زواج جزائرية من تونسي أرجو المساعدة

السلام عليكم
أنا فتاة من الجزائر اوضاعي مستقرة جداً والحمد لله ، تقدم لخطبتي أخو جارتنا ( تونسية متزوجة من جزائري) تونسي الجنسية يعيش في تونس .
بعد الاستخارة أنا مترددة جدا من ناحية الغربة والسفر ومن ناحية أخرى مرتاحة للشخص لما يمتلك من أخلاق وتربية حسنة .
هل أجد بينكم جزائرية متزوجة في تونس تدلني على الأوضاع والعادات وتقدم لي النصح.
جزاكم الله خير
 
و عليكم السلام اختي
لا فرق بين عربي و اعجمي الا بالتقوى
انا نعرف جزائريين متزوجين بتونسيات و راهم الحمد لله و نعرف تونسيين ما شاء الله عليهم دين و اخلاق و تربية و لا اعتقد انه فيه اختلاف بزاف في العادات و التقاليد و تونس و الجزائر راهم خطوة ما تحتاجيش خلاص الطيارة:)
ان شاء الله يزيدو يدخلو الاخوات و يفيدوك
ربي يقدمك لي فيه الخير و يسهلك امورك بالتوفيق
 
السلام عليكم
أنا فتاة من الجزائر اوضاعي مستقرة جداً والحمد لله ، تقدم لخطبتي أخو جارتنا ( تونسية متزوجة من جزائري) تونسي الجنسية يعيش في تونس .
بعد الاستخارة أنا مترددة جدا من ناحية الغربة والسفر ومن ناحية أخرى مرتاحة للشخص لما يمتلك من أخلاق وتربية حسنة .
هل أجد بينكم جزائرية متزوجة في تونس تدلني على الأوضاع والعادات وتقدم لي النصح.
جزاكم الله خير

يا اختي تقدمي و توكلي على الله

تونس جميلة جدا و اهلها طيبون فهم جزائريين و نحن توانسة

كم من مرة أتوجه غلى تونس نحس راني في الجزائر مزدهرة و جميلة و اهلها طيبون
 
rabi yehfdhak
 
وعليــــــــــــــــــكم السلام
شوفي نقلك اختي لعزيزة راه مكاين حتى فرق
التوانسة تقريب عندهم نفس لاكيلتير تاع ليزالجيريا يعني تقريب نفس لعادات والتقاليد
مشكي راح تلقاي حتى صعوبة ومن ناحية لغربة والسفر كيما قلتي مشها بعيدة وصعيبة للدرجة هدي
باش تخافي، وديجا راكي قلتي بلي راكي مرتاحة للشخص هدا وراه متخلق ومربي ونيتو صافية
الور لحاجة لي اوبليجي عليك تحوسي عليها هي انك تتهناي معاه وتكوني مرتاحة هدي هي لحاجة المهمة
وشوفي انت لحاجة لي تريحك وبغاها قلبك باسكوا انت لي باغية تعيشي معاه هدي معندها حتى دخل بأنوا تونسي ولادزيري هدي داخلة في شريك حياتك لي راح تعيشي معاه متحوسيش خلاه على علاقات ناس خلاف بتوانسة باسكوا انت وياه لي راح تقرروا مصير حياتكم مع بعضاكم متهمش جنسية الشخص تهم شخصيتوا وعقليتوا كيفماه دايرة متقلقيش روحك خلاه حنونــــــة صلي صلاة الاستخارة وادعي ربي دوك تجيك فالصواب انشاءالله وربي يهنيك ويكملك ويعطيك ماتتمناي وتفرحي ونفرحوا معاك ، ومتنسايش تخبرينا عليك وش درتي فيها تقبلي ولا لا هههههه
تهلاي فروحك حنونــــــــــــــة ومتقلقيش خلاه روحك.

 
ربي يسهلك ان شاءا لله وناس تونس معروفين بالطيبة خصوصا رجالهم ومادام انك مرتاحة ليه اتوكلي على ربي وما تخافيش وزيد تونس راهي قريبة بزاف لينا وتقريبا عوايدهم كيما تاعنا خصوصا احنا في الشرق تقريبا حتى اللهجة متقاربة
 
selem okhti
hata ana jazeiriya w metzeweija ma3a tunsi wel hamdouleh
rabi yehfedholi w yeberekli fih rejoul wne3ma akhlak
machae allah maken hta mouchkil sehli w tewekli 3la rabi
y3aichak okhti yemkon netwaslou f lkhas
 
توكلي على ربي
وبشويا راح توالفي المهم يكون الراجل مرتحتلو
ربي يهنيك حنونة
 
اختي ربي يتمملك على خير و الزواج مكتوب
و عادي في تونس يعني بلد عربي و مسلمين ، اما عاداتهم سقسي اخته و تقلك و زيد حنا رانا في الزاير و مرات مانفهموش كلام بعضانا و كل ولاية كيفاش يتكلمو و عاداتنا مختلفة .
 
ربي يهنيك اختي صلي صلاة استخارة و توكلي على الله اذا سهل بها و نعمت و اذا ما سهلش معليش خيرها في غيرها
اذا اخلاقو الله يبارك و يعرف ربي ما تشوفيش موراك ربي يسهلك امورك اختي و يرزقك من حيث تحتسبين و من حيث لا تحتسبين
حبيت نعاونك بدعوة ما عنديش فكرة على التوانسة ربي يبارك فيك
 
اهلا بيك اختي وانا ثاني جزائرية مخطوبة لواحد تونسي وان شاء الله الاسبوع القادم نشمي نعمل العقد المدني في تونس ان شاء الله بالنسبة للتونس انا معندي حتى تخوف لانو تونس والجزائر بلد واحد خاصة انو متقاربين برشا ^^ في العادات والتقاليد
ربي يوفقك اختي ♪
 
ربي يهنيك اختي صلي صلاة استخارة و توكلي على الله اذا سهل بها و نعمت و اذا ما سهلش معليش خيرها في غيرها
اذا اخلاقو الله يبارك و يعرف ربي ما تشوفيش موراك ربي يسهلك امورك اختي و يرزقك من حيث تحتسبين و من حيث لا تحتسبين
حبيت نعاونك بدعوة ما عنديش فكرة على التوانسة ربي يبارك فيك

merci habibiti lah yhfdhak
 
اهلا بيك اختي وانا ثاني جزائرية مخطوبة لواحد تونسي وان شاء الله الاسبوع القادم نشمي نعمل العقد المدني في تونس ان شاء الله بالنسبة للتونس انا معندي حتى تخوف لانو تونس والجزائر بلد واحد خاصة انو متقاربين برشا ^^ في العادات والتقاليد
ربي يوفقك اختي ♪

العقد المدني أنا من المفروض نديرو فالعاصمة ، نستنى يجبلي صور من الوثائق ونحط طلب للوالي المنتدب و نكملو الاجراءت عند الأمن .
إذا عندك تفاصيل أكثر أفيديني الله يجازيك راني حايرة :(
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top