مغترب تحت المجهر

[joumane]

ايا البنات اليوم خلاصو دراهمكم ومعادش فيه مجال للاستجواب
وحبيت نشركم بزااااااف كل وحده باسمها على الاستضافه وان شاء الله نكون خفيفه عليكم
والان جا دور

سميره​

 

[ام الحلوين]

صباح النور جمان مشكورو حبيبتي على الاجوبة ربي يهنيك و يحفظلك زوجك و يحفظك ليه و يسعدك في الدنيا و الاخرة و يحققلك واش راكي متمنية .

 

[أم أمين23]

مشكورة حبوبة على روحك الطيبة ومشاركة الخفيفة وان شاءا لله نلقاو سميرة راهي غابرة هاد الايام ههههه

 

[joumane]

مشكورين حبيباتي ام الحلوين وام امين والحمد لله كي كنت خفيفه عليكم

 

[SAMIRA25]

جمانة يعطيك الصحة حنونة على هدي الوقت
و ربي يسعدك و يهنيك و يرزقك بواش راكي متنية
و صحيتي يا لالا على الاستضافة ​

 

[ام الحلوين]

سميرة مرحبا بيك حنونة و ان شاء الله نقضيو وقت ممتع معاك .
ــ كم عمرك ؟
ــ هل تشتغلي ؟
ــ مادا يشتغل زوجك ؟
ــ شحال عندك اولاد ؟ ربي يحفظهم .
ــ ممكن اسماءهم ؟ بلاك نكوبي عليك .
ــ في اي بلد نتي مغتربة ؟

 

[مجيد.]

سميرة مرحبا بيك حنونة و ان شاء الله نقضيو وقت ممتع معاك .
ــ كم عمرك ؟
ــ هل تشتغلي ؟
ــ مادا يشتغل زوجك ؟
ــ شحال عندك اولاد ؟ ربي يحفظهم .
ــ ممكن اسماءهم ؟ بلاك نكوبي عليك .
ــ في اي بلد نتي مغتربة ؟

عمري ما نقولش
نشاغل بطال
لست متزوج
ليس لأن
مكانشو قلتلك
راني ضركا في سيدني

 

[روعة انثى]

جمان يعطيك الصحة على الاجابات و طولت البال
ربي يخفظك و يحفظلك زوجك و يرزقك ذرية صالحة تعمر عليك الدار
استفدت منك بزااااااف و راكي في بداية حياتك و ربي يوفقك و يوفق زوجك و يعطيك ما تتمناي
اعجبني التدين تاع زوجك مالقري الغربة و انتي الله يبارك طايعاتو
انا تاني بدوري نشكرك و ربي ينجحك في مشاريعك مع زوجك

 

[أم أمين23]

هيا يا سميرة ضرك نبقاو نعرضو فيك
والاخ مجيد نشكرك على المرور ولكن الاسئلة ليست موجهة لك
سمارة يا سمارة واش نصقصيك يلا خليني نبدا على النية:
شحال عندك غربة؟
كيما زوجت سافرتي والا قعدتي شوي في البلاد؟
الفيزا تاعكم فيسع والا اطول؟
باش تمشي لتم الفيزا والا اوراق اقامة والا كيفاش؟
كاين قنصلية تاع الجزائر لتم وقريبة ليك والا لا؟
وفي الجزائر كاين القنصلية تاعهم والا لا ووين جات؟

 

[ام الحلوين]

عمري ما نقولش
نشاغل بطال
لست متزوج
ليس لأن
مكانشو قلتلك
راني ضركا في سيدني

يا اخي انا وجهت السؤال لاخت و ليس لك و على ما اظن انت رجل و ليس امراة .
من فضلك القليل من الاحترام و هدا تجمع نسائي .

 

[SAMIRA25]

سميرة مرحبا بيك حنونة و ان شاء الله نقضيو وقت ممتع معاك .
يعطيك الصحة يا ام احلى الحلوين ربي يحفظك و تشكر يا طيبة
ــ كم عمرك ؟
31سنة ربي يكبرنا في طاعته
ــ هل تشتغلي ؟
اشتغل في البيت ربت بيت
ــ مادا يشتغل زوجك ؟
يشتغل في التجارة
ــ شحال عندك اولاد ؟ ربي يحفظهم .
2 و يحفظلك وليداتك ان شاء الله
ــ ممكن اسماءهم ؟ بلاك نكوبي عليك .
يلا كي يبان واش عندك نخبرك باه تكوبي
ــ في اي بلد نتي مغتربة ؟
الامارات

يعطيك الصحة ام الحلوين نورتيني

 

[SAMIRA25]

هيا يا سميرة ضرك نبقاو نعرضو فيك
راني دخلت و من بعد لقيت سبقوني في الاجوبة و ليت حشمت و رحت :d
والاخ مجيد نشكرك على المرور ولكن الاسئلة ليست موجهة لك
سمارة يا سمارة واش نصقصيك يلا خليني نبدا على النية:
شحال عندك غربة؟
عندي 6سنين و شوي و الحمد لله
كيما زوجت سافرتي والا قعدتي شوي في البلاد؟
تقريب 5اشهر
الفيزا تاعكم فيسع والا اطول؟
في ساع
باش تمشي لتم الفيزا والا اوراق اقامة والا كيفاش؟
اقامة مطبوعة في جواز السفر
كاين قنصلية تاع الجزائر لتم وقريبة ليك والا لا؟
كاينة قنصلية في ابو ظبي و بعيدة شوي
وفي الجزائر كاين القنصلية تاعهم والا لا ووين جات؟

اكيد كاينة بصح و الله ما نعرفها لا واين جايو و الا كيفاه
يعطيك الصحة ام امين و بارك الله فيك

 

[أم أمين23]

يا اخي انا وجهت السؤال لاخت و ليس لك و على ما اظن انت رجل و ليس امراة .
من فضلك القليل من الاحترام و هدا تجمع نسائي .

بالعقل على السيد يا فتوح راه مسكين ما على بالوش يمكن بالشوي برك عليه

 

[رنيم الغربه]

يا اخي انا وجهت السؤال لاخت و ليس لك و على ما اظن انت رجل و ليس امراة .
من فضلك القليل من الاحترام و هدا تجمع نسائي .

هههههههههههههه و الله جاني الضحك و عجبني كي كان يجاوب ههههههههههههههه

 

[رنيم الغربه]

اختي سميرة يالا جاوبيني انا تان ههههه جيت نقرعج

شحال الترتيب ديالك في الاسرة
-شكون هو مثلكي الاعلى بالحياة
-شكون هو اخر شخص تتفكريه قبل ما ترقدي
-هل ندمتي كي تغربتي و بعدتي على والديك و الا لا
-شحال قعدتي اول مرة في الامارات قبل ما تنزلي للبلاد
-كيفاش تعرفتي على زوجك:-h
-شحال قعدتي قبل الحمل الاول

يالا جاوبي و نكمل نقرعج من بعد ههههههه
​

 

[lina-67]

سلام عليكم اولا شكرا لجمانة على الروح الطيبة و كنت ضيفة خفيفة الظل ربي يوفقك في حياتك و يرزقك ذرية صالحة ان شاء الله
سميرة مرحبا بيك حنونة
يلا واش هي الاكلة اللي تحبيها و تطلبيها بزاف
هل تعلمتي اكلات اماراتية
واش يعجبك اكثر حاجة في الامارات
واش الحوايج اللي تجيبيهم من البلاد ما كانش في الامارات
هل زرت بلدان اخرى

 

[أم أمين23]

يلا حتى تجاوبي عليهم نجي انا ونزيد شوي اسئلة

 

[SAMIRA25]

اختي سميرة يالا جاوبيني انا تان ههههه جيت نقرعج​

شحال الترتيب ديالك في الاسرة
الاولى:d
-شكون هو مثلكي الاعلى بالحياة
عادي ما عنديش المم نرضي ربي سبحانه
-هل ندمتي كي تغربتي و بعدتي على والديك و الا لا
لا عادي نتوحشهم بصح كي نولي لعقلي هده هي سنة الحياة
-شحال قعدتي اول مرة في الامارات قبل ما تنزلي للبلاد
عامين
-كيفاش تعرفتي على زوجك:-h
تقليدي هدا يوصل لهدا
-شحال قعدتي قبل الحمل الاول
شهرين او 3 نسيت​

يالا جاوبي و نكمل نقرعج من بعد ههههههه​

اوكي حنونة

 

[SAMIRA25]

سلام عليكم اولا شكرا لجمانة على الروح الطيبة و كنت ضيفة خفيفة الظل ربي يوفقك في حياتك و يرزقك ذرية صالحة ان شاء الله
سميرة مرحبا بيك حنونة
وبيك حنونة لبارح مرتين و انا نجاوب على اسئللتك و تروحلي نت
يلا واش هي الاكلة اللي تحبيها و تطلبيها بزاف
نحب اكثر شيء الشخشوخة
هل تعلمتي اكلات اماراتية
لالا نحب الطبخ الجزائري
واش يعجبك اكثر حاجة في الامارات
الامان و النظام
واش الحوايج اللي تجيبيهم من البلاد ما كانش في الامارات
كل شيء تقليدي فريك شخشوخة كسكسي بسيسة مقروظ.....
هل زرت بلدان اخرى

لالا يعطيك الصحة جهاد

 

[ام الحلوين]

صباح الورد سميرة
ــ كيفاش تنادي لوالدين زوجك ؟ربي يخليهم .
ــ زوجك كيفاش ينادي لوالديك ؟ربي يطول في عمارهم.
ــ ما نوع حجابك ؟
ــ هل تتحجبي قدام اهل زوجك ؟
ــ هل عندك دارك في البلاد ؟
ــ ماهو فارق السن بين اولادك ؟ الله يحفظهملك .
ــ ماهو فارق السن بينك و بين زوجك ؟
ــ هل زوجك قسنطيني ؟