الأفلام الهندية ... ادخلو تعرفو

[لؤلؤة قسنطينة]

السلام عليكم ناس اللمة الكرام

واش احوالكم؟ ان شاء الله كامل بخير؟؟
جماعة الباك ربي يوفقكم بقاو يامات برك وتتهناو وتديو الاستقلال (بالنجاح ان شاء الله) وصحاب الجامعة مساكن كي حالتي راهم قربو الامتحانات شوي كوراج ونتهناو حتى حنا والبقية علابالي راكم ديتو العطلة خلاص لعقوبة للعام الجاي ان شاء الله هههه
المهم ليوم حبيت نخرج من السبات تاعي

ونوضع موضوع باه نبين لبعض الناس بلي ماعاينتش روحي :p وخترت هاد العنوان علابالي خلعكم حتى انا او خالعني هههه
المهم ندخلو في الموضوع مباشرة لي راهو محيرني، خاطر بعدما درت تحريات

عرفت بلي الشعب تاعنا شعب خطير وراهو ماطالق والو لا الجنس الاصفر ولا الاخضر ولا البنفسجي، جاو الافلام المكسيكية لصقو فيهم قصدي لصقنا فيهم هههه حتى انا كنت نشفى نشوف منهم شوي بالرغم من أنهم يفوتو 2000 حلقة وكل 100 حلقة يظهرو شخصيات جدد يعني تتزوج وتجيب ولاد والمسلسل مايخلصش ههههه المهم دخلو التركية زادو غزاونا هادا مهند وهادا اسمر وهادا ابيض هوما عندهم بعض القصص المليحة مايكدبش العبد حتى التمثيل معليهمش تحسهم واقعيين مع أنهم يزيدو فيها ساعات شوي، زادو جاو المسلسلات الكورية الجنس الاصفر هادو مانهدرش عليهم راهو خونا حكيم دار رايو فيهم هههه وفي الاخير محبوبة الجماهير الافلام الهندية لي من جانيتو حطيناهم رقدو وهوما يوجدو للغزو الكبير وبداو يخطفو عقول شاباتنا وماش شاباتنا برك حتى شبابنا هبلو بيهم ويتبعوهم حلقة بحلقة، وماعلاباليش لحد الآن واش السحر لي فيهم

لي خلا شبابنا يتبعوهم وانا حسب واش قريت في أحد الدراسات قالك بلي الناس لي تتفرج الافلام الهندية تكون حالمة بزاف وعايشة في الخيال بصح ماتستغربش كي تسمع هاد المعلومة خاطر راهم فاتو الخيال تحسهم عايشين في زحل وتبعوني نقولكم خطوة بخطوة علاواه تحكي الافلام الهندية أو الافلام الخيالية لي خطفت عقول شبابنا
أول نقطة تعتمد عليها الافلام الهندية هي شكل البطل والبطلة
يعني لازم البطلة تكون جميلة

( يسمى عندهم لي ماش شابة راحت عليها ههه) وتلقى عندها 3 شعرات في راسها ويزيدلها فوقهم شعر اسود طولو زوج امتار يتكركر على الارض باه تبان هندية اصيلة ( الناس تزيد شعرة ولا زوج ماش شعر كامل باين ناس الهند كامل فرطسوهم هههه) وفي الاخير تخرج لاماش تاعها صفرة والشعر لاخر كحل ههه وزيد من فوق تلبس الجينز هههه /اين الاصالة؟/ (تناقض تام) والبطل لازم طويل وصحيح وعندو العضلات واسمر

(سحر الاسمر) وشعرو مجبود مليح بالسيشوار باه غير يحرك عينو شعرو يتحرك 360 درجة تحسو يتهول براسو ماش يمثل ههههه، هادي مواصفات الشكل الخارجي اما الداخلي تحسهم ملايكة هادي تضحية وهادا صدق في المشاعر وهادي دموع ( تقول شلال)

وهادي طيبة زايدة، يعني تتوصل راجل نهار عرسو يلقى زوجتو مازال قلبها مع شخص آخر ساع يجبدها من يدها ويديها للشخص الآخر ويقولها بكل روح رياضية هادا هو لي يستاهلك وزيد يحول عرسو لعرسهم ويشطح كلي ماكاين والو ( من أنتم؟ :s ) هادا فيلم هندي ولا واش؟ عفوا نسيت بلي نحكي على فيلم هندي بعد :d
وزيدلها من فوق البطل هاداك متعلم كامل الفنون القتالية لدرجة يقدر يضرب 10 رجال بيد وحدة وتعدي فوقو سيارة وزوج شاحنات محملين بالاسمنت ونورمال تطرطق على راسو بومبا ونورمال السكاكين تلعب بمصارنو ونووورمال درك البطل قوي فهمناها بصح علاه ساعات البطل هاداك يشبعو فيه ضرب حتى يولي كامل دم يجيبوها نصف ساعة وهوما يضربو فيه

وفجأة ينوض كي البركان الثائر وياكل الأخضر واليابس يولي اكثر من الجرار

(زعما واش اللقطة هاديك؟ ياخد في قيلولة مثلا؟)
ثاني نقطة تعتمد عليها الافلام الهندية ولي عييت نفهمها وهي الرعد والأمطار والريح يمشيوهم كيما يحبو تقول مدايرين معاهم كونطرا
المشهد 1:تلقى البطلة تمشي برا والجو مشمس والطيور تزقزق فجأة يجي جايز البطل قدامها يبدا الرعد وتنزل الامطار القوية

ويصبح الجو قابل للرقص
المشهد2: تكون البطلة داخل كولوار في نص غرفة تحت الارض وفجأة تلتقي بالبطل يبدا الريح يهزلها في شعرها

(اصلا الشعر لي مركبينهولها تقيل تتحرك غير لاماش تاعها ههه) توقف قدام الطاقة ماكانش الريح بصح تشوف البطل يدخل الريح حتى ولو تحت القبر، والمشكل هو يدور البطل ويروح يحبس الريح يعاود يحبس البطل يشوف معاها يولي الريح تحس الريح يلعب معاهم غميضا هههههه
ثالث نقطة عند الهنديين وهي الرقص والغناء
يعين الشي لي يحيرني تكون البطلة والبطل يمشيو في الشارع فجأة يبداو يرقصو ويغنيون

درك نقولو بالاك هو وياها حافظين الاغنية والرقصة من قبل بصح الشعب لي وراهم هاداك كيفاه ههههه حافظين الغناية والرقصة؟ ولا تفاهمو من قبل؟

و المشكل كامل صوتهم مليح

ويعرفو يشطحو، والمشكل الاكبر بين مقطع ومقطع يبدلو حوايجهم هههههه (من أنتم :s)

فاتو الخيال خلاص
رابع نقطة وهي ماكانش مستحيل عند الهنديين وماكانش حاجة اسمها موت
يرمي البطل نفسو من قمة جبل يتفتت ل 100 طرف يهزو القطع تاعو يرحيوهم ويحطوهم في قرعة فجاة غدوة يجي حي نورمال والمشكل ماش مجروح وصحيح ويزيد يغني وصوتو مليح هههههه
قبل عام تقريبا او عامين شفت ختي تتفرج في مسلسل هندي هيا قعدت نشوف معاها كاشما نضحك شوي ساع شفت البطل مات ويدفنو فيه والبطلة بقات يومين على قبرو وهي تبكي عليه بلا ماتتحرك كي قلت لختي واش المسلسل هادا لي يموت فيه البطل؟ ناضت تضحك قاتلي في الاخير راهو يدهر حي
استناو نخبط راسي ونرجع

هههه، والفترة هاديك لي البطلة تبكي على قبرو هو واش كان يدير؟ يكونيكتي في اللمة مثلا ههههه وكي تقلق حب يخرج يتنفس؟

آخر نقطة في الافلام والمسلسلات الهندية هي التأكيد على حركات الشخصيات وبعض اللقطات التافهة باه بيعمرو الحلقات
المشهد1: بدات الحلقة البطلة قاعدة في الحديقة يجي البطل من بعيد يشوفها يبقى حابس في بلاصتو ترفع راسها تشوف معاه يبقاو يشوفو كيف كيف

يبتسم هو زيد تبتسم هي يجي رايح تبقى تشوف معاه يزيد يحبس شوي يدور يشوف معاها يزيدو يبقاو يشوفو مع بعض وتخلص الحلقة هههه
المشهد2: تبدا الحلقة تكون العائلة مجتمعة يتناولو الفطور فجأة يدخل الإبن ويقول صباح الخير، فجأة تطيح المغرفة من يد الاب وتتخلع الجدة

ويدير صوت الرعد

وتتخلع الزوجة وتحط البنت يدها على فمها

والقط يهرب مسكين مايفهم والو (راهو قال صباح الخير يا جماعة ما اعترفش بجريمة

) وفجأة تخلص الحلقة هههه
المهم للآن لما نحب نضحك

نتفرج الافلام الهندية خاطر فيها الخيال الواسع والخرطي، بصح تبقى اذواق وكل واحد واش يحب يتفرج
هيا يا محبي الافلام الهندية كاشما حابين تدافعو تفضلو :sport01: وقولولنا علاه تحبو هاد الافلام
نتمنى يكون عجبكم الموضوع باه نرفهو شوي على بعضانا ^^ ونكون دخلت الفرحة على قلوبكم ولو ببسمة
نلتقي في مواضيع أخرى اتهلاو في رواحكم

​

 

[الامين محمد]

رد: الأفلام الهندية ... ادخلو تعرفو

ههههههههههههههههه
أختي الصغيرة يعطيك الصحة راكي وصفتي كل المشاااهد
شفتي الذكاء الهندي لدرجة ان البطل ما يموتش بالرصاص
حتى و يفوت فوقه جرار او بوكلا و يسقط عليه جبل
و ثاني الاسود يغلبها

الحاجة اللي صح كيما الملح في الطعام
لازم لشطيح في كل ثلاثين ثانية رقصة فيها نصف ساعة

شفتي الدموع كيف ما تضيعش الماكياج
حت البطلة تعرف مليح الكراطي يخلولها آخر لقطة تسلك حبيبها

لكن الشي المحزن غباءنا حنا
صح هم يضحك و هم يبكي كيما كانت تقول
جداتي مسعـودة اللله يرحمها
اافلا م الهندية صح هم يضحك

للأسف نقبل كل رديء و نتأثر به فرأغ كبير راني نعيشوه

​

 

[AmiR@RoRo]

رد: الأفلام الهندية ... ادخلو تعرفو

ههههههههههههههههههههههههههههههههههه
واش هدا يا مريم غبتي غبتي ودخلتي بقنبلة
راكي ماشي جبتي بسمة برك راكي جبتي ضحكة ملكبار هههه
انا وحدة من الناس جني جن الهنودا هادو
سبحان الله والله ديما تلقاي لي يتفرجوهم تحسب ساحرينهم بيهم
ما يقدرش يراطي حلقة وطول النهار في فمو حكاية المسلسل
اه سيرتو البنات كارته تلقايها مغرمه بالمسلسل لدرجة قادره تشد واحد من برا تحكيلو الحكايه ههه
ان شا الله تدخل ولا يدخل احد عشاق هاد المسلسلات ويقولونا وش السر لي مخليهم يعشقوهم كامل هاك ههه
صحيتي مريومة

 

[سكون الفجر]

رد: الأفلام الهندية ... ادخلو تعرفو

ههههههههههههه والله قتلتيني بالضحك اختي لؤلؤة، الله يسعد قلبك
والله معك الحق بكل شي قلتيه
لدرجة الان اذا واحد كلامه خيالي نقوله اييييييه بلش الفيلم الهندي
يا اختي تشوفي اشياء خرطي من الدرجة الأولى
بمرة شفت لقطة في اليوتيوب صاحب القناة حاطط مقطع من فيلم هندي على انشودة!!
المهم البطل عم يمشي على قطع الزجاج ويا حبيبي لو تشوفي رجليه وكل هالشي
منشان ابوها يرضى يزوجه بنتوو هيهيهييي يا عيني وشوفي الحركات الهبلة اللي عم تعملها البنت
بكاء وشوية دلع وشوية حركات مجنونة بعيونها كانها كتير متأثرة ههههه
عنجد وقتها ما سمعت ولا حرف من النشيد تقريباً وعيوني عم تشوف هالهبل وضحكت لحتى اختنقت ههههه

واحلى شي كمان وقت بتجي العواصف والبطل بتبلل وبتمسح فيه الارض
بس تسريحتوو وشكلو ما بيتغيرو بنوب ههههه كانه مصنوع من السيليكون

اييييه، صدقيني اختي في ناس مدمنين افلام هنديه، الله لا يبلانا
بااااارك الله فيكِ حبوبتي على الموضوع الطريف
ربي يسعد قلبك

 

[ليليا مرام]

رد: الأفلام الهندية ... ادخلو تعرفو

السلام عليكم اهلا وسهلا مريومة اييه نضت نوضة صحيحة رقاد الدببة ارواحي نقولك
شوفي زمان كنت نموت عليهم نروح نكري لي صيدي على جالهم ونعرف كامل الفنانيو يا شاروخ خان كان بطل احلامي شوفي هو ما فيه ما يعجبك مي اسمر يقتل وهذاك الزين يهبلني وكي يضحك ويبكي نموت انا نموت كانو يقولولي واش تحبي كادو نقولهم نتلاقا شاروخان اييه على يمات شاروخان
مي من بعد الصراحة شفتهم تافهين شوفي كل خطوة يشطحو ياو دوار كامل يشطح تكون البطلة فايتة على البطل حتى يبدا بهذاك الموال صوتو كي نتاع النسا ويطول فيها ويبدا كل شي يزغد فيه يا حوجي واشبيه تقولي رافد كونتور ويا الدوار كامل يصدم يشطح يروحو للموت تكون تبكي والخنونة ما تشوفيهاش ما تلحقيش عليها ياو باه يعزيها يعزيها بالشطيح كرهونا حياتنا شوفي راهي جاية موضة تلقاي رجال نتاعنا كلهم باللبسة نتاع الهنودا وديجا بدات تولي مودا والبنات تخيلي نلبسو الصاري ايييه والكرش عريانة ههههههههههههه وياخا راني نتخسل فحكيم داير ذاك القيطون فوق راسو غووووووووووز وسكر افندي يشطح لكاش وحدة فايتة وانا وانت بالساااااااااااااري الصح صح مريومة والله يجيك يهبل سيرتو لون احمر هههههههههههههه
ويا الفضيضح ما فهمتش وين راهي شخصيتنا حنا وينها افلامنا ومسلسلاتنا ما عندناش 0 اييه كان عمر قتلاتو حتى قتلتهم كامل الرجلة ايييه من علي يموت واقف ماتو قاعدين وااااااااااااااع و زيد شفيقة وسليم وعبدو يغني وشفيقة محزمة خابطة مناك وحنا كامل خابطين ما رانا جايبين خبر ههههههههه الفليم الوحيد اللي صح مشا معانا يمى حبيت نتقاياااااااااااا
رحنا للبلدية شفناها ورانا حرنا في يماها مول القيشي طاح حماها ساعة واحنا واقفين دزك دزك دزك
لا بطاطا لا خرشف لا مقلى ولا مغرف يا ربي بنا والطف وسلك هاذ الحاصلين
لاخر يتكيف فالشعرة ولاخر يتكيف فالبعرة والضربة ربي يعطيها لهذا الناس الفاسدين دزك دزك هههههههراني حافظتها يا محايتنك لو تشوفي كي نغنيها بالبندير هههه
شكرا

 

[الامين محمد]

رد: الأفلام الهندية ... ادخلو تعرفو

نسيت حاجة أختي الصغيرة
راكي بدلتي اللوك
و دبرتي هاذوك الهوايش و الحشرات

بلا ما ننسى اللون البنفسجي
مسكين اللون البنفسجي راكي قبشتيله مشاعره
رايح يحزن لأنك الوحيدة اللي كنتي تزوريه ههههههههههه​

 

[الامين محمد]

رد: الأفلام الهندية ... ادخلو تعرفو

السلام عليكم اهلا وسهلا مريومة اييه نضت نوضة صحيحة رقاد الدببة ارواحي نقولك
شوفي زمان كنت نموت عليهم نروح نكري لي صيدي على جالهم ونعرف كامل الفنانيو يا شاروخ خان كان بطل احلامي شوفي هو ما فيه ما يعجبك مي اسمر يقتل وهذاك الزين يهبلني وكي يضحك ويبكي نموت انا نموت كانو يقولولي واش تحبي كادو نقولهم نتلاقا شاروخان اييه على يمات شاروخان
مي من بعد الصراحة شفتهم تافهين شوفي كل خطوة يشطحو ياو دوار كامل يشطح تكون البطلة فايتة على البطل حتى يبدا بهذاك الموال صوتو كي نتاع النسا ويطول فيها ويبدا كل شي يزغد فيه يا حوجي واشبيه تقولي رافد كونتور ويا الدوار كامل يصدم يشطح يروحو للموت تكون تبكي والخنونة ما تشوفيهاش ما تلحقيش عليها ياو باه يعزيها يعزيها بالشطيح كرهونا حياتنا شوفي راهي جاية موضة تلقاي رجال نتاعنا كلهم باللبسة نتاع الهنودا وديجا بدات تولي مودا والبنات تخيلي نلبسو الصاري ايييه والكرش عريانة ههههههههههههه وياخا راني نتخسل فحكيم داير ذاك القيطون فوق راسو غووووووووووز وسكر افندي يشطح لكاش وحدة فايتة وانا وانت بالساااااااااااااري الصح صح مريومة والله يجيك يهبل سيرتو لون احمر هههههههههههههه
ويا الفضيضح ما فهمتش وين راهي شخصيتنا حنا وينها افلامنا ومسلسلاتنا ما عندناش 0 اييه كان عمر قتلاتو حتى قتلتهم كامل الرجلة ايييه من علي يموت واقف ماتو قاعدين وااااااااااااااع و زيد شفيقة وسليم وعبدو يغني وشفيقة محزمة خابطة مناك وحنا كامل خابطين ما رانا جايبين خبر ههههههههه الفليم الوحيد اللي صح مشا معانا يمى حبيت نتقاياااااااااااا
رحنا للبلدية شفناها ورانا حرنا في يماها مول القيشي طاح حماها ساعة واحنا واقفين دزك دزك دزك
لا بطاطا لا خرشف لا مقلى ولا مغرف يا ربي بنا والطف وسلك هاذ الحاصلين
لاخر يتكيف فالشعرة ولاخر يتكيف فالبعرة والضربة ربي يعطيها لهذا الناس الفاسدين دزك دزك هههههههراني حافظتها يا محايتنك لو تشوفي كي نغنيها بالبندير هههه
شكرا

ههههههههههههه
انت فريمو مهبووولة
و الله ضحكتيني

 

[زهرة اللمة]

رد: الأفلام الهندية ... ادخلو تعرفو

هههههههههههههههه و الله ضحكت من قلبي

صراحة حتى انا نحب نتفرج لهم

 

[زهرة اللمة]

رد: الأفلام الهندية ... ادخلو تعرفو

حالياً الأعضاء النشيطين الذين يشاهدون هذا الموضوع: 20 (3 عضو و 17 ضيف)
‏المدريدية, ‏أحبك ياجزائر, ‏سكون الفجر+

 

[بنقابي افتخر]

رد: الأفلام الهندية ... ادخلو تعرفو

المشهد2: تكون البطلة داخل كولوار في نص غرفة تحت الارض وفجأة تلتقي بالبطل يبدا الريح يهزلها في شعرها (اصلا الشعر لي مركبينهولها تقيل تتحرك غير لاماش تاعها ههه) توقف قدام الطاقة ماكانش الريح بصح تشوف البطل يدخل الريح حتى ولو تحت القبر، والمشكل هو يدور البطل ويروح يحبس الريح يعاود يحبس البطل يشوف معاها يولي الريح تحس الريح يلعب معاهم غميضا هههههه
آهههههههههههههه
ضحكتيني
بصح هادي فوووووور والله المشهد الوحيد اللي محيرني وحسابلي لقيتيلو تفسير
ساعه بقى لغز العصر خخخخخخخ

 

[لؤلؤة قسنطينة]

رد: الأفلام الهندية ... ادخلو تعرفو

ههههههههههههههههه
أختي الصغيرة يعطيك الصحة راكي وصفتي كل المشاااهد
شفتي الذكاء الهندي لدرجة ان البطل ما يموتش بالرصاص
حتى و يفوت فوقه جرار او بوكلا و يسقط عليه جبل
و ثاني الاسود يغلبها

الحاجة اللي صح كيما الملح في الطعام
لازم لشطيح في كل ثلاثين ثانية رقصة فيها نصف ساعة

شفتي الدموع كيف ما تضيعش الماكياج
حت البطلة تعرف مليح الكراطي يخلولها آخر لقطة تسلك حبيبها

لكن الشي المحزن غباءنا حنا
صح هم يضحك و هم يبكي كيما كانت تقول
جداتي مسعـودة اللله يرحمها
اافلا م الهندية صح هم يضحك

للأسف نقبل كل رديء و نتأثر به فرأغ كبير راني نعيشوه

​

أهلا بيك أخي نورتني بمرورك العطر ^^
هههههههههه شفت كيفاه؟؟ خيال لا مثيل له
يدابزو ويشطحو كتر من لي يمثلو الفيلم
فيلم فيه ساعتين تلقى ربع ساعة برك سيناريو
والباقي شطيح وتقابيد ودموع وساعات يتفرجو مع بعضاهم هههه
يعني ربي يهدينا برك خاطر والله كي نحب نضحك نحط نتفرجهم
خاطر عداو الخيال خلاص
​

نسيت حاجة أختي الصغيرة
راكي بدلتي اللوك
و دبرتي هاذوك الهوايش و الحشرات

بلا ما ننسى اللون البنفسجي
مسكين اللون البنفسجي راكي قبشتيله مشاعره
رايح يحزن لأنك الوحيدة اللي كنتي تزوريه ههههههههههه​

ههههههههه هادوك الحشرات جابهملنا خونا مالك هو لي اكتشفهم
ساع وليت خطفتهم ههههه، اللون البنفسجي راني وليتلو
نستعمل الاسود في المواضيع والبنفسجي في الردود :d
شكرا خويا على مرورك العطر والجميل
ان شاء الله نكون دخلت البسمة عليك ^^
تحياتي العطرة لك :regards01:

​

 

[أم الأولاد]

رد: الأفلام الهندية ... ادخلو تعرفو

هههههههههههههه يعطيك الصحة اختي انا عندي عقدة من الهنودا واش نكرههم لااطيقهم حاليا المراهقات لي يتابعو فيهم نظن لي كبيرة وعقلها كبير ميسحروهاش نظرا لتفاهة مشاهدهم معندهم حتى معنى صحاب الهف وراكي فصلتي تفاهاتهم في موضوعك

 

[لؤلؤة قسنطينة]

رد: الأفلام الهندية ... ادخلو تعرفو

ههههههههههههههههههههههههههههههههههه
واش هدا يا مريم غبتي غبتي ودخلتي بقنبلة
راكي ماشي جبتي بسمة برك راكي جبتي ضحكة ملكبار هههه
انا وحدة من الناس جني جن الهنودا هادو
سبحان الله والله ديما تلقاي لي يتفرجوهم تحسب ساحرينهم بيهم
ما يقدرش يراطي حلقة وطول النهار في فمو حكاية المسلسل
اه سيرتو البنات كارته تلقايها مغرمه بالمسلسل لدرجة قادره تشد واحد من برا تحكيلو الحكايه ههه
ان شا الله تدخل ولا يدخل احد عشاق هاد المسلسلات ويقولونا وش السر لي مخليهم يعشقوهم كامل هاك ههه
صحيتي مريومة

أهلا أموووورة نورتيني بمرورك حبيبتي :love01:
ههههههه قلت نوض من السبات شوي باه نحي الاشاعات لي لصقهملنا خونا مالك :d
اييه اسكتي برك هادي سحر الاسمر وهادي هادي سحر الابيض وهادي معرف واش و الناس تبع وتبكي وتمسح بالبابي موشوار هههه
انا كي نشوفهم مانكدبش عليك نموت ضحك من الحركات تاعهم يقتلوني وخاصة لقطة نسيت ماذكرتهاش
تاع يجي واحد يتكلم زعما مع باباه حتى يلقى باباه يقولو حبس والمشكل الإبن يحبس كيما راه الحرف مايكملوش
تقول دارلو السطوب ولا سحرو هههههه يعني واحد الشي يقتل ضحك وخيال واسع وشاسع
ام مازالو مادخلوش لي يحبو الافلام الهندية ههههه نشوفو واش سحرهم
شكرا امورة على مرورك الجميل مزية لي خليت البسمة عليك
تحياتي القلبية لك :regards01:
​

 

[لؤلؤة قسنطينة]

رد: الأفلام الهندية ... ادخلو تعرفو

ههههههههههههه والله قتلتيني بالضحك اختي لؤلؤة، الله يسعد قلبك
والله معك الحق بكل شي قلتيه
لدرجة الان اذا واحد كلامه خيالي نقوله اييييييه بلش الفيلم الهندي
يا اختي تشوفي اشياء خرطي من الدرجة الأولى
بمرة شفت لقطة في اليوتيوب صاحب القناة حاطط مقطع من فيلم هندي على انشودة!!
المهم البطل عم يمشي على قطع الزجاج ويا حبيبي لو تشوفي رجليه وكل هالشي
منشان ابوها يرضى يزوجه بنتوو هيهيهييي يا عيني وشوفي الحركات الهبلة اللي عم تعملها البنت
بكاء وشوية دلع وشوية حركات مجنونة بعيونها كانها كتير متأثرة ههههه
عنجد وقتها ما سمعت ولا حرف من النشيد تقريباً وعيوني عم تشوف هالهبل وضحكت لحتى اختنقت ههههه

واحلى شي كمان وقت بتجي العواصف والبطل بتبلل وبتمسح فيه الارض
بس تسريحتوو وشكلو ما بيتغيرو بنوب ههههه كانه مصنوع من السيليكون

اييييه، صدقيني اختي في ناس مدمنين افلام هنديه، الله لا يبلانا
بااااارك الله فيكِ حبوبتي على الموضوع الطريف
ربي يسعد قلبك

أهلا بالجميلة سكون نورتيني بمرورك العطر :love01:
ههههههههه شفتي سخرية من النوع الرفيع
البطل يمشي فوق الزجاج وفوق النار وفوق البحر ويطير نورمال
واللقطة لي تقتلني ضحك لما البطلة تجي رايحة وتودع البطل ويلص الساري تاعها باللبسة تاعو
زعما ابقاو مع بعض وماتفتارقوش ههههههه
هههههههههه ضحكتيني لما قلتي مصنوع من السيليكون فعلا يتمرمد ويتضرب وتديه العواصف
ويبقى كيما راه شعرو ممشوط وأكديلي على السيشوار تحسيه يتكلم براسو ماش بفمو
لدرجة باه يحرك شعرو ههههههه
والله كوميديا من النوع الرفيع
شكرا غاليتي على مرروك العطر وربي يفرحك دنيا وآخرة
والحمد لله أني رسمت البسمة على وجهك ربي يدومها ان شاء الله
تحياتي القلبية لك :regards01:
​

 

[Hakan]

رد: الأفلام الهندية ... ادخلو تعرفو

هههههههه يخي مريم يخي
ياي راكي خربتيلي في الدومان نتاعي
يعني صراحة انا كرت من محاربي الافلام الهندية
حتى ساع في 2013 على ما اضن
كنت نتفرج في اليوتيوب حتى خرجلي مقطع تمت مشاهدته بزااف
دخلت ليه لقيتها كي شغل مسيقى
وفيها صورة وحدة عجبتني النغمة نتاعها وقلت نتفرج الفيلم نتاعها
والمشكل طاحلي مع النهارات كان المورال هاابط ايا تفرجتو وماكانش فيه الخرطي نتاع القتال وغيرو
يعني حااجة سامبل وزيد الحاجة اللي مليحة فيه انو الممثلة ماكانتش تلبس حوايج قبااح مام الممثل هكاك
وما فيهش الرقص ونضن تم تصنفو في هذاك العام كاحسن فلم
ايا ومن هذاك النهار بديت نتبعهم ومن بعد فقت لعمري بلي كل شيء خرطي فيه وجميع المشاهد اللي حكيتي عليهم
تلقاهم في غالبيت الافلام الهندية وشعبنا الله غالب قاتلو الفيد برك
ربي يهنيك ختي سلاام ..​

 

[لؤلؤة قسنطينة]

رد: الأفلام الهندية ... ادخلو تعرفو

السلام عليكم اهلا وسهلا مريومة اييه نضت نوضة صحيحة رقاد الدببة ارواحي نقولك
شوفي زمان كنت نموت عليهم نروح نكري لي صيدي على جالهم ونعرف كامل الفنانيو يا شاروخ خان كان بطل احلامي شوفي هو ما فيه ما يعجبك مي اسمر يقتل وهذاك الزين يهبلني وكي يضحك ويبكي نموت انا نموت كانو يقولولي واش تحبي كادو نقولهم نتلاقا شاروخان اييه على يمات شاروخان
مي من بعد الصراحة شفتهم تافهين شوفي كل خطوة يشطحو ياو دوار كامل يشطح تكون البطلة فايتة على البطل حتى يبدا بهذاك الموال صوتو كي نتاع النسا ويطول فيها ويبدا كل شي يزغد فيه يا حوجي واشبيه تقولي رافد كونتور ويا الدوار كامل يصدم يشطح يروحو للموت تكون تبكي والخنونة ما تشوفيهاش ما تلحقيش عليها ياو باه يعزيها يعزيها بالشطيح كرهونا حياتنا شوفي راهي جاية موضة تلقاي رجال نتاعنا كلهم باللبسة نتاع الهنودا وديجا بدات تولي مودا والبنات تخيلي نلبسو الصاري ايييه والكرش عريانة ههههههههههههه وياخا راني نتخسل فحكيم داير ذاك القيطون فوق راسو غووووووووووز وسكر افندي يشطح لكاش وحدة فايتة وانا وانت بالساااااااااااااري الصح صح مريومة والله يجيك يهبل سيرتو لون احمر هههههههههههههه
ويا الفضيضح ما فهمتش وين راهي شخصيتنا حنا وينها افلامنا ومسلسلاتنا ما عندناش 0 اييه كان عمر قتلاتو حتى قتلتهم كامل الرجلة ايييه من علي يموت واقف ماتو قاعدين وااااااااااااااع و زيد شفيقة وسليم وعبدو يغني وشفيقة محزمة خابطة مناك وحنا كامل خابطين ما رانا جايبين خبر ههههههههه الفليم الوحيد اللي صح مشا معانا يمى حبيت نتقاياااااااااااا
رحنا للبلدية شفناها ورانا حرنا في يماها مول القيشي طاح حماها ساعة واحنا واقفين دزك دزك دزك
لا بطاطا لا خرشف لا مقلى ولا مغرف يا ربي بنا والطف وسلك هاذ الحاصلين
لاخر يتكيف فالشعرة ولاخر يتكيف فالبعرة والضربة ربي يعطيها لهذا الناس الفاسدين دزك دزك هههههههراني حافظتها يا محايتنك لو تشوفي كي نغنيها بالبندير هههه
شكرا

وعليكم السلام ورحمة الله بركاته
هههههههههههههههههههههه قتلتيني ضحك الله يعطيك الربح
جيت نضحكك ضحكتيني كن علابالي كن تقاسمنا الموضوع ودرنا موضوع مشترك هههههههه
يعني وحدك صح مالقيت واش نزيد على كلامك والافلام الجزائرية راني درت عليهم من قبل موضوع في رمضان لي فات بعد ههههه
وكان كوميدي بعد :p عجبتني تاع الهنودة ربي يهديك برك وتبعي في شاروخان آه ؟؟ هههههه
والله مالقيت واش نزيد ردك بحد ذاتو موضوع
ربي يحفظك على مرورك الجميل والعطر وربي يهنيك وربي يشفيك حبيبتي
تحياتي القلبية لكِ :regards01:
​

 

[لؤلؤة قسنطينة]

رد: الأفلام الهندية ... ادخلو تعرفو

هههههههههههههههه و الله ضحكت من قلبي

صراحة حتى انا نحب نتفرج لهم

اهلا بالمدريدية نورتيني جميلتي :love01:
ربي ديوم الضحكة ان شاء الله حبيبتي ويجعل ايامك كلها فرح
صار تتفرجيهم؟ظ هاهي جات أول متهمة :p احكمو عليها بالاعدام ههههه
تقدري تعطينا شعورك بهاد المناسبة وتقوليلنا علاه تتفرجي افلام هندية؟؟ :d
غير نضحك والله كل كل واحد وذوقو في الحياة وكل واحد واش يحب
تتفرجي هندية ولا كورية ولا روسية كل واحد حر هذا موضوع للترفيه برك
الانسان حكمو الستراس من القراية والامتحانات هيا يخرج غشو في المواضيع هههه
ربي يحفظك حبيبتي على المرور العطر والجميل
تحياتي القلبية لكِ :regards01:

​

 

[شاعرة الأمل]

رد: الأفلام الهندية ... ادخلو تعرفو

اضحك الله سنك حبيبتي
والله غير تاع الصح فاجيتي عليا مي راني شفت بلي دخلتي دخلة صحيحة :-h
الله يبارك بش ماتقوليش عاينتني ..وراني نشوف التمنشير تاع سكر افندي نفع ..كامل لي كانو في سبات فطنو:up:
نوليو للموضوع انتي كفيتي وفيتي والله تاع صح معمرين خرطي وخيال :down:
وانا شخصيا مانحبش نتفرجهم لخاطرش حساسة بزاف ههههههههههه يقتلني الوفاء والرومانسية لي عندهم يا مامي :yahoo01:
وداك الشطيح والرديح كل ربع ساعة ..والغاشي لي جي يرقص معاهم كانو مخبرينو بلي راح يديرو فيها شطحة :s
واكديلي على الضرب كي تسمعيه هههههه دgش دgش طاع طاع هههههههههه
والرصاص مايفوتش فالبطل تقول مطاطي والبطلة تاني سبورتيف تسلك على حبيبها في النهاية
مشكورة مريومة عالموضوع في انتظار جديدك
تقبلي مروري [/CENTER ]​

 

[لؤلؤة قسنطينة]

رد: الأفلام الهندية ... ادخلو تعرفو

المشهد2: تكون البطلة داخل كولوار في نص غرفة تحت الارض وفجأة تلتقي بالبطل يبدا الريح يهزلها في شعرها (اصلا الشعر لي مركبينهولها تقيل تتحرك غير لاماش تاعها ههه) توقف قدام الطاقة ماكانش الريح بصح تشوف البطل يدخل الريح حتى ولو تحت القبر، والمشكل هو يدور البطل ويروح يحبس الريح يعاود يحبس البطل يشوف معاها يولي الريح تحس الريح يلعب معاهم غميضا هههههه
آهههههههههههههه
ضحكتيني
بصح هادي فوووووور والله المشهد الوحيد اللي محيرني وحسابلي لقيتيلو تفسير
ساعه بقى لغز العصر خخخخخخخ

اهلا حبيبتي نورتيني بمرورك العطر :love01:
هههههههههههه هاديك هي اللقطة لي تقتلني ضحك
كي نشوف البطل جاي من بعيد نفهم بلي الريح درك يتدخل هههههه
ويبدا شعرها يتحرك وهو شعرو يتحرك والسيشوار الراعي الرسمي
وكيما قلتي لغز لازمو يتحل الريح هادا تحسيه يلعب الغميضا :p
والله خيال ماش طبيعي
شكرا حبيبتي على مرورك الجميل والعطر ربي يحفظك
تحياتي القلبية :love01:
​

 

[لؤلؤة قسنطينة]

رد: الأفلام الهندية ... ادخلو تعرفو

هههههههههههههه يعطيك الصحة اختي انا عندي عقدة من الهنودا واش نكرههم لااطيقهم حاليا المراهقات لي يتابعو فيهم نظن لي كبيرة وعقلها كبير ميسحروهاش نظرا لتفاهة مشاهدهم معندهم حتى معنى صحاب الهف وراكي فصلتي تفاهاتهم في موضوعك

اهلا عروسة البحر الجميلة نورتينا :love01:
ههههههههههه شفتي كيفاه ديرلك العقدة بالسيف
هادا ريح وهادا رعد وهادي امطار مايجي البطل والبطلة يتزوجو يدير تسونامي ههههه
ربي يهدينا برك والله من بكري الافلام الهندية مشهورة بهبالها وخرافاتها
واشوا درك زادهم السيارات والفيلات واللبسة العصرية
ولاو جبدو المشاهدين هادا ماكان
ويبقى هادا مجرد اختلاف في الآراء وكل واحد حر في واش يتفرج يعني باه نرفهو برك
شكرا حبيبتي على مرورك فرحتيني بيه ربي يهنيك
تحياتي القلبية :regards01:
​