نتمنى نكون فدتك شويا

شكرا عزيزتي على النصائح مرورك اسعدني
​

السلام عليكم هدا ما يسمي التطير و هو التشائم من شئ كا قط اسود او طائر اسود او بومة و هو محرم في ديننا و لدلك عليك بتفائل و عدم ربط سعادتك بطقس او اي شئ يسير لكي حياتك كما قال رسول الله صلي الله عليه و سلم تفائلو خير تجيدوه و يومك سعيد

معك حق في كل ماقلت ،،شكرا على المشاركة.....تقبل تحاياي الخالصة
​

 

[magique]

واش نقلك يا اختي هاذي اول مرة نسمع بواحدة ما تحبش الربيع
انا تاني نحب الشتا اكتر من الصيف مي السبب اني نقدر نقاوم البرد مي ما نقدرش نقاوم السخانة
بصح ديمة نكون عادية في الفصول الاربعة
اسمحيلي يا الحبيبة ماشي حابة نزيدلك لانه اللي فيك يكفيك بصح جربي تروحي عند طبيب نفساني وراني متأكدة بليك راح تفرحي بالربيع كيما كامل الناس
ربي يكون في عونك​

صح حبيبتي لي نقولو مانحبش الربيع يحير ههههه
وانا تاني خممت في الشي هذا لكن ماخطتش حقيقة ،،شكرا على المرور بصفحتي المتواضعة
​