مغترب تحت المجهر

[ام الحلوين]

الله يبارك جمان ، حتى انا الزين مايحبش نرجعلو الهدرة بصح مرات كي جيني المعزة تاعي و الله غير نرجع هو مسكين يولي غير يستغفر و انا نولي شاعلة كيما النار ربي يهديني .
ــ حبيبتي ممكن تحطي صورة شومبرة كوشي تاعك في البلاد ؟
ــ زوجك كيفاش يعيط لباباك و يماك ؟ربي يحفظهم .
ــ زوجك كيفاش تبانلو العيشة تما ؟ و ناوي يدخل للبلاد ؟
ــ ما هو عطرك المفضل ؟
ــ هل سمنتي بعد الزواج ؟

 

[fatouma2012]

سلام جمانة

شعال يدير لبيي للبلاد بدينار ؟

شعال من ساعة ؟

بوتن يسكن قريب لك ههههه ؟ هادة مشي سؤال نزعق برك، كي نشوفه فالأخبار الجن يحكمني عليه نكرهه من عند ربي مزية مانيش نتوحم كون جبت واحد كيفه ههههه مانيش عارفة كيدايرة شعبيته مع شعبه محبوب ولا ......؟؟؟

 

[أم أمين23]

المكان او المنطقة رائعة والشيء المشترك في الدول الغربية ديما النضافة والطبيعة الرائعة وطبعا الخدمة الباهية لكل شيء:
نرجع لاسئلتي:
كاين طيارة من روسيا للجزائر والا بالايسكال؟
المطار وين في نفس المدينة والا تعملي تنقلات؟
يعملو تخفيضات في الاسعار مرة على مرة والا والو كيما الجزائر حابس لتم؟
الرواسا متعصبين والا عادي؟
كي تخرجي بالحجاب تلقاي الي يبقاو يخزرو فيك والا عادي كل واحد ماشي بحالو؟

 

[joumane]

الله يبارك جمان ، حتى انا الزين مايحبش نرجعلو الهدرة بصح مرات كي جيني المعزة تاعي و الله غير نرجع هو مسكين يولي غير يستغفر و انا نولي شاعلة كيما النار ربي يهديني .
ربي يهدينا كامل ونعقالو شوي
ــ حبيبتي ممكن تحطي صورة شومبرة كوشي تاعك في البلاد ؟
والله مضنيت بلي عندي تصاورها نزيد وحوس مليح في الميكرو واذا ملقيتش نحوسلك على وحده مشابه ليها في النترنت ونحطهالك بسكو هيا من نوع المودرن ولونها في الابيض
ــ زوجك كيفاش يعيط لباباك و يماك ؟ربي يحفظهم .
خالتي وعمي ويحفضلك والديك ان شاء الله
ــ زوجك كيفاش تبانلو العيشة تما ؟ و ناوي يدخل للبلاد ؟
هو المعيشه هنا ميحبهاش بسكو بلاد الكفار ونية دخول البلاد هاديك رانا ندرسو فيها مليح مزال مبانتش
ــ ما هو عطرك المفضل ؟
انا نحب الريحه لي متكونش قاويه بزاف وحقيقه معنديش عطر مفضل كل مره نجرب ريحه
ــ هل سمنتي بعد الزواج ؟

ايييييه مش غير وليت مرا كيما يقولو مي راني بديت نقص شوي

 

[joumane]

سلام جمانة
اهلين حببتي
شعال يدير لبيي للبلاد بدينار ؟
يدير 7ملاين
شعال من ساعة ؟
من سان بيتار لفرنسا ثلاث سوايع ومن باري لدزاير 2 سا ونصف يعني تقديري تقولي 5 سوايع ال ستة
بوتن يسكن قريب لك ههههه ؟ هادة مشي سؤال نزعق برك، كي نشوفه فالأخبار الجن يحكمني عليه نكرهه من عند ربي مزية مانيش نتوحم كون جبت واحد كيفه ههههه مانيش عارفة كيدايرة شعبيته مع شعبه محبوب ولا ......؟؟؟

هههه انا كنت كيفك مي لوكان تشوفيه كيفاه قايم ببلادو وشعب تولي تحبي وهو هنا يوميا في التلفزه تاعهم والشعب هنا يموتو عليه ويحترموه ويقدرووه وكي يدير خطاب لازم يتفرجوه وكامل تانيك

 

[joumane]

المكان او المنطقة رائعة والشيء المشترك في الدول الغربية ديما النضافة والطبيعة الرائعة وطبعا الخدمة الباهية لكل شيء:
نرجع لاسئلتي:
تفضلي حببتي
كاين طيارة من روسيا للجزائر والا بالايسكال؟
كاين من موسكو للجزائر مي انا نجي على سان بيتار بليسكال
المطار وين في نفس المدينة والا تعملي تنقلات؟
الحمد لله ساكنه تواله نصف ساعه نكون فيه
يعملو تخفيضات في الاسعار مرة على مرة والا والو كيما الجزائر حابس لتم؟
يعملو كيما راس العام مي مش حاجه
الرواسا متعصبين والا عادي؟
متعصبييييين سيرتو الشوابين هادوك لي مزالز متاثرين بالحرب العالميه
كي تخرجي بالحجاب تلقاي الي يبقاو يخزرو فيك والا عادي كل واحد ماشي بحالو؟

سي يخزرو فيا والله مرا روحنا المتحف وين نمشي يخزرو فيا حتان قالي المسيو عندك لحطوك تحفه فنيه ههه

 

[ام الحلوين]

جمان
ــ ماهي الاكلة لي تحبيها و كي طيبيها ماتخرجلكش مليحة ؟
ــ هل تلقطي حواجبك ؟
ــ هل تلقاي ابو زوجك و اخوته بلا خمار ؟
ــ اخر يوم في البلاد بتي في داركم و لا دار راجلك ؟
ــ على ما اظن قلتي عندك خوك في فرنسا ، مرتو جزائرية ؟
ــ ماخممتيش جيبي والديك يضيفو عندك ؟
ــ ماهي الحلوة لي تعمليها بسهولة يعني شطورة فيها ؟

 

[joumane]

جمان
ــ ماهي الاكلة لي تحبيها و كي طيبيها ماتخرجلكش مليحة ؟
والله مادريت مي ساعات يفسدولي طبخات
ــ هل تلقطي حواجبك ؟
كنت مي ضرك حبست
ــ هل تلقاي ابو زوجك و اخوته بلا خمار ؟
والله المره هادي كي روحت علابالك عروسه جديده لازم نعدل روحي شوي نبان صح عروس شافوني بلاحجاب مي هاد المره ان شاء الله ناويا نتستر ان شاء الله
ــ اخر يوم في البلاد بتي في داركم و لا دار راجلك ؟
في دار شيخي
ــ على ما اظن قلتي عندك خوك في فرنسا ، مرتو جزائرية ؟
لا مرتو مغربيه يبالي كيما مرت خوك وهو تاني عندو بنوته مزيزده جديده وسمها سيليا تهبل ياعمري عليها
ــ ماخممتيش جيبي والديك يضيفو عندك ؟
والديا بزاف عليهم الفوياج سيرتو ماما متقدرش عليه وزيد شاك فوا راهم في باري عند خويا كيما المره هادي كروحت ماما قعدت معايا غير تلات سمانه وراحت لفرنسا وانا مزالني في البلاد
ــ ماهي الحلوة لي تعمليها بسهولة يعني شطورة فيها ؟

والله انا نحب ندير القاطو ونجرب الانواع الجدد مي المسيو مايكلي غير المحقن والكروكي انا تاني نحبو بزاف ويجيني خفيف ومش هاداك اليابس وكاين تانيك قاطو النيسلي نموت عليه

 

[ام الحلوين]

ربي يشفي ميمتك و يحفظ سيليا و يرزقك بوليدات .
ــ عندك الحق باش تروحي لفرنسا و الدول الاوربية ؟
ــ و خوك يقدر يجي عندك ؟
ــ خوك وين ساكن بلاصة في فرنسا ؟
ــ اول حفيد في داركم شحال في عمرو من الاخوة او الاخوات ؟
ــ خواتاتك عندهم انترنت و تحكي معاهم ؟
ــ هل تحكي مع ناس دارك في الهاتف او في السكايب ؟ و لا كيما انا غير في المناسبات .

 

[lina-67]

جمان واش هو الزفيطي

 

[joumane]

ربي يشفي ميمتك و يحفظ سيليا و يرزقك بوليدات .
مشكوره حببتي وربي يخيلك انتي تاني ويحفضك لوليداتك
ــ عندك الحق باش تروحي لفرنسا و الدول الاوربية ؟
لا معنديش مي نقدر نروح في شركات سياحيه ليه ليه يمدولك الفيزا منا
ــ و خوك يقدر يجي عندك ؟
لا الروس مش تابعه للاتحاد الوروبي لازم انا نبعثلو منا ليبارجمون باه يجيب فيزا تاع الروس وحدها
ــ خوك وين ساكن بلاصة في فرنسا ؟
في باريس
ــ اول حفيد في داركم شحال في عمرو من الاخوة او الاخوات ؟
اول حفيده هيا بنوته من اختي الكبيره عمرها 6 سنوات
ــ خواتاتك عندهم انترنت و تحكي معاهم ؟
ايه عندهم مي خدمات الله يبارك ميقعدوليش بزاف مره في السمانه نحكي معاهم
ــ هل تحكي مع ناس دارك في الهاتف او في السكايب ؟ و لا كيما انا غير في المناسبات .

دارنا يوميا نحكي معاهم في السكايب لكن الهاتف جامي عيتلهم بسكو غالي بزااااف ومع دار شيخي مره في السمانه

 

[joumane]

جمان واش هو الزفيطي

هاهو ليهنا في الرابط وخرين وحنا نقولول باطوط تانيك
https://www.4algeria.com/forum/t/340390/

 

[أم أمين23]

هاهو ليهنا في الرابط وخرين وحنا نقولول باطوط تانيك
https://www.4algeria.com/forum/t/340390/

كي كنت نقرا في بسكرة كليتو بصح مغرف وما عاودتش حار يقتل وانا والحار ما نتفاهموش:
وعلى السيرة تاكلي الحار انت والمخلوق؟
تحبي الماكلة البيضا والا الحمرا والا كيف كيف؟
واش من بلدان حابة تزوري؟
كي تروحي للبلاد معولة تخدمي والا تكتفي بالدار؟

 

[joumane]

كي كنت نقرا في بسكرة كليتو بصح مغرف وما عاودتش حار يقتل وانا والحار ما نتفاهموش:
وعلى السيرة تاكلي الحار انت والمخلوق؟
انا نموت على الحار وهو مكامش ياكلو مي ضرك علمتهولو ولا يشتيه
تحبي الماكلة البيضا والا الحمرا والا كيف كيف؟
على حساب كل ماكله مي منحبش نكثر الطماطم المصبره في ماكلتي
واش من بلدان حابة تزوري؟
ان شاء اللع اول سفره ليا واذا قدرهالي ربي نزورو مكه حابين نديرو عمره مي وكتاه الله اعلم
كي تروحي للبلاد معولة تخدمي والا تكتفي بالدار؟

اذا لقيت خدمه نخدم ومعرف على حساب الوضعيه تاع راجلي اذا كنا في استقرار وضروفو الماديه لاباس مضنيتش نخدم نلتا بداري بزايد عليا

 

[أم أمين23]

صباح الخير
انت قلت حاليا ماش مخممة في الاولاد بصج انا حابة نصقصيك :
واش حابة يكون عندك كأول مولود يعني طفل والا طفلة؟
الا سهل ربي وحملتي عندك كاش اسماء حابتها والا لا؟
في التربية واش تشوفي ساهلة والا واعرة؟
ومجربتها مع ولاد خواتاتك ممكن والا لا؟
اكثر حاجة تشوفي انها لازم تربي عليها ولادك بخلاف حوايج الدين؟

 

[أم أمين23]

تفكرت ثاني :
تحبي الشات والفايس بوك والا لا؟
مسجلة في علب دردشة يعني الياهو والغمايل والامسان وغيرو والا لا؟
اكثر حاجة ما تحبيهاش فيهم طبعا ادا كنت من متابعات؟
تنوضي بكري والا على حسب ؟
والرقاد كيف كيف ؟
وانت من محبات السهر والا تعزي النوم اكثر؟

 

[ام الحلوين]

جمان
ــ ماهي العملة الروسية ؟
ــ ماهي الولايات لي زرتيها في الجزائر ؟
ــ هل تلبسي نظارات شمسية ؟
ــ تحبي البحر و تعرفي تعومي ؟
ــ هل عندك صديقات في البلاد و مازالت علاقتك معاهم و لا نقطعت ؟
ــ خاوتك و خياتك كامل مزوجين و لا كاين في الدار؟ ربي يخليكم و يحفظلكم والديكم .

 

[joumane]

صباح الخير
صباح النوار حببتي
انت قلت حاليا ماش مخممة في الاولاد بصج انا حابة نصقصيك :
[تفضلي حببتي
SIZE=5]واش حابة يكون عندك كأول مولود يعني طفل والا طفلة؟
يعني كيف كيف مي نميل اكثر لي طفل
الا سهل ربي وحملتي عندك كاش اسماء حابتها والا لا؟
ايه خيرهم راجلي وخلاص وزعما صحابو يكنيوه بابو مالك
هو خير عبد الملك وانا حبيت اسم بهاء الدين وطفله جمان ان شاء الله
في التربية واش تشوفي ساهلة والا واعرة؟
واااعره والتربيه تبدى من والطفل في كرش امو
ومجربتها مع ولاد خواتاتك ممكن والا لا؟
ايه ربي يخيليهم ويموتو عليا بسكو خالتهم الصغيره ونحب نلعب معاهم وديما يحكو معايا في السكايب والحق عندهم معزه خاصه في قلبي
اكثر حاجة تشوفي انها لازم تربي عليها ولادك بخلاف حوايج الدين؟
[/SIZE]

كيما قلتي اول حاجه الدين وقرراءة القراان وحفظه وزيد القناعه والتواضع وحب الخير واكيييد الدراسه وكيما قال زوجي مسكين قعدتلو حرقه كيفاه مكملش الفارمسي تاعو قالي لازم يقراها واحد من ولاتي ويطفيلي الحرقه لي في قلبي
سيبور سا انا قلت منخدمش ونقعد في الدار نقري ولاتي ان شاء الله باه يجيو من المتفوقين

 

[joumane]

تفكرت ثاني :
تحبي الشات والفايس بوك والا لا؟
عندي فيسبوك مي شات لا منحبوش
مسجلة في علب دردشة يعني الياهو والغمايل والامسان وغيرو والا لا؟
لا منحبش الدردشه والامور هاديك
اكثر حاجة ما تحبيهاش فيهم طبعا ادا كنت من متابعات؟
لست من متتابعاتهم
تنوضي بكري والا على حسب ؟
نقولك الصح هيا على توقيتنا في الجزائر راني نوض بكري على سبعه مي على توقيت الروس راني نوض على العشره تاعهم ههههه بسكو هما فايتين البلاد بثلاث سوايع وانا نقولك الصح راسي مزال مبروقرامي على توقيت البلاد عييت نخرج على توقيتهم ههههه والله كي نوض على السبعه تاعهم تجيني كلي نوضت على الربعه تاع البلاد
والرقاد كيف كيف
[الرقاد على العشره تاع البلاد وعلا الوحده تاع الروس ههههه

وانت من محبات السهر والا تعزي النوم اكثر؟

منحبش الرقاد بزاف ورقادي ثقيل يعني كي نجي نرقد نجيب ساعه وانا نخمم باه نرقد

 

[joumane]

جمان
ــ ماهي العملة الروسية ؟
الروبل ويمشي حتا الاورو هنا
ــ ماهي الولايات لي زرتيها في الجزائر ؟
الجزائر العاصمه والبليده و وهران وسطيف وقصنطينه وجيجل وبجايه وبسكره وباتنه بالطبع
ــ هل تلبسي نظارات شمسية ؟
منحبهمش مي هنا الشمس قاويه نلبس
ــ تحبي البحر و تعرفي تعومي ؟
[SIZE="4"[COLOR="blue"]]لا منحبش البحر ومنعومش [/SIZE][/COLOR]
ــ هل عندك صديقات في البلاد و مازالت علاقتك معاهم و لا نقطعت ؟
[SIZE="5"[COLOR="blue"]]عندي صديقات ولي زوجت كيفي وخرين مزال ونتصلو ببعض هنا في الفيسبوك وكي روحت كاين لي جاتني وخرين خدامات ومزوجات ملحقوش مي نتصلو ببعض[/SIZE][/COLOR]
ــ خاوتك و خياتك كامل مزوجين و لا كاين في الدار؟ ربي يخليكم و يحفظلكم والديكم .

زوج خواتاتي مزوجات وخويا الكبير تاني مزال واحد اكبر مني ارشيتاكت رانا حابين نخطبولو الصيف هادا مي وزال ملقينالوش وحده نعجبو مع هو بوقوص ويحب الزييين هانا عقابو