قالك ارواح و اسرق

[NICHA03]

اهلين و سهلين

خاوتي و خوتاتي

انشاء الله تكونوا كامل لاباس و 1tike

مع هاد الشتا و البرد لي في mai

المهم

بدون اطالة

هاد الموضوع عندو قرن يدور في راسي

و البارح زاد دار مليح

قلت نجي هنا و فهموني شويا

ظاهرة اختطاف الاطفال و قتلهم

وين منروحوا نسمعوا

هادا تسرق هادا مات

هادا لقاوه مذبوح

هادا سرقوه و مزال حي

....... الخ

زعما يخلعواا فينا

هو صح هاد الظاهرة خطيرة

و تخوف و تخلع

مي pr moi

كون مجاتش كاينة سبة

علاش يسرقوهم من اصلواا

ولاد الحومة صباح و عشية برا jamais

داروا بيهم و لا صرالهم كاش حاجة

كيما هاداك تاع البارح لي لقاوه في بئر و هوا حي

علاش سرقوه هكداك برك

قالك جاو يبيعوا و يعيطوا قالولهم متبرحوش

زكارة فيهم خطفوه

و هاداك لي ذبحوه العام لي فات

جيرانوا عندهم برروبلام مع باباه


و...و..و...

المختصر المفيد

هما يديروها و تجي فالولاد

الصغار مساكن

اليكم الخط

متحرموناش من تعليقاتكم

​

 

[بنت الـ25]

اهلا نيشا
والله بردنا يا ختي الصيف يجي لا يحب يروح لنوفمبر والشتا يحرن لماي وما يحبش تاني يروح

بون الظاهرة تع خطف الاطفال عندها شحال من سبب
كاين لي يخطف باش يسرق اعضاءهم
وكاين لي يخطفهم كيما شاع مؤخرا باش يرضيو غريزتهم الشاذة الحيوانية وهم أخس البشر وأحقرهم
وكاين لي يسرقهم زكارة في والديهم خاطر علابالهم اللي حب يحرق قلب شخص يحرمو من ضناه
وأسباب اخرى كثيرة
احنا دوكا باش نحاربو هاد الظاهرة منقدروش
والحل الوحيد اللي بيدنا نعسو ولادنا والحل لي بيد الدولة تطبق حكم الإعدام عليهم باش يتربا كل من سولت له نفسه خطف او الاعتداء على طفل بأي شكل من الأشكال

​

 

[NICHA03]

اهلا نيشا
والله بردنا يا ختي الصيف يجي لا يحب يروح لنوفمبر والشتا يحرن لماي وما يحبش تاني يروح

بون الظاهرة تع خطف الاطفال عندها شحال من سبب
كاين لي يخطف باش يسرق اعضاءهم
وكاين لي يخطفهم كيما شاع مؤخرا باش يرضيو غريزتهم الشاذة الحيوانية وهم أخس البشر وأحقرهم
وكاين لي يسرقهم زكارة في والديهم خاطر علابالهم اللي حب يحرق قلب شخص يحرمو من ضناه
وأسباب اخرى كثيرة
احنا دوكا باش نحاربو هاد الظاهرة منقدروش
والحل الوحيد اللي بيدنا نعسو ولادنا والحل لي بيد الدولة تطبق حكم الإعدام عليهم باش يتربا كل من سولت له نفسه خطف او الاعتداء على طفل بأي شكل من الأشكال

​

شكرا لاعتماد الموضوع ههه ضحكتني تاع حرن

يعطيك الصحة على المشاركة تاعك و كيما قلتي نورمالمون الاعدام

ملاسي على المرور مورتي
​

 

[ماكانش]

لازم الي يتحكم يتقتل قدام الناس يقضى على هاذ الظاهرة او يقلل منها

 

[NICHA03]

لازم الي يتحكم يتقتل قدام الناس يقضى على هاذ الظاهرة او يقلل منها

هيه عندك حق هادا هو الحل الوحيد مرسي على المرور سو
​

 

[nanoche]

من قوة اللي كترت هاذ الظاهرة رجعت نكره نقرا جوغنال او نشوف لاتيلي دايما خطف خطف حتى عقدونا رجعنا احنا كبار و خايفين من الخطفة
و كل واحد واش داير في راسو باش يخطف على جال هدف او حتى بدون هدف غير باش يحب يبين روحو بليك راهو موجود
و ياريت يتعدل الدستور و يحطو مادة فيه اللي تنص على اعدام مختطف الاطفال ياك عدلوه و حطو عهدة رابعة ماشي عيب اذا عدلوه و حطو فيه مادة تبرد قلب البنادم
شكرا على الموضوع اختي
​

 

[tistissa dj-tissou]

سلاااام حنونة
راكي تشوووفي زعما قلنا مارس بوثلوووج مي ولا ماي بو الثلوووج ههه
ابه الموضوع حساس والسرقة دايرة رااايها ضرك كاش مشكل بين الرجال ولا العايلات يجي في لولاد مساكن
ايه ونزيد نقلك تاني ضرك يعودوا يخطفوا البنات تااني المرهقات وهكاا..... على فعايلهم ربي يهديهم مشغلين بكلش في الطريق ما يقادروا مايحترموا كيما واحد الزوج سمعت بيهم قالك خطفوهم بلا رحمة لحكاية كانوا فايتين من الطريق فاتت عليهم طوموبيل فيها زوج ذكورا برانية يعني ماشي من نفس البلاد مانعرف واش شافوا لبنات ضحكوا عليهم ايا هاذوك البرانيا ماهمش قدقد ويحوسوا عليها تبعووووهم زنقا زنقا وهزوهم داروا فعلتهم ورماوهم ...باش تشوووفي برك يعني ابسط سبا توصل للسرقة هاذا راجع طبعا الى نقص الايمان والافلام اللي زادت علينا ...ربي يهديينا امييييييييييييين
تحية
​

 

[SETIF étudiant]

السلام عليكم

ظاهرة اختطاف الاطفال وقتلهم يكون دافعها الاكبر هو الشذوذ الجنسي ...
و زد على ذلك هنا في الجزائر بلادنا هي بلاد الخوف.... بلادنا هادي كي تمشيلها وحدك في شوارعها تعود تخاف من خيالك فما بالك على الصغير خخخخخخخ ما تقدرش تمشي حتى مترا وحدك الاز خخخخ
في الجزائر نلقاو السرقة انواع واشكال ..زمان كانو يسرقو في الدراهم و الذهب ودركا راهم يسرقو في الدم واللحم..
وحنا ما رانا نطالبوغير بشرع الله بالاعدام لهاد الوحوش الادمية(القاتل يقتل)ولي ما عندوش الرحمة لا يرحم... وهكدا باش نخلوهم عبرة لمن يعتبر

 

[فتاة حساسة]

اه يا ختي ...فتحتيلي الجرح ..
انا كي قتلو هارون وفاروق مت بالبكاء ..

مافهمتش علاه يخطفو وليدات صغار ماعندهم حتي دنب..براءة ..

ربي يهدينا يا .ربي ..صاحيتي على الموaضوع
​

 

[־●ـ‗غمــــوض ــالــورد_ـ●־]

ايه ياحنونـــــــــــة هدي هي لبلاد وش راح انديروا
احنا معندنا مانديروا نعسوا اولادنا وخويانا الصغار وخلاه
ودوكا حتى لكبار وراهم يخطفوا وش راح اديري ..كثروا الاسباب كل واحد والهدف لي خطف على جالوا
كاين لي بش ينتاقم ..نعرف واحد ليستوار صرات لبنت اخت وحدة نعرفها في عمرها 6 سنين خطفها واحد ليسونسيال وصرا ماصرا كي حكموه وش قالهم باغية ننتاقم من خوها باسكوا كانوا بيناتهم ديبروبلام دوركا هادوا عباد لواحد يدير حاجة وهوما يسلكوها في ولاد براءة مساكن ..وكاين لي بش يجيب بيهم دراهم وكاين احقر ناس لي راهم شاذين جنسيا هدوك راهم خارجين الموضوع باغين حكاية سبيسيال ليهم وكاين وكاين وكاين ...دوكا هدي تاع لخطف ولات حاجة نورمال فالبلاد تقول راها ميتيي عندوا عماه باسكوا القانون مادرالهم والوا لبلاد سايبة قالك احنا مانطبقوش حكم الاعدام فالبلاد وشبيك يصلح هدا نعدموا واحد خطف وقتل ،مسكين لازم نخليوه يعيش باش يزيدوا يكتروا كوارت اكتر لبلاد متقدرش تبقى بلا كوارت...شوفي مدام مافيهاش حكم عادل ومفيهاش تاع لي غلط يخلص صح معادش لبلاد تصفى ويتهناو الناس لوكان كي صرات عفسة كي هدي تاع خطف وقتل وعدموا فيها هدومكا لي خطفوا والله الناس تولي تخاف تقلك ندير حاجة نجيبها في روحي مي هوما لا راهم سهلوهالهم خلاص ، انا دوكا كان نروح نخطف كش واحد ونقتلوا في سمانة نجيب لبراءة ونخرج نورمال ويعطوهالي والله ماتكيدهم لبلاد تمشي بالمعارف والطبقات هاكي تشوفي واحد قتل 10 عباد مد مليار خرج براءة عماه باسكوا كاينلوا ...وزيد لكارتة وين يقتل ويدخل للحبس يحكموا عليه ب 15 سنة زعما ويروح يشاركلك فالباك ويديه ويخرج في عاموا يقرا هدي هي لي تشوكيت فيها امالا حتى انا نروح نقتل وندخل للحبس لعام لجاي ندي لباك ونخرج نتهنى من شي حوايج وديرونجموا وندي لباك في عقلي ونزيد نتهنى من هداك لي قتلتوا نبرد قلبي ونروح نقرا ونخدم نورمال مافيها والوا هههههههههههه ياخي بلاد ياخي ياخااااااااه شحال حنينة على الشعب تاعها ههههه وفكرتيني في واح ليستوار لدوركا مشوكية فيها ايا هدا واحد خو وحدة صحيبتي كانت تقرا معايا دارلك واحد لبدعة ليسونسيال خطفوا طفل صغيرون هو وزوج صحابوا وبعد تلات ايام ارماوه قتلوهش مي شبه ميت جاب 3 اشهر فلوبيتال مسكين هيا حكموا عليهم ب 10 سنين حبس دخلوا واحد كاينلوا خلص فيها 300 مليون حكموا عليه بعام زنص خرج والتاني بعد عامين ادا لباك خرج راه يقرا في قسنطينة درك ديك النعمة ولمعيشة هههههه وهو نقصولوا حكموا عليه ب 5 برك ايا فالصيف هدا لي فات خرجت ملكور فوت على واحد لاليمونتاسيون باش نشري لقيتوا تم يشري ويضحك والله ماعلابالوا بالدنيا انا قلت خرجوه صايي ليسونسيال شافني هدر معايا وشراكي صافا كيماتعرفي هههه قتلوا الحمد الله على سلامتك شايفاتك فرحان صايي خرجت قالي لالا راني جايب بيرميسيون 10 ايام نروح للدار ونرجع !!! قتلوا كيفماااااااااه هديك لاليمونتاسيون رحلتها بلعياط ههههه قالي ايه مزالولي عامين ونخرج راني غير روحت برك معلبالكش بيها هدي ..قتلوا لالا معلباليش بروحي درك الظاهرة انا لي كنت محبوسة مش انت الطفل وجهوا ولكور تاعوا خير من تاعي يضحك يشري زاهي نورمال وعندوا لحق علاش ميزهاش ويكون نورمال لواحد قتل طفل راهوا خارج مادي فاكونص يخرج يتنسم ويرجع .....قالك حبس قال احنا لي رانا في حبس الناس تقتل واحنا نخلصوا قلوبنا يتقطعوا ولولاد نخبيوهم فالدار متخرجش متروحش بعيد ولا يخرج بليgارد كور عايشين في خلعة راح لامان وراحت النية وتبدلت لحالة نشوفوا في الظلم وساكتين .....
ربي يهدينا والله قلبي راه معمر ومقطع ايييييييييييييييه يابلادي واش راه صاري فيك ويجي عمي بوتفليقة في 5 جويلية يفرحهم كامل بالدستور تاعوا سينورمال لبلاد تخلى...
مشكورة اختي عالموضوع فتحتيلنا الجراح والله
​

 

[NICHA03]

لي عودة انشاء الله نرد عليكم واحد واحد
​

 

[NICHA03]

ايه ياحنونـــــــــــة هدي هي لبلاد وش راح انديروا
احنا معندنا مانديروا نعسوا اولادنا وخويانا الصغار وخلاه
ودوكا حتى لكبار وراهم يخطفوا وش راح اديري ..كثروا الاسباب كل واحد والهدف لي خطف على جالوا
كاين لي بش ينتاقم ..نعرف واحد ليستوار صرات لبنت اخت وحدة نعرفها في عمرها 6 سنين خطفها واحد ليسونسيال وصرا ماصرا كي حكموه وش قالهم باغية ننتاقم من خوها باسكوا كانوا بيناتهم ديبروبلام دوركا هادوا عباد لواحد يدير حاجة وهوما يسلكوها في ولاد براءة مساكن ..وكاين لي بش يجيب بيهم دراهم وكاين احقر ناس لي راهم شاذين جنسيا هدوك راهم خارجين الموضوع باغين حكاية سبيسيال ليهم وكاين وكاين وكاين ...دوكا هدي تاع لخطف ولات حاجة نورمال فالبلاد تقول راها ميتيي عندوا عماه باسكوا القانون مادرالهم والوا لبلاد سايبة قالك احنا مانطبقوش حكم الاعدام فالبلاد وشبيك يصلح هدا نعدموا واحد خطف وقتل ،مسكين لازم نخليوه يعيش باش يزيدوا يكتروا كوارت اكتر لبلاد متقدرش تبقى بلا كوارت...شوفي مدام مافيهاش حكم عادل ومفيهاش تاع لي غلط يخلص صح معادش لبلاد تصفى ويتهناو الناس لوكان كي صرات عفسة كي هدي تاع خطف وقتل وعدموا فيها هدومكا لي خطفوا والله الناس تولي تخاف تقلك ندير حاجة نجيبها في روحي مي هوما لا راهم سهلوهالهم خلاص ، انا دوكا كان نروح نخطف كش واحد ونقتلوا في سمانة نجيب لبراءة ونخرج نورمال ويعطوهالي والله ماتكيدهم لبلاد تمشي بالمعارف والطبقات هاكي تشوفي واحد قتل 10 عباد مد مليار خرج براءة عماه باسكوا كاينلوا ...وزيد لكارتة وين يقتل ويدخل للحبس يحكموا عليه ب 15 سنة زعما ويروح يشاركلك فالباك ويديه ويخرج في عاموا يقرا هدي هي لي تشوكيت فيها امالا حتى انا نروح نقتل وندخل للحبس لعام لجاي ندي لباك ونخرج نتهنى من شي حوايج وديرونجموا وندي لباك في عقلي ونزيد نتهنى من هداك لي قتلتوا نبرد قلبي ونروح نقرا ونخدم نورمال مافيها والوا هههههههههههه ياخي بلاد ياخي ياخااااااااه شحال حنينة على الشعب تاعها ههههه وفكرتيني في واح ليستوار لدوركا مشوكية فيها ايا هدا واحد خو وحدة صحيبتي كانت تقرا معايا دارلك واحد لبدعة ليسونسيال خطفوا طفل صغيرون هو وزوج صحابوا وبعد تلات ايام ارماوه قتلوهش مي شبه ميت جاب 3 اشهر فلوبيتال مسكين هيا حكموا عليهم ب 10 سنين حبس دخلوا واحد كاينلوا خلص فيها 300 مليون حكموا عليه بعام زنص خرج والتاني بعد عامين ادا لباك خرج راه يقرا في قسنطينة درك ديك النعمة ولمعيشة هههههه وهو نقصولوا حكموا عليه ب 5 برك ايا فالصيف هدا لي فات خرجت ملكور فوت على واحد لاليمونتاسيون باش نشري لقيتوا تم يشري ويضحك والله ماعلابالوا بالدنيا انا قلت خرجوه صايي ليسونسيال شافني هدر معايا وشراكي صافا كيماتعرفي هههه قتلوا الحمد الله على سلامتك شايفاتك فرحان صايي خرجت قالي لالا راني جايب بيرميسيون 10 ايام نروح للدار ونرجع !!! قتلوا كيفماااااااااه هديك لاليمونتاسيون رحلتها بلعياط ههههه قالي ايه مزالولي عامين ونخرج راني غير روحت برك معلبالكش بيها هدي ..قتلوا لالا معلباليش بروحي درك الظاهرة انا لي كنت محبوسة مش انت الطفل وجهوا ولكور تاعوا خير من تاعي يضحك يشري زاهي نورمال وعندوا لحق علاش ميزهاش ويكون نورمال لواحد قتل طفل راهوا خارج مادي فاكونص يخرج يتنسم ويرجع .....قالك حبس قال احنا لي رانا في حبس الناس تقتل واحنا نخلصوا قلوبنا يتقطعوا ولولاد نخبيوهم فالدار متخرجش متروحش بعيد ولا يخرج بليgارد كور عايشين في خلعة راح لامان وراحت النية وتبدلت لحالة نشوفوا في الظلم وساكتين .....
ربي يهدينا والله قلبي راه معمر ومقطع ايييييييييييييييه يابلادي واش راه صاري فيك ويجي عمي بوتفليقة في 5 جويلية يفرحهم كامل بالدستور تاعوا سينورمال لبلاد تخلى...
مشكورة اختي عالموضوع فتحتيلنا الجراح والله
​

ايه يا اختي لبلاد راحت و العباد هبلوا و لقاو رايهم و مكاش لي حاسبهم bin surr يديروا واش يحبوا يقتلواا يدبحوااا لا رقابة و لا محاسبة مري هلى المرور و الرد الرائع
​

 

[NICHA03]

من قوة اللي كترت هاذ الظاهرة رجعت نكره نقرا جوغنال او نشوف لاتيلي دايما خطف خطف حتى عقدونا رجعنا احنا كبار و خايفين من الخطفة
و كل واحد واش داير في راسو باش يخطف على جال هدف او حتى بدون هدف غير باش يحب يبين روحو بليك راهو موجود
و ياريت يتعدل الدستور و يحطو مادة فيه اللي تنص على اعدام مختطف الاطفال ياك عدلوه و حطو عهدة رابعة ماشي عيب اذا عدلوه و حطو فيه مادة تبرد قلب البنادم
شكرا على الموضوع اختي
​

و الله يا اختي غير كرهنا نسمعواااا حكايات القتيلة و الدبيحة و...و... البلاد راحت و مبقاش فيها لامان مرسي على المرور نورتي
​

 

[NICHA03]

سلاااام حنونة
راكي تشوووفي زعما قلنا مارس بوثلوووج مي ولا ماي بو الثلوووج ههه
ابه الموضوع حساس والسرقة دايرة رااايها ضرك كاش مشكل بين الرجال ولا العايلات يجي في لولاد مساكن
ايه ونزيد نقلك تاني ضرك يعودوا يخطفوا البنات تااني المرهقات وهكاا..... على فعايلهم ربي يهديهم مشغلين بكلش في الطريق ما يقادروا مايحترموا كيما واحد الزوج سمعت بيهم قالك خطفوهم بلا رحمة لحكاية كانوا فايتين من الطريق فاتت عليهم طوموبيل فيها زوج ذكورا برانية يعني ماشي من نفس البلاد مانعرف واش شافوا لبنات ضحكوا عليهم ايا هاذوك البرانيا ماهمش قدقد ويحوسوا عليها تبعووووهم زنقا زنقا وهزوهم داروا فعلتهم ورماوهم ...باش تشوووفي برك يعني ابسط سبا توصل للسرقة هاذا راجع طبعا الى نقص الايمان والافلام اللي زادت علينا ...ربي يهديينا امييييييييييييين
تحية
​

هههههه و الله يا اختي غير لوكان جاو مهنين على رواحهم واحد ميدور و بيهم و واحد ميحوس عليهم مرسي على المرور نورتي
​

 

[NICHA03]

اه يا ختي ...فتحتيلي الجرح ..
انا كي قتلو هارون وفاروق مت بالبكاء ..

مافهمتش علاه يخطفو وليدات صغار ماعندهم حتي دنب..براءة ..

ربي يهدينا يا .ربي ..صاحيتي على الموaضوع
​

و الله يا اختي بيكنا بالصغير بالكبير و الله يغيضوا مساكن الله يهديهم و يثبتهم على الدين مرسي على المرور
​

 

[Mr mino]

ربي يجيب الخير


​

 

[NICHA03]

السلام عليكم

ظاهرة اختطاف الاطفال وقتلهم يكون دافعها الاكبر هو الشذوذ الجنسي ...
و زد على ذلك هنا في الجزائر بلادنا هي بلاد الخوف.... بلادنا هادي كي تمشيلها وحدك في شوارعها تعود تخاف من خيالك فما بالك على الصغير خخخخخخخ ما تقدرش تمشي حتى مترا وحدك الاز خخخخ
في الجزائر نلقاو السرقة انواع واشكال ..زمان كانو يسرقو في الدراهم و الذهب ودركا راهم يسرقو في الدم واللحم..
وحنا ما رانا نطالبوغير بشرع الله بالاعدام لهاد الوحوش الادمية(القاتل يقتل)ولي ما عندوش الرحمة لا يرحم... وهكدا باش نخلوهم عبرة لمن يعتبر

ايه يا اختي الله يهديهم و يثبتهم على الدين
​

 

[حمزةusma]

ظاهرة كبيرة تفشت في المجتمع الجزائري